تحدي لمدة 30 يوم – متجدد

[بـ سـ كـ وتـ ة]

حبيبتي عليج بألف عافية

آنا الأكل بالنسبة لي هبات

عادي كل يوم أتريق أو أتعشى نفس الشي لمدة أسبوعين 3

طبعي ما أمل بسرعة من الأكل أحب الروتين وأحب آكل نفس الأكل خخخخ

واليوم الفري مفيد خصوصا بالنسبة حق اللي قاطعة هالسوالف بس حق الرجيم

لأن معناتها بعدين راح ترجع تاكلهم فيصيرون يمتنونها

وتقبل الله صيامج وأجر ان شالله ... حاولي تضيفين روب على سحورج عشان ما تيوعين بالصيام

 

[بـ سـ كـ وتـ ة]

الخميس كان أول يوم دوام بعد الإجازة وكان ملخبط شوي لأني مو رايحة جمعية

ما تريقت

كليت سناك أناناس مجفف ومكسرات نية تقريبا قفشتين كبار

تغديت شاندويتش من الكفتيريا تيركي بالخبز الأسمر

والعشا قطعتين دياي بالبقسماط شرايح ضعيفة ذقت اللزانيا ما كملتها

وسهرت لي الفير فتريقت صمون هوت دوج الصغار مال المطاحن بجبن كرافت

والحمدلله عالنعمة

 

[بـ سـ كـ وتـ ة]

الجمعة ما تريقت

تغديت في بيت عمتي بتسافر الله يردها لنا بالسلامة

كان الغدا بيتزا وذوقي هذا وجربي هذا المهم إني قررت أخلي الجمعة مفتوح بدال السبت

تعشيت قفشتين كشري بس عن خاطري ذقته

كنت بسوي رياضة بس على ما ناكت بنتي إلا آنا منهد عليها من حوستها اسم الله عليها

 

[بـ سـ كـ وتـ ة]

أمس السبت

ريوقي حليب وكورن فليكس ككاو مع بنتي ماكسيمم كليت 3 قفاش ويمكن أقل بعد

الغدا

جبدة مشوية من نايف مع شوية بطاط وكنت أغمس بالحمص

العشا من كل قطر أغنية





خبزة خفيفة قليت معاها بيضة وحدة وجبن

ربع حبة فلفل أحمر بارد

نص خيارة

حبتين فلاوة (فراولة) على قولة بنتي

وشربت معاه عصير تروبيكانا برتقال بس ما صورته

ما سويت رياضة أمس

 

[بـ سـ كـ وتـ ة]

اليوم كنت مجهزة أكلي من الليل حق الدوام وما داومت فكليته بالبيت



الماعون الصغير مكسرات (Brazil Nuts مادري شسمهم بالعربي - لوز - جوز بيكان - أناناس مجفف)

والماعون الكبير خيارة وحبتين فراولة وربع حبة فلفل أحمر بارد

وناسة شعور حلو كل شي جاهز وواثقة من نظافته متى ما يعت طلعت من الثلاجة وكليت

ساندوتش لبنة ومرتديلا ما صورتها بصمون الهوت دوج

ريلي كان طالب من مطعم هندي كليت قفشتين عيش أحمر

وقطعتين دياي تكا

وسناك المغرب



أهم شي بجامتي

كليت الفواكه والخضرة اللي كنت مجهزتها أمس

المكسرات ما كليتها ولا البسكوت بخليهم حق الداوم باجر ان شالله

وليلحين ما قررت شو أتعشى

 

[لله دري]

[size="*"]

حبيبتي عليج بألف عافية

آنا الأكل بالنسبة لي هبات

عادي كل يوم أتريق أو أتعشى نفس الشي لمدة أسبوعين 3

طبعي ما أمل بسرعة من الأكل أحب الروتين وأحب آكل نفس الأكل خخخخ

واليوم الفري مفيد خصوصا بالنسبة حق اللي قاطعة هالسوالف بس حق الرجيم

لأن معناتها بعدين راح ترجع تاكلهم فيصيرون يمتنونها

وتقبل الله صيامج وأجر ان شالله ... حاولي تضيفين روب على سحورج عشان ما تيوعين بالصيام

[/size]

الله يعااافيج حياااتي :**

اي مثلي برجر بعدين لبنة ومادري شنو الجاي لووول

اي صح قبل برمضان كنت اكله

مع السحور صج عجيب يشبع ويفييد خاصه للبطن

 

[لله دري]

بسكووته

عجبتني فلاااوه
يختتي يا حلات تووماا وامها
الله يخليها لج يااارب :$

شوووشووو

غاطه وووين مختفيه فاااقدينج :'( :*
ان شاءالله خير
/

طبعا قست وزني ثابت
الحمددلله توقعته يصعد على خرابيطي الاسبوع اللي فات

ويومي امس حزة الفطور

خبزه سمرا خفيفه حيل
1 كباب دجاج
حبتين شيش طاووق
قفشه ونص حمص
5 قفاش تبوله

وشربت جاي اخضر وضليت عليها لي نمت
قمت عالصلاة وكنت جوعانه وكليت عال 4 ونص الفجر جذي
حبة دايجستف + حبتين تمر
ومعاهم جاي اخضر


وان شاءالله بس اتريق ارجع اكتب يومي :

 

[لله دري]

بنات منو تعرف حبة دايجستف العاديه مو لايت
جم سعره حراريه بالوحده ؟

 

[لله دري]

نيوووب حيااتي الله يوفقج يارب ويسهل عليج الامتحانات :

 

[لله دري]

ريوقي اليوم

شريحتين توست
قفشه اكل جبن سائل
رشة زعتر بدون زيت
خيار وطماط
روب اكتيفيا لايت

والغدا بيكون
سلطة خضار مع ذره
و 6 قفاش عيش + روب لايت

امممم ومابي اتعشا
اذا ابي اكل لي 3 تمرات او بيضه مسلوقه

والحمدلله

 

[NaYoob]

بسكوته

صباح النور

جواب لسؤالج شنو يعني نيووب هذا دلعي من اسمي الصجي بس متحور

اسمي نجيبة يدلعوني نجوب نجوبه وراحت مع السنين نيووب ههههه وبس


وعادي قلبي مرات تنزلين بس الميزان ما يتحرك بس يبين بقياسات الملابس
وناسه حطيتي صور استمري



لله داري

تسلمين حبيبتي اجمعين امس خبطت بالامتحان :/ الله يستر

 

[NaYoob]

احم وزني نزل من ٦٩ لين ٦٧.٣

 

[لله دري]

نيوووب عاشت الأسامي
ماشاءاللله مبررررررروك النزووول حبيبتي عقبال ال 57 :$
وماعليه كلنا نبددع بس ان شاءالله تجيبين نتيجه زينه يارب

 

[NaYoob]

لله داري
تسلمييين حبييييييي امين يارب


هذا سناك ١ ومرح اكل واحد ثاني لانا مثل ما انتي شايفين فيه ١٢١ كلوري (

شسوي امي خذه كاكاو الدارك چوكلت وكلته وكان ودي شي حالي ومزاجي كلش مو فاكهه

فشفت شنو جدامي وخذيت اقل واحد سعراته الحراريه

 

[NaYoob]

بسكوته حلوه البجامه على الموضه مخططه


لله داري

الحبه الوحده البسكوت الدايچستف العادي فيها 71

والليت فيها 65

 

[بـ سـ كـ وتـ ة]

عاشت الأسامي يا أحلى نيوب

ان شالله خير ... مرات الواحد يحس نفسه مخبص بالامتحان بعدين تطلع النتيجة زينة

ما شالله مبروك نزول وزنج عقبال عندنا

آنا الحمدلله تحرك وزني

والصور أول ما بديت الموضوع كنت أحط بعدين خشيت الكاميرا عن بنتي وماحصلتها ههههه

شكلي خاشتها عن نفسي

وناسة نوت بوكج مرتتتتتب يونس أموت عالقرطاسية آنا

 

[بـ سـ كـ وتـ ة]

لله دري تسلمين بعد عمري الله يحفظ لج كل غالي

شوشو ما عليها شر ان شالله بس هالفترة مريحة والله يقومها بالسلامة ويثبت حملها ان شالله

أعتقد بعد لما ترجعين تقيسين وزنج بتلقينه بعد نازل

لاحظت نفسي إذا خربطت بالأكل تبقى الزيادة 3 أيام بعدين ينزل الوزن

 

[لله دري]

عليكم بالعافيه حبايبي 

بسكوته

الحمدلله الله يثبته ان شاءالله ويقومها بالسلامه يارب
وبالنسبه للوزن لا انا طولت اسبوع تخبيصي كلش مو عاددي وكله آخر الليل عشان جذي بس ان شاءالله هالاسبوع نازلين كيلوين كلنا

ويومي لامس نفس ماكتبت بس لغيت العشا ماكنت مشتهيه اكل

ويومياتي حق اليوم

بما اني دايما اقعد على اذان الفجر
ف اكل لي حبة تمره وحبة دايجستف مع جاي اخضر عن الجوع
وبعدين اخلي لريوق -.-
وان شاءالله لي عوووده واقولكم شنو كليت

 

[لله دري]

نيوب حبيبتي ميرررسي :$
اشوا مو حيل كبيره سعراته

 

[بـ سـ كـ وتـ ة]

وزني في بداية الأسبوع كان 79.4

وأمس وزني ... تادااااااا



الصورة مو وايد واضحة خايفة من بنتي تشوف الكاميرا بيدي هههه

مادري شكو في تجمع العيد كاتبة 78.9

لا وهذا عقب الأكل والماي قبلهم كانت 78.4 ترى مو هوس ميزان بس عشان التجمع كنت بصور شفته أول مرة والكاميرا مو معاي

يعني ناقصة كيلو بالضبط الحمدلله

أول أمس تعشيت نص صمونة فيها قطعة وحدة تكا دياي ونص قفشة مايونيز ومخلل خيار صغار


اأمس تريقت عدل

أول شي سناك موزة وخيارة

الساعة 10 صمونة لبنة ومرتديلا وكوب شاي وحليب

الساعة 12 كليت سناك مكسرات نية وأناناس مجفف

بحدود 3ونص رديت يعت كليت فراولة ونص برتقالة ونص حبة كيوي



والتبروير صديقي يحبني قاعد يساعدني أنتبه على صحتي وآكل أشياء مفيدة ... يعتني فيني (عادي بنات ما نمت من أمس إلا ساعة ونص نمت بعد الأذان وقمت حق الداوم)





أمس طلعنا من الدوام ودينا بنتي تلعب تغير جو ومشينا وركضنا ولعبنا معاها تقريبا ساعة

وتعشيت شوية يريش وتوستتين فيهم chutney طماط بحدود الساعة 8

وقبل ما أنام شفت الروست بيف بالثلاجة أغراني جان أتعوذ من ابليس وأشرب عصير وجان زين ما شربته سوالي حارج قوي