(((( الأفــــنــــــيـــــوز )))) وما ادراك ما الأفنيوز - للنقاش الجاد

[bent_0b0i]

السلام عليكم ورحمة الله وبركاته



انا والله مادري وين ابدي ومادري شنو اقول من هووول ما شفت شي مايصدقه عقل شي صار ما ينسكت له ابداً ابداً

بتقولون شصاير اكيد انا اقولكم الله يسلمكم بالفتره الاخيره طحت طيحه بالافنيوز وانا نوعي ماحب اطلع وايد وماحب المجمعات بالويك اند او بليل او يو الاثنين وماروح الا الضحا او العصر مبجر ومره او مرتين بالشهر اخذ غرضي واطلع بالفتره الاخيره قمت اطلع وايد ويا رفيجاتي ويا اهلي وانصدمت حدددي من اللي اشوفه البنات شي مو طبيعي اللبس؟

حفر :eh_s(10):
قصير حيل؟
فوق الركب ونص الفخذ؟
ضيييييييج جنه مو لابسين شي وماكو شس ظافي فوقه لاااا لو مفصخه ابرك
الميك اب حدث ولا حرج والله انا ماحط بالعروس جذي اوووووفر
ولا المتحجبات الله يهداكم تنانير شانيل؟ ربع الساق طالع وحاطين حجول؟ اصلا الرجل حرام تطلع
غير الصدر غير الدلدغ غير الشعور المستشوره جنهم طالعين من صوالين
والتان حاجه ثانيه طبعا


المشكله وين؟ مو بس بنات صغار؟ المشكله الاكبر والادهى حريم كبار فال 40 وال50
والمشكله وين بعد يكون وياهم ابوهم اخوهم؟ ماكو غيره؟ مستانسين عالوضع؟


والله مت قهر من اللي اشوفه انا قعدت بطاوله 3 ساعات بس ساكته واطالع الرايح والراد من هول الموقف اتحسب واستغفر شي يغضب الله


شرايكم انتو انا ابالغ؟ ولا الموضوع صار عادي ولا شسالفه؟

 

[M!SS.LOBY]

الله يستر على المسلمات والمسلمين ندعي الله ان يهديهم ويحفظهم

 

[Withered flower]

امبلا صاجه والله
اصلا انا استغربت من شكلي بينهم وقاعده اقرل معقولة هذول كويتيات؟؟

 

[أسرار الجمال]

مادري ليش منقهرة لهدرجة خلاص انتي منسترة عليج من نفسج الي يطالع وايد يتعب كل من له رب يحاسبه

 

[ReD&FoSHia]

الوضع صاير مستحيل و طريقة لبس البنات كل مالها بالتخلي عن الاحتشام تكبر وتكبر
بس سياسة شعلينا منهم علينا من نفسنا وبس اهي السبب في مواصيل البنات و الشباب و التبرج و التفسخ و التقليد الاعمى
بنت ديرتي اخاف عليها من عقاب ربي مو علشان بيعاقبها بروحها اقول شعلي منها .. لان ربي بعدين بيعاقبني شلون ما ابديت النصيحة عالاقل
و مبدي النصيحة بهالزمن صاير الفاضح مو الناصح مادري ليش
محد يتقبل من الثاني كلمة صغيرة و محد يتحمل الثاني و تفككو الاسر و كل بنت ولا ولد تحدى الدين و الستر و العادات قلنا ما شغل راحت الديرة و راح الدين
الكلام مو لج اسرار الجمال والله .. بس همن لما اقعد ويا ناس اتحجى جذي يهاجموني هجوم انه شعليج و مادري شنو حتى اسلوبهم ماتقدرين ترضين فيه مادري ليش
صاحبة الموضوع مثل ما قلت فوووق .. لان من بعد الازمة كثر موضوع شعلينا منهم خلونا بحالنا واهم بحالهم .. هذي الجملة خلت اللي مايبي يسوي شي راح يسويه لانه ماكو عقاب ماكو انتقاد ماكو نصيحة
ولان الناصح صايرين ياكلونه بقشوره
ولا من عمر كنا انشوف الاجانب ماتفسخنا جذي الا بايام المراهقة و همن مراهقتنا كانت استر من طريقة البنات الحين
ما اقول البنت لا تكشخ وتلبس
بس بحدود و الميك اب حدووود بعد مو ميك اب العروس احطه بالسوق و البس لبس استقبال
ولا لبس سهرة و امشي
واللي يحرق قلبج لي ريلها وياها صدمة شلون مرته لابسة قصير و جبانيز و تمشي يمه

 

[أمانيQ8]

عرض ازياء ومكياج واخر صرعات الموضه ماجنهم رايحين السوق!!
الجماعه فاهمين الافنيو غلط على بالهم لازم كشخة عروس واستقبالات
بصراحه احب الكشخه والمكياج لكن حق الاسواق لاوالله مايسوا كلش
عوير وزوير يتمقل بعيني والا بويهي ليش عاد مالله كلف يالحبايب

 

[*عزة نفس*]

السلام عليكم
عاد انا من السعودية..
يوم جيت الكويت اول يوم بعد ما ريحنا شوي طيران على الافنيوز..عندنا فضول نشوف مجمعات الكويت ونتونس فيها..

..مو عارفة اوصف الوضع أنا اطلع عالبضاعة أو المتسوقين..غيييير شكل..
الكيرلي والميك اب واللبس..حسيت اني بأمريكا..

الفنار كان هادئ والمارينا بعد كان هادئ..
بسسس الافنيوز لا يوصف ..

عندنا بالسعودية اجانب صحيح بس فارضين عليهم يلبسو عبي حتى لو بدون لفة فالوضع بالسعودية اهون بواجد..

 

[Patcholli]

كل واحد له رب بيحاسبه
انا قبل مثلج كنت انقهر بس الحين بالطقاق ليش اهتم بغيري
اذا وحده عايشه نفس البهيمه انا لازم احمد ربي واقتخر انه مثبتتي وهاديني بآخر الزمان

 

[حديث الروح]

صحيح كلامك. كل هذا اللي شفتيه وأبلى في الأفنيوز

هؤلاء اللي ينطبق عليهم " نساء كاسيات عاريات "

وهذه المناظر صارت تتكرر بكثرة لكن مانستطيع نقول صار شيء عادي لأن القبيح يظل قبيح ويظل يلفت النظر ويجلب اللعنات على صاحباته

وهذا التطرف بين التشدد والتبرج صار علامة بارزة بكل مكان في مجتمعنا هنا مو بس في الأفنيوز

الله يصلح الحال

 

[Vous jamais]

الله يهديهم و يصلح حالهم

و الحجاب مو مجرد تغطية شعر مع جنيز ضيق

اي حجاب هذا اللي يبرز المفاتن ما يغطيها

 

[فرس بيضا]

الله. يهدييهم
أصلاً الحيين صارت الجمعات العائلية بالافنيووز.
ف لازم كل وحده تجي كاشخه !!!!

والله إذا دخلت المجمع أنسا أغراضي اللي أبي أشتريها :d
من المناظر اللي أشوفها

 

[وُهْـمَّ #]

من راقب الناس مات هماً.

الصراحه هالظاهره كثير متفشيه في مجتمعاتنا .

انا مومع ان الوحده لازم تلبس عباية راس غصب عنها لا لاكن تحترم المكان الي هيه موجوده فيه .

ولا انا مال دخل كل واحد راح يحاسب عن عمله .

اتمنى اكون افدتكِ.

 

[مزيونة الخبر]

صح احسهم فاهمين الافنيوز غلط انه مكان الاستعراض هدا بلبنان ودبي واروباء ماسو كدا ناس عمليه لكن الوضع بالكويت اوفر مرات ادا دخلت الافنيوز اضحك وربي اقول لخواتي الشعب فاهم الدعوة والكشخه غلط اللبس المناسب في المكان المناسب لكن كل واحد حر بنفسه بيدخل قبرة بروحه وبيحاسب بروحه

 

[جنون العاطفه]

الله يعين ​

 

[ماكواسم2]

منو يروح الافنيو غير الهيلق ... انا ما اشوف اللبس اللي يلفت نظري الشعر امبيه والله اكثرهم خكره ..... اصلا الكويتيين الحقيقيين يسمونه سوق العارضيه فاكيد اللي يدخله فاهم الكشخه غلط

 

[لمساتـي]

الله المستعان

 

[طيشن على جديه]

انا نفسج منصدمه منه من زمان والله العظيم كرهته واخذت فكرة غلط عنه
ومستحيل اروح له المغرب احاول اروح الظهر واخلص قبل المغرب
والله العظيم احس اني مستحيه من اللي اشوفه ...
الله يهديهم ويستر عليهم ..
ومشكوره حبيبتي ع هالموضوع ..​

 

[Pinky -cat]

حبوبه ماكو اسم شنو معنى كلامج من يروح افنيوز غير الهيلق حبوبه اختاري الفاظج ولا تجرحين بالكلام وتغلطين على الناس كل مكان في زين والشين وكل مكان في الشي الحلو والشي المو حلو ، فلا تعممين وتغلطين على الناس .لج وجهه نظر قوليها نحترمها بس بدون تجريح لو سمحتي

 

[Perfect J]

الأفينيوز ما رحته إلا مرتين ومن بعدهااا توبة ما طبيته

حسيت نفسي كائن فضاائي، وأغلب البنات لبسهم واايد أوووفر ولا الميك أب شي فظييع
أشووف بنات بعمر صغيير مستحيل أكثر من 14 سنة يعني برااءة والحواجب تاتوو ومكياج كاامل ولبس وايد قصير
والمشكلة امهاتهم ماشالله عبايات راااس طيب لييه بناتج بهالشكل

الله يهديهم أشفق عليهم من نظرات الشباب

 

[Huda alotaibi]

هي دنيا كلن ماشي براحته وعقله براسه ويعرف خلاصه

غضي النضر يا اختي والا روحي مجمع ثاني
اللي يحاسب الله كيفهم حريه شخصيه