تجمع مراجعات مستشفى رويال حياة

[مناوووي]

في دكاترة ما يمرون و تخلي احد من اللي تحتها يجيك عالوالدة

اي هذا الي صار معاي ومع الي يراجعون عند دكتورتي
مفروض هي تجي عشان ترتاح الوحده
الله يهديهم موبلاش

 

[Aloe Vera]

انا دكتورتي منى ابو طعام مرت علي مرتين بعد الولادة اول و ثاني يوم غير دكاترة المستشفى اللي مرو عليي

بس اتوقع ان د. خالدة وايد ضغط عليها عشان جذي ما تمر عالوالدات

 

[Aloe Vera]

قلبي حساس



اذا ولادتج طبيعية و بيبي سليم ان شاء الله ماتدفعين زيادة غير شوية ادوية ب٢٠ يمكن

حطي في بالج زيادة لازم لا قدر الله مثلاً سعر القيصرية و ان شاء الله ما تحتاجين

 

[glby7sas]

Aloe لا حبيبتي انا قررلي قيصري الدكتور عشان جذي احاتي وايد قالولي يزيدون بالفاتوره ويضيعونج بالحساب بسألكم كاتعرفون سعر الحضانات جم لانه دقيت عليهم مارضو يعطوني جم سعرهم قتلهم عالاقل يبدي من جم مارضو يقولون على حسب الحاله انزين بعرف يبدي من جم بطت جبدي الفلبينيه ماعطتني ويه لوول

 

[TINA]

حوامل يا حلوين الله يتمم على الجميع بخير يا رب و يقر عيونكم باطفال بخلقه و صحه تامه يا رب انا امس حللت و طلعت حامل الحمدلله و خذيت موعد عند دكتور عمرو عصام شرايكم فيه ؟؟ وهل هو من الدكاتره الاستغلاليين ؟ يعني يطلب اشياء اوفر ولا عادي ؟

 

[glby7sas]

تاني مبروووك الحمال الله يتمم عليج يارب ماعندي فكره عن الدكتور

 

[Aloe Vera]

قلبي حساس

ماعرف عالقيصرية والله بس اتوقع تفس الطبيعية السعر محدد
و الحضانه مادري بجم بس اهي اكثر سبب يرفع سعر الفاتورة من خلال اللي لاحظته لان السعر مال الحضانة عبارة سعر كذا شغله مع بعض فا يطلع صلخ




Tina


مبروك الحمل حبيبتي
انا ماعرف هذا الدكتور بصراحة بس من خلال تجربتي الدكتورة منى ابو طعام ابداً ابداً مو استغلالية

 

[مناوووي]

دكتورتي خالده المجيبل
ماشوف انها استغلاليه
حتى التحاليل الذا اكتبتها لي تقولي سويها بالحكومه اذا تبين

 

[مسـك]

حتى انا خالده المجيبل وماشوف انها استغلاليه بس سونارها غالي شوي

 

[مسـك]

مناوي حتى انا ماشفتها الا وقت الولاده توقعت هي اللي تمر علي وتجيك ع الخياط بس جتني دكتوره ثانيه

 

[وداعيه]

مرحباااااااااا

انا راجعت عند نداء بو خضور

ابدا مارتحت لها سبحان الله

ماعطتني وقتي بسرعه بسرعه سوت سونار وكلمتني واهيا واقفه
لدرجة اني نسيت اشيا واجد كنت بقولها



سالتها عن اسعار الولاده قالت انا شهر ٣ بطلع عياده بروحي
قالت ولادتي الطبيعي تبدي من ٣٥٠

قلت لها شلون تبدي من ٣٥٠
قالت ع حسب الخياط اذا في مشكله بالخياط ممكن يزيد بالسعر
قالت بس انا معروفه بخياطي



قلت الحين بستخير بينها وبين ناهده


وبسوي سيرج عن دكتوره نجلاء زعفراني و دكتوره زينب

 

[مناوووي]

هلا مسك
مدري والله عن سونارها ماقارنته بمكان ثاني
ماعرف الاسعار
بس اهم شي الراحه وتكون دكتوره زينه وخالده حيل ممتازه
بس الي ماعجبني ماشفتها بعد الولاده

 

[مناوووي]

مرحباااااااااا

انا راجعت عند نداء بو خضور

ابدا مارتحت لها سبحان الله

ماعطتني وقتي بسرعه بسرعه سوت سونار وكلمتني واهيا واقفه
لدرجة اني نسيت اشيا واجد كنت بقولها



سالتها عن اسعار الولاده قالت انا شهر 3 بطلع عياده بروحي
قالت ولادتي الطبيعي تبدي من 350

قلت لها شلون تبدي من 350
قالت ع حسب الخياط اذا في مشكله بالخياط ممكن يزيد بالسعر
قالت بس انا معروفه بخياطي



قلت الحين بستخير بينها وبين ناهده


وبسوي سيرج عن دكتوره نجلاء زعفراني و دكتوره زينب

الله يسهل امورج
مدري فيه تاس تمدحها وناس تذمها ماجربتها
دكتورتي تاخذ عالخياط العادي 300
التجميلي 350

 

[مناوووي]

وداعيه
متى ولادتج ان شاءالله ؟؟
تلحقين عليها يعني بالمستشفى والا لا
واذا راحت لعياده تولد بكل المستشفيات والا لا
تامدي منها عشان ماتتوهقين اذا بتمين عندها

 

[سيكولوجية]

وداعيه

نداء صارت كله قيصري كل من يقول
وخري عنها


نصيحه خلج عند نجلا
تهبل وشاطره ومريحه ونفسها روعه تريحج
وتعطيج اكثر من وقتج وتعطيج رقمها كنت مرات ادق الفير اتعب بعرف هذا طلق وله لا
ترد. علي على طول واهي نايمه


اما زينب ترى مو خبره
وحده اهني والده عندها تقول توهقت فيني قامت راحت نادت دكتوره ثانيه تولدني
ماتعرف تتصرف

 

[Aloe Vera]

سيكولوجية


انا سمعت يمدحون د. زينب

و بس بعلق كلامج بالنسبة حق سالفة ان الدكتورة توهقت اهي مو مسألة وهقة
عادي و طبيعي جداً اذا ماتمت الامور بصورة طبيعية او صار في بعض الشكوك ان يدخلون دكاترة زيادة بالغرفة
في وحدة دخلو عندها ٦ دكاترة مرة وحدة عادي لان صارت لها حالة حرجة و هذا مو دليل ان الدكتور متوهق لو كان قليل الخبرة فا احسن تصرف هو استدعاء طبيب ثاني للاستشارة

 

[طعم الشهد]

دكتوره زينب خبره بصباح وشاطره وايد وكفايه انها وايد مريحه وسلوبها مقنع

 

[وداعيه]

مناوي انا ولادتي ان شاءالله شهر ٥
يعني بتكون طالعه الدكتوره

انا بستخير والله يكتب الي فيه الخير

 

[وداعيه]

سيكولجيه شلون بنتج !

لهييت ونسيت اكلمج بالانستقرام :eh_s(7):

علشان اسالج عن جم شغله بالاستقبال

 

[مناوووي]

مناوي انا ولادتي ان شاءالله شهر 5
يعني بتكون طالعه الدكتوره

انا بستخير والله يكتب الي فيه الخير

حبيبتي الله يسهل عليج
معاي تقريبا اناا اخر 4 ان شاءالله
الله يسهل على كل حامل
ويرزق كل من تتمنى