يوميا @ سجلي حالتج النفسيه اهني@متزوجات حيااكم@

[متواضعة]

الحاله النفسيه ابي انااااااااااااااام لكني في الدوام ههه بيت شعر شرايكم



وااايد الحياة متعبه الله المستعان انا واااااايد تعباانه هاليومين قلة نووم وكرف من الساعه 5 ونص ليما الساعه 8 ماارتاح غير نومي متقطع باللليل بنتي الله يحفظها في الساعه تصحى 5 مرات وولدي بعد يصحى بالليل تعبت تعبت تعبت

 

[Zinab BH]

تعباً كلها الحياة فما اعجب الا من راغب في ازدياد

 

[شادن33]

زنووووب ومتواضعه الله يعينكم شكلكم مكروووفين

زنووووب اي صاجه هالجيل كله جذي ما فيه خصووووبه وبالغصب يحملون ليش ماندري

لا إحنا جيلنا حليييو الخصوبة زايده عندنا بعدنا ماحاشنا التلوث البيئى هههههه

الله يرزقكم

 

[Zinab BH]

على قولتج جيل التلوث البيئي و جيل الفاست فود الخايس خخخخ

 

[فوفو22]

أنا نفسيتي تعبانة اليوم ..
إكتشفت إنه زوجي يبغانا كل واحد منا يقوم بواجباته إتجاه الآخر والبيت والعيال فقط..
يقول لي الحرمة بعد ماتجيب العيال خلاص تتعلق في عيالها ماتتعلق في زوجها..
مسميني متعلقة فيه وهو صباحه من صلاة الفجر لنوم شوية للشغل للغدا للشغل الإضافي للنوم شوي لصلاة العصر يشرب الشاي مع أهله أحيانا يطلع دقايق يتململ ويخرج يجي المغرب تلفزيون ويتعشى ويخرج يصلي العشا ويروح لأصحابه يجي غالبا الساعة عشرة للتلفزيون أو يتثائب يبغىى ينام..

وين أنا متعلقة فيه؟؟؟؟
مايحب يجلس في البيت معي نهااااااائياااا إلا قليلا..
البيت صاير ينرفز..
تزيين وتزينت له..\ليالي حمرا وصفرا سويت له..
طبخ ونوعت له..
لي عشر سنين متزوجته لي منه 3 عيال ..
البيت نظييف ماشاء الله..
هذيك الشغلة هو يشهد لي فيها إني ماني مقصرة ..طبعا ماسألته لكن عرفت من كلامه..

إكتشفت إنه جزء لا يتجزأ منه اللي هو أصحابه..سوالف وضحك وعمل ..

لكن أنا قومي بواجبك وأقوم بواجبي وبس..
متأكدة إنه يحبني الحمدلله ماشاء الله لكن شخصيته كدة وأنا أحس نفسي متعطشة لرجل يبادلني نفس الشعور ..
أصحابه مو راعيين شغلات مو كويسة لا بس سمر وضحك وكلام وقصص..لكن ياريت يعتبرني مقام واحد من أصحابه ويسولفلي مثلهم..
آآآآآآه
أدري طولت بالكلام لكن مالي إلا الله ثم إنتم..

خليكي دايما ورده مفتحه

طيب هو متجانس مع يومه ومونّس نفسه بالشغل.

والبريك بالبيت والسهر مع الاصحاب

الشخصيات اللي كذا مثل زوجج يحب نفسه

علاجه تحبين نفسك مثله


تنشغلين عنه. هو يسهر انتي تسهرين بشي يعجبك. تلفزيون. نت. نوم. اي شي

لا تتصلين وايد عليه


احيانا كثير هروب الزوج من البيت المثالي. سبب الملل فقط لا غير


لا تلومين نفسك

ولا تتشكين كثير


خليه يحس انك مشغوله عنه مش فيه


فوفو

 

[وردة متفتحة]

فوفو تسلمين على ردك حبيبتي..من ناحية يحب نفسه إيوة لاحظت إنه يحب نفسه كثييييييير لكن بعد ما دفنت نفسي ومواهبي للأسف..وفي الوقتالحالي جالسة أحاول أحب نفسي ..لا تستغربون..أقصد بذلك إني أحاول أعيش زي ماكنت قبل الزواج من ناحية إني أتزين وأعمل تسريحات وأتمكيج لنفسي زي لمن كنت قبل الزواج..وأحاول إني أمارس هواياتي اللي كنت أمارسها قبل الزواج..كله محاولات ..بعضها نجح وبعضها في الطريق إن شاء الله..جالسة أحاول كمان أستقل بنفسي..لكن لازلت أحس نفسي محتاجة رجل ..وما أبغى الرجل يكون غيره ..متأكدة إنه يحبني ماشاء الله لكن زي ماحكيت لكم عنه في المشاركة السابقة إنه حياته البيت بالنسبة له كأنه فندق..الله يهديه يااااارب

 

[امـ خــزامـى]

ورده مفتحه الاغلب مثل مشكلتك


زوووجي مااشووفه الا الساعه ١٢ بالليل تخيلتي
اجلس ساعه معه وبنتي معي وتغار بعد ماتبي اجلس معه


بس اتفقنا يوم الخميس نسهر مع بعض


لاتسكتين وبنفس الوقت انشغلي عنه


طالبي بحقوقك بس بعد فتره من التغير


الحمدالله مشكلتك سهله بس الملل داخل حياتكم




اكسري الروووتين




والله يسخرلك

 

[امـ خــزامـى]

جميلااااتي


ابحثوا عن تحليل الشخصيات لمايرز بريغز



رووووعه لاتفوتكم احسن تحليل سويته

وسوووه بعد لازواجكم بيسهل عليكمً كثير اشياء

 

[امـ خــزامـى]

متواضعه ربي يكون بعونك كسرتي خاطري



زنووب الله يرزقكك الذريه الصالحه ويشفيك


فوفر ماقصرتي وحنا خوات مابيننا زعل ونتقبل كل شي برحابة صدر

 

[شادن33]

صبااااح الخير
النفسيه اللهم لك الحمد والشكر

ام خزوووم شيطلع هذا تحليل مايرز بريغر بعد !!!!
بروح ادور بقوقل !!!

 

[وردة متفتحة]

تسلمين أم خزامى على ردك ..ماشاء الله ربي يحفظ لك البنوتة وأبوها ..آمين..

 

[وردة متفتحة]

شادن كأنك شفتيني ..أنا كمان رحت قوقل ههههههههههههههههههه
جزاها الله خير أم خزوم تريد إفادتنا ربي يحفظ لها خزامى.. آمين
الحالة النفسية اليوم الحمدلله ..أبو العيال يمكن يتغدى برة بدلع نفسي اليوم إن شاء الله..
سهرانة بالليل مع بنتي الصغيرة والصبح قام بدري أخوها يااارب ينام فيني نوم

 

[Zinab BH]

سباااااح الخير >>>>> على قولة قمووورة اي صج قمورة وييينج ؟؟
شلونكم شخباركم عساكم بخير شمسوين اليوم الخميس ياللهي لا اصدق اخيرا ويك اند بالطريج و على الابواب
ان شاءالله اليوم مسافرة بس وين مادري يا صلالة يا دبي و ليلة الاحد برد ان شاءالله
صج اختنقت على ان مالي خلق اسافر كلش بس شسوي تغيير الجو وتعديل النفسيات بدل كل يوم هواش ملزومة اسافر
قاعدة ادور دولة عربية حق ثلاث ايام كلش ماااكو كلهم حروب اهئ اهئ
البارحة رايحة لقاء الى كاتب و دكتور فلسطيني اسمه زين الدين ابو عيش عور قلبي صج .. ماتو ثلاث من بناته و بنت اخوه جدام عينه انقصف بيته
يقول توه طالع من حجرتهم ماصار له ثوااني الا القذيفة في حجرة بناته على ايام الحصار اللي سووه على غزة
و هالحادثة هزت العالم و القنوات الاسرائيلية اهيا اللي عرضت هالخبر وانا اقول واحنا خبر خير ناس تموت واحنا ماندري بدنيتنا عاد اهو كاتب كتاب عن التسامح و عدم الكره والواحد لازم ينتقم لكن بالحكمة و الموعظة ومايخلي الكره يسيطر عليه
وايد تأثرت اقول الحمدالله للحين عندنا نماذج رغم الالم و الحسرة اللي صادتهم و الهموم ماينكسرون و يواصلون حياتهم و كفاحهم و يصيرون احسن ناس
و احنا ماهمنا الا ريل قال لنا و حط لنا و هاوشنا و خانا الناس وين وصلت و احنا وين وصلنا ...

 

[شادن33]

كتوم وهادئ...علاقاته محدودة... ولا يبادر الكلام
صاحب إلهام وخيال.. وعمق في التفكير الإبداعي.. قدرته عاليه على التأمل والتفكير
الحدس والإلهام من أهم قدراته.. عنده نظرة مستقبلية... وبصيرته نافذة..
خياله خصب.. يبني مملكة كبيرة، وقصور فارهة.. لكن في الخيال
صاحب قلب رقيق لأبعد الحدود.. مشكلته في عدم تقدير الناس لإمكانياته، مع احترامهم له
يفهم الناس... ويفهم تعقيدات النفس البشرية جيدا
مثالي في رؤيته وتصرفاته وحياته... لا يضايق أحداً ولا يتقاتل مع أحد
يلاحظ الفروق الدقيقة بين كلام الناس وأفعالهم... ويقيم الناس تقييماً صائباً ودقيقاً
يتحمل أكثر من طاقته... ويتكيف مع كل الضغوط.. ويتكيف مع أي عمل
يميل إلى الشعر والأدب... وعلوم الإنسان... والنفس البشرية
لا يميل إلى القيادة.. يناسب كمستشار للقائد..
خبير من الطراز الأول خاصة في تقييم الناس والأحداث.. مستشار وفيّ..
مشكلته في الملل من البرامج الروتينية الطويلة نسبيا، وربما واجه مشكلات تتعلق بالإنجاز.
فوضوي.. غرفته وأوراقه مبعثرة دائما.. مواعيده مرنه.. قدرته على تنظيم وقته ضعيفة



ام خزوووم انا هاللي طلعلي ( الحدسي ) واغلبه صح وبالذات تنظيم الوقت ما عندي ههههه

 

[Zinab BH]

وي شدون عبالي كاتبة قصيدة خخخخ

 

[شادن33]

^^^^^^
الله يقطع ابليسج

 

[Zinab BH]

اليوم الشردة من الدوام .. شردنا تريقنا برا و الحين بشرد ابرز اغراضي اتفق العرب ان نروح دبي تأمروني على شي من هناك حاظرين

 

[وردة متفتحة]

قصيدة عاد هههههههههههههههههههههههه..

 

[وردة متفتحة]

أنا فتحته بس لسه مكسلة أسوي الإختبار بسويه إن شاءالله ..
لازلت فيني نوم ...رحت أشتغل ومانمت لأن العيال ماناموا..

زينب
تروحين وترجعين باسلامة مانبغى إلا سلامتك

 

[ام الدرر]

ا

لسلام عليكم
الحالة التفسية
الحمدلله

كيفكووون نفوسات​