(((( الأفــــنــــــيـــــوز )))) وما ادراك ما الأفنيوز - للنقاش الجاد

[qoot]

يتسارعون على جهنم

 

[انسام الكويت]

هالاشكال نشوفها بكل مكان بس بالافنيوز اوووفر أنا من شهور وااايد رحت له اشتري غرض معين


ماحب أروح له إلا للضروره وشفت جم وحده استغربت لبسهم حجاب اللي رقبتها طالعه جنها حاطه منشفه


منظر غريب شهالحجاب اللي هبوا فيه شكله غريب وملفت او حجاب اهو سكارف مايندرا


عموما الله يهدي الجميع

 

[انسام الكويت]

اذكر كانوا بيقرون قانون للاحتشام للجنسين كان بمجلس ٢٠١٢ وبيصوتون عليه بس تكنسل المجلس

عاد المجلس اللي عقبه أبد ماعجبهم هالقانون ولا تكلموا فيه للاسف ... لانه فعلا الابتذال وصل حده سواء كانت

الوحده سفور اومتحجبه اومتقبه .... جد المظاهر لعبت براس هالجيل من زود التفصخ والتبرج ...

 

[كاريزما حلوة]

اي والله صاجة اختي عسى يهديهم ويهدينا ويصلح الحال اعوذ بالله ماعاد فياحد يستحي الله يحفظنا ويحفظ عيالنا وازواجنا​

 

[أنوثه ملكيه]

لاحول ولاقوة الا بالله

 

[7rbia]

الله يهديهم!

 

[omaseel]

الوضع مبالغ فيه

 

[عروس مشعل 2014]

انا من شفت الوضع جذي خليت روحاتي الصبح بس لقيت أن الوضع نفسه نفس اللبس نفس الأشكال الشكوه لله

 

[myaar]

كله سوق ياجماعه

الواحد يتسوق .. ياكل .. يشرب كوفي

اما اروح سوق .. افتر افتر وارد بيتنا ؟؟

حمدالله والشكر

بفهم شنو الحكمه واحد يفتر بالسوق؟

بنات كل وحده تبي تسوي شي توقف تسأل نفسها /

انا ليش اسوي جذي

انا نصيحتي للبنات الغافلات

اللي لاهيه بدنيا وماوقفت فكرت / انا ليش اروح افتر بسوق؟

شنو رايحه ادور شباب ؟ اذا ردج لا عيل شوفي لج مكان ثاني

طلعي له مع رفيجاتج

لان روحه السوق يا لغرض أو قز!

أما اللي تقول حرية عليج من نفسج
لاحبيبتي غلطانه

الحديث الشريف:
( أنهلك وفينا الصالحون؟ قال نعم اذا كثر الخبث )

انا عايشه بمجتمع لي فيه مثل اللي لغيري
احنا بشر تحكمنا قوانين واعراف

 

[^أنين القلب^]

حبيبتي صج تقولين في بنات صغار يتمشون بروحهم
بس انتي اللي قاعده تكلمين عنهم هذيل فئه قليله ياكثر ماروح الافنيو ماشفت اللي شفتيه يمكن مره او مرتين واساسا اشكالهم شبه راح يكون وكل الناس تطالعهم ناقدين عليهم ترى احنا بالكويت بعدنا بخير

والانسان عليه من نفسه يعرفون الصح والغلط والدين كل واحد عليه بنفسه :*

 

[^أنين القلب^]

الوضع مبالغ فيه

انا معاج بهاذي صار اوفرر بزياده

 

[نوف الصقعبي]

كلنا عارفين ان غالبية اللى يتعرون بشكل قذر بالافنيوز مو كويتيات ومن دمهم واشكالهم مبين بس الله يهديهم قبل مايقبض ارواحهم بحادث سياره او غضب ينزل عليهم
لان الدنيا ماتسوا جناح بعوضه عند رب العالمين
وماتسوا انج ترخصين لحمج لكل من هب ودب بالتعري الزايد يعني شوفونى وله دفعولي ؟​

لاتيبين لنفسج الحجى ياراعية التعري والكلام ايضآ موجه لج يا راعية النقاب والفل ميك اب وعبايه ضيجه وطايحه تخزز بالشباب وتكرر وتلفت يمين يسار مثل البيجر الهزاز​

والله عيب اللي تسوونه

لإنج بجذي قاعده تشوهين سمعة وصورة المنقبه والملتزمه الطاهره
وفوق هذا تظلمين نفسج بالذنوب تخيلي بهاليوم تنقلب فيج سياره وتموتين شلون بتجابلين ربج ؟

شبتقولين رب ارجعون علي اعمل صالحا ؟​

 

[الجفول&]

البنات صارو يكشخون للافنيو اكثر من كشختهم للعيد ،.. جديد الموضه تشوفينه عالبنات هناك.،.شي يعور القلب المشكله معاهم امهاتهم وين الامهات اول هذا عيب هذا حرام عيب تسوين جدذي الحين بعض الامهات العن من البنات

 

[أبله أريج]

منو يروح الافنيو غير الهيلق ... انا ما اشوف اللبس اللي يلفت نظري الشعر امبيه والله اكثرهم خكره ..... اصلا الكويتيين الحقيقيين يسمونه سوق العارضيه فاكيد اللي يدخله فاهم الكشخه غلط

هيلق !!!!!!!
سوق العارضيه؟
وشفيها العارضيه ؟؟؟؟؟؟؟؟؟؟ ووين الهيلق اللي بالعارضيه؟

 

[قـايـد الـريـم]

الله يهديهم ويهدينا ويهدي الجميييع

 

[سيلينا]

على كثر ما اروح له ما شفت الي تقولون عنه اوكي شفت جم مره نااس لبسهم ماصخ بس هذا شي وارد
سواء بالافنيوز او بمكان ثاني لاني ممكن اشوف ناس لبسها ماصخ في مجمعات ثانيه

ولما اطلع اكون مع مجموعه اسولف او اخلص شغل ما اهتم بالي رايح او الي راد والله ولا مره شفت شي حيييل ضايقني او لفت نظري لدرجة كبيره احس شغلات تمر علي وارده سواء بالافنيوز اوبمكان ثاني

 

[محضوضـه]

الحمدلله الذي عافنا. مما ابتلاهم !!

(الــــــــــــــــديـــــــــــــن ديــــــــــــــــــــن نصيـــــــــــــــحه )

وعلى قولتكم ما في احد يقبل النصيحه الحين
فما مانع من طرح هذا الموضوع مثل ما قالوا الأخوات

أنهلك وفينا الصالحون قال نعم إذا كثر الخبث

وطرحها للموضوع كان. بمثابة النصيحه !!

 

[Tom ♥ Jerry]

يتسارعون على جهنم

,


كفووووووو عليييييييج:eh_s(22):
و الله احلى رد!

و ما بعد هالرد كلام /:

 

[وسطيـــة]

عادي!

آنا أشوف إنه شي عادي، يمكن هاللبس ما يناسبچ بس يناسب غيرچ، مو لأن إنتي مستنكرة الوضع معناته إنه غلط، الناس أحرار باللي يسوونه، المجتمع إنفتح شوي بعد إنغلاق لمدة 20 سنة تقريبًا، هذا شي يفرح صراحة! :eh_s(15):​

 

[دلع24]

شنووو الشي الي يفرح

ان الوحده تمشي مفصخه والا الوحده تمشي وتغاازل


الحمدلله ع العاافيه

ۆ اللَّہ يستر عليناا وعلى بناتناا

نااار جهنم وبئس المصيير

خلي تنفعهم وناستهم ولبسهم لمن يلاقوون ربهم