لي ثلاث سنين وعلى على هل حال

[تبيني آرضى عليك]

الله يرزقك بالزوج الصالح

 

[في الجو غيم]

وايد عندج افكار معطلة موضوع الزواج
لازم تعرفين ان الافكار لها دور باللي يصير لنا وانج لو دعيتي الله بصدق فالله ما يرد دعائج
كل ماتقعدين من النوم قولي انا بلتقي بالشخص المناسب والظروف والاشخاص بيكونون مسخرين لي بفضل الله لانج متكله عليه
وعيشي حياتج وبدلي افكارج وصدقيني بتتزوجين

 

[aauu-]

الله يوفقج ويرزقج يارب كثري من الاستغفار بنيه الزواج وسورة البقره يوميا

 

[مزيونة الخبر]

احاول اقراءة بس طويلة وعندي دوام طويل وحتى الاستغفار انسى

 

[قمر كويتي]

الله يرزقج بالزوج الصالح بالقريب العاجل

 

[لولو305]

الله يرزقج بالزوج الصالح يارب

 

[الغنج والدلع]

حبيبتي الزواج موكلشي صارلي سنه ومتزوجه وعايشه بنكد لاطلعات لاروحات بس محبوسه بالبيت او انزل لهله اواروح لهلي نفسيتي حيل تعبت وكل يوم ابجي تمنيت ارد عزوبيه ومومتزوجه عيشي يومج وبس مالت علا الرياييل والله يفرج همي

 

[مؤمنه بربي]

الله يرزقني ويرزقج يارب
ونتزوج انا بعد نفسج حاسه بمعاناتج
وفيه اكبر مني خالتي عمرها ٣٠ للحينها ماتزوجت
انتي حمدي ربج والثانيه عمرها بالاربعينات
واعرف وحده بعد خواتها بالاربعينات واهيا بالثلاثين
ولا تزوجت بالكويت حتى نعاني من عنوسه مويس سعوديه
بعدين انتو عندكم بدائل وايد وفرص فيه مشروع لابن باز
حق التزويج وتوفيق بين راسين روحيله حطي مواصفاتج
يمكن تتزوجين والله يكتب لج الصالح
وغيره عندكم مناطق وايد بسعوديه وسكان اكثر يعني فيه مجال
وشوفي لج خطابه ليش ماتفكرين بالخطابات عادي شالمشكله !!
دامج حيل تبين الزواج روحي لخطابه سعوديه عطيها مواصفاتج
صج اني مااحب الخطابات وسوالفهم بس انتي مضطره
وطبعا اهتمي بنفسج وتعلمي
الطبخ و غيره

 

[مزيونة الخبر]

رحت لخطابات مافي رد الا وحدة قالت الي عندي يبون موظفات حكومه مو خاص قلت هذا يبي يتزوج ويكون اسرة ولايبي بنك متنقل مرات احس الرجال السنع مايروح لخطابة مايروح الا المتردية والنطيحة الله يعين ويفرجها علينا

 

[1001]

أي نعم في مثلج
واننا منهم
ب ياختي قسمه ونصيب والله بيعوضج خير على هالصبر
اشغلي نفسك باشياء ثانيه ولا تفكرين
سوي نفسي انا اهتم بنفسي واشوف مستقبلي واكمل دراستي ابي اوصل للدكتوراه
واذا جاا النصيب ماراح ارده

لمه اشوف نفسي اشكر ربي بفضله وانه فضلني على كثير من خلقه لان في بعايلتي حريم اصغر مني مطلقات مرتين وثلاث وصارت فيهم عقد وغير المتزوجات الي بكل جمعه تلعن الزواج وساعته

ولو تعرفين سالفتي يمكن يشيب راسج
بس كل الي اقدر اقوله ان امي هي السبب الي ماتبيني اتزوج واذا وحده جت تخطب تطردها والناس قامو يكرهون بيتنا بسبب الشتيمه الي يسمعونها من امي
لدرجة ان اعمامنا مانعرفهم

ترى العزابيات لهم اجر على صبرهم
لان صج في حريم يجرحونا بالكلام كوننا مو متزوجات
وغير الي بكل زياره تسالج ليش ماتزوجتي؟ كان الموضوع بيدنا كانهم غافلات عن حكمة الله
الله ماينسى عبده
لاتنسين الدعاء والصدقات الله يكتبلج الخير بكل خطوه

والله يرزق كل محروم

 

[مؤمنه بربي]

رحت لخطابات مافي رد الا وحدة قالت الي عندي يبون موظفات حكومه مو خاص قلت هذا يبي يتزوج ويكون اسرة ولايبي بنك متنقل مرات احس الرجال السنع مايروح لخطابة مايروح الا المتردية والنطيحة الله يعين ويفرجها علينا

اللهم آميين ،.. اي صح حتى انا احس اللي يحطون عند خطابات يكون مطلق او معدد
ويبي ثانيه وقليل اعزب اذا فيه شي واحيان يحطون نا زينين بس مالقوا المواصفات اللي يبونها
يعني انتي وحظج ،..
انا بعد مشكلتي ان كل ماانخطب ماتصير يعني تخيلي توصل للملجه وكل شي تمام الام والله
العظيم امهاتهم لنن يشوفوني يطيرون ويعجبون ويبركون وبعدها النظره يعجب فيني ويقول
ماشاءالله اللهم بارك وتتصل الام وتقول لامي تكفون وافقوا ولدي يبي ومعجب ونجهز كل شي
وعلى اساس خلااص يتم الموضوع واقعذ اتحلم واجهز واخرتها استغفرالله مافي شي
اهني اتحطم اكثر من لمن ماانخطب لاني اكون بعالم خيالي وفجاه يتحطم واقرا عن الزواج
واصير خلااص بس افكز فيه نفسي اتزوج
الحمدلله ع كل حال اكتشفت اني مسحوره بتعطيل زواج والمشكله اني احس مو قادره اصبر
عن الزواج كله افكر بالزواج وتعبت من هالشي حيل
واحيان لمن ناس يبون اهلي يرفضون ان يترددون
والله ماادري شسوي وهم اقول الهي نفسي بدراسه ولا شي ولاطبخ شنو اقص ع عمري
كل لون يختلف عن الاخر مافيه شي بدال شي ياجماعه اللون الاحمر مايغطي الاخضر
والابيض عمره ماصار تفس الاسود !! ولي متى بقعد الهي نفسي ؟؟ الله يفرجها يارب
انا صج ادرس و اتعلم طبخ واهتم بنفسي وامارس الرياضه والمشي وعندي اموري الخاصه
بس كل هذوول مااشغلوني عن تفكير بالزواج

 

[عبوور21]

الله يعينج ويصبر قلبج ،، ويرزقج بولد الحلال الي يملا عينج وقلبج ويرزقج بالذريه الصالحه ،، انا قريت موضوعج وكان ودي ارد من زمان بس صار موقف وخلاني ارد بحماس ،،،، انا عمتي تقريبا بعمرج وما تزوجت بس الي انا مافهمته ان بنت خالتها قالت لناس عنها وقالو يبون يشوفونها بس اهي ترددت وقالت لا بعد شهرين في عرس خليهم يجون ويشوفوني ورفضت انهم يشوفونها وقالت لها عمتي بس ارفضت وانا ماني فاهمه ليما الحين ليش ارفضت والله الكل مستغرب ،، ليما قريت موضوعج احتريت صراحه ع حالج حطيت نفسي مكانج وتعبت والله بس انا اشوف ان >> الي نبيه عيا البخت لا يجيبه والي يبينا عيت النفس تبغييييييه !!!!!

 

[مزيونة الخبر]

الله كريم هدا قسمتي ونصيبي لازم ارضى فيه

 

[مزيونة الخبر]

عجل الفرج من عندك يارب يامغيث اغثني

 

[FoFa stylish]

تبيني اريحج بنت خالتي تزوجت عمرها 33 و الحين عندها بنتين وولدين و توها يايبه ولد
عليج بالدعاء و الصبر خاصه قيام الليل

 

[مزيونة الخبر]

متفالة على السنة الجديدة بربي انه بيفرجها

 

[ام عمر جمال]

حبيبت قلبي بعكس انت احلي بنت ومتاكدة من هي شي وفي بنات ممكن وحشين بس تزوجو
موضوع وبس جمال في القدر
انت لاتفكري سلبيا ابدا خليك واثقة بي نفسك حبيبتي وان شاء الله ربي يجيب الك احلي عريس

 

[جامعيه طموحه]

حبيبتي مو بس انتي اعرف بنات اكبر منج بالعمر وللحين ماتزوجو لكن ماقعدوا يسوون الي انتي سويتيه ويبجون
قعدي فكري وشوفي شكثر وقت ضيعتي من عمرج وانتي تبجين او تفكرين انه فاتج قطار الزواج
هو طبعآ شعور حلو ان البنت تكون اسره وتبدي حياتها الخاصه فيها لكن مو معناه انج تضيعين ولو ثواني من عمرج وانتي تقهرين بروحج ان هذي تزوجت وهذي انخطبت وانا للحين قاعده بالعكس
تقربي من ربج اكثر وعيشي حياتج واستانسي واهتمي بنفسج اكثر وطلعي زوارات او مع رفيجاتج سوي شي يديد شغلي نفسج فيه مثلآ مشروع صغير او مارسي هوايه تحبينها بتلاقين نفسج تحسنتي نفسيآ
ومن ناحية الزواج يمكن الله مانع عنج بلاء زوج يخليج تكرهين الساعه الي تزوجتي فيها الصبر مأجورين عليه صبري وادعي الله يرزقج بالزوج الصالح الي يسعدج ويقدرج

وان شاءالله تتحقق كل امانيج ويرزقج الزوج الي يحبج ويحترمج

 

[جامعيه طموحه]

وصحيح ترى خالتي تزوجت وهي عمرها 30 درست وعاشت حياتها واشتغلت يالا فكرت بالزواج والحين مرتاحه واحلى عيشه عايشه

خلي طموحاتج يا قلبي اكبر من وجود رجل بحياتج وصيري انتي طموح كل ريال واهم الي يتمنونج

والله يوفقج

 

[مزيونة الخبر]

يارب بهسنة الجديدة اني اتزوج