من الـ 70 ـنات إلى الـ 60 ـينات ... اللي بتشارك حياها

[$كشوخه$]

بااك ..

مرحبا بنااات نورتووا :eh_s(17):

بسكوته الله يهون عليج ويفرجها يااررب :eh_s(17):

انا رديت من بعد الايام الفري اللي عطيتها نفسي بسبب الحلوة والضغط

بس الحين راده وبقوه ان شاء الله :eh_s(15):

بديت ريجيم دوكان .. المرحله الاولى وان شاء الله اعديها والتزم دعواتكم :eh_s(17):

تريقت اليوم بيض مقلي ب رشتين دهن ـ (السبري لو فات) شريحه مرتديلا + ملعقه جبن + حليب الصويا بالجوكلت ..

يلا بناات نبي نهز الميزان هالاسبوع بنزولنا .. شرايكم هالاسبوع نخليه يوم الخميس الصبح ؟!

 

[بـ سـ كـ وتـ ة]

هلا وغلا كشوخة ولكم باك

كنت ببدا دوكان بعدين حسيت إني ما راح ألتزم فيه لأني مو مقتنعة فيه

خليني عالتخفيف والأكل الصحي هههه

الخميس بالنسبة لي مناسب

وإذا طهرت يمكن أصومه ان شالله

أمس ريوقي بيض وخبز وشوية حمص بالمحمرة حبيب قلبي

وتغديت باستا فما تعشيت تعويض

واليوم كنت ناوية أتريق بيض مفيوح بس كنت أسبح بنتي وقاعدة أفكر بشي جاهز يدفيها أول ما تطلع من الحمام

جان أطلب فطاير

الفارة تاكل الحشوة وتقط الفطاير وآنا طفارتي نعمة تنقط

كليت عجين خالي مثل الشاطرة

لا فايدة ولا متعة ههههه

الحمدلله عالنعمة

السناك موزة وأفندية ونص تفاحة والحين شكلي باكل عنب وخيار لأن صار وقت الغدا وآنا قاعدة أشتغل فمقزرتها سناكات

 

[آلعنـود]

يوم الخميس مناسب وعن نفسي دايمم اقوس الخميس الصباح ع بطني لاني ملخبطه ملخبطه فيه هو والجمعه وكلش ما احس بتأنيب الضمير اذا لخبطت فيهم مددري ليه ((=
بنناات المرتديلا هي شرايح ولا انا اقطعها لانه ججد ججد من ززمان عنها واذا لازم اقطعها, اطبخها ولا اكلها طوالي؟

 

[بـ سـ كـ وتـ ة]

العنود

اي والله الفواكه والسلطات ينشطون بطريقة مو طبيعية

خصوصا إذا كليتي شي انتي تحبينه مو مغصوبة عليه

وبالنسبة للشاي كان قw]d الأبيض ههههه ... تصدقين شريته الأسبوع اللي طاف بس لما وصلت البيت ما حصلته

شكلهم عطوه اللي كان يحاسب وراي

عليهم بالعافية ما لي فيه نصيب


أغلى الغاليات

آنا أحب النشويات أعشقها بس مو ذاك الزود مع الحلو

أكثر شي أحب الخبز والعيش هههه

عليج بالعافية نظامج حلو ة وأتوقع راح يفرق معاج وايد لأنج فاجأتي جسمج وقطعتي النشويات

 

[$كشوخه$]

بسكوته

يا حياتي بنتج الله يحفظهاا ويخليها لج ياارررب
اكيد عسسسل على امها :eh_s(7):

مو المشكله العجين هو اللي ينفخ
الظاهر بنتج من الحين ريجيم بس تاكل الحشو ما تبي تمتن

انا نفسج ماداني الريجيمات كللش لان عندي ظن وأمل ان نظام حياه صحيه هو اللي ينزل الوزن
بس مع الايام اكتشفت انا لازم احطلي جدول امشي عليه عشان انظبط واجبر نفسي
ساعات من كثر الكسل بسبب الضغط اللي علي آكل اي شي قدامي ..

بس هو حلو بشكل عام .. لان ينقسم ع 3 مراحل واقتنعت فيه لان شفت نتائج تهبببل ما شاء الله !
حسيته واايد ارحم من اتكنز وصحي اكثر ..

يقولج اول مرحله اصعب شي وبس 5 ايام .. لان بس بروتينات ومنتجات الالبان .. لا خضار ولا فواكه ولا شي

بس اكثر النتائج تقولج ان يخفف السولاليت بالجسم والخطوط اللي يسببها المتن فا قلت يلا اضرب عصفورين بحجر ان شاء الله ..

شوفي تجربتي وان شاء الله تقتنعين

 

[$كشوخه$]

شربت جاي اخضر + ليتر ماي

تعشيت صدر دجاجه مبهره + روب يوناني قليل الدسم + لبن

والحمدالله .. بقى لي 500 مل ماي لازم اشربه

 

[~أغلى الغاليات~]

العنود

اي والله الفواكه والسلطات ينشطون بطريقة مو طبيعية

خصوصا إذا كليتي شي انتي تحبينه مو مغصوبة عليه

وبالنسبة للشاي كان قw]d الأبيض ههههه ... تصدقين شريته الأسبوع اللي طاف بس لما وصلت البيت ما حصلته

شكلهم عطوه اللي كان يحاسب وراي

عليهم بالعافية ما لي فيه نصيب


أغلى الغاليات

آنا أحب النشويات أعشقها بس مو ذاك الزود مع الحلو

أكثر شي أحب الخبز والعيش هههه

عليج بالعافية نظامج حلو ة وأتوقع راح يفرق معاج وايد لأنج فاجأتي جسمج وقطعتي النشويات

الخبز والعيش يعتبرون مخدرات الشعب الخليجي هههههه..

والله انا حاطه الامل على هالنظام ..وان شاء الله يفرق معاي :eh_s(2):

 

[~أغلى الغاليات~]

تكملت يوم امس :

الغدا :
برجر دجاج +سلطه

خربتها العصر كلت مكسرات +خمس تمرات

المغرب : خمس سلايس ديج رومي فيهم 70 سعره

العشا اربع شرايح حلوم +سلطه ..

اليوم :

ما فطرت بس شربت كابتشينو بسكر الرجيم ..

 

[$كشوخه$]

اليوم مرضت وكلش مالي خاطر آكل واخاف تنتكس حالتي اكثر :eh_s(2): .. الحمدالله على كل حال

فا اليوم بس شربت كوب جآي احمر بدون سكر .. و 3 ملاعق روب يوناني خالي الدسم

 

[soouad]

السلام عليكم
كيفكم ،،
ابي انظم لكم اذا ممكن وزني ٧٣ طولي ١٥٠
والله يقويكم ،،

 

[$كشوخه$]

حيااج الله حبيبتي ،،

....

تعشيت بيضتين مسلوقه + شريحه مارتديلا + ملعقه صغيره جبن سايل
وشربت حليب الصويا بالجوكلت

 

[بـ سـ كـ وتـ ة]

العنود

ما دري اشلون مارديت عليج على المرتديلا ... أمس وآنا في السوق تذكرت قلت جني ما رديت عليها

الأفضل تبتعدين عنها لأن ما منها فايدة بس إذا بخاطرج اخذي المقطعة جاهزة في الثلاجات أو اللي بالكيلو

أحلى طعم خزان لأن فيها بهارات والتيركي أقل بالكالوريز

الدياي آنا شخصيا ما أحبه أحس فيه زفرة بس يمكن ماركة عن ماركة تفرق



كشوخة

والله آنا قريت عنه واقتنعت فيه يمكن من شهرين تقريبا

تميت أسبوع كامل أقرا عنه من عدة مصادر وتشجعت أسويه

بس عيزت وآنا أدور نخالة الشوفان ما حصلتها

حتى أمس سألت عنها في ماركس اند سبنسر قالي صارلها شهرين ما توصلهم

بس عموما ما أعتقد يناسبني لأنه يسبب ضغط عالكلية وآنا مو ناقصة

مادام قاعدة أشوف نتايج حلوة بستمر وان شالله خير يارب

الحين هدفي اليديد أكسر الـ 75 قبل بداية السنة اليديدة

هذا راح يكون إنجاز عظيم بالنسبة لي

 

[بـ سـ كـ وتـ ة]

أغلى الغاليات

عليج بالعافية حلو نظامج

وان شالله راح يفرق وبتستانسين

كشوخه

سلامات بعد عمري ما تشوفين شر

حطي حبة سودة مع الجاي يقوي مناعتج

وبالنسبة حق الروب اليوناني على فكرة ترى اهو اللبنة

بس يسمونه بالانجليزي Greek Yoghurt

تقدرين تاخذين نوعج المفضل من اللبنة بدال ما تقعدين تحوسين على ما تحصلينه


سعاد

أكيد ... حياج الله حبيبتي

طولج ووزنج مقاربين لطولي ووزني

آنا وزني أكثر منج بكيلوين وأطول منج ب2 سم ههههه

 

[بـ سـ كـ وتـ ة]

كشوخه توني أنتبه عالفيس ... ليش زعلانة حبيبتي

أمس رحت آخذ لي جينز يديد بدال جينزي لأنه انشق من فترة

من نفس المحل

واستانست واااااااااااااايد ... جينزي القديم كان مقاس 16

وأمس خذيت 14

يالله ان شالله المرة الياية آخذ مقاس 12

عاد خليت يومي من 6 لي حزة النوم مفتوح من الوناسة

حسيت إني أستاهل أدلل نفسي شوي

الصبح كنت محترمة نفسي ماخذة معاي صمونة توست أبيض باللبنة والبيستو

مع كوب جاي حليب

الغدا

صمونة هم توست أبيض بس هالمرة محشية بطاط وجتني طماط من رفيجتي هندية

تبادلنا سندويتشات سوالف ابتدائية هههه

بس من الساعة 6 فليتها

ناتشوز مع جبن وهلابينو

صمونة هوت دوج

بطيخ

وختامها بيتزا بابا جونز مارجريتا ما أقاومها

 

[$كشوخه$]

الف مبرروك حبيبتي عقبال ماتوصلين مقاس 10

انا مقاس 10 يطلع مرصص علي فا لازم البس 12 .. حلمي الحين اكسر حاجز ال 12

تعباانه اقولج صارلي يومين اخذ العلاج وماينفع معاي .. ومو قاعده اكل شي المشكله و وراي ستين مليون شغله لازم اخلصها بس مو قادره

الله كرريم ..

 

[soouad]

,’


كشوخه تسلمي حبيبتي ..
بسكوته حلوو عشان نتحدى بعض ونشجع بعض..

انا رجيمي المتبع دا الاسبوع فواكه ..
​

 

[$كشوخه$]

بسكوته انا نفسج شهور وانا اقرى عنه بس توني اطبقه وتجي فكرته ببالي .. قبل كنت اقول بس باخذ اهم النقاط فيه وبطبقها بس الحين الحمدالله قررت اتبعه

كليت خبز دوكان بس ماكملته و شريحه مارتديلا و جاي احمر بدون سكر

هالمرحله لازم منتجات الالبان وبروتين .. بس اليوم حاولت ابتعد عن الالبان لان سمعت يزيد البلغم

افكر بكره اخليه اخر يوم للمرحله الاولى .. تعبت ما آكل خضراوات ولا شي .. احس غلط

هو المفروض المرحله الاولى خمس ايام .. بس انا بخليها ٤

 

[بـ سـ كـ وتـ ة]

كشوخه

الله يبارك فيج صج استانست

انتي ما شالله جسمج زين بس شكلج انتي تطمحين للأفضل وهالشي يعجبني

ان شالله تحققين هدفج يا رب

ما تشوفين شر حياتي ... أجر وعافية ان شالله

جربي تشربين زنجبيل مع جاي أخضر عجيب حق البلغم وان شالله يطيبج يا رب

إذا مرضج برد حطي عسل وإذا حساسية ما أنصحج بالعسل كلش لين تطيبين

سعاد

الله يوفقج ان شالله ويا رب نشوف مع بعض نتايج حلوة

كشوحه again

ترى يصير حتى 3 أيام تقدرين من اليوم ادخلين الخضرة لأني قريت إن في ناس يسوونها يومين بس

آنا هذا من الأسباب اللي خلتني ما أسويه

ما أحب الرجيمات التي قطع فئات معينة من الأكل حتى لو مؤقت

هذا شي نفسي سبحان الله قريت كتاب علم نفس وطلعت شخصيتي المثالية

والشخصية المثالية تبي كل شي صح ههههه

 

[بـ سـ كـ وتـ ة]

أمس ما كان من أفضل الأيام بس كان زين بشكل عام الحمدلله

قمت من النوم الفير ما علي صلاة وسويت رياضة 20 دقيقة

Walk at home - Leslie Sansone

فيديواتها عجيبة ودايما أضعف عليهم

سويت اللي يكون مشي ميل واحد في البيت لأنه أقصر واحد عشان ما أتأخر عالدوام

تريقت 5 حبات بسكوت بتي بور مع جاي حليب

شربت كوبين ماي

والسناك نص موزة كانت بنتي ماكلة النص الأول بالليل والضحى آنا كملتها

بعدين رحت مارينا مول آخذ حق بنتي ملابس شتوية ومشيت واااااايد

ومريت Decathlon خذيت لي بيدوميتر لأني مضيعة اللي عندي وخذيت لي حبل عشان مرات لما أمل من المشي أنط

والعشا تكا بحرينية مع خبزة ايرانية وحدة وشوية متبل

متبلهم عجيب فيه فلفل بارد أعتقد، مع إني ما أحبه بس مع الخلطة وايد حلو وبارد منعش

ولما خلص الخبز كملت أكلي بالخس خليت الخس خبزتي

 

[بـ سـ كـ وتـ ة]

اليوم

قمت من النوم الفير وسويت نفس الرياضة Walk at Home

وشربت بطل ماي صغير

في الدوام كليت سبع تمرات مع حليب قليل الدسم سادة

ما يبت شي حق الغدا يمكن نطلب ليلحين ما قررت شنو آكل