يومياتي بالكالوري غير بالصور

[NaYoob]

السلام عليكم حبايبي


وحياكم الله معاي

معاكم نيووب انا حالي مثل اغلب البنات نسيت نفسي لهيت مع الشغل والداسه

واغلب اكلي كان خرابيط الكاكاو وربعه هههههههههههه والوجبات السريعه


وجك بم بديت احس جنه ملابسي قاعده تكش لووول شدعوا مو جنه انا اللي
قاعده ازيد :eh_s(11):

ووصل وزني لاول مره 69 انتحار :eh_s(16):

فقررت إن شاء الله ببدي احط لكم يمياتي على حسب الكالوري 1200 سعرة حراريه باليوم
ورح احط كل شي بالتفصيل اهم شي لازم النزول يكون على صحه عشان نتجنب مشاكل وايد

وحياكم اللي تبي تكون معاي او تتابعوني وتشجعوني :eh_s(7):

 

[NaYoob]

هذا كان امس


ريوقي = ٢٨٠ كالوري

شريحتين توست اسمر بدول حبوب = ١٣٤ كالوري
بيضه وحده = ١٠٠ كالوري
حليب قليل الدسم = ٤٦ كالوري

سناك ١ يحتوي ٧١ كالوري
تفاحة متوسطه الحجم =٧٠ كالوري
جاي اخضر = ١ كالوري

غداي ٣٩٠
من دايت كير شريت لزانيا اللحم

سناك٢ = ١٠١

كنافة التوست = ١٠٠ كالوري
جاي اخضر = ١ كالوري

عشاي = ١٧٢ كالوري
كورنفليكس = ١٢٦ كالوري
حليب قليل الدسم = ٤٦ كالوري

ادري المجموع مو ١٢٠٠ ضبط بس بعدين نضبط الحسبه وودي اتعشى خفيف

واترككم مع الصور ناقص السناك ١ و العشا

 

[NaYoob]

اليوم

ريوقي يحتوي ٢٦٧ كالوري

وحده جبنة سلايس قليلة الدسم = ٤٤ كالوري
بيضه وحده = ١٠٠ كالوري
شريحة توست اسمر بدون الحبوب = ٦٧ كالوري
حليب قيل الدسم = ٤٦ كالوري
ملعة صغيره كاكاو نسويك = ١٠ كالوري
وخياره صغيره

 

[أنثى ملاائكيه]

موفقه

 

[NaYoob]

موفقه

تسلمين حبيبتي

 

[لله دري]

وناااسه فن فن الحركه عجبتني

عوووافي بعد البي

انتي تقريبا نفسي قاعده امشي عالسعرات
ومرات نقاط بس حاطه لي 1000 سعره او 1100
وهم قريبه من وزني ;$
وان شاءالله نشوف ال 50 بالعيد بصحتنااا وعافيتنااا

Goodluck

 

[NaYoob]

وناااسه فن فن الحركه عجبتني

عوووافي بعد البي

انتي تقريبا نفسي قاعده امشي عالسعرات
ومرات نقاط بس حاطه لي 1000 سعره او 1100
وهم قريبه من وزني ;$
وان شاءالله نشوف ال 50 بالعيد بصحتنااا وعافيتنااا

Goodluck

ههههههه الله يعافيج لازم نقص على روحنا شوي عشان تنفتح شهيتنا للاكل

والله يعافيج امين يارب ابي اشم ريحه الخمسينات :bbbiu:

 

[NaYoob]

سناك ١ يحتوي ٧١ كالوري

تفاحة متوسطة الحجم ٧٠ كالوري
جاي اخضر بالنعناع ١ كالوري

 

[NaYoob]

غداي يحتوي ٣٥٢ كالوري

اسباچتي ٢ الي ٣ اكواب ١٢٠
٣ كرات اللحم الوحده فيها ٤٣
١ ملعقة كبيرة زيت زيتون ٨٠
سلطة وسط ١٥
معجون الطماط الباجي عليكم الحسبه ههههههه

 

[Nzzz'3a]

مووووفقه

 

[بـ سـ كـ وتـ ة]

موفقة حبيبتي

يومياتج حلوة ما شالله

الله يتمم عليج

 

[دلوعه كندا]

مووووفقه يااارب

 

[NaYoob]

نزغا

بسكوته

دلوعة كندا تسلمون على المرور

 

[بنتو لمحمّد]

أحب اليوميات اللي تكون ب الصور $:
ي رب تنزلين بـ صحّہ و عافيہ . .
متابعہ لج ()*​

 

[NaYoob]

تسلمين بنتو لمحمد


ابشركم نزلت صرت ٦٧.٣ الحمدالله يارب

 

[NaYoob]

ريوقي =٢٩٠ كالوري

بيضه وحده = ١٠٠
حليب قليل الدسم = ٤٦
شريحتين توست اسمر بدون الحبوب = ١٣٤
ملعقة صغيره كاكاو نسكويك = ١٠

 

[NaYoob]

سناك ١ = ١٢٢

جاي اخضر = ١
بسكوت برنس جوكلت = ١٢١

 

[NaYoob]

غداي = بين ٣٠٠ الي ٤٠٠ كالوري

مجبوس لحم بس حطيت كميه العيش صغيره مع شوي لحم ودقوس

وسلطه روب بالخيار

بس ماصورته

 

[lailosh]

مشالله وايد حلو نظامج انا تقريبا نفسج والحمدالله نزلت بالتوفيق ومتابعتج

 

[فيلجاويه كيوت]

بالتوفيق