زوجي طقني مو قادره اكمل معاه افـكر بالطلاق تعباانه نفسيـاا :'(

[seventy7]

والله اني حبيت هالبنت من حب بنات المنتدى لج
الله يسخر قلبه لج يارب
صدقيني الحل بايدج الدنيا ماتسوى الزعل واللوم اليوم فوقها باجر تحتها شنو بيفيد
والانسان يغلط عادي بس الاهم من هذا كله شلون يعالج الغلط
الله يصلحكم يارب وعاد طمنينا عليج

 

[امـ خــزامـى]

طمنينا عنك ياقلبي

 

[! بــدويه وآآيــد !]

،


للاسف حياتي زفت زفت
هواش زف يغثني ويحقرني يهددني باشياء ماطري شلون صايره عايشه مع انسان بايعني عشت حياتي وعطيته طاف احسه بدا يشك فيني وانا اساسا شاكه فيه
احس اني ماقدر اكمل هذا مو زوجي انسان بشع وحقير بمعنى الكلمه
بحاول اتمالك نفسي واذا ماقدرت بكون وصلت لاخر حل الطلاق
الله يسهل يارب ويمسح على قلبي

 

[مــرح]

بدويه وايد اسمحيلي اقولج العين حق و انتي ماشاءالله كنتي تعطين للناس انطباع انج اسعد انسانه
لا تزعلين بس تذكرين لما قلتي بيسويلي عيد ميلاد ومحتاره وين ؟ بالله عليج هاذا موضوع ؟ في بنات يتشفقون عالزواج لان معروف الحين البنات اكثر من الشباب و الوحده صعب تتزوج بسهوله وكل هذا نصيب طبعاً

ديري علئ بالج واقري البقره و الرقيه الشرعيه و الرسول يقول ( اقضو حوائجكم بالكتمان ) لان العين حق

والله يحفظش يارب

 

[قاهره عذالي]

ما انصحج بالطلاق

من الاساس انتي غلطتي عليه وغلط عليج ورديتي غلطتي بشي مدري شنو ما وضحتي السالفه

وعقب رديتوا عشان كان بينكم عشره ماتنسي

ما انصح كلش بالطلاق

وسحابة صيف وان شاء الله تعدي

انسوا الاحقاد اللي بينكم

ماتلقين احسن منه

 

[i afnan]

،


للاسف حياتي زفت زفت
هواش زف يغثني ويحقرني يهددني باشياء ماطري شلون صايره عايشه مع انسان بايعني عشت حياتي وعطيته طاف احسه بدا يشك فيني وانا اساسا شاكه فيه
احس اني ماقدر اكمل هذا مو زوجي انسان بشع وحقير بمعنى الكلمه
بحاول اتمالك نفسي واذا ماقدرت بكون وصلت لاخر حل الطلاق
الله يسهل يارب ويمسح على قلبي

بما انك جربتي كل الحلول باقي لك حل واحد جربيييه ماراح يضرك شي وماتدري يمكن تنقذين نفسك وحياتك وحياة طفلك

اقري على نفسك الرقيه الشرعيه وشغلي سورة البقره بالبيت 24 ساعه وشغلي الرقيه بعد واذا قالك زوجك شي قولي اناابي اسمعها سكينه وهدوء لاتعلمينه انك جالسه ترقين نفسك مو لازم وخلي شربكم موية زمزم ومويه مقري فيها ويفضل تقرين انتي واذا ماعندك وقت اسرع جبيبيها من شيخ وحصني نفسك وزوجك لاتستلمين عارفه الضغوط كبيره عليك وبتنفجرين بس وضعكم مو طبيعي اللي بينكم نفور ومشاكل للان ينشك فيها اقلها حق العشره بينكم وانا اشوفكم كارهين بعض مره وعليك بالدعاء ربي مايترك عبيده واستغفري كثيرررررر مو عشان زوجك عشان راحتك النفسيه بعد
الله يفرج عليكم ويهدي سركم ويسخركم لبعض ويمسح على قلوبكم ويكفيكم شر الانس والجن

هذا رابط للرقيه اقريه على نفسك وانتي طاهره واذا خلصتي انفثي على نفسك وامسحي على جسمك كامل واقري دايم سورة البقره لاتتركينها

الرقية الشرعية - مكتوبة

 

[يـاكـرهـي $:]

بدويه حططي ببالج الشياطين تسعى بكل ما أوتيتْ من حيل للإفساد والتفريق بين الأزواج ، ,

وأعلى الشياطين منزلة عند إبليس، وأقربهم إليه، وأدناهم منه منزلة؛ ذلك الذي يفرق بين زوجين. قال صلى الله عليه وسلم: (إن إبليس يضع عرشه على الماء، ثم يبعث سراياه (جنوده)، فأدناهم منه منزلة: أعظمهم فتنة (إغواءً وإفسادًا) يجيء أحدهم، فيقول: فعلتُ كذا وكذا، فيقول: ما صنعتَ شيئًا. ثم يجيء أحدهم فيقول: ما تركته حتى فرقتُ بينه وبين امرأته، فيدنيه منه ويقول: نِعْمَ أنتَ، فيلتزمه (أي: يحتضنه))

ووالعين حق ارقي نفسج وزوجج وولدج وبيتج ,, وانسي شي اسمه طلاق الطلاق موحل كلش و الطلاق أبغض الحلال إلى الله ..


وخلج لاهيه بولدج وظيفتج واهلج ولا تتعبين نفسج عليه وادعي الله يصلح لج حالج والله كريم ..


ودايم رددي حسبي الله ونعم الوكيل على كل من حسدني وحسد زوجي وبتشوفين العجب .. باذن الله


امانه اقري ردي وعسى الله يكتب لج السعاده يارب ..



احبج في الله

 

[شــــــــــــــوقــــه]

لا حول ولا قوة الا بالله

ليش شصار ما كان فيه شي و يذكرج بالايام الحلوة شفيه قلب

ضاق خلقي عليج والله

 

[امـ خــزامـى]

ياكرررهي كلامك درر
ومقنع ومابعده كلاااااااااااااااااااام
وربي يابدويه كنت بقولك خلاص اللي بينكم انتهى بس قريت رد ياكرهي
بثانيه غيرت رأئي
بجد ليش نسمح لابليس

حااولي وحاااولي وحاااااااااااااااااااااولي مليون مره وسوي كل الطرق واهمها الرقيه الشرعيه

ربي يفرج همك ياارب

 

[امـ خــزامـى]

نسيت اقولك شغله

حبيبتي بنفاااسك طبعا اكيد زاروك عالم
او حكيتي عند احد
وش مجهزه لطلعة النفاس وزوجك بعد بيسويلك وبيحطلك ومن هالكلام ؟؟؟؟؟؟

حكيتتي عند احد زوجك وش سوا يوم ولدتي ووش قال ؟او اي تفاصيل خاصه ؟؟؟؟


بليز اذا متكلمه عن اشياء جميله بتسوونها او سويتوها قداام احد تذكرينه ومتأكده مين هالحريم

ردي لي عشان اقولك وش تسوين ؟؟؟؟؟؟؟؟

 

[حلمي وامالي]

يارب اصلح لي شاني كله ولا تكلني الى نفسي طرفة عين
الله يصلح احوالك يارب

 

[غآب نورك ~]

حبيبتي نصيحتي لج شلي فكرة الطلاق من راسج

انا احس انج حاطه الطلاق براسج فعشان جذي انتي قاعده تشوفين تصرفاته وتكرهينها عشان يبررلج هالشي للطلاق حاولي تغيرين من نفسج وماتفكرين بالطلاق ابددا لاااا حطي فبالج انج تبينه وتبين تكملين معااااااه وهو حبيبج وزوجج وبتضحين عشانه

والله نصيحه اختي حاولي اطلعين فكرة الطلاق من راسج خلي كل شي جدامج حلو

لانه انتي غلطتي وهم هو غلط كلكم متساوين فالغلط .. وعشان ولدج

ان شاء الله بتغير حياتج للأفضل يارب

 

[كليـ دلعـ]

سبحان الله

الهييييبه اذا انكسرت خلاص ماترجعها حلووول الدنياااا

سبحانك ياالهيي

ارضي بلامر الواقع يابدويه اذا تبينه

القلاص اذا انكسر تقدرين تردينه مثل ماكان؟!

الله يفرج همج ويغير حالج للاحسن قلبي وياااج

 

[عيني عليه]

كلي دلللع !!!!

احنا نعيييش مع ازوجناااا عمرررر .... مستحييل مايكوون فيه مدددد وجزررر ... مستحييل ماتكوون فيه فتره انقلااابه ... مستحييل ... لاي سبب كاان بس هالشي وااارد في حياه اي وحده فينااا ...

انا شخصيا مريت مع زوجي بهالفتررره . . انجرحتت منه وااجدد .. وسواا شي لو اي وحده يصير لها جان نهت حياتها وتطلقت خلاص ..

بستغيرت الاحوااال وزوجي رجع لوضعه الطبيعي .. والغيمه السوده مرررت خلااص ... بعدي مجروحه منه وغلاته ماصارت نفس اوول ... بس رجعت وقاعده احاول انسااا .. واذا اهو قالي كلام يجرح وياذي هم قااالي كلام حلووو وطيرني ... واذا تصرف معاي تصرف شين هم تصرف معاي تصرفات زينه وحللوه ...

يكفي وناسه ولدي واهوه يشوفني انا وابوه مع بعض واهو وسطنا ... يكفي ولدي ماينحرم من حنان ابووه ولايعيش عيشه غير الاطفااال

مطب يابدويييه وبتطلعوون منه صدقييني ...

ربج ثم ربج ثم ربج بهالفتره ... تحاشيه تجنبيه لاتاخذين وتعطين معاه واجد... حتى لو كنتي مجروحه قابلي اي كلام منه بصمت ... لمن الله يهديه ويطيح اللي في راسه ....
موفقه حبيبتي

 

[طريق السعاده]

انا متاكده في مستقبل جميل لعلاقتكم وانا ماعترف بالاستسلام انتي ام وتوك كم شهر عانيتي ! بكرا بتقولين لولدك ابوك طقني وتطلقنا !! عشان تعاندنا !! تحسبينه بيقدر !! ومرح يحس انكم ام وابو مو مسؤولين وطايشين !!

انا امي مطلقه عشان سبب تافه ولما بلغت صرت اسال ولعلمك كرهت امي وابوي طول فتره المتوسط والثانوي حسيت اني شخص مو مهم واحساس داخلي سيطر علي ان امي رمتني لابوي وماهتمت وشرت راحتها !! ترا بس لما دخلت الجامعه وعقلت راحت هالفكره من راسي كل مراهقتي عشتها احس هالشعور !!


تبين ولدك يحس هالشعور !!

كملي ولاتستسلمين ومثل ماقالو البنات ( ترا حنا الحريم مايقعد بفمنا حكي ) يمكن قايله للحريم الي شايفينك بالنفاس شيء او حتى لو مو قايله خلي اهلك يسوون جمعه كبيره وخذي من اثرهم تروشي منه واشربي وشربي ولدك وغسلي جسمه !! المعزومين كلهم احتياط !!

واستمري ع البقره 40 يوم !!

واستمري بعلاقتكم الطبيعيه مو تجلسين حزينه لا كوني انتي الانسانه الي حبها قبل الحمل !!

اوكي يوم يومين بيشك بس ترا الرجال مايمرر اي تصرف رح يقلبها براسه ويحس انك عاقل وشاريه بيتك

اذاا استمر زوجك ع عناده مني ل سنه وهو ع نفس الحاله اقولك لحظتها استسلمي وتناقشي معه بمساله الطلاق بس لاتتسرعين
بوقتها ضميرك بيكون مرتاح لانك سويتي كل شيء تقدرين تسوينه ..


عندي احساس قوي ان الطلاق مسيطر ع مخك واقتنعتي فيه ! تاكدي اذا فكرتي انك خسرانه تاكدي بتخسرين ..!



(انا عند حسن ظن عبدي بي ) كوني مؤمنه من داخلك ان هالشيء بتبذلين جهدك انه بيتكم عامر واذا ناقشك لاتخافين ناقشيه بقلب جامد وعاطفه الام !! وعقل الرزينه الحكيمه القويه !! بدون ماتنقلب السالفه هواش كوني بدم بارد هالاسلوب ينفع مع اغلب الرجال لانه لو عصبتي وصار دمك حار بتنقلب السالفه عليك وتصيرين انتي الغلط !


^^

حكيت لك من كل قلبي لو انك امي اتمنى تفهمين كلامي بعقلك وقلبك وتفكرين فيه

 

[امـ خــزامـى]

^^^^
عيني عليك بااارده الله يحفظك ويرزقك ويحقق لك مناك ويسخرلك

 

[تبطي عظم!]

طريق السعاده ماشاء الله عليج

الله يكملج بعقلج كلامج حلو اتمنى بدويه تقراه وماتجاهله

والله يهدي سركم يااارب

 

[! بــدويه وآآيــد !]

،


ام خزامى مو تكلمت الناس تشوف بعينها لدرجة باستقبالي بالمستشفى حاط له كرسي جدام الجناح والكل يقول انتي الي والده والا اهو ماطلع من المستشفى ولما يزوروني الناس يدش غرفتي نسوي درب وهو يدش ما اقدر اقوله لا تجي يعني حتى لو ما اتكلم اهما يشوفون بس طلعت من النفاس بنقاش بسيط انقلبت حياتي انقلاب موطبيعي

بنات الله العالم اني اقرا ردودكم رد رد والرد الي اقعد افكر فيه ارد اقراه اكثر من مره طريق السعاده عسى السعاده صج طريقج على هالرد الي برد قلبي
كلي دلع ردج احسه كسرني بس واقعي واقعي واقعي
ام خزامى بتواصل معاج بالخاص ان شاءالله بس اريح شوي

الي يراسلوني بالخاص احبكم ومشكورين برد عليكم باذن الله اعذروني

 

[شادن33]

الله يهداج بدويه ماكنتى ماشيه عدل وريلج لان وياج وبطل حلجه !!!

شصااااار يعني انتي خليها مساله تحدي لنفسج انج تقدرين تغيرين حياتج وتتناسين اللي صار

يمكن انتي من قبل مومتقبله ريلج وتصرفاته معاج وفي اشياء وايده مختلفين فيها مع بعض !!! والطق يا وزاد الطين بله !!!

ايٍ كان كل زوجين باول زواجهم مشاكل واختلافات بس يتم اللي بالقلب أنكم تحبون بعض ومع السنين تتأقمون مع بعض وتحسون ابعض

ارد واقول خليييييييج مرررررنه معاااااه في كل كلامج وافعالج لين يطمن قلبه عدل ويرتااااح عقب تقدرين اتشكلينه على هواج يابنت انتي قويه تبارك الرحمن

ما تقدرين تقصين على رياااااال هذولا بكلمه ينقص عليهم الله يهداج

وعاد لاتخلين موضوعج. مسلسل مكسيكي نبي نشوف الحلقة الاخيره والعروسه للعريس والجري للمتاعيس اللي إحنا اااا هههههه

الله يسخره لج

 

[طريق السعاده]

اميين وياكم بنات

بدويه اجل واضحه كل من زارك او جافك اعزميه احتياط احيننا الناس بدون قصد تعطي عين

وحده من قرايبي عيونها حلوه تخليلي زوجها عطاها عين ههههههههه كانت كاشخت له وانعجب وجتها العين منه وخذت من اثره وراح تعب عيونها !!

العين حق وانا ماقولك هي السبب بالي يصير بس ممكن تكون ! وممكن مو عين بس حسد !!

سوي الي قلت لك وقالو البنات وان شاء الله ترجع حياتك نفس قبل واحسن

المهم لاتستسلمين وابذلي جهدك حرام كل شيء ينتهي بهالسهوله