بليز بنات الي تطيح عينها ع الموضوع تدش :(

[سلطانة الاحساس]

سلام بنات شلونكم صارلي فتره غايبه عن المنتدى
المهم بنات عرس اختي اول تسعه ابي اضعف بليز ابي وحده تعطيني
نظام شديد
عادي عندي بتحمل
بليز بنات
مااحلل اي وحده تدش وماتكتب رد لودسمحتوا بنات والله محتاجه شي قوي عادي بتحمل

 

[نُوف~]

عليكم السلام ..
فيه رجيم التمر واللبن ابحثي عنه و شوفيه
كثير اسمع عنه انه زين

وإن شاااء الله البنآت يفيدونج اكثر ..
وموفقه ^^

 

[سلطانة الاحساس]

عليكم السلام ..
فيه رجيم التمر واللبن ابحثي عنه و شوفيه
كثير اسمع عنه انه زين

وإن شاااء الله البنآت يفيدونج اكثر ..
وموفقه ^^

حبيبتي مشكوره ع ردج

 

[Al Maha]

وليش ما تحللينا ههههه

يعني ليش لازم تتريون مناسبه علشان تضعفون

باجي اقل من شهر ما اعتقد فيه شي سحري يضعف بهاي الفتره القصيره

ان شاء الله غيري يفيدج ^^

 

[عنان السماء]

حبيبتي سوي رياضه يومياً اقل شي ربع ساعه
ووشوفي شو الاكلات الي تمتنج حاولي تبتعدي منها وماتاكلين وايد
يعني لاتشيلين ههم وتقعدي تلاحظين وايد , وان شاء الله بتضعفين
اهم شي الاراده يعني ودوري فالنت بتلاقي , فاليوتيوب تمارين بعد

اممم لو تكلمتي من وقت وبديتي احسن
وان شاء الله البنات يفيدونج ويتحقق الي تريدينه ~

 

[سلطانة الاحساس]

حبيبتي سوي رياضه يومياً اقل شي ربع ساعه
ووشوفي شو الاكلات الي تمتنج حاولي تبتعدي منها وماتاكلين وايد
يعني لاتشيلين ههم وتقعدي تلاحظين وايد , وان شاء الله بتضعفين
اهم شي الاراده يعني ودوري فالنت بتلاقي , فاليوتيوب تمارين بعد

اممم لو تكلمتي من وقت وبديتي احسن
وان شاء الله البنات يفيدونج ويتحقق الي تريدينه ~

حبيبتي مشكوره على ردج وصج حيل فدتيني بدور اب يوتيوب مشكوره

 

[سلطانة الاحساس]

وليش ما تحللينا ههههه

يعني ليش لازم تتريون مناسبه علشان تضعفون

باجي اقل من شهر ما اعتقد فيه شي سحري يضعف بهاي الفتره القصيره

ان شاء الله غيري يفيدج ^^

حبيبتي كان العرش شهر 11 بس اهم جدموه وكنت مسويه نظام فانحسنا حيل عرفتي وكان نضامي ينزل 7 كيلو بالشهر طبيعي بس لما جدموا العرس توهقت ابي اضعف اكثر واخر سبوع خربت حيل

 

[زوجت الشمري]

يمدحون رجيم الماي

 

[تووته البسكوته]

ههه اهم شي ما تحللينا لوووول
في رجيم الشوربه يقولون يضعف
شوربه الملفوف بس راح تلوع جبدج من الشوربه لان كل ما تيوعين تاكلين منها

 

[سلطانة الاحساس]

ههه اهم شي ما تحللينا لوووول
في رجيم الشوربه يقولون يضعف
شوربه الملفوف بس راح تلوع جبدج من الشوربه لان كل ما تيوعين تاكلين منها

محللتج ههههه ملفوف لاا مااقدر انا جاي اخضر بالغصب اشربه

 

[سلطانة الاحساس]

يمدحون رجيم الماي

حبيبتي مشكوره بدور عنه اب قوقل

 

[تووته البسكوته]

لا حلو طعمها لان الملفوف محموس مع سالري
انزين جربي تعصرين السالري اللىاهو الكرفس الامريكي مع ليمون صج طعمه مو ذاك الزود بس يمشي الحال وااايد يمدحوونه شربيه بالعشا واكلي روب بالعشا عجيب

 

[تووته البسكوته]

واذا تخافين من لاغازات شربي كموون وماكو الا العافيه

 

[طريق السعاده]

حبيبتي الله يوفقها اختك وعقبالك يارب

شوفي يمدي تطيرين كم كيلو بقي اقل من شهر بس عادي شدي حيلك وبعد العرس ارجعي لنظامك الاول تبع الدايت

انا جربت حركه وبرجع اسويها باذن الله

تمر وماي فطور
صدر دجاج مشوي + سلطه خضرا بدون ملح غدا
او تونه مع سلطه
العشا يكون قبل الساعه 7 او 8 خلييها حدك يعني لو وش ماتاكلين بعده

العشا يكون زبادي قليل دسم طبعا واذا تبين حطي معه خياره

مع مشي 60 دقيقه
وطول الليل تشربين ماي واذا حابه اعشاب تشربين الي تبين بس يكون بدون سكر نهائي



وصلحي تمارين عشان حتن لو ماضعفتي واجد بالميزان تنرسم جسمك ويبين عليه بسرعه تغييرات فضيعه
هالنظام طير كثير كيلوات بالهبل عندي لكن تختلف الاجسام بس نصيحه لازم تمارين لان تاثيرها ع الشكل اكثر من الكيلوات الي طارت

 

[عز الخويه]

رجيم التمر واللبن والفواكه والخضروات قسميها بين وجباتج وادعيلي وكثري رياضة على الاقل ساعه لو تمشين مشي ويمدي والله يوفقك ويوفقك اختك يارب

 

[~mmm~]

هذا من مخي لوول
بس اتوقع يضعف مع رياضه

الريوق نسكافيه
الغدا 2 همبرجر مشوي بدون شي
العشا تفاحه

اذا يعتي شربي ماي
واهم شي الرياضه
اذا انتي متينه وايد لازم لازم لازم رياضه

 

[سلطانة الاحساس]

لا حلو طعمها لان الملفوف محموس مع سالري
انزين جربي تعصرين السالري اللىاهو الكرفس الامريكي مع ليمون صج طعمه مو ذاك الزود بس يمشي الحال وااايد يمدحوونه شربيه بالعشا واكلي روب بالعشا عجيب

بجربها خلاص

 

[بـ سـ كـ وتـ ة]

حبيبتي أسرع ريجيم يبين عالجسم دشتي اللي اهو بروتين

بس عاد تكونين حذرة وتشربين عالأقل لترين ماي لأن إذا ما تشربين ماي كثرة البروتين اتعب الكلية

أعتقد اللحوم تزيد حمض اليوريك في الجسم والماي يساعدج تتخلصين منها

والمشي عجيب يشد الجسم كله ويضعف بسرعة

وطبعا إذا في مناطق مضايقتج أكثر من غيرها شدي حيلج بالتمارين

وألف مبروك حق العروس والله يتمم لها على خير ويرزقج إذا كنتي عزوبية

 

[محبوب قلبي]

تخفيف اكل + مشي

 

[لازورد]

الله يباركلها

المشي لمدة ساعه واذا تقدرين مشي سريع يعني هروله يمدحونه لتنزيل الوزن بس لا تضغطين على جسمج موزين لج يعني اذا ماقد سويتي رياضه ابدي بالتدريج

خففي اكل أو خليج على نظامج والملح حاولي تقللين منه او تقطعينه واذا ماتقدرين في ملح تلاقينه بالجمعيه مكتوب عليه لو صوديوم شي جذي شفته بصفحة انسام الخلف .. لان الملح يحبس الماي بالجسم

وموفقه يارب