تجمع مراجعات مستشفى رويال حياة

[البطه البلدية]

د ندا بو خضور توها والده عندها بنت عمتي

برويال حياه

و البنت بجر

لما قرب البيبي يبي يطلع

راحت لعمتي د ندا و طمنتها ان كل شي اوكي

و تعتذر من عمتي انها ما تقدر تكمل مع البنت ولادتها لان عندها وجوب ع قولتها ،، و راحت خلت البنت مع دكاترة الطوارئ

شقوها و ما طلعوا اجزا المشيمه كلها

و خيطوها

و من ثاني يوم ربي ستر و طاحت الاجزا الباقيه

ٍو راحوا افحصوها فحص داخلي بالايد و سوولها سونار عشان يتاكدون ان مافيها شي

و البيبي لما طلع من امه مع السحب كسروا جتفه و ما قالوا للام

الام اكتشفت من نفسها مع طبيب اطفال ثاني

و الحمدالله ع كل حال

و الولاده تساهيل من رب العالمين

 

[البابانه توته]

بناااااات الي اولدوو

قولولناا عن الغرف والاجنحه الي عندهم حلوه للاستقبال ؟؟

 

[Aloe Vera]

البطة البلدية


غريبة سالفة بنت عمتج و سالفة الدكتورة
البيبي شلونه الحين و عسى مو حالته جايدة؟؟؟





البابانه

كل غرف رويال تصلح حق استقبال و فيها مطبخ تحضيري ماعدا الليلي شوي صغيرونة بس تصلح اذا الزوار عددهم قليل
و انتي تقررين على حسب ميزانيتج و عدد الزوار

 

[البطه البلدية]

لا الحمدالله كلهم بخير

مسكينه تعذبت الله يعينها والله هذا اللي صار لها بالضبط

و لا تمت بغرفه الولاده تقريبا لي ثاني يوم عشان كل الغرف فل

 

[لذه السكر]

البطة البلدية

الحمدلله على سلامتها ومبروك ماياها
والله يعينها عورت قلبي سالفتها


بنات سامعين عن ريا القزويني ؟؟ قالولي برويال حياة بس لما دشيت السايت ما لقيتها

 

[Q8_QT]

البطة البلدية

الحمدلله على سلامتها ومبروك ماياها
والله يعينها عورت قلبي سالفتها


بنات سامعين عن ريا القزويني ؟؟ قالولي برويال حياة بس لما دشيت السايت ما لقيتها

ريا القزويني طلعت من رويال حياة وفتحت عيادة خاصة

 

[Om_Ksha]

أنا ولدتني نداء قبل سنتين ونص كانت زينه بس طول الوقت على أعصابي كل شوي مسافره جان تغيرت الحين ، يريت تنورونا بأحسن دكتوره برويال او السلام

 

[وداعيه]

ام كشه انا اراجع عند نجلاء زعفراني برويال

ويمدحون دكتوره زينب وخالده مجيبل

 

[حبيبة اهلهاا]

رويال حياه بصراحه و للاسف ززززززفت بالولاااااده

و دكتوره ندا خياطها روعه ما شاء الله بس ترا ما قعدت عندي بالولاده مادري يمكن لان في وحده بجر كانت تولد معاي

 

[مسـك]

ام كشه عندج الدكتوره خالده المجيبل ماشاءالله عليها وعندج زينب يمدحونها


والمستشفى ككل ماعليه كلام

 

[Aloe Vera]

حبيبة اهلها

يمكن انتي حظج صار جذي
انا ثلاث ولادات برويال حياة و من اروع مايكون بس انا ما ادخل ولادة الا بطلق حامي منتظم و مفتوحة ٦ سانتي او ٨ سانتي عشان جذي بسرعة ماطول ولا يلعبون فيني و هذي نصيحتي للجميع

 

[لذه السكر]

ريا القزويني طلعت من رويال حياة وفتحت عيادة خاصة

تعرفين رقم عيادتها او وين صايره ؟؟

 

[Om_Ksha]

خالده المجيبيل عقب سالفتها وانا أخاف منها مع انه وااايد من أهلنا يراجعون عندها ويمدحونها ،. نجلا الزعفراني في هذا التجمع قريت عنها وحده تقول كانت بتولدني قيصيري علا ابو انه معترض تقول اشوف الشاشه راسه نازل بس مالها خلق الظاهر ويوم قالت لها رضت تصبر وولدتها طبيعي أنا عن نفسي ماعرف اشوف السونار وجذي

 

[سيكولوجية]

بنات توكلوا على الله ، السهالات ترى من ربكم

وله كل دكاتره فيهم عيوب ماتحصلين دكتور كامل

استخيروا وتوكلوا على الله


و وايد دكاتره زينين برويال حياة

نجلاء الزعفراني
خالده المجيبل
زينب
اسامه صالحه


والمستشفى فوق المتتاز
لو حملت مره ثانيه بولد بهالمستشفى
راحه. على ان اسعارهم غاليه
بس كل دينار حلال عليهم

 

[مسـك]

سيكولوجيه تقريبا كم طلع عليج الحساب عقب ارتفاع الاسعار واي غرفه كنتي ماخذه

 

[ربيع_الروح]

بنات عندكم فكرة اذا زادو اسعار الغرف ولا ليلحين نفس أسعارهم

 

[سيكولوجية]

مسك

انا خذيت جناح الياسمين

الغرفه ب 2000

خذيت ليلة زيادة ب 580

طلع حسابي كله3000

لان انا كنت طالبه شغلات زياده
جم تحليل زياده
وسيرفس يومين
وصالونه
وبنتي حطوها يوم بجهاز بوصفار
وهم ولدت بشفط
وقعدة بغرفة الولاده 12 ساعه


و طبعا سولي خصم كبير على قولة ريلي لان ريلي يشتغل بالدفاع
ف يقول نزلوا يمكن 300 400 دينار. من السعر

 

[Q8_QT]

تعرفين رقم عيادتها او وين صايره ؟؟

لا والله كانت دازت لي بالواتس اب بس غيرت تلفوني فموعندي المسج

 

[مسـك]

بنات بسالكم الحين غرفة الولاده اللي يدشون معاج مرافقين ياخذون ع المرافق فلوس ؟


بتاكد من هالشغله لان ولادتي اللي طافت داشين معاي ٣ امي وخالتي وزوجي لوووووول

 

[camilia]

شسالفة هالمستشفى قاعد يطلع وايد دكاترة

نداء ردوها مؤقتا بس اسامة صالحة ونجلاء زعفراني بيطلعون