يوميا @ سجلي حالتج النفسيه اهني@متزوجات حيااكم@

[شادن33]

صبااااح الخيراااات
قايمه من الصبح ما ادري لييييييش
وطواااالي ع الريوق الخدامه مسويه فطااااير وطحت فيهاااا الله يستر ع الوزن بس !!!


زنووووب ياحبيبتي ادري انج ذيييبه ما ينخاااف عليج. ولكن حبيت اوصيج ههههه

 

[شادن33]

قموووووور ليش اختفيتي مره ثانيه !!!!
باتشووووو ما نعرف اخبارها !!! الله يحفظها

يلا بروح ادورلي شغله احوس فيها بهالبيت !!

 

[امـ خــزامـى]

ياازين سووالفكم تهبل

انا عني امس كله بالمشغل اسمكر بعمري
مع اني للاسف بشرتي بعد الفتله انعدمت كلها حبوووووووووووووب
مو متعوووده ابدا على الحبوب الحمدالله
بس كارهه وجهي جدا


شدوون عطيني وصفة الشعر لاهنتي
شعري صاير ليفة موو طبيعي الصبغااات وسحب اللون اعدمه

وكل مره اقول تووبه خلاص اخر مره اصبغ بسس ارجع اصبغ
اللي حولي يشجعووني زووجي يموت بالاشقر
وخواتي يحطموووني يقولون الغامق موو حلو ابدددا عليك


مع انهم يشبهووني على ممثله شعرها بني غاامق ويهبل عليها


هالمره صدق صدق توووووووووووووووووبه

والله من كثر مااهو متقصف الكوافيره اليوم قالت بقص لك اكثر من الطرف لان نص شعرك منعدم


وبيري بعد قلبي وش اخبار الشغل بشري ان شااءالله مرتاحه فيه


زنووووووووب ههههههههههههه ضحكتيني انت وزوجك ربي يحفظكم ويعدكم


وقمووور تهبلين حبيت سوالفك وماينلامون البنات يوم فقدوووك


باقي الحلوات اشتقتلكم

 

[قموووره]

صباحكم عسل​

 

[قموووره]

انتو فين يا ستاااات ههههههه​

 

[Zinab BH]

ام الزوز ماتيوزين من هالصباغ نتفتي شعرج و قصفتيها بسج
و صباح الخير يا عسولالالات ازيكم عاملين ايه
من صبح الله قاعدة اشرب عصير حليب بالموز خخخخ
طلعت النتائج و نجحت و ارتفع المعدل اللهم لك الحمد و الشكر يارب الله يتممها لي على خير و اتخرج يارب

 

[Zinab BH]

قمورة يالحلوة شخبارج شمسوية شخبار ريوقج عزميني عليه يوووعانة خخخ

 

[غالية زمانها]

نفسيتي تعبانه من هالزوووج

 

[قموووره]

ام الزوز ماتيوزين من هالصباغ نتفتي شعرج و قصفتيها بسج
و صباح الخير يا عسولالالات ازيكم عاملين ايه
من صبح الله قاعدة اشرب عصير حليب بالموز خخخخ
طلعت النتائج و نجحت و ارتفع المعدل اللهم لك الحمد و الشكر يارب الله يتممها لي على خير و اتخرج يارب

الف مبروك حبيبتي ربي يوفقج ويرزقج كل ما تتمنين حبيبتي

وعلى الريوق توني طالبه بيتزا هههههههههههههه يالله حياج على ما توصل​

 

[قموووره]

غاليه حبيبتي الكل يشكي محد مرتاح راحه تامه لازم حبه فوق وحبه تحت حاولي تصدين عن الجو المشحون وصفي ذهنج علشان ترجعين تكملين مسيرتج
الحريم بين فتره والثانيه يبيلهم فترة نقاهه وربي يسخرلج​

 

[Zinab BH]

الف مبروك حبيبتي ربي يوفقج ويرزقج كل ما تتمنين حبيبتي

وعلى الريوق توني طالبه بيتزا هههههههههههههه يالله حياج على ما توصل​

الله يبارك فيج حبيبتي ... قمورة بيتزا من صبح الله حق المتوووون مو ناقصة انا كفاية العشر كيلوات مو راضية تنزل قاعدة اشرب عصير كوكتيل الحين و سندويج اسمر مع دجاج ميونز خخخخ لازم اخربها

 

[Zinab BH]

نفسيتي تعبانه من هالزوووج

حبيبتي طنشي هالريايل ماوراهم الا الغثى .. اتذكر موضوعج الله يعينج والله العين بصيرة و الايد قصيرة تالي الليل فرشي سجادتج وادعي ادعي ادعي ادعي لين الله يفرجها عليج الله مايظلم عبيده وياخذ بحقهم
حسبي الله على كل ريال امبجي مرته و امعيشها في هم و نكد بسبب فعايله حسبي الله عليه :eh_s(2):

 

[قموووره]

زنووووب بيتزا مو هذييييييك لااااااا الي من راعي الفطاير هههههه بعدين لازم الانسان يسعد نفسه اذا ما لقى الي يسعده والدنيا حلوه واحلى سنين على قولة شدووون
بس ليييييييش المايونيز ؟ هههههه صراحه مالها طعم بدونه سرحي ومرحي وعيشي حياتج
هذا والله الموفق​

 

[Zinab BH]

زنووووب بيتزا مو هذييييييك لااااااا الي من راعي الفطاير هههههه بعدين لازم الانسان يسعد نفسه اذا ما لقى الي يسعده والدنيا حلوه واحلى سنين على قولة شدووون
بس ليييييييش المايونيز ؟ هههههه صراحه مالها طعم بدونه سرحي ومرحي وعيشي حياتج
هذا والله الموفق​

عاد تبين تقنعيني ان البيتزا مو هذييييييج لا من راعي الفطاير يعني بدعتي خخخخخخ تصدقين مرة من كثر الوسواس سويت بيتزا سمرا خخخخخ اخ ياقلبي يختج الناس ماتخلي الواحد بحاله ان ضعيف قالو ضعيف و ان متين قالو متين مشكلتي ماكانت فيني روح ابداً و متنت موو ايد كنت اللبس سمول صرت اللبس ميديم بس الناس ملوعين جبدي
مرة هبيت في خواتي صج و هاوشتهم قلت لهم غثيتوني لوعتو جبدي ماصرت اشتهي اجابل الناس بهالسبب زين صارت فيني لحمتين عن هالعظامى اللي فيني صج ترى وغير معدتي مخبوصة صرت احاسب من لوعة الجبد من كثر مااقالو لي متنتي استغفر الله ربي لا تخليني اسب اللي في بالي خخخخ :krkrkr:

 

[شادن33]

قووووه شلوووونكم

توني راده من سنتر بوينت

اخذتلي حمره لحميه من نوبا وصبغ اظافر تركواز

بنات انا عندي مشكله باختيار الحمر ( الارواج ) كله اختار نفس الالوان يااااربي

يعني اخذ نفس الدرجه عرفتوا انا متنقبه ما احب اجرب على شفايفي بالمحل أحط على ظهر ايدي ويطلع نفس اللي ابيه

ولااااااااااكن بالبيت يطلع لون ثاني ويعه يعني اقعد اصفف هالارواج بنفس اللون هههههه الله المستعان

بس بالعيد خذت احمرررر لوووول

 

[شادن33]

اخاااااف عندي عمى الوااااااااان

 

[شادن33]

ام خزوووووم حرام عليج شعرج
يوم بيحترق شعره ريلج شينفعج على ابو ان يحب الاشقررررر
ماعليج صبغي نفس لونه الطبيعي واتهمني فيه

الخلطة انا ماخذتها من المنتدي روب مع سمسم مطحون وع الشعر طوااالي

 

[قرمووشه]

شادن شااااادن

هذي الخلطه حق شنووو
تنعم الشعر يعني ولا شنو

وبس روب وسمسم مطحون بسس
وشلون الطريقه سيده احطهم بشعري ولا شلوون؟؟؟

 

[امـ خــزامـى]

زنوووووووووووب الحمدالله يارب يبارك لك ويحقق مناك وتتخرجين وتتوظفين وظيفه سنعه

شادن المشكله الاساسيه فيني
انا حابه الاشقر علي وكل ماقلت خلاص بغمقه اشوف صوري واقول لالا صادقين انا احلا بالاشقر

ملامحي حاااده جدددا وشعري اسووود اطلع شريره خخخخخ

لكن بالاشقر يعطي طابع اهدى وارووق


بس تحمست للطريقه الزبادي كيف اطحن السمسم
لو احط طحينه سايله مو احسن لانه سمسم مطحووون



الله يعينك شدووون بزعجك خخخخخخخخ

 

[شادن33]

شادن شااااادن

هذي الخلطه حق شنووو
تنعم الشعر يعني ولا شنو

وبس روب وسمسم مطحون بسس
وشلون الطريقه سيده احطهم بشعري ولا شلوون؟؟؟

اي قرموووشه تنعم الشعروحطيه مثل ماسك للشعر عادي

ام خزوووم طحنى السمسم بمطحنه القهوه والبهارات الصغيرة

بس نسيت اقولكم حمصوا السمسم على النار اشويه مؤ تحرقونه