يوميا @ سجلي حالتج النفسيه اهني@متزوجات حيااكم@

[شادن33]

اي انا أموت بالقهوه العربيه وما احب التركيه اصدع منها

 

[شادن33]

قمووووووووور شخباااارج حياتي

 

[Zinab BH]

ها شرايج شدون عزميني على قهوة عربية انا اييب وياي حلوى بحرينية :d

 

[شادن33]

لألا لألا انا احب الحلوى العمانيه >>>> اشرررط بعد

من صج البحرينيه للأسف ما اكلها احب المتاي مالكم لذييييذ

 

[شادن33]

يقولج القهوه العربيه مفيده جدااااا للمرأة

بس لاتكثرين

اذكر واحنا بنات يقول لنا الحريم الكبار عيب البنت ما تشرب قهوه >>>> شكوووو ههههه

الحين من الحرمان مال قبل ادردع بهالقهوه ههههه

 

[متواضعة]

هااي بنات


شخباركم


نفسيتي اللحين ابي اقدم حق رئيسي رساله طلب ترقيه بس اهو من الصبح مشغول مافضى مكتبه اللحين اهو فاضي بس اخاف انه الوقت غير مناسب الريال تعبان من الصبح شرايكم اقدمها او لا انتظر ليما بكره الصبح

 

[متواضعة]

احب القهوه التركيه والعربيه والكوفي والكسبريسو


اما شادن اكيد ماجربتي حلوى بحرينيه اصليه او ملكيه عشان جذي ماتحبينها

 

[متواضعة]

المنتدى هاااادي مافي احد مثل اول الناس كلها صارت واتس اب وانستغرام ماتلاحظوون

انا بعد من فتره ماادخلت المنتدى

 

[شادن33]

متواضعه إحنا كل اللي أيون لنا من البحرين اييبون لنا حلوى شويطر خضرا ولا حمرا

بس انا متعوده ع العمانيه

 

[شادن33]

صح صار هادي بس ترا الاستقرام ممل كله صور الا اذا تبين شي ادورينا مال الأزياء والمكياج حلو يعطيج أفكار

 

[شادن33]

هااي بنات


شخباركم


نفسيتي اللحين ابي اقدم حق رئيسي رساله طلب ترقيه بس اهو من الصبح مشغول مافضى مكتبه اللحين اهو فاضي بس اخاف انه الوقت غير مناسب الريال تعبان من الصبح شرايكم اقدمها او لا انتظر ليما بكره الصبح

الافضل تاجلينها

 

[Zinab BH]

وي شدون مافي على الحلوى البحرينية كليت العمانية كلش ماعجبتني
شكلج ماتاخذين النوعية السنعة عندج حلوى الخلود تهبل سايحة سايحة واااي بقول حق خالتي تيب لي صار خاطري
و على المتاي انا مو ذاك وياه بس يمدحونه حتى ام ريلي كله توصيني فيه لان اللي اوكي عند هندي محله في المحرق مدعوس وانا خبرة في الدواعيس

 

[Zinab BH]

جفتين شدون قلت انا انج تاخذين شويطر لان صايرة مو ذاك الزود يوم و تبرد انا ماحبها

 

[Zinab BH]

اي والله هالانستغرام هاد حيلنا انا اول ماافتح عيني افتح هالانستغرام اخبار الناس كلها فيه
و عاد انا كله مسوية فولو الى الاكل و الازياء و المكياج خخخخ بس احب اجوف فناتق الناس

 

[فوفو22]

متواضعه قدمي دام انه كتاب مو حجي شفوي

الكتب تتقدم كل وقت

وما رح يقراها الا اذا هو مستعد

اما الكلام الشفوي يحتاج تدرسين نفسيته قبل الدخول


الحلوى العمانيه صحيه اكثر لانها بالعسل والقصب

اما البحرينيه فهي انطع بكثير

واحب مالت شويطر اللي بالمحرق

واللي بتروح البحرين تجيب لي حلوى


القهوه احبها بكل انواعها وحالاتها

العربيه احبها بدون اضافات بس هيل
والتركيه ساده بدون سكر


فوفو

 

[الأوركيد~]

شادن

اللهم آمين

مشكورة

الله يرزقج أضعاف ما تمنيتي لي


:eh_s(17):

 

[Patcholli]

السلام عليكم

شخباركم بنات ولهانه علبكم حييل

عقب باجر انشالله ارد الديره حدي ولهانه عالكويت وهواهاا


في موضوع مظايقني قلت بشاوركم فيه لما ارد بس مو قادره بكتبه الحين وابي شوركم وخصوصا فوفو بغيت ادزلج رساله خاصه واستحيت

قبل جم يوم فتشت تلفون زوجي ولقيت واحد من ربعه دازله شغلات مو كويسه ودازه بقروب يعني مو خاص حق ريلي بروحه
وشفت كلام وصور الله واكبر تشيب الراس
بس الحمدالله ريلي كلش مو معلق على الصور ولا الفيديوات
بس اكيد مارين عليه
ظاق خلقي ريلي انسان نظيف ومحترم وفي جم واحد حاطهم بلوك اانهم يدزون اشياء وصخه بس هاذا ارفيجه حيل

المهم ان حماي بعد بالقروب فانا كلمت زوجي وقتله مرت حماي اهي الي شايفه مو انا وصج اهي شايفه بعد
طبعا نكر وقال لا ربعي محترمين وحلف ان ماكو شي وقلب السالفه علي
انا قتله حبيبي انا ما اتهمتك ولا قلت انت الغلطان انا ادري انك مظيف بس عيال الحرام وايد اخاف منهم
بينتله اني مصدقته وقتله مابي اجيك ولا ابي اشوف لان عطاني تلفونه بنفس الحزه وقالي جيكي (( هالشي حسسني انه فعلا مو منتبه على الوصاخه ))
قتله مابي اجيك بس ابيك توعدني اي احد يدز شي وصخ توقفه عند حده وتقوله لاتدز
بنات شرايكم انا محتره حيل من الي شفته اشياء وايد وصخه احس ريلي يطيح من عيني لو يطالعها واكيد مطالع جزء منها
والي يحر ان هالسوالف طالعه من شخص واحد يعني شكله متخصص بالوصاخه
شسوي اشلون اوقفه عند حده !! اشلون اتاكد اذا زوجي بيكلمه ولا لا ؟
اليوم جيكت عالواتساب مره ثانيه وشفت زوجي ماسح كلشي يخص القروب هذاك ومافي ولا صوره وولا فيديو حتى العاديين ماسحهم
حيل تعبانه مابي صورة الانسان النظيف تتغير ويطيح من عيني
ملاحظه انا جيكت لان مرت حماي مبهتني على هالشي وقالتلي عنه

 

[فوفو22]

باتشولي

بالموبايل والايميل تشوفين امور كثيره

حتى احنا يا البنات احيانا بالواتس اب يطرشون امور


مستحيل نوافق نشوفها او نعممها

كل انسان يتصرف حسب اخلاقه وتربيته وبيئته

دام ان زوجج نظيف

لا تحاتين ولا تخافين عليه

الموضوع مر عليه وقال في قلبه الله يهديه،،


وانتهى الامر الى هنا

لا تكبرين السالفه وتنكدين على روحك
ولا حتى تعيدينها عليه


فوفو

 

[امـ خــزامـى]

مرررحبااا


الناس الراايقه ربي يديم عليهم والمتضايقه ربي يغير حالهم لاحسن حال ويريح بالهم


حالتي تمام الحمدالله


باتشووو حبيبتي ماابي اصدممممك بس كل رجل يشووف هالاموور

مهما كان ملتزم وعلى قولتك نظيف


لابد تجيه فتره يضعف ويشوووف بس ضميره حي ويقض

انت اهم شي لاتدقيين كل اللي عليك اشبعينه وتسوين اللي يحب وتملين عينه وقلبه

انا زوجي افتح قروب اصدقاااءه ياخرابي كلامهم وسخ
وبعض الاوقات لابد واحد يرسل صوره والاغلب شخص وااحد هو يرسل دائما بس الحمدالله زميل مو صديق
وزوجي ماايعلللق

بس طبعا يشوف بس ماازعل اببببببببببببببببببببدا ماادري ليش يمكن لاني متأكده
انه بكل مكان فيه صور وبلاوي

اهم شي ماتوصل مرحلة الادماااان

غير هالشي مااتدخل وربي يحااسبه


الحمدالله زووجك محترم ونظيف لايطيح من عييينك عشان واحد ارسل صوره بقروب

كبري عقلك حبيبتي وربي يحفظلك زوجك ويديم عليه ويريح بالك

 

[Patcholli]

مشكورين فوفو وام خزامى والحمدالله اول مره اتحكم باعصابي وما اكبر الموضوع مابي اخرب جو السفر معني من داخل محترقه بس قاعده اضحك واسولف مابي اسمح حق هالوصخ يخرب بيتي ووناستي مع زوجي
والله يبعد عنا وعنكم عيال الحرام والي مايخافون الله

ريحتوني بردودكم فديتكم