تجمع امهات 2008 حياكم

[احلى كويتيه]

هلا احلى

ملبوس العافية ان شاء الله

و ما يغلى على البنوتة اللي مو بالسيل

عوااااااااااااااااااااااااااااااااااافي

مشكوره ياقلبي يعطيج العافيه افا عليج صج غير الي مو بالسيل حلو​

 

[احلى كويتيه]

وينكم

 

[mrs_sugar]

صباح الخير

كاني احلى

شلونكم و شخباركم

 

[أم وجيه]

صباحوووووو

أحلى شلونك وشلون البنوته شفتي شلون لبس البنات يهبل سنتر بوينت يبت منه شغلات ناعمه وأمس رحت فاشن مل اللي فتح بالفروانية بضاعتهم غير عن فاشن مل اللي بحولي والسالمية هذا متروس كله ملابس بنوتات تهبل صج تهبل ما شفتهم بأي مكان قبل أكثرهم لجنز ونتفه يحليلهم وشكثر موديلات تبين تخربين الميزانيه صج روحي لهم آنا رحت مذركير قبل التنزيلات بيوم ما عجبني شي يمكن نزلو أشياء يديده

 

[mrs_sugar]

شقوره شدي حيلج بالدايت انه احس يبيلي بس 4 كيلو وارد سمبتيك يعني سهالات مع لويه الدوام بعدين راح اضعف انشالله بس الحين خلوني مربربه لووووووووووووووووول

اكل ومرعا وألة صنعا

عليج بالعافية حبيبتي

بس ديري بالج لازم تنزلين هالجم كيلو

لا تخلينهم يتراكمون على مر السنين

حلوة على مر السنين ها؟ :dddds:

انا اهملت هالجم كيلو لما صاروا كيلوات ماني قادرة انزلهم

 

[mrs_sugar]

هلوووووووووووووووووووووو ام جوجو

شخبارج و شخبار اليهال

 

[أم وجيه]

صباحوو شقورة شلونك اليوم كسلانه

شقورة وأحلى شجعتوني بنزل وزني بعد بس آنا الأكل أصلا مو ذاك الزوود بس أبي رياضة يعني ببتدي هاليومين وبقولكم آخر الأخبار ومن ناحية الأكل بس اني أستبدل السكر بالسكرين وآكل خبز وضمون أسمر هذا اللي أقدر عليه وبنزل 4-5 كيلو وبرتب جسمي يلا خنسوي تجمع مزور هني نشجع بعض

 

[أم وجيه]

هلا شقورة

أمس كان تطعيم وجيه 3.6 مسكين يا عمري ريله تعوره مو قادر يمشي عليها وصخونه حبيبي مع انه لما غزته الابره ما بجي ولا تحرك ولا شي جبار حبيبي بس بالليل طلعت البلاوي ياني بالليل ماما مو قادر أمشي أقوله نام عندي يقول لا بنام بفراشي تروح الواوا وراح نام ورحت نمت عنده بوس الواوا خلي الواوا بحححححححححح :wqedqw: ​

 

[mrs_sugar]

صباحوو شقورة شلونك اليوم كسلانه

شقورة وأحلى شجعتوني بنزل وزني بعد بس آنا الأكل أصلا مو ذاك الزوود بس أبي رياضة يعني ببتدي هاليومين وبقولكم آخر الأخبار ومن ناحية الأكل بس اني أستبدل السكر بالسكرين وآكل خبز وضمون أسمر هذا اللي أقدر عليه وبنزل 4-5 كيلو وبرتب جسمي يلا خنسوي تجمع مزور هني نشجع بعض

يلا اوكي

نسوي مسابقة مزورة هني بس على شرط اللي ترضع طبيعي ما توقف رضاعة

و اللي تحس انه الحليب خف عالبيبي تاكل مثل اول

ولا تدرون عندي اقتراح ثاني بدال الدايت

اشرايكم

نسوي الآتي :

نلغي السكر و نحط بداله بدائل السكر او بدون للي تحب

نستبدل الخبز الأبيض و الصمون بأسمر .. طبعا راح يكون نفس الكالوريز بس الياف اكثر

نلغي المشروبات الغازية و نستبدلها بحليب او عصاير فريش

ماكو خرابيط بالأكل مثل الكاكاو و البساكيت الي ما منها فايدة

المشي كل يوم نص ساعة

طبعا انا كل هالأشياء قاعدة تسويلي اياها شركة الدايت اللي مشتركة فيها

لأنه كمية الأكل ما شاء الله وايد

شرايكم؟

 

[mrs_sugar]

هلا شقورة

أمس كان تطعيم وجيه 3.6 مسكين يا عمري ريله تعوره مو قادر يمشي عليها وصخونه حبيبي مع انه لما غزته الابره ما بجي ولا تحرك ولا شي جبار حبيبي بس بالليل طلعت البلاوي ياني بالليل ماما مو قادر أمشي أقوله نام عندي يقول لا بنام بفراشي تروح الواوا وراح نام ورحت نمت عنده بوس الواوا خلي الواوا بحححححححححح :wqedqw: ​

حراااااااااااااااام


يكسرون الخاطر اليهال مع التطعيم

الكبار و الصغار

لا ما يشوف شر حبيبي

 

[كويتيه وافتخر]

السلام اشلونكم


بتنزلون وزن ؟؟؟ الله يعينكم انا وزني مناسب بس باشجعكم

اخباركم ؟
انا باسالكم عن ولدي اشوفه متصلب جسمه فاهمين قصدي ؟؟ مافيه ليونه يشد جسمه حيل ؟؟ باعرف هذا من شنو ؟؟؟؟؟؟؟؟؟

 

[أم وجيه]

هلا كويتية ان شاء الله يتعافى وما يظل فيه الا العافيه

شقورة آنا أسوي مثل ما قلتي وبديت من بداية هذا الاسبوع وان شاء الله بستمر بس مثل ما قلتي إذا خف الحليب أرد
يعني أمس حسيت انه الحليب شوي كليت رهش بس ما أبي أخربط وايد الا للضرورة ونشوف يمكن يفيد ويانا

أحلى وينج يا أم كرت يلا شرايك تبدين ويانا ومنو بعد يلا نشجع بعضنا

بس أهم شي الحليب

 

[Assolah]

السلام عليكم شلونكم بنات

انا ولدت يوم الجمعة اللي طاف وبشارك معاكم هذي ثاني ولادة وانا عندي ولد عمره سنة ونص والحين يبت بنوتة حلوة الله يخليها لي انشالله

 

[mrs_sugar]

حياج الله ويانا

و الحمدلله على سلامتج و مبروك ما يبتي

بس سؤال

اسمج اسولة و لا عسولة

 

[احلى كويتيه]

شخبااااااااااااااااااركم

اليوم الله يسامحهم الدوام كرفوني كراف ومارفعت راسي الا الساعه 1.20 دقيقه :cxxxp:

ام جوجو مايشوف شر من التعيم حطيله كمادات دافيه وماابي اروح المعاش طاااااااااااااااااار ليش ماقلتيلي قبل لا اروح مذركير:eh_s(14):

شوقر حبيبتي والله الي تبي تاكل صمون ماراح تضعف كله خميره خلينا على الخبز ابرك والخبز المدور الصغار حلو للرجيم

Assolah حمد الله على سلامتج ومبروك مايبتي عاشوا البنات هالسنه الاغلبيه لهم


وانا بعد قاطعه المشروبات الغازيه من زماااااااااااان والسكر سكر ذره من يوم الاحد الي طاف ومخففه اكلي والخرابيط بدالهم تفاحه او خياره او عصير اناناس بس الي ناقصني المشي​

 

[احلى كويتيه]

بسالكم منو طعم حق بـشهور يسخن نعطيهم ادول نحطلهم كماده دافيه

كويتيه سلامته ولدج مايشوف شر انا اشوف الموضوع عادي بس مايمنع تعرضيينه على دكتور​

 

[princesa n3oma]

موجودين بنادي فليكس بالشعب البحري

يسوون لج النظام و ييبون لج الوجبات ب 200 دينار بالشهر

الله يوفقك يا شوقر .....

 

[Na77olah]

مرحبا بنات

ام وجيه عندي استفسار ليش تاكلين رهش انا ادري انه يدر الحليب بس في اشياء ثانيه ماتمتن وتدر الحليب مثل البقدونس والنعناع وفي اعشاب تدر الحليب وفي شاي اعشاب يدر الحليب ولا انتي شايفه بتجربتج انه الرهش احسن؟

 

[mrs_sugar]

بسالكم منو طعم حق بـشهور يسخن نعطيهم ادول نحطلهم كماده دافيه

كويتيه سلامته ولدج مايشوف شر انا اشوف الموضوع عادي بس مايمنع تعرضيينه على دكتور​

ما طعمتها بعد

الدرن ما يحتاج شي

لا ادول ولا كمادات

 

[mrs_sugar]

شوقر حبيبتي والله الي تبي تاكل صمون ماراح تضعف كله خميره خلينا على الخبز ابرك والخبز المدور الصغار حلو للرجيم

​

بعد يعني ساعات الواحد يشتهي