تحدي لمدة 30 يوم – متجدد

[((shoOoshoOo))]

يوميات البطه شوشو ^_^

الريوق = ماكووو كنت نايمه لووول

الغدا = 10 ملاعق عيييش وملعقتين روووب وسلطه وشوي دياي ينتف لي ريلي (( لو انا ماخذه ابرك مانتف لي وايد لوووول ))


السناك = تشيز كيك تمر خذيت قطعه وسط مربعه (تقريبا اربع قطعه صغنونات لووول خاسه يتأنيب ضمير فقاعده ارقع ( طبقه بسكوت بزبده وفوقهاا تمر بقيمر اتوقع )



وعقبهااا بطاط خل ليزز الصغير



العشا : فطيره سبانخ لبنه
+ عصير برتقال
ويمكن اكل عكاوي ^_^



عالعموم احس قاعده امصخها توني مادشيت الثالث مفروووض استغل هالفتره واسوي داييت سنننع مو تخفيف

 

[((shoOoshoOo))]

للعلم تو ماتعشيت عالساعه عشرررر


والميزان امس قست كان 67.7

 

[لله دري]

الله يعافيكم حبايبي

بسكوته

غرامي البرجر دجاج بس
بس حلووو خنجرب شورانا يمكن تطلع الذ
اسوي سيرج واشوفها :$

وقبل شوي شربت الشوربه اللي قلتي عنها لذيييذه وتشبع
بعد عمري قايله حق امي من زمان ولا تحطلي اياها بعد الفطور » لاني ماعرف اطبخ كلش ف قلت لها

ومادري جم نقطه عليها بس اشوا باجي شكثر نقاط ف ماتوقع تتعدا ال 3 نقاط يومي تمام الحمدلله

وعليكم بالعافيه ياحلوين
شوشو اي بس مو تسوين شي قاسي مو زين لج
عشان عقب النفاس ان شاءالله تطلعين منيكان :$
وجربي النقاط او السعرات ينفع لج وبما انج حامل احس حلوو

وصج هم قسته من قعددت طلع 68
توبه اقيس مرا ثانيه الا الصبح لوول

 

[لله دري]

صباااااحوو

اليوم مداومه ومحاضرتي مبجر جدًا :d
ف تريقت بالكليه ما مدداني اتريق بالبيت متأخره كنت

شربت جاي اخضر عالريج

وبعدها بساعتين تريقت
صمونة لبنه بالزعتر = 4
و بطل ماي شربت

ومشيت 25 دقيقه

وغداي ان شاءالله بيكون
10 قفاش عيش مشخول = 4
روب لايت = 2
سلطة خضار = 0

والعشا اذا جعت

بيضه مسلوقه = 2
جبن لايت = 1

المجموع 12 من اصل 20


ودعواتكم اليوم ماراح ادش بقعد ادرس
حق امتحاني باجر عددل مبدعه بالأول وبعيده

 

[بـ سـ كـ وتـ ة]

سوري بنات داشة أرد على سؤال شوشو لأنه ما يتأجل وان شالله أرجع لكم بعدين أكمل

اسم الله عليج الإفرازات البنية يسمونها إجهاض منذر أو خطر إجهاض

ديري بالج على نفسج تكفين لا تغلطين غلطتي

خلي كل شي يولي وخلج على ظهرج طووووول الوقت

وقصدي فعلا طول الوقت

يعني تكرمين تقومين تروحين الحمام وترجعين تنسدحين

حتى أكلج وشربج خلج شبه منسدحة نفس وضعية سرير المستشفى

والتزمي بفيتاميناتج وبالمثبت وطبعا أكيد لازم تروحين الطبيب

احتمال يزيدون الدوفاستون واحتمال أكبر يعطونج إبرة هرمون بعد ما يقيسون نسبة الهرمون في دمج

لا تستهينين بالموضوع ترى صار فيني نفس الشي شهر 11 اسم الله عليج

والله لا يذوقج مرارة الإحساس بالذنب

الأكل خلج عالمطاعم وإذا عندج أحد يساعدج الوالدة أو أم ريلج أو خواتج

حتى لو تطلبين من الحريم هالفترة إذا ما تحبون أكل المطاعم

مواعينج بلاستيك تاكلين وريلج يساعدج يقطهم

ما تسوين ولاااااشي لحد ما تعدين الثالث من غير شر ان شالله

الله يثبت حملج ويفرحج بشوفة ضناج سليم معافى يارب

وحطي في بالج ... الخيرة فيما اختاره الله بس أهم شي احنا ناخذ بالأسباب ونتوكل على الله

 

[بـ سـ كـ وتـ ة]

لله دري ... بشري اشسويتي بالامتحان

وشوشو هم بشري ان شالله أحسن

طول اليوم أفكر فيكم بس انشغلت في البيت تنظيف وطباخ وحوسة

أمس تريقت بيضة مفيوحة وطماط وخيار فوقهم شوية جبن مع كوب شاي وحليب

طبعا كله بدون ملح

تغديت مجبوس لحم العيش معاه جزر مبشور عشان الواحد شوي ياكل على راحته بس هم ما كثرت

واللحم محمش بالفرن ما قليته أحلى طعمه بالفرن

وما تعشيت اهو كان غدا وعشا

اليوم تريقت بيضتين قليتهم بمايونيز بدال الزيت وحطيت جبن بالنص مع برتقالة وكوب شاي وحليب

ريوقي كان امبجر قبل 7 ونص

الساعة 10 تقريبا كليت تفاحة خضرا وشربت ماي

بعدين تغديت الساعة 3 شوية عيش ودقوس باقي غدا أمس لأني لاهية ما طبخت قاعدة أسوي تصفية حق ملابسنا كلنا

والعشا بماي فوح اللحم اللي بقى من المجبوس سويت Pink Pasta اكليت نص كوب بس الصراحة طعم ماي اللحم وااايد فرق

صارت لذيذة حتى فطوم عجبتها

وبس الحمدلله

بحاول بعد شوي أشرب بعد ماي أكمل لتر عالأقل



طمنوني عنكم بنات أحاتيكم من غير شر

 

[لله دري]

صباح الخير


بسكوته
الحمدلله كان سهل الامتحان
وعليج بألف عافيه حبيبتي

عقب ماقريت كلامج
قمت احاتي شوشو من غير شر
طمنينا عليج !

/


ويومي امس الاثنين مبدعه نوعا ما
بس راضيه لان خربطتي الصبح

الريوق
كان راب تيركي + كوب عصير برتقال فرش
وكليت 4 حبات ككاو تقريبا بحجم مربع جبنة كيري

الغدا
3 شرايح توست اسمر برجر ثنتين وجبنة لايت
» هم كان المفروض 2 مو 3 بس يمكن لان قربت ف قمت اخوره

العشا
كان فتّه خفيفه

حطيتلي نص قفشه اكل زيت زيتون
ونص قفشه اكل طحينيه
والباجي روب لايت + لبنه + نخي + خبز اسمر محمص

والحمدلله عالنعمه


/


ولاني ماراح ادخل اليوم الثلاثا يومي راح يكون

اول شي تريقت :

شريحتين توست اسمر
قفشه لبنه
نص قفشه زعتر
خس + طماط + خيار

مع حليب جاي وقفشه صغيره شكر

السناك :

3 حبات بسكوت دايجستف
لاني تريقت مبجر ف اسكر حلجي فيهم

الغدا بيكون :

صدر دجاجه مشويه
خضار مسلوقه
كوب لبن قليل الدسم

العشا :

توسته سمرا
روب اكتيفيا لايت

و و بسس إن شاءالله التزم عدل ما ابدع

 

[Madrideya ~]

قوه بسكوته


انا حابه أشارك معاكم ابي اخفف مني لين رمضان
وبعدها اشد حيلي برمضان وانزل نزله قويه لان هالشهر فرصه ثمينه للي يبون يضعفون !

ان شاء الله بأجر ببلش معاكم
وزني ما قست من زمان خايفه لأني متنت حيل وحاشتني رهبه من الميزان : (
وان شاء الله كل شهر بقيس وزني بدال كل أسبوع افضل


والله يوفقنا وان شاء الله نضعف بصحه وعافيه يا رب ?

 

[بـ سـ كـ وتـ ة]

لله دري بالعافية حبيبتي

نظامج تمام التمام

وامتحانج كان شنو؟ أي مادة؟

ما عليه لقافة أموت عالدراسة هههه

اي صح نسيت أقول كان المفروض الأحد أداوم بس مددت إجازتي

باجر ان شالله أول يوم دوام

 

[بـ سـ كـ وتـ ة]

مدريدية هلا وغلا

تمام عيل خففي اليوم واحنا متفقين الخميس الميزان

وبعدين على راحتج تبين توزنين معانا ولا تبين بعد شهر اللي يريحج

أهم شي النفسية تكون تمام

وموفقة ان شالله

 

[بـ سـ كـ وتـ ة]

أمس تريقت موزة وحليب ككاو كي دي دي

تغديت سمبوسة لحم ما دري حم قطعة مادري اشفيني ما عديت

العصر شربت موسي فراولة

والعشا عيش ولحم مفروم وبزاليا وذرة

كان مشروع "قيمة" بس أولا ما عندي خبز ثانيا أحس العيش وايد أخف على معدتي من الخبز

كافي ما يغثني ولا يقعد على جبدي

يمكن فيني حساسية من الجلوتين وآنا ما دري

 

[بـ سـ كـ وتـ ة]

اي صح وأمس كان كله رياضة من قلب

البيت فاضي من غير شر

وكنت أنظف بخبال رقص وركض في الشقة ونط هههههه

أصلا كنت لما آخذ بريك أغسل ويهي أشوفه محتقن

 

[NaYoob]

عاشت بسكوووته


تصدقين تجمعكم جنه في حماس التجمع مال العيد صاحبه الموضوع ما دشت وانا حدي متحمسه

ابي افجر الطاقات اللي فيني ههههههههههههههههه انظم لكم ?

 

[لله دري]

بسكووته

كان انجليزي :$
عكسي اكرره الدراسه وطاحسه
هههههههه قدمي بدالي باجي الفاينل

وعوووافي
يا حلوه زين احلى شي الرياضه ان شاءالله دوم

/

نيوب

حياج الله معانااا
بس حمستوني نروح تجمع يكون قوي ونستمر اهني

/

ويومي كان زوين

ريوقي : توست لبنه بالزعتر وطماط خيار وخس + وشربت لبن لايت كوب صغير

سناك 1 : دايجستف المطاحن

غداي : ساندويج هيلثي تيركي + برتقال فرش

سناك 2 : دارك كوكيز

وشربت لترين ماي
ومشيت 45 دقيقه

 

[((shoOoshoOo))]

مساااااااااااااااااااااء الخير

وحشتوني والله


انا الحمدلله بخيييييييير


هاليومين كان تخفيف اصلا اللوعه ساده نفسي حييييل

باجر ببلش دايت ربيعه باذن الله

 

[لله دري]

اهلااااا اهلاااااا شوشوو

الحمدلله دوووم يارب واحنا والله بعد وقمنا نحاتيج

ومسااااائج ورررد

عفيه عالشاطره ملتزمه اشوا
زين لج التخفيف وان شاءالله يارب يااااارب مايخلص هالشهر
الا قاطين 5 كيلو كلنا

 

[لله دري]

صباااااحووو


يومياااتي حق لريوق

جاي اخضر

بعدها

شريحتين توست اسمر
سلايس لايت
شريحة طماط
روب اكتيفيا لايت

 

[((shoOoshoOo))]

لله دري

تسلمين والله على سؤالج ^_^


وعوافي ماكليتي

 

[((shoOoshoOo))]

ريوقي : بطاط ليز (( عشاااان اللوعه تكرمون ))

عقب نمت


قمت تغديت 2صمووون لبنه +بطاط ليز+حبتين اروو صغااار +عصير برتقااااال

 

[NaYoob]

لله داري

الله يحيي لوووول شفتي شلون هنيه وهناك تجمعين

تبون احط صور مع التفاصيل ولا بس صور


شوشو

مساء النور
حالتج صعبه بطاط ليز مره وحده ههههههههه


وين بسكوته ما اشوفها