(((( الأفــــنــــــيـــــوز )))) وما ادراك ما الأفنيوز - للنقاش الجاد

[دلع24]

اللهم ثبتني ع ديني

اللهم احمني برحمتك

واستر عوراتي

 

[قلب عشتار]

بس النظره تخليهم يعصبون وشكلهم بيقولون حريه شخصيه الله المستعان ماعاد لافيها رجوله ولاغاريه ولا مروؤه

 

[صدع القلب]

ما ادري انا احس شوي فيه مبالغة
عن نفسي اروح الافنيوز بس للأمانة أنا ما اروح بالويك اند لأنه ما احب الزحمة . بالأيام العادية أشوف مناظر غريبة ما أنكر اللي قلتي .. بس قليلة جدا
والباجي هذا اللبس الدارج .. التنانير الثلاث ارباع والميكاب وغيرهم .. هذيله ناس مو ملتزمة بس هذا ما يعني انهم مو زينين أو مو مسلمين الصغار المفروض اهلهم مسؤولين عنهم والكبار الحين بزمنا الكل عارف الدين الصحيح واللي ما يعرف عنده الموبايل يدخل اقرب موقع اسلامي ويعرف
الله يهديهم وهي بالأخير حرية شخصية " إنك لا تهدي من أحببت ولكن الله يهدي من يشاء" بالذات اللبس مسألة اقتناع ما تقدرين تفرضينه على أحد زيادة على انه مو مقياس و هالشي الكل عارفه ياما ناس متسترة وقلوبها سودة وياما ناس لبسها مو ملتزم وقلوبهم مثل العسل والعكس
عشان جذي انا اقول دع الخلق للخالق وكل شخص خله بنفسه ومالنا شغل بغيرنا
واللي حاب ينصح ويشوف انه النصيحة واجبة جزاه الله خير والله يعينه على ما راح يلاقي .. مو الكل يتقبل نصايح الغريب

 

[تعويذة]

حبايبي ... هدووء إخذوا نفس عميق يا جماعة الخـــير أولا ً مجتمعنا ... الكويتي معروف و من عمر مجتمع يحب الكشخة و الإستعراض .... الفكرة هي عندنا فلوس زايدة و ما لنا خلق نفكر فشنســوي نتمشى و نوسع صدورنا بالهالمجمعات .. و خلكم عن المبالغة ليش نسيتوا يعني قبل جم سنة سوق شرق حتى سووا عليه مسرحية و إلا المارينا مول ؟؟؟ قبل كنت أكش منا الصراحة إهي الفكرة بكل إختصار هالناس موجودة ولا نبالغ بالنوايا إللي تلبس بدلة أو سفور ساعات تكون محترمة و أذرب من المتحجبة إللي جنها فضائي ؟؟ * أقصد فئة المراهقات إللي مادري شتحط براسها عشان تكبره ...!!! لا تهاجون أقصد بعض المحجبات و خنسميهم الستايل الفضائي أوكي ...

و مجتمعنا ينقسم إلى : ناس محافظة \ و ناس متوسطة معتدلة \ و فري مرة وحدة فاليينها من ناحية دين و عادات و تقاليد
يـــعني أنا ما أقعد أدافع عنهم بس بوجهة نظري هم موجودين و نحتك فيهم بالجامعات و الأماكن السياحية ملحوظين بس لا نغلط عليهم أو نسوي نفسنا أحسن و أرقى منهم ... ترى الدين مودة و رحمة و بقناعة حطوا تحتها مليوون خط .. !! ترى مهما قلتوا منيه لي باجر عن إنهم ما يستحوون و إنهم بعاد عن الله و الله بيزيدون عند ...
هذي نصيحة مني لكم ... و بقلب محب تقبلوها مني
و الإخت بدون مادري ماكو اسم عفوا المشرفة ياليت تلغين مشاركتها علشان الموضوع حلو مانبي نلوثه الصراحة إحنا تطورنا و إنفتحنا بمستوى المناقشة و الرد مانبي ستايل أهل الجاهلية يرجع شكرا و دمتم


تعويــذة​

 

[ما أروعك!]

شوفوا

مسألة اللبس حرية شخصية ..طالما هو محتشم ..لكن تتفصخين وترصرصين وتقولين حرية شخصية لا حبيبتي انتي هني صرتي بريد للزنا لان العين تزني ..واشاعة للفساد لان البنات اللي اعجبهم ستايلج وقلدوج وغلشباب اللي فتنتيهم وسعوا للفاحشة عليج وزرهم ..وهالارض الطيبة اللي انتي محسوبة علي7ا وشوهتي سمعتها

والله انقهر لما اسافر برا واسمع كلام يغث

خليجيات بالنمسا يقولون غريبة كويتية تلبس عباية

ووحدة سعودية تقولي انا زرت الكويت ما شفت منقبات كلش وشفت بنات لبسهم شي مهول الله يعين ازواجكم زين منهم صامدين

صراحة مليت وانا بس ادافع عن سمعة الكويت..واللي حاصل بالافنيوز وغيرها ينسف كل كلامي

الخير والصالحين والصالحين كثير ولله الحمد عندنا بالكويت

لكن للاسف اللي برا ما يشوفون الا السلبيات

 

[gala q8]

لووول إنتي اللي تقولييينه ولاااااا شي أصلا !! ..

انااليوم راده من الشاليه واحد من الشاليهاات المعروفه وبالنفس الوقت " اهوا فنادق " ,, لا تششششششوفيين اللي شفته :\

شفت خليجياااااااااااات << مو بس كويتيات ماني قايله أي دوله شوفي البكيني وشوفي التااان و شوفي نفانيف السهره والمكياااج :|

والله انا اللي ما احط شي ولا كاشخه قلت شاليه و حر ما يحتاي أحط هالمكياج و هالليس !!!
والحمدالله إنيييييي ما لبست مثلهم ولا حطيييت .. و تعالي شووفي الشباب على البنات استغفر الله !! إذا انا مووو حاطه شي بويهي ولا لابسه ذيج الكشخه ماخلوني بحااالي و تخزز عيل اللي لابسسسه ضيج والملابس السسهره والله ملاااااابس سهره والبكيني !!



و إذا على الافنيوووز فعلا كلااامج كله صصصصح .. انا اميبس تمشي و تقول شنووو هاللبس !! والتناااااااانير القصيره والضيجه لااااااااااا لا نوووصل لي هالمستوى !! المشكله ما تقدرين تكلمينهم بتقووول لج حريه شخصيه بس اهما فاهمين الموضووع غلط !!

إذا السالفه حريه شخصيه فبالمجمع في شبااااااااب وفي ريااااااااااااااييل و هنووووووووود و عمات عييين كلهم بيطالعون فيج .. يعني بيدققووون بكل تفاصيل جسمج انا ما ادري شلون البنت تطلع جذي !!

الوحده حلاااتها بسترها حتى لو ما تلبس عبايه ولا حجاب ذاك الزووود ولا حتى لو كانت سفور .. بس حلا البنت متستره لا إيد طالعه ولا سيقان طالعه ولا مكيااااااج يلفت !!


الله يهديهم بس ! .. والله لو يحصل لي ما أكشف شي عن ويهي .. حتى ظفر إيدي ما ابيه يبين !! .. و هذووول استغفر الله ماكو شي ما طلعته !!


والله من حرت قلبي .. و من الصدمه اللي شفتها امس واليوم !! ..

 

[gala q8]

و حبييت أزييييييد شي ترا مو كلهم كويتيات والله اعرف بناااااااات يتكلمون كويتي أحسن مني و منج بس والله العظيم لاهم كويتيات ولا شي !!

المشكله اللي يشوفها يقووول كوييتيه لهجه و حاله بس لبسسسسسسس الله يستر عليهااا ,, فمووو كل وحده نقوول عنها كويتيه !!



بسسسس حتى لو مو كويتيه يعني لااازم تتفصخ !! إهيا قاعده بدوله مسسسسسسسلمه خيجيه ,, لا حول ولا قوه إلا بالله !!

 

[راجيه الغفران]

يجب ان نتناصح بالاسلوب والموعظه الحسنه
الافنيوز ليس خاص بنساء فقط ولكن هناك الرجال فلنتقي الله فيما نلبس

 

[الـكـاديـي]

الله يهدي الجميع

 

[توفيقك يارب.]

لحظة لحظة .. الي تقول حرية شخصية و يلبسون الي يبونه لا حبيبتي مو بكيفهم يلبسون الي يبون ع اساس ان حرية شخصية ..
فيه شي اسمه احترام الذوق العام و لما تيي وحدة لابسه هالضيج و المخصر و القصير تكسر هالقاعده و بعدين الديرة مو ديرتها بروحها ماخذه راحتها الاخت .. الديره فيها شباب و نساء و اطفال و كبار بالسن غصبن عنها تحترم هالشي .. بس اذا اهيا ما احترمت تعاليم دينها ف اكيد ماراح تحترم هالشي ..استغفرالله اشكال غريبه عجيبه .. متحجبه و حاطه فل ميك اب عسى ما شر حبيبتي وين رايحه ؟؟ بذمتج قبل لا تطلعين من البيت شوفي ويهج بالمنظرة هل تستحقين ان يطلق عليج لقب مسلمه ؟؟ مسلمه بالاسم فقط اما افعالج افعال كفار .. و ترا والله مو كشخه اذا بعض البنات حسبالهم وااااو انا اليوم لابسه ضيج و كاشخه و عدسات و ميك اب .. انتي ما كشختي انتي خليتي نفسج سلعه رخييييييصه كل من هب و دب شاف هالسلعه و تمتع بالنظر لها .. ع الاقل احترمي مشاعرنا لان بصراحه منظرج مقزز حيل و يسبب لوعه مطلعه سيقانج مستانسه فيهم شي مقرف صج .. و حسبالج وناسه لما هذاك يغازلج و الثاني يقط عليج كلمة حلوه و الثالث يرقمج ؟؟ مو وناسه ي قلبي انتي هذول شايفينج شي رخيييييييييييييييص ف احترمي نفسج و احترمي غيرج ترا الستر حلو .. لا و المشكله هالفئه اذا شافت وحدة ساترة نفسها ب عبايتها و محتشمه قالو عنها ويع معقده ... ماكو معقد غير الي باع اخرته عشان يعرض جسمه و شكله حق غيره و هذول على فكرة يعانون من نقص شديد الله لا يبلانا بس و يستر على بنات المسلمين

 

[دارسين]

بنات اول شي ان احبكم كلكم في الله

ودي بتسطير بعض الكلمات اللتي ان شاء الله تكون لي شفيعه يوم لاظل الا ظله

عسى ربي يجمعنا واياكم في الفردوس الاعلى

الوضع في الحقيقه يابنات يخووف اكثر من أي شي ثانني الستر اهم شي في هالدنيا

انا والله منقبه ولله الحمد واشوف مناظر مهوله

المصيبه لما تكتبون ان اللبس حريه شخصيه لا حبيباتي اللبس رساله وعنوان لكل المسلمات

وينكم عن القريه اللي اهلكهم الله بذنوبهم فقالت الملائكة لله عز وجل فيهم رجل صالح انهلكهم

فقال ففيه ابدأ لماذا يابنات يبدا فيه وهو صالح لانه ماحاول يغير هذا المنكرر

في الواقع شئ مؤسف لما نقول مو كويتيات وإذا مو كويتيات

المسلمات سواء في كل مكان بغض النظر عن اختلاف الجنسيات الكل الله يهديكم خلونا نسعى للتغير

فعلا وين الامهات عن بناتهم بس المشكله اذا كانو الامهات يشجعون بناتهم

كثرت الامراض وكثرت المصايب والله يابنات في البعد عن الله الم في القلوب وتوتر في النفوس

ومن لاتستتر فهي بعيدة عن الله

انصحكم بالصلاة في طمأاانينه لنفقه الدين ولنتفقه في كلام الله عز جل

والاحظ شي كثير يابنات انكم تنتقدون بنات السعوديه

ترا هم مو ملائكه ولاهم قدواتنا ابدا

قدواتنا زوجات الرسول صلى الله عليه وسلم وامهات المؤمنين

والصلاح في النساء لاعلاقه لللجنسيه فيه

والله مرة كنت في الرياض تحديدا في مستشفى الملك فهد ولا دكتورة منقبه وكل شوي تستغفر

وعيونها زرق ولما تكلمت وياها عرفت انها بريطانيه

الله يهديني يابنات ويهديكم ويجعلنا امهات صالحات ويحفظ المسلمين في كل مكان وينصرهم نصر عزيز مقتدر

 

[msha3eer]

هذا صار مجتمعنا للاسف واذا تكلمنا قالوا حريه شخصيه!
الله يستر عليهم ويعينهم على طاعته.

 

[smily girl]

صراحه معاك حق مليوون بالميه

فعلا مناظر البنات للأسف مقزززززه عموما السفور أنا غاسلة يدي منها لكن [[ بعض]] الي يسمون انفسهم متحجبات صراحه الله يهديهم أبدا مايتسمى حجاب اهم شي عندهم ملفع قطن خانقهاا والباقي مالها شغل فيه البنطلون ضيق والبدي اضوق وفل ميك اب!! لا وكلله كوم والتوربان كوم ثااني الرقبه طالعه ومنابت الشعر والاذاني!! لا وتزعل اذا الشباب تحرشو فيها!!!!!!!!

اما الي تقول غضي البصر ومالك شغل فيهم اسمحيلي ماتعرفين دينك انه دين نصيحه؟؟ بعدين وين نغض البصر وهم الحين يشكلون 80 بالمية الله يثبتنا ويرفع عنهم

عموما ارجع اقول الدين النصيحه وفيه احاديث كثيييرة توجب الامر بالمعروف والنهي عن المنكر ياليت الي تقول ماكم شغل فيهم ترجع للاحاديث صدقوني تغير رايها*

والاخت الي تقول الافنيوز للهيلق ضحكتني صراحه حتى الاسواق صارت لهيلق ولكشخه!! عموما الافنيوز مجمع حاله من حال المجمعات يجمع كل الطبقات وبييييني وبينك مازادت الاشكال المتفصخه الا لما جو اهل المناطق البعييده عنه يبون يستكشفون القراند افنيوو صرنا نشوف العجب

 

[smily girl]

رد: عادي!

آنا أشوف إنه شي عادي، يمكن هاللبس ما يناسبچ بس يناسب غيرچ، مو لأن إنتي مستنكرة الوضع معناته إنه غلط، الناس أحرار باللي يسوونه، المجتمع إنفتح شوي بعد إنغلاق لمدة 20 سنة تقريبًا، هذا شي يفرح صراحة! :eh_s(15):​

الي مستنكره الوضع مو عشان مو مناسبها او مو عاجبها منا والطريق لااا حبيبتي مو عاجبنا لانه حراااااام مافيها حرية شخصيه هذي !!!!!
واذا انتي فاهمه الانفتاح غلط نعلمك حبيبتي حاضرين:eh_s(15): والله اخر الزمااان فعلااا الي حتى اليبراليين واشكالهم يفتون ويناقشوون اتمنى اذا كنت مبليه انتي او غيرك ماتجاهرين بمعاصيك لان المجاهره اعظظظظم

 

[Smchoocha]

الافينيوز رحمه بالنسبه حق الشاليهات و الفنادق من هول الصدمه ما قمننا نروح

 

[cutecherry11]

هههههههه شنقول بعد الله يهدينا مو بس بالافنيوز حتى بالجامعة اعوذ بالله

 

[فوزيه الراسي]

ندعي الله يهديهم

 

[بيبي قيرل]

أول شي حرية شخصية
خو مو يايين بمايوه لابسين :/
وبعدين محد له شغل بلبس البنات أهلهم راضين وهما راضين
كل واحد وله مفهومة الخاص عن اللبس المحتشم

وبثثث

ثانكيو

شكلج منهم

انا قطريه والحمدالله اشوف وضعنا في قطر اهون بوايد من الكويت .. الكويتين منفحتين بزياده من ناحيه اللبس يعني مافي قطريه بدون عبايه وشيله الا الي مب اصل وفصل .. واللبنانيات والفلسطينيات والهالجنسيات هم الي خربوا بلادنا وشبابنا الا من رحم ربي ...

الحمدالله على نعمه الستر

 

[نبض السعاده]

تعلمنا الاحترام من خلال الحديث يبن شخصيه الفرد
اولا الي يصير بالافنيوز غلط نساء كاسيات عاريات
ثانيا الاخت السعوديه بتحديد بعطله السعوديه رحت انا وريلي لسووق كانت يمنا طاوله سعوديات
بس المفجاءه انهم متكشفات حيل بنات عليج عليهم فوق هذا عيونهم زايغه
نفس الوقت سعوديات متحشمات الوضع مو مثل بعض
ثالثا سالفه الهليق لبس عبايه متحجبات مدري شنو
التلفظ التكبر مدري من وين جايبينه كل واحد طريقه تربيته
انا عن نفسي دينه نقاب رفيجاتي مو منقبات في منهم منقبات منهم مو متحجبات
مو معناها انها مو محترمه اذكرهم مااسكت بس مو عاريات مثل الي نشووفهم
بنات الكويت معرووفات من بدو حضر شيعه وسنه محترمات الحمدالله الباجي فئه بس مااحكم علي كل الكويتيات
فرجاء من يمس حضر الكويت او البدو يحترم نفسه ولا يحكم علي اهل ديرتي بالفساد لان الفساد بكل ديره

 

[نورة حسام 2]

الله يهديهم ويهدينا