من الـ 70 ـنات إلى الـ 60 ـينات ... اللي بتشارك حياها

[بـ سـ كـ وتـ ة]

العنود

حياج الله حبيبتي ونستيني وايد بكلامج

شدي حيلج معانا وان شالله كلنا نوصل الوزن اللي نبيه

أمس قريت كلامج وكنت حدي غايصة بالشغل بس قلت أطمن عالبنات

جان أتذكر إن مطارتي فضت مافيها ماي

قمت عبيتها ورديت شربت الماي كله ذكرتيني الله يذكرج بالشهادة

كشوخه

ما عليه يالله خل نشد على نفسنا شوي




بنات اشرايكم نخلي الميزان أيام الأسبوع الاثنين أو الثلاثا أو حتى الأربعا؟

الويكند لا يخلو عادة من التخبيص والوزن يبقى متأثر 3 أيام تقريبا بعد التخبيص

اختاروا يوم منهم ونثبته

 

[بـ سـ كـ وتـ ة]

يوم الثلاثا بالليل

سويت رياضة 10 دقايق معدة

وعشر دقايق رقص

وخواصري ليلحين شادين

أمس تريقت نص صمونة تيركي وجبن مع هوت جوكلت صغير بالكراميل ما ضفت له سكر

تغديت 2 توست أسمر بخلطة هندية بطاط وجتني

عاد كنت مجهزة صدر دياي مشوي بس حسافة نسيت التبر وير في البيت

والعصر كليت 4 حبات صغار بسكوت شوفان

والعشا ريلي مشتهي دومينوز قلت أشغل مخي شوي

طلبت وينجز وكليت قطعة وحدة بس من البيتزا والبيتزا كانت صغيرة

 

[بـ سـ كـ وتـ ة]

ما تريقت ليلحين بس شكلي باكل بيض لأن أسرع شي

مومداومة اليوم عندي شغل وايد ما يخص الدوام يبيله تفرغ في البيت وهدوء

بترجم 50 صفحة هههه

بنات ادعوا لنا بالفرج عندنا ظروف الله أعلم فيها بس محتاجة دعواتكم إن الله يفرج كربنا وينصر المظلومين

أشوفكم على خير ان شالله

 

[$كشوخه$]

الله ييسر اموركم بسكوته ان شاء الله ويجعل لكم من كل ضيق مخرج :eh_s(17):
وان شاء الله السعاده تملي حياتكم وحياة الكل يارب .. ايام وتعدي ان شاء الله :eh_s(7):

..

اليومين اللي قبل خربطت شوي بالسناكس اللي بين الوجبات .. بس الحمدالله ما ثقلت كلش ..

تريقت شكشوكه + خبز + ملعقه جبن + كابتشينو غير محلى

واليوم عندي شغل قد الدنيا :eh_s(2): فا بخلي لي سناكس لين الوجبة الرئيسيه اللي حزة المغرب .. دعواتكم بتييسر اموري بنات ..

لي عوده

 

[$كشوخه$]

انا احس نخلي يوم الميزان قبل اليوم المفتوح .. يعني مثلاً نخليه يوم الاربعاد او الخميس
لان الويكند مهما حاولنا لازم نخربط مني ومناك .. فا اذا اخترنا يوم الاثنين يوم الميزان بيكون قبلها بيومين يوم الفري
احس نوزن قبل الويكند احسن

 

[بـ سـ كـ وتـ ة]

الله يسهل أمورج يا رب

والله يسمع منج وتعدي يا رب

خلاص نخلي الميزان الأربعا؟ يناسبج ولا لأ؟

أو إذا في بالج يوم ثاني

الويكند كانت نوعية الأكل خرابيط بس الكمية قليلة

المشكلة انضغطت بمشروع ما قدرت أسوي شي بسبته ... الويكند كله راح عليه حتى شاور مثل الناس ما كنت أقدر آخذ

 

[بـ سـ كـ وتـ ة]

مساء الخير والورد والنوير

خلصت الترجمة أخيرًا

راح أبجي من السعادة ههههه

الجم يوم اللي فاتوا كلش ما كان أكلي مفيد كله خرابيط آكل أي شي أسد يوعي عشان أكمل ترجمة

أمس مثلا

تريقت توست أسمر بالحبوب مع جتني طماط هندي بالفلفل

وتغديت صدر دياية بعدين يتني رفيجتي معاها صمونة من سب وي حاسبة حسابي

كليت معاها

والعشا كان أم التخبيص

أسرع شيين في العالم نولدز فن لاند وتوست أبيض حبتين مع لبنة وصلصة الجتني نفسها مالت الصبح

وصايرة أنسى الماي من كثر الضغط

بس الشي الحلو

أول أمس رقصت 8 دقايق تقريبا وعقبها سويت تمارين معدة 10 دقايق

وأمس رقصت 8 دقايق بعد سويت تمارين حق الزنود 10 دقايق

 

[بـ سـ كـ وتـ ة]

اليوم تريقت متأخر الساعة 12 إلا ربع

نص صمونة جبن (توستة ونص لأنهم 3 طبقات)

كوب شاي مع حليب لايت

وبس ... مادري شنو باكل بعدين بس بحاول آكل شي مفيد وان شالله يا رب أقدر أسوي رياضة

ما شربت ماي ليلحين وماراح أشرب الحين على آخر الدوام عشان ما أتوهق وآنا أسوق وراي درب

دوامي بصوب وحضانة بنتي بصوب وبيتي بصوب ثاني هههه، ما تسوى علي

 

[$كشوخه$]

ايي بسكوته الاربعاء زين ..

انا بعد نفسج من الضغط نظامي عدل بس اخربه بالعشا اكون جوعانه بعد الشغل فا اكل اي شي موجود ..

..

اليوم تريقت صمونه مرتديلا بجبن + كورنفلكس مع حليب خالي الدسم ..

وشربت ماي ٥٠٠ مل + نص كوب كابتشينو

وتعشيت حبوب الكينوا + مرق خضار

اول مره اسوي حبوب الكينوا .. زينه يعني توقعت طعمها غير بس الحمدالله ..

 

[مـاعاد بدري ة_ة]

بالتوفيق

انا ودي بقروب الكل دشتي عشان ماشوف وحده تاكل صمونه واحتر ههههههه

 

[$كشوخه$]

اليوم تريقت متأخر بعد .. هاذي حالتي كل يووم

المهم سويت صاج نخاله الشوفان وحشيته بـ مرتديلا + جبن+طماط
> بديل معتمد للخبز ويشبع الحمدالله :eh_s(15):

وكورنفلكس مع حليب خالي الدسم ..

متشووقه حق يوم الاربعاء .. ان شاء الله ننزل بصحه وعافيه ياارررب :eh_s(17):

 

[بـ سـ كـ وتـ ة]

ما عاد بدري ... اتصدقين كنت ناوية أسوي دشتي بس مشكلتي أي رجيم مو صحي ما يدش مزاجي هههههه

حاولت أضغط على نفسي بس ما قدرت

أحسن نظام التخفيف

كشوخة ييتي والله يابج

عيزت وآنا أدور نخالة الشوفان ما خليت مكان رحت كل الأماكن اللي عندها منتجات أرض الطبيعة وما حصلتها

بالعافية ما كليتي حبيبتي

آنا أمس ما تغديت وتعشيت جبدة مشوية من نايف وشوية حمص وما سويت رياضة حطيت راسي ونمت لأني قبلها بيوم كنت مو نايمة إلا ساعتين

 

[$كشوخه$]

ياليت اقدر ادلج عليييه بس ماعررف .. شوفي دوري او اسألي اي حد وانا بشوف اذا اعرف احد .. بس دورتي بمركز السلطان او لولو هايبر ؟!!

..

تغديت صمونه فاهيته الجاهزه بالدوام فيها حوالي 450 سعره حراريه .. + ماي 500 مل

 

[$كشوخه$]

تعشيت برتقاله و سلطه
وشربت ماي ٥٠٠ مل
وجاي اخضر

الحمدالله

 

[بـ سـ كـ وتـ ة]

عليج بالعافية

حلو يومج ما شالله

عاد تصدقين حصلته من 3 أسابيع تقريبا على موقع أرض الطبيعة

بس لازم تطلبين أقل شي بـ 15 دينار عشان يوصلون لج وآنا مو كل المنتجات أحبها وما أحتاج كل شي

اليوم رايحة لولو هايبر بنجيل حق البيت ثلاجتنا تصفر بعد عمري هههههه

ان شالله أحصله لأن عندي مشكلة علاجها الألياف ونخالة الشوفان وايد زينة ونسبة الألياف فيها مرتفعة

أمس تريقت شاي وحليب

وتغديت من بوت بيلي ساندويتش الدياي والتشيدار بالصمون الأسمر الحجم العادي مو الكبيرة

العصر شربت نص كوب شاي سادة

وما تعشيت

اشتغلت في البيت شوي بعدين عصبت ونمت لول

 

[بـ سـ كـ وتـ ة]

اليوم الميزان يكرم المرء أو يشد حيله الأسبوع الياي هههه

من الصبح قاعدة أحاول أتذكر شنو ناوية أسوي يوم الأربعاء

جان أتذكر الميزان

وأقف بكل شموخ وآنا متوقعة صدمة كبيرة وخيبة أمل

وعلى فكرة بدون التلفون 75.9 يحليله تلفوني وزنه 100 جرام لأنه نتفة

حددددددددددددي مستانسة لأني من زماااااان ما شفت 5 يم الـ 7

وايد مستانسة الحمدلله ... حتى ناديت ريلي وخليته يشوف استانس معاي

 

[بـ سـ كـ وتـ ة]

اليوم قمت من النوم الساعة 5 صليت الفير

بعدين سويت رياضة

10 دقايق معدة stand up

و10 دقايق تمارين الظهر اللي كنت حاطتها قبل

يمكن بعد عشان جذي استانست لما وزنت

في السيارة شربت عصير برتقال ABC

وتريقت كوب شاي وحليب ووتصبيرة جبن لوزين

وشربت ليلحين كوبين ماي بحرارة الغرفة

 

[بـ سـ كـ وتـ ة]

الغدا ساندويتش دياي من سالاد بوتيك 291 كالوري وايد عجبتني طلبنها بدون شبنت ماحبه

والمرة الياية بطلبها بدون بقدونس لأنه مع الحمسة مو فريش وآنا ماحب البقدونس مطبوخ أحس يصير فيه زفرة

عصير أناناس سيزر 130

آنا مو وايد أهتم إني أعد الكالوريز بس حسيت إنجاز إن الغدا بكبره 421 كالوري بس

 

[$كشوخه$]

الف مبرووووك بسكوووته تستاهلين كل خير والله !!
وبالعافيه عليج ما كلتيي ..

..

اما انا وزنت اليوم وطلع وزني ٦٤ الحممممدالله بديت اقرب للستين
رديت ل وزني بداية سمنتي يعني الحمدالله في امل ان شاء الله

 

[$كشوخه$]

اليوم طلعت متأخر للدوام بس قلت مايصير اطلع بدون ما آكل شي عشان لا اخربط هناك
فا كليت لي صمونه مرتديلا بجبن + حليب صويا