يوميا @ سجلي حالتج النفسيه اهني@متزوجات حيااكم@

[ام الدرر]

سلام مربع للقدعان
الحالة النفسيه
طلعت امس خلصت جم شغله
ارتحت نفسيا شوي

زنوب حياج عندنا
عاد هالشهر 5 عروس معزومه
واحد خلصنا منه
والثاني ولد اخوي يوم الجمعه
والاربعا الياي بنت جارتي
والاثنين الباقين واحد 29 الشهر والثاني مادري متى
اقول لاختي جان زين اثنينهم بنفس اليوم عشانم نختار واحد ونفتك
المشكله كلهم قراب مافي مجال للاختيار


باتشولي
فوفو وام زوز ماقصروا
الله يحفظكم من كل شر​

 

[متواضعة]

صباح الخير


شدوونه وام فوفو شكرا على الرد قدمت الرساله وان شاءالله خييير

اما شدون بعد عنج حلوى المروج ماتتغير اسبووع

ام الدرر انا بعد معزومه تاريخ 29 ليكون نفس العرس ههههه بس للحين ماعرف وين بيكون العرس

 

[متواضعة]

باشوولي ماشاءالله عليج عجبتيني بتصرفج وحكمتج الله يكملج بعقلج ... انا اقول انتهى الموضوع لا تفكرين فيه اللي تبين توصلينه وصلتيه والباقي على ريلج لا تحاتين دام انتي عارفته زين مو لازم انه طالع المقطع ياما تتطرش لنا مقاطع مانفتحها يعني مو شرط

ولا تحوسين في تلفونه لانه بيصير عندج مثل الادمان واللحين هالاشيا تصير في الشارع والمجمعات وفي التفزيون يقدر اذا يبي يفر على اي محطه .....

وكلي امرج لله وادعي له بالثبات

 

[Patcholli]

صباحوووو

شخباركم حبيباتي باقي يوم على ردتي للكويت والجو قلب برررررررد
جنه يقولي مددي ههههههههه
وارفيجاتي دازينلي صور حوسة الدوام واقردي
شعور متظارب بس صج ولهانه عالديره والله لو وين ما الواحد يكون يحن لديرته سبحان الله


حالتي النفسيه الحمدالله تمام

متواضعه لازم الوحده فيينا تفكر وتستشير قبل لا تتصرف لان الهواش راح يزيد الطين بلله
ذاك اليوم حسيت ريلي يبي يتعمد يخليني اقول كلمه مني مناك عشان يقفل التلفون ويريح راسه
بس كنت حيل ظابطه كلماتي واعصابي وماحسسته اني معصبه ومحتره حسسته اني متظايقه وزعلانه في فرق لو كنت معصبه حان لي يومج متهاوشين ويقفل تلفونه ويحرني ويحرق قلبي زياده بس لما تتمسكنين مايمسك عليج شي

الله كريم والله ادعي عالي مايخافون الله واتحسب عليهم طول الوقت
الله يطلعهم من حياتي وبيتي ويشغلهم بنفسهم يارب

 

[سلاسل ذهبيه]

سعدت بقراءة جزء من سوالفكم ♡♥

 

[Zinab BH]

باتشو وصاخة هالريايل ماتوقف ذكرتيني بموقف اختي ربعه مثل الشي يدزون له
قامت خذت التلفون و كسرته تكسر تقوول ماخليت فيه قطعة صاحية عاد اهيا سوت لها سالفة شطولها بس ربج سترها و عادي الشباب لهم بهسوالف انا بعد ربعه وصخين وكلش ماحبهم و اقتهر بس اسكت شنسوي ربج كريم
استانسي بالسفرة لا تعكرين جوج

 

[Zinab BH]

ام الدرر ياقلبي انتي ياااريت اقدر اييي خخخخ الله يبارك لكم و يزيد الافراح و المسرات ان شاءالله بالعكس فن لبسي و حووسي بهالعروس

 

[Zinab BH]

انزين يا دوري خخخخ شخبارج شمسوين عساكم طيبين ؟ انا الحمدالله ماشي الحال
مو عارفة شسالفة هالدورة البارحة اغتسلت منها و اليوم انزلت عليي شهالامة التعبانة

 

[ام الدرر]

السلام عليكم
الحالة التفسية
بالي مشغول مابين شغل العرس وحوسة المدارس
طبعي مو حلو
ودي اسبق الوقت واخلص شغلي

متواضعه
خخخخخ
نفسي
الناس تدز واتس اب جنه يحجزونج من كثر العروس
اللهم يديم الافراح على امة المسلمين


زنوب
اجمعين حبيبتي​

 

[امـ خــزامـى]

مساااء الخيرر



ام الدرر الله يديم الافراح يارب

باتشووو انا مثلك اوووله بسرررعه مااحيب اطول بالسفر

زنوووب ماالك الا تشوفين لك اعشاااب الدكتوره ماافادك بشي

ااقراي عن القسط الهندي


شدووون ماتدرين عن كلي دلع ؟؟؟مختفيه !!!!

 

[جـــواهر]

السلام عليكم
الحاله النفسيه تعبانه جدا لووول
عسالله يفرج لنا

 

[شادن33]

صبااااح الخييييير


وحق قموووور سبااااح الخير

ام الدرر هاللله هاللله بالكشخه ابيج احلى وحده بالعرس

زنوووب صح القسط الهندي راااائع لانتظام الدوره

ام خزووووم صج انا فاااااقده كلي دلع من زمان الله يهديها من يوم تهاوشت مع فوفو !!!

كلي دلع احبها لانها مرات تكون صح وكلامها يونسني الله يسعدها بس لو تترك عنها العصبيه المفاجاه جان أهي احلي كلى دلع

باتشوووو زين سويتي ريلج طيب ماعليج من ربعه !!!!

جواهر هلا فيج حبيبتي والله أيسر أمورج

 

[فوفو22]

يا حي الله الصاحي والنايم

كيفكن وشخباركن

بالنسبه ل كلي دلع. انا مسامحتها ونسيت كل شي صدر منها

وحياها الله بمنتداها وموضوعها

هي ملح المنتدى




فوفو

 

[شادن33]

يلااااا بعد اشتبين كلي دلع من قدج!!!!

انتي ملح المنتدى والله بس انتي طلي علينا

ياختي ها لمنتدى متنفس لنا كل وحده تقط اهمومها اهني وتتونس وتكمل يومها

 

[Zinab BH]

صبااااااااااااااااح الخير و المسرات و عصير البرتقال
شلونكم شخباركم عساكم طيبين
حالتي النفسية زوينة .. فيني بجوة بس مالي خلق ابجي خخخخ
البارحة بس قاعدة اتمقل في السقف .. صج الواحد اذا ماعنده استقرار بحياته يتعب نفسياً وايد
خصوصاً اذا الوحدة عندها واحد مثل ريلي كل يوم له ألف رأي و ألف قرار و عاد انا ضايعة بالطوشة تعبت صج

ام الزوز و شدون لا الحبوب فادني بس انا خلص الكورس مال الحبوب و الشهر اللي عقبه ماخذيت كورس ثاني
و انزلت عليي مرتين صادتني استحاضة قبل مااخذ الحبوب بعد صار لي مثل الشي نزلت عليي مرتين في الشهر بس ماصادتني استحاضة بينهم اكثر من عشرة ايام
الحين خذيته مرة ثانية بس خايفة لان خذيته في الدورة الثانية لي بمثل الشهر مادري هل يخربط لي هرموناتي و يعفسني والا مادري شسالفة قلت باخذ موعد عند دكتورة ثانية لان الاولية انا مارتحت لها هذي يمدحونها و بحرينية يعني بتفهم سوالفنا
البارحة مجتمعة من رفيجات الثانوية وحدة فيهم والدة عاد كل واحد تتكلم طلعنا في القعدة يمكن ثلاث وحدات مثل السالفة البويضات عندنا صغيرة لاحظت ان هالشي وايد زااايد مايندرى شنو السبب في جيلنا التعبان

 

[وردة متفتحة]

أنا نفسيتي تعبانة اليوم ..
إكتشفت إنه زوجي يبغانا كل واحد منا يقوم بواجباته إتجاه الآخر والبيت والعيال فقط..
يقول لي الحرمة بعد ماتجيب العيال خلاص تتعلق في عيالها ماتتعلق في زوجها..
مسميني متعلقة فيه وهو صباحه من صلاة الفجر لنوم شوية للشغل للغدا للشغل الإضافي للنوم شوي لصلاة العصر يشرب الشاي مع أهله أحيانا يطلع دقايق يتململ ويخرج يجي المغرب تلفزيون ويتعشى ويخرج يصلي العشا ويروح لأصحابه يجي غالبا الساعة عشرة للتلفزيون أو يتثائب يبغىى ينام..

وين أنا متعلقة فيه؟؟؟؟
مايحب يجلس في البيت معي نهااااااائياااا إلا قليلا..
البيت صاير ينرفز..
تزيين وتزينت له..\ليالي حمرا وصفرا سويت له..
طبخ ونوعت له..
لي عشر سنين متزوجته لي منه 3 عيال ..
البيت نظييف ماشاء الله..
هذيك الشغلة هو يشهد لي فيها إني ماني مقصرة ..طبعا ماسألته لكن عرفت من كلامه..

إكتشفت إنه جزء لا يتجزأ منه اللي هو أصحابه..سوالف وضحك وعمل ..

لكن أنا قومي بواجبك وأقوم بواجبي وبس..
متأكدة إنه يحبني الحمدلله ماشاء الله لكن شخصيته كدة وأنا أحس نفسي متعطشة لرجل يبادلني نفس الشعور ..
أصحابه مو راعيين شغلات مو كويسة لا بس سمر وضحك وكلام وقصص..لكن ياريت يعتبرني مقام واحد من أصحابه ويسولفلي مثلهم..
آآآآآآه
أدري طولت بالكلام لكن مالي إلا الله ثم إنتم..

 

[Zinab BH]

حبيبتي وردة الريايل فيهم شي غلط بتركيبة مخهم مايستعملون هالمخ صح
و عادي حبيبتي الحياة الزوجية يمر عليها فترة فتور بين الزوجين مالج الا الله تدعين الله يسخره لج

 

[Zinab BH]

صج كلي دلع وييييييييينج وحشتيني واااااااايد وحشني لسانج الطويل يالقاطعة شددددعوى وين غاطى عنا لا يكون مسافرة واحنا ماندري وووووينج فيه ردي احسن لج

 

[وردة متفتحة]

تسلمين أختي والله كنت مضايقة حدي وغرتحت لمن فضفضت ماقصرتي ربي يحفظك Zinab BH

 

[Zinab BH]

تسلمين أختي والله كنت مضايقة حدي وغرتحت لمن فضفضت ماقصرتي ربي يحفظك Zinab BH

فديت قلبج حبيبتي لا تزعلين روحج والله عمرنا بيقصر بسبب هالريايل والله .. و فضفضي اي وقت كلنا حاظرين لج واحنا اخوات و كل وحدة يصيدها هم يهد حيلها بس الحمدالله على كل حال .. بس اهم شي لا تكبتين بقلبج لا يصيدج شي لا سمح الله لان مو زين لصحتج يضرها الله يسخر لج ابو العيال و يهديه يارب ادعي ربج وانا ادعي معاج ان الله يسخر قلبه لج و يحننه عليج ويهديه :eh_s(7):