من الـ 70 ـنات إلى الـ 60 ـينات ... اللي بتشارك حياها

[$كشوخه$]

انا ماعرف ليش نزولي بطيء جذي اذا اتبعت نظام حياه صحي وابتعدت عن عادتي اللي قبل

وايد اشياء قطعتها كولا وككاو وبطاط وحلاو .. بس هم وزني احسه موقف بين 62 واذا زاد وصل 63 .. الحمدالله على كل حاال .. بس احس جسمي يبيله نظام حازم وقوي بس للاسف بهالفتره كلش ما اقدر ..

بس بتم قاطعه النشويات وكل شي مو صحي وبمشي ع نظامي .. حتى لو نزولي بيكون بطيء بس اهم شي انزل .. وان شاء الله انظم وقتي اكثر واقدر اسوي تمارين المعده يومياً

 

[! Unknown]

الغداء :

أكلت 5 ملاعق رز ولحم

لبن

= 531 س

 

[$كشوخه$]

من ساعتين كليت صمونة بيض + 3 حبات ميني كرواسان جبن + عصير برتقال

واليوم مشيت الحمدالله :rerrerek:

 

[بـ سـ كـ وتـ ة]

كشوخة

نسيت أرد عالطبق اللي حطيتيه أمس

شكله يشوق وآنا وايد أحب الشوفان

أكيد راح أجربه ان شالله

ونزولج صار بطيء لأنج وايد قريبة من الوزن المثالي ما شالله

وشطورة زين سويتي مشيتي اليوم

Unknown

لا عادي حبيبتي آنا كنت مدرسة انجليزي

وحاليا شغلي كله متعلق بالترجمة وكتابة النشرات فمتعودة أبدل بين انجليزي وعربي

النادي أهم شي ما يقل عن 3 مرات بالأسبوع

من 3 - 5 أيام في الأسبوع زين ولازم يكون عالأقل يوم واحد راحة

 

[بـ سـ كـ وتـ ة]

أمس تريقت كرواسون جبن ولبن

كليت سناك تفاحة

وسناك ثاني موزة

تغديت توست وجبن كرافت وكفتة

والعصر كليت 7 حبات تمر

والعشا باستا آنا وبنتي كليناها sharing

واشتهيت خبز الثوم بالجبن طرا على بالي كليته

لو قالبة الغدا والعشا وايد أحسن

 

[بـ سـ كـ وتـ ة]

اليوم يايبة أكلي معاي ان شالله ألتزم فيه

تريقت توست بالحبوب الكاملة مع جبن كرافت ولبن

يايبة معاي موزة والمفروض في تفاحة بس شكلي نسيتها في البيت

وحق الغدا توست بالحبوب مع جبن سلايس ولبن

وبصراحة ميتة عالبفك وعندي جيس كبير قسمته على وجبتين خذيت واحد معاي اليوم

أدري مو صحي ومو مفيد بس رايحة الجمعية متعنية عشانه

 

[! Unknown]

أمس العشاء كان شيش طاووق .. بس بعدين في الليل خربتها : (

ف قررت انقص من سعرات اليوم ..

المهم

اليوم ماسويت تمارين ، ايدي مو قادرة امدها بالمرة : ( !

طول الوقت ع نفس الوضعية كأني رجل آلي أو عجوز : (

مدري يمكن أسوي بعدين إذا قدرت

وللحين مافطرت وأكلت شي =="

~

إن شاء الله ناوية أشتري فواكه وخضار :d

 

[! Unknown]

Unknown

لا عادي حبيبتي آنا كنت مدرسة انجليزي

وحاليا شغلي كله متعلق بالترجمة وكتابة النشرات فمتعودة أبدل بين انجليزي وعربي

النادي أهم شي ما يقل عن 3 مرات بالأسبوع

من 3 - 5 أيام في الأسبوع زين ولازم يكون عالأقل يوم واحد راحة

ما شاء الله ، ماادري حسبت كذا أحسن بس اللي يريحك :eh_s(22):

إن شاااء الله :ggdw:

 

[$كشوخه$]

بسكوته ..

زين سويتي وديتي اكلج معااج
وصح المفروض الغدا يكون اثقل من العشا .. بس حلو تسوين للعشا خضار مسلوقه او شوفان دامج تحبينه


Unknown

نفس حالتي امس خرربطت ع آخر الليل
كليت مجبوس ولبن صج من زمان عننه
بس ما ثقلت نفس قبل كنت اترس معدتي

 

[$كشوخه$]

انا اول ما قمت كنت جوعانه فا كليت كورنفلكس مع حليب خالي الدسم ..

وبعدها بساعتين تريقت بيضتين عيون + حليب الصويا + قطعه جبن شيدر + حمص

>> ان شاء الله اليوم ما اخرربط :eh_s(1):

 

[$كشوخه$]

غدآي كان العصر ..

وكليت قطعتين دجاج مشويه ما كملتهم مع صلصه حاره ومايونيز

مع سلطه بقوليات

وشربت ماي 500 مل

 

[$كشوخه$]

خربطت امس ع العشا لان جاتني الحلوه

اليوم قمت مأخر من التعب وكليت بيضتين عيون + كورنفلكس آول بران مع حليب خالي الدسم

والحين قاعده اشرب حليب صويا بالجوكلت والحمدالله :eh_s(17):

 

[! Unknown]

وزني الأول : 90 كغ
وزني الحالي : 74,4 كغ
طولي : 166 سم
كتلة جسمي : 26,9 " وزن زائد "
نقصت : 15,6 كيلو حتى الآن " الحمدلله "
مقدار حاجتي من السعرات الحرارية : 2299 سعرة باليوم
آكل حوالي : 1000 - 1299 سعرة حرآرية باليوم

~

الحمدلله الحمممدلله الحممممدلله

شوي وأصيح من الفرحة : (

مو مصدقة أخيرا تغير وزني !

وربي رقم 75 جاب لي العلة ..

وخربطت كثير بالأكل في هالاسبوع

دايما أبدأ يومي صح ويخترب ع نهايته ><"

الحممدلله

 

[بـ سـ كـ وتـ ة]

ما شالله عليكم كشوخة و مجهولة ولا تزعلين

الله يتمم عليكم

كشوخة ما ألومج ... المجبوس من متع الحياة القليلة

أمس تريقت فطاير

ما تغديت

تعشيت سلطة فواكه

وزني أول الحمل 77 والأسبوع اللي طاف 76

واليوم 74.6 من النساة

آنا أول فترة دايما جذي

الله يعدي هالفترة على خير الحمدلله على كل حال بس والله حتى ما فيني حيل أتحرك

وأحس بطعم معدني بحلجي ... بالضبط جني حاطة فلوس أول مفتاح وقاعدة أمصه

إذا كليت ما في شي يتم بمعدتي وإذا ما كليت وانتو بكرامة أرجع ماي أو حمض المعدة

اليوم يايبة معاي تفاحة

وصمونة قمح كامل بالكرافت

ورفيجتي يايبتلي صمونة جتني مادري جتني شنو عاد

وان شالله العشا سلطة فواكه

 

[بـ سـ كـ وتـ ة]

Unknown حبيبتي

قطعتي مشوار حلو تبارك الرحمن

اشكثر كانت المدة اللي حققتي فيها هالإنجاز وشنو كانت طريقتج بكل تفصيل إذا تكرمتي

أكيد في بنات ودهم يعرفون ويمكن ينحرجون يسئلونج

أو يمكن يقرون الموضوع لما يصير قديم وودهم يعرفون

قلت أسأل بالنيابة عنهم

 

[$كشوخه$]

آنا اخر فترره خربطت عددل للاسف ..

يلا ان شاء الله التزم هالاسبوع عقااب

اليوم قمت متأخر وماشتهيت آكل .. بس بعدين سوتلي شوفان مع حليب قليل الدسم مع دارسين + وحطيت فوقه ملعقه فول سوداني .. لذيييذ الحمدالله

وبعدين بطلع اتعشى .. بس بخلي خياراتي كلها مشاوي ان شاء الله وبحاول ما اكثرر :rerrerek:

 

[$كشوخه$]

الف مبرووك النزوول حبيبتي مجهوله .. وعقبال مانشووفج وصللتي للهدف بصحه وعافيه والكل ان شاء الله :eh_s(17):

بسكووته .. حلو الحين تتبعين نظام صحي يفيدج وللبيبي بعد .. وبعد ما تولدين بالسلامه ان شاء الله سويلج نظام واتبعييه .. والله يهوون عليج حبيبتي :eh_s(17):

 

[$كشوخه$]

بناات لازم اقولكم عن طريقه الشوفان اللي سويتها اليوم لذذيذذه وصحيه وتشببببع

او شي جيبي جدر صغير وحطي شوفان بالكميه اللي حابتها وبعدها حطي حليب خالي الدسم ويكون اكثر من الشوفان بشوي واخلطيهم وكل ما حسيتي يحتاج حليب زيدي شوي .. ما كان عندي سكر ستيفيا فا حطيت رششه سكر عاادي ما كثررت كلشش .. وبعدها حطيت ملعقه صغيره دارسين بودره ..

وبعدها قدمته وحطيت فوقه ملعقه زبده الفول السوداني

وممكن تضيفون فواكه بس ما كان عندي

..

انصحج بسكوته تسوينه الصبح للدوام وتحطينه ببوكس البلاستك اللي للاأكل وتاخذينه معااج ..

 

[! Unknown]

ما شالله عليكم كشوخة و مجهولة ولا تزعلين

الله يتمم عليكم

آمييين يارب

الف مبرووك النزوول حبيبتي مجهوله .. وعقبال مانشووفج وصللتي للهدف بصحه وعافيه والكل ان شاء الله

ياعممري ، ربي يبارك فيك ويسمع منك .. ويااكم إن شاء الله

~

Unknown حبيبتي

قطعتي مشوار حلو تبارك الرحمن

اشكثر كانت المدة اللي حققتي فيها هالإنجاز وشنو كانت طريقتج بكل تفصيل إذا تكرمتي

أكيد في بنات ودهم يعرفون ويمكن ينحرجون يسئلونج

أو يمكن يقرون الموضوع لما يصير قديم وودهم يعرفون

قلت أسأل بالنيابة عنهم

اممم .. تقريبًا صار لي 3 شهور " أعتقد " والحين في الرابع " ثاني اسبوع "

شهر كامل وقفت وثبت وزني بسبب الدراسة والاختبارات .. فما حسبته

يعني 3 شهور ع الدآيت والحين أمشي في الرابع ولله الحمد

أما طريقتي فهي حساب السعرات الحرارية اللي أحتاجها في اليوم " فيه مواقع كثيرة تحسبهآ "

المهم إني قررت أنزل كيلو في الاسبوع .. صح قليل لكن ماعندي مشكلة إن ما كان فيها حرمان

فأنقص 1000 من السعرات اللي أحتاجها في اليوم ، وعلى نهاية الاسبوع " الجمعة " أقيس وزني

في البداية كنت ما أهتم إلا بالسعرات الموجودة في الأكل ولا يهمني دسم أو لا دام وزني ينزل

بس بعدها تعلمت إنو المفروض يكون نمط حياة ، ومايصير يظل نظامي " سيء " كذا !

أغلب أكلي دهون ، ودسم ، وكله بيرجع عليّ في النهاية : (

ففي الوقت الحالي أحاول قد ما أقدر أضيف أكل صحي وأقلل الدهون بس بعد ما أحرم نفسي

يعني أحاول أتعامل مع الوضع باعتدال ، صعب ! لكنه مو مستحيل ..

هو بحكم إنو أهلي أغلبهم متاان وأكلهم دسم وكذا ==" نادر ألقى أكل صحي إلا لو حنّيت ع راسهم : )

فعشان كذا أحيانًا حتى لو بغيت أعدل نظامي يرجع يخترب ..

لكن مع إرادتي اللي وصلت فيها لهذي المرحلة ، إن شاء الله بتغيّر شوي شوي

وانتوا ماتقصرون ، والله اني تعلمت وللحين أتعلم منكم :d

احم .. السموحة طولت

 

[! Unknown]

اليوم مدري وش فيني مو مشتهية الأكل

مافطرت ، ع الظهر أكلت خيارة

بعدها بساعتين أكلت خرمة " كاكا " أو مدري وش اسمها

وعلى المغرب شربت حليب فراولة

= 249

وللحين ما طب بطني شي

رحت للنادي " ساعة " وسويت تمارين " نص ساعة "