من الـ 70 ـنات إلى الـ 60 ـينات ... اللي بتشارك حياها

[آلعنـود]

ممبررووك مبرووك اغلى الغاليآآت وآآربس تنزلين ززود وعقبآآلي وعقبآآل كل الصبآآيآآ والقآآري يقوول آمين

ججد بسككوته صآآرلهآآ مختفيه ! بسككوته اذاا تقررين دون لا اتفاعلين ويآآنآآ تررى وحشتينآآ آد الدونيآآآآ يآآقومرر

 

[فديت خبآلي]

آآرررححححبببببببببببببببببببي يآآبعد آآلببي وعنيآآآآ آنننتتي فديت خبآآلي نوورر نور الموضوع في ذممتييي ذممهه :eh_s(6):
ووييت ويت طولس 164؟ كيفف قصيرره عججل مايصيررر
واذا طولس 164 وززنس المثثالي بيككون 64 على طولس بالضبط
حلوو يعني تقريبآآ بيبقى لس 4 كيلوو الا اذا ملززمه تبين للـ 55 فحيآآآس خخل نطول مع بعض وننزل مع بعض =))
لانه وززني تقريبآآآ 69 على 70 يعنني حولس ونبي ننزل نفس الوزن تقريبآآآ سوو ليتز دو آآتت قييررل

آممم ما اتوقع انه مضره ! اول الايام ممكن بس الححييننن لاآآ عآآدي بلآآآ حرككآآت دلع ويلآآآ شدي من الحين قدآآمي اشوف

هلاااا وغلااا والله كلامج يينن اموووت عليججج وررربي

اذا ع الطول اسكتي يفرجها ربجج معاناة هالطول والله :krkrkr:
انا بس كرشتي هي البلوة ان شاءلله تروح وبستمر وياججج باذن الله

 

[فديت خبآلي]

حياج الله فديت خبالي ... نورتي الحته

عادي انتي باليوم الخامس ابدي مافيها مضره ان شاء الله

اخذي وزنج الصبح ع بطن فااضي وابدي معانا .. عشان حسابات نزولج تكون دقيقه

....

أغلى الغاليات

مبروووك .. و اي الدوره لها تأثير فا اتوقع نازله اكثر .. استمري والنتيجه بتبين ان شاء الله

..

وينج بسكوته مفتقدينج .. عسى المانع خيرر

ي بعد قلبي فديتج وفديت كلامج العسل والله عيل ما دام عادي بمشي معاكم ع النصيحة واثقه فيكم باذن الله بشتري ميزان عشان اكتب كل شي بالتدقيق ومعاكم ع الدرب :ggdw:

 

[كوين سويرا]

بنات انا وزني 53 و كرشتي ملوعه جبببددددي
مع انه جسمي لي خصر ويهببل الحمدلله بس الكرش معدمه الثقه !!
وكله اشفط

ابي اضعععععففففففففففففففففففففف (

 

[بـ سـ كـ وتـ ة]

حلاتي

وااااااي الله يعينج ... كثري ماي إذا يوم روب ويوم بطاط

يالله تلحقين على عمرج ههههه

ان شالله ينزل وزنا كلنامن غير شر يارب


آلعنـود

كل تغيير صغير تسوينه يفرق

بالنسبة للرمان والبرتقال اهم أخف من غيرهم ولكن ... حسيت نفسي أبلة

مافي شي تاكلينه ويضعف

يعني مثلا كوب عصير برتقال فيه 111 كالوري مقارنة ببطاط مقلي مثلا 243 كالوري

طبعا هذا غير التفاصيل إذا حابة ادشين فيها

مثل جم جرام ألياف واشكثر دهون واشكثر بروتينات

اللي عليج إنج تكونين ذكية باختياراتج وتوقيتها

يعني كوب عصير البرتقال ما يضرج بالليل بس في اختيارات أفضل ومافيها سكريات لأنج ما تحتاجين هالسكريات بالليل وانتي رايحة تنامين

والرمان صدفة نفس اليوم اللي اقترحتيه كان عندي 3 حبات فصصتهم واستمتعنا فيهم بالليل

عجبتني فكرة الفتة وايد ... عليج بالعافية

بقول حق خدامتي - اللي اهي آنا - تسويها :d

عاد جنج تدرين

والله كل يوم ومرات في اليوم أكثر من مرة أدخل أتابع أخباركم بس ما أقدر أرد

هالفترة شوي مضغوطة ومغيرين وظيفتي وحالتي حالة ههههه

بس ما أستغنى عن سوالفكم

 

[بـ سـ كـ وتـ ة]

$كشوخه$

الله يسلمج حياتي

آنا والدة قيصرية إذا نفعني أكيد ينفعج ان شالله

من حطيته لج قمت أسويه كل يوم تقريبا

عليج بالعافية شوقتيني عالكشري

وزين سويتي خذيتي أوف ان شالله ترجعين بعده بهمة أكبر يا رب

بعد عمري استانست إنكم فاقديني ... عساكم ما تفقدون غالي يا رب



وعليكم السلام ورحمة الله وبركاته فديت خبآلي


آنا بعد فديته

أعتقد 60 مناسب أكثر من جذي راح تصيرين وااااايد ضعيفة بس انتي أدرى بجسمج طبعا

والكرش يبيله مشي وتمارين معدة

وبالنسبة حق الدورة عادي اليوم الخامس تقدرين تسوين ريجيم



~أغلى الغاليات~

حياج الله يالغالية ... بيتك ومطرحك مثل ما يقولون

ألف مبروك وان شالله لما تطهرين راح يكون وزنج أقل بعد لأن الدورة تزيد الوزن



كوين سويرا

انتي ما يبيلج ريجيم

يبيلج تاكلين نشويات طبيعية مو مصنعة

ومشي وتمارين معدة

وتقدرين تستبدلين العشا ببروتين وان شالله بيروح البطن

جيكي عالتمارين اللي حطيتها حق كشوخه يمكن تعجبج

 

[بـ سـ كـ وتـ ة]

آنا الجمعة خليته أوف وتعمدت أزيد عن حاجتي لأني من زمان ما سويت هالحركة

ودي وزني ينزل عن 75 قبل نهاية السنة خلاص جذي تنحت على هالموضوع لول

الخميس اللي قلت إني بخورها بالعشا كليت أقل حتى من ربع الكمية وشبعت

السبت تريقت بيض وتوست وما تغديت والعشا بريوش محشي دياي بالفطر والكريمة

تعشيت امبجر وقلت عادي الصبح بسوي رياضة

الأحد اللي اهو أمس

قمت الصبح بسوي رياضة ولا ريلي قاعد بالصالة اللي أسوي فيها رياضة متفقة معاه إن ينام امبجر

عموما سويت رياضة بس مو عدل ويمكن 10 دقايق بس

تريقت صمونة جبن صغيرة

الغدا 7 تمرات عجوة المدينة

شربت كوبين ماي

والعصر كليت صمونة توستتين مع دياي بالكريمة

والعشا كان لذيييييذ

قوارب كوسا دهنتها بثوم وزيت زيتون وملح وشويتها عشان تذبل بس شوي بدون ما تروح فايدتها

محشية بلحم مفروم وصنوبر

وفوقهم طبقة بشاميل بحليب قليل الدسم وشوية جبن

كليت 3 قطع يعني حبة ونص كوسا تقريبا

 

[بـ سـ كـ وتـ ة]

اليوم

ريوقي كان مفترس

قمت الصبح بنتي بعد عمري مصخنة وديناها المستوصف ووصلت الدوام متأخر

ما كنت مجهزة شي حق الريوق بس ماخذة معاي صمونة حق الغدا توست أبيض وحمسة دياي ومشروم فريش بالكريمة مع خضار (جزر وفجل مبشورين ومخلل خيار)

المهم الساعة 10 ونص خلاص يعت وايد مو قادرة أنطر جان آكلها هههه

الظهر شربت حليب قليل الدسم مع قفشتين سكر

وليلحين ما قررت شنو بسوي عالعشا

ما سويت رياضة ... بحاول أسوي قبل ما أنام ان شالله

 

[soouad]

سلاام
معليش حبيباتي انقطعت كم يوم بس الحمدلله نزلت ٢كيلو
وبعدها رجعت خربت يومين ،
بس خلاص برجع اشد من اول وباذن الله ما عد فيه تخبيص،،
اليوم صايمه وبفطر فواكه ،،

 

[$كشوخه$]

بسكوته

ماتشوف شر بنتج .. الله يعافيها يارب

ليش ما تجهزين لج فواكه للدوام .. حتى لو كنتي مستعجله اخمطي كم فاكهه وانتي طالعه وامورج طيبه

وان شاء الله تكسرين ال 75 هالاسبوع ياررب وتكونين نازله ..


.....

اليوم تريقت كورنفلكس مع حليب خالي الدسم + بيضتين مسلوقه + جاي احمر بدون سكر

وشربت بعدين زنجبيل

وغداي متأخر كان قعتين برقر لحم قعدت اغمسهم بصلصه حاره وبس

 

[كوين سويرا]

حبيبتي بسكوته وين التمارين اللي عطيتيها كشوخه لو ما عليج امر ؟

 

[$كشوخه$]

كوين سويرآآ

هذا هو الرابط

Have a Flat Stomach with The Perfect Ab Workout IN HD - YouTube

 

[$كشوخه$]

آول وآخر مره آسوي لي بيف برقر .. ولو اني شويته بالفرن الا ان كميه الدهون اللي فيه واللي طلعته منه مو طبيعيه

احس سد نفسي من زمان مو مآكله شي ثقيل جذي .. الحمدالله على النعمه

بشرب زنجبيل وهالسوالف بعد شوي عشان لا يثقل علي

 

[~أغلى الغاليات~]

بسكوته حبيبتي الله يسمع منج وانزل اكثر..وسلامتها بنوتج ما تشوف شر ان شاء الله ..

 

[$كشوخه$]

اليوم ..

تريقت كورنفلكس وحليب خالي الدسم ..

شربت زنجبيل

وتغديت صدر دجاجه بس ما كملتها كلها ..

لذذيذذه لازم اقولكم الوصفه تجربونها .. جبت صدر دجاجه وتبلتها بـ ليمون وملح وكمون وفلفل وبهازات مشكله .. وحطيت فوق الدجاج شرايح ليمون ولفيتهم بقصدير وعالفرررن .. خفيفه ولذيذه وصحيه :eh_s(17):

 

[بـ سـ كـ وتـ ة]

تكملة اليوم اللي تريقت فيه دياي هههه


رجعت البيت والحمدلله قدرت أسوي رياضة ساعة وربع

مشيت ساعة إلا ربع والنص ساعة كانت تمارين ذراعين بالأثقال وتمارين معدة وأعتقد في تمرين غيرهم بعد بس مو ذاكرة الكبر شين

تعشيت علبة روب وحبة أفوكادو

وفي يوم من الأيام اللي كنت كاتبتها نسيت أكتب إني تريقت ميلك شيك بالموز والبينت بتر

كوب حليب قليل الدسم وقفشة وحدة بينت بتر المفروض ثنتين بس ما أحبه وايد مع الشيك طعمه مقبول وموزة وحدة مثلجة وبالخلاط

لذيذ ومفيد ويشبع الصراحة

أمس

قمت من النوم قبل الصلاة وسويت رياضة نص ساعة

تريقت صمونة بستو بجبن مثلث وتوست أبيض مع كوب جاي وحليب

وكنت ماخذة معاي رمان إذا تعرفون تبر وير Red Tag الصغير يونس كنون يمكن ربع كوب

شربت معاه لبن أب

والعصر كليت قطعة وحدة كوسة محشية باللحم المفروم والبشاميل كبر الصبع

والعشا شاورما ونص من الشاورما اليونانية قلت أجربه

حليو بس عادي ... بالنسبة لي Spago لا يعلى عليه

اليوم ما سويت رياضة كالعادة ريلي قاعد في الصالة

شكلي بروح أمشي ورا الدوام أحسن لي لأن ما أضمن أقدر أسوي رياضة في البيت

احترمت نفسي شربت قلاصين ماي عالريح وعقبه كوب جاي وحليب ليلحين ما كملته صار ثلج

وبيطلبون البنات من زعتر وزيت بشوف لي شي خفيف وأطلب معاهم لأني ما يبت غير تفاحة

سمعت كلامج كشوخة

 

[$كشوخه$]

زين سويتي بسكوته .. وبالعافيه عليج ما كليتي

وبكره يوم الميزان الله يسترر وان شاء الله نكوون نازلييين

اليوم تريقت ع ال 11 كورنفلكس مع حليب خالي الدسم ،، والحين قاعده اشرب مااي ماعرف شنو اتغدا

 

[بـ سـ كـ وتـ ة]

سعاد

كثر ما تقدرسن حاولي تلتزمين معانا عشان تحسين بالمسئولية

نزولج كيلوين شي وايد بس حرام تخربين حسافة تعبج وتقبل الله طاعتج حبيبتي

ادعي لنا

كشوخة

الشر ما اييج حبيبتي

سمعت كلامج وخذيت تفاح نسيت إنه عندي وفي الدرج عندي تمر وكشمش أسود

بس آنا مشكلتي ما أحب الحلو فما ألتفت لهم وايد

بس اليوم كليت تفاحتي وبحاول آكل تمر باجر عشان دمي

البرجر الأفضل تقطعينه أصلا إذا مو شغل بيت لأن يكون مضاف لهم بروتين الصويا ما يكون لحم صافي

بس إذا تحبينه آنا كنت أفوحه أول شي عشان يستوي يطلع كل الدهن الي فيه راح تشوفينه

وبعدين أحطه في مقلاة نظيفة على نار قوية عشان يتحمش

وصفة الدياي اللي حطيتها آنا أسوي نفسها في الدياية الكاملة

لما تفج من الثلج أنقعها في نص كوب ملح مذوبته في 8 اكواب ماي من ساعة إلى ساعتين

بعدين أسوي خلطة زيت زيتون أو زبدة مع ثوم وروز ماري وبهاراتي اللي أحبها وليمون هذي أفرك فيها الدياية كلها حتى تحت الجلد

بعدين أقصص شرايح ليمون رقيقة وأحطها تحت الجلد في كل مكان حتى عالفخذ

يطلع الطعم رهيب ما ينشبع من هالطبق الصراحة


أغلى الغاليات الشر ما اييج حبيبتي تسلمين

 

[بـ سـ كـ وتـ ة]

باجر الميزان بنات لا تنسون

جهزت الاكسل شيت عشان نحتفل بإنجازاتنا باجر ان شالله

 

[$كشوخه$]

بسكوته

انتي نفسي انا ما احب الحلو وايد .. بس اذا كان التمر قدامي بالعكس آكله وحلوو مع القهوه تاكلينه بدون لا تحسين .. وللدم بعد عليج بالزبيب الاسود انقعيه في الماي بالليل واشربيه الصبح ..

جنج تدرين مساعه ابي اطلب مطعم .. بس قلت خلني التزم اليوم احتراماً للميزان باجر وعقبها اخربط ع راحتي


....

تكمله يومي

تغديت 3 حبات نقانق مع ملعقه صغيره مايونيز حار + جبن

والحين اشرب حليب الصويا بالجوكلت