طبيب بيطري كويتي

[MRS.coupe]

عطيتها دوا ديدان قبل فترة
اهيا عمرها 3 اشهر خذت تطعيم واحد
شنو احسن نوع فيتمينات لها
ابي حق الشعر

 

[دكتور كويتي]

رد mrs . ذكرت الفيتامينات فوق تقدرين تختارين اي واحد فيهم .

 

[MRS.coupe]

الافضل والي تنصح فيه
وجم اسعارهم ؟

 

[دكتور كويتي]

رد mrs . الافضل bio -vita ممكن سعره ٦ د ك

 

[Mystique]

السلام عليكم دكتور

لله يعافيك انا قاعد افكر اشتري قطو ذكر و دي لو اعرف احسن مكان اسويله neutering

و بعد متى احسن عمر اسوبله هالعمليه

و بالأمانه بجم تتراوح هالعملية لأن ما عندي خبرة بتاتا و ابي اعرف

مشكوور و الله يخليه بميزان اعماللك انشاالله

 

[دكتور كويتي]

رد mys . أفضل عمر ٦ شهور تسوي العمليه . عموما الاسعار تختلف على حسب المستشفى تتراوح بين ١٥ دك إلى ٥٠ د ك

 

[Mystique]

شكرا جزيلا للرد

شرفتنا بالمنتدى دكتور عساك دوم عالقوه

 

[أطيب بنت]

دكتور

ممكن سؤال

اختي عندها قطوة لها قريب السنة والنص

وقريب قرأت معلومة انه القطط تسبب عقم للبنات واجهاض متكرر وتشوهات للجنين

انا واختي لسن بنات من قرأت هالمعلومة وانا مرة خايفة لايصير فينا شي لاقدر الله في المستقبل

افيدنا وجزاك الله خير

 

[دكتور كويتي]

رد اطيب بنت . لا تحاتين ولا تخافين هذي بحوث ومو اكيده انها تسبب عقم . في مرض اسمه توكسوبلازما وهذا يعطون وقاية حبوب .اذا كانت القطوه نظيفه وخاليه من الامراض ما تسبب اي مشكله .

 

[أطيب بنت]

رد اطيب بنت . لا تحاتين ولا تخافين هذي بحوث ومو اكيده انها تسبب عقم . في مرض اسمه توكسوبلازما وهذا يعطون وقاية حبوب .اذا كانت القطوه نظيفه وخاليه من الامراض ما تسبب اي مشكله .

جزاك الله خير

نوع قطوة اختي انغورا تركي وماتخالط قطط الشارع ابد واكلها كله أكل معلب و دجاج مطبوخ

عندي سؤال

طيب خطر على الحامل لانه خالتي احيانا تزورنا وهيا حامل

شكرا لك

اسفة على كثره الاسئلة :eh_s(7)::eh_s(7):

 

[دكتور كويتي]

رد اطيب بنت . اذا نظيفه القطوه تقدر تمسكها اي وحده حامل ما تسبب اي امراض .

 

[sennaishq]

السلام عليكم دكتور
دكتور عندي فرخ فاخته طاح من عشه فرجله التوت ويمكن انكسرت لأنه ما يقدر يردها لوضعها الطبيعي صايرة ممدودة على جنب شلون اقدر اساعده ؟

 

[*مطبخ الذواقة*]

ال

سلام عليكم اذا ممكن احد ساعدني بحل لمشكلتي عندي طيرة من طيور الحب (روز) انثى ولكنها اذا وجدت اي مكان بقماش خشن اخذت

تحك الله يكرمكم اسفل ذيلها ولكن غير جذي عادي ما تحك يعني بس اذا لقت قمتش خشن او بارز وانا اظن انه مو ديدان لانه لو ديدان تقعد ت
حك طول الوقت ويا ليت احد يقول لي اي علاج ممكن لها لانها كاسرة خاطري​

 

[دكتور كويتي]

رد sennaishq . اذا كسر مافي اي مشكله يجبر . بس المشكله اذا التواء لازم تتعدل لأن الفرخ في مرحلة نمو . لازم تعرضينه على دكتور .

 

[دكتور كويتي]

رد *مطبخ الذواقة* . الحك من علامات الديدان اذا مو حك في قشره او جرح . عموما اذا تقدرين لا تحطين اي قماش صلب .

 

[doloky]

السلام عليكو انا دلوقتي قطتي كنت معوداه علي الدراي فود و الوبت و كله من ويسكاس جيت في مره جبتله مرتاديلا فراخ وقع فيه زي العبيط و من بعدها جاله اسعال مش عارفه ده من المرتاديلا ولا من انه ليل نهار نايم قدام المروحه و التكييف رشق ؟؟ ياما قاعد في اللبانيو هو غالبا ٣ شهور انا بسه جايباه من شهر و هو بياكل و الشهيه موجوده الحمد لله بس التويلت بقاله ٣ ايام ماسك نفسه و حتي يعني بقي يبهطل نفسه
ممكن اعرف اوقفله ازاي الاسهال طه و بعدين اوقات بلمس مناخيره بلاقيها مبلوله كانها فاكه
و هتجنن صعبان عليا
تفتكرو من ايه و ايه االلي عمل فيه كده مره واحده

 

[doloky]

اه يا طمتور و سؤال اخير انا دلوقتي حامل في اخر الشهر السادس هل في خطوره من وجود القط معايا و تعاملي معاه

 

[دكتور كويتي]

رد doloky . طبعا تغيير الاكل فجأه يصير معاه اضطراب بالاكل ويصيبه اسهال بسبب الاكل المفاجئ. لازم تعطينه مضاد حيوي يفضل Betamox . نص مل باليوم مرات . أما بخصوص انك حامل مافي أي خوف من القطط إذا كانت نظيفه وخاليه من الامراض .

 

[ga6wh]

سلام دكتور الله يعطيك العافيه
شريت قطوه شرازيه عمره 4 اشهر معاه دفتره امطعمه مرتين و كان وقت التطعيم الثالث وديته عطوه التطعيم و فحص عليه طلع فيه ear mites شريت القطره ماركه جونسن استجدمته اسبوع خف بس ما راح ليلحين في وصخ امس موديته قالي وقفي خلاص بس حطي مره بالاسبوع هل استمر يومي او خلاص ؟ و قالي فيه بدايه فطريات اول مره رحتله بس عطاني شامبو قالي عادي بس غيسليه في و يروح اهو في شي ابيض مثل القشره و اذا سحبت الشعر ينشال و تحك وايد غسلته سبوعين في ما نفع ليلحين موجود و احس زاد رحت امس مره ثانيه عند دكتور ثاني عطاني كريم Nizoral من حطيته علي الاماكن قامت اتلحس مكانهم و شفت صار مكان الجلد نقط حمر شنو الحل؟

[/url][/IMG]

[/url][/IMG]

 

[دكتور كويتي]

رد ga6wh . لازم اشوف المكان عساس اعرف شنو فيها . لأن كل مرض له علاج . طفيليات علاجها غير الفطريات عموما هذا رقمي 99426668 صوري مكان وارسلي صورة وان شاء الله اعطيج العلاج الصحيح.