تجمع مواليد ( مارس & ابريل ) 2014 الله يحفظهم

[مناوووي]

مناوي الله يعينج ويشافيج يارب

لايكلف الله نفسًا الا وسعها

اذا هالشي مضايقج ومسبب لج كل هالالم

زين سويتي عالاقل نفسيتج شوي تتحسن

وتقدرين تجابلين البيبي عدل

وان شاالله الجرح يخف عليج بس ديري بالج

لاتقعدين وايد وحاولي كله تسكرين ريولج

والادويه والكريمات على طول استخدميهم

والله كريم

اي والله فوفو حيل مرتاحه بقراري
الله يكتب الي فيه الخيره اهم شي الصحه والعافيه ونفسيتي
الله يحفظ بيبياتنا ويرزقنا برهم

 

[fofowa_q8]

حبيبه عادي البيبي بالنفاس دايما اطرافه بارده

لبسيها دسوس ودلاغ ولفيها دايما بكفر دافي

ذاك اليوم سالت الدكتور اقوله احس عبودي ريجه

كله ناشف يقولي يتراوالج ولاتعطين البيبي

ماي ولا اعشاب ولا شي بس خليه عالحليب

واللي ترضع طبيعي لازم تعطي البيبي نقط

فيتامين دال


فديتج حمره موقصدي عنج كلنا جذي

نبي بيبي حلو وعيونه حلوة وخشمه حلو

ومتبتب بس اشوف الناس احمد ربي مليون

مرة اقول الحمدلله

 

[مآيكبرني نك]

صباح السهر

ابآ اشفط حليب حق ولدي ومايستوي مادري ليش

عندي ميديلا الكهربآئي

هو يبين انه يضخ ولكن مايطلع شي من صدري

مع انه يؤم ارضعه يطلع صبرت عليه 10 دقايق ونفس الشي ماستوى

 

[مناوووي]

فوفو اناا رضعت بنتي بس ماعطيتها قيتامين دال
زوجي مارضى

 

[حبيبة عز]

فوفو

مادري بنتي كله شفايفها مقشرة وناشفه

وريجها ناشف تكسر خاطري


مناوي

امبيه من صجج

ليش مارضى

وين دورج كأم والله هالشي ضروري

عيالنا مايطلعون بالشمس

ليش يحوشهم لين عظام ونقص كالسيوم

حرااام

لازم فيتامين د

انا ببلش اعطيه بنتي الاسبوع الياي ان شاءالله

مناوي

اقري عنه ترا وايد ضروري

انا فيني نقص وتعبانه منه

والطفل حرام تتأخر ضروسه ومشيته ليش

----

مايكبرني

انا نفسج اشفط بميديلا اليدوي

وماعرف اشفط ومايطلع شي

الدكتورة كانت تقولي شربي حليب يزيد حليبج

----

بنات الخياط يحكني

عاد ماشفته وماعندي جرأة

بس أحيانا احس حرقه حزة البولة عزكم الله

 

[fofowa_q8]

مايكبرني غريبه ليش ماتشفط؟؟

انا عندي واشفط فيها عادي.. اخاف مومركبتها

عدل في قطعة صغيرة مدورة بيضه لازم تتركب

شوفي الكتيب وتأكدي انج مركبتها عدل

اهي اول ماتشغلينها تشتغل دقيقتين تقريبا

على نظام استدرار الحليب تصير شفطات سريعة

وخفيفه وبعدين تبدي عاد بالشفط .. حاولي

تزيدين سرعتها شوي بالبداية وشوفي شيصير

 

[fofowa_q8]

مناوي اذا ترضعينه صناعي مايحتاج فيتامين دال

لان الحليب الصناعي مدعم بالفيتامينات كلها

بس اذا طبيعي ضروري حيل فيتامين دال

انا بنتي عطيتها ومافيها الا العافية الحمدلله

سننت مبجر ومشت بسرعة

 

[fofowa_q8]

حبيبه انا اللي اتذكره ان الجرح يبي يحك

عشان يلتأم سبحان الله..

انا عاد ذاك اليوم كنت بعطي عبود ماي

كلش على طريف بس قلت اسال الدكتور

ويوم سالته قالي البيبي بهالعمر لاتعطينه شي

الا الحليب غلط تعطينه ماي او اعشاب او ماي تمر

 

[حبيبة عز]

بنات

انا بلشت استخدم المشد

ان شاءالله تخف كرشتي

عاد احنا بيتنا لما نمتن اول شي تطلع الكرشه

شكلها يضيق الخلق

وبما اني ببلش رجيم ان شاءالله

بسألكم بنات منو جربت قلاية تيفال بقفشة زيت

ودي اشتريها شرايكم


----

مايكبرني

تبين تنامين وتريحين

خلي الوالدة تسبح البيبي

والله يسترخي وينام وتريحين

-----

انا واعدت الرداده باجر ان شاءالله

ان شاءالله يخف الماي اللي بجسمي

تسوي مساج بزيت الزيتون يعووور بس والله يخف انتفاخ الجسم

 

[حبيبة عز]

عاد زايده اسعارها الرداده

صارت ب60

وايد بس شسوي محتاجتها

 

[حبيبة عز]

فوفو

صح انا شفت دكتور مره بالتلفزيون قال

الطفل قبل 6 شهور مايحتاج ماي

يشرب الماي عن طريق الحليب

صج فوفو بسألج

مايولج سسترات السلام

كل ولادة يدقون واييون يجيكون عالام والبيبي

هالمره لا دقوا ولا شي

سر بنوتي متعلق بطرفه وماطاح

قاعده امسحه .. بس السسترات يمسحون بجرأة ويطيحونه

انا ماعندي هالجرأة

وعلى فيتامين د

دكتوري يقول عطيه للطفل كل يوم 4 نقاط بالفم

لي عمر سنة

 

[Q8_QT]

شلونكم بنات



عالفيتامين د انا ارضع صناعي والدكتور عطاني فيتامين د حقها يعني اوقفه تهقون

 

[حبيبة عز]

هلا كيوت

لا قلبي لا توقفينه

انا مع الصناعي اعطي فيتامين د

على كلام الدكتور

لان فيتامين د ياخذونه من الشمس

حتى لو الحليب فيه

مو نغس لما ياخذونه من الشمس

ماتشوفين هبة الدري

توها والدة صارلها جم اسبوع

مطلعه ولدها بالحديقه تشمسه

ولا جنه ياهل نفاس

ماشاءالله عليها المفروض جذي

 

[Q8_QT]

والاعشاب والماي انا عيالي كلهم اعطيهم ماضرهم
اول يبدون يفطمون الياهل من عمر 4 شهور الحين كل شي ممنوع ياهل عمره 6 شهور ماتوكلينه حتى لو وجبة وحدة مادري احسه كبير ومايشبعه الحليب

 

[Q8_QT]

هلا كيوت

لا قلبي لا توقفينه

انا مع الصناعي اعطي فيتامين د

على كلام الدكتور

لان فيتامين د ياخذونه من الشمس

حتى لو الحليب فيه

مو نغس لما ياخذونه من الشمس

ماتشوفين هبة الدري

توها والدة صارلها جم اسبوع

مطلعه ولدها بالحديقه تشمسه

ولا جنه ياهل نفاس

ماشاءالله عليها المفروض جذي

مشكورة حبيبة خلاص بستمر عليه بس لي متى ماحددلي الدكتور

 

[fofowa_q8]

مادري انا قالي الدكتور اذا يرضع صناعي ماله داعي

وحبيبه بالنسبة للسترات يوني البيت لما كملت

١٠ ايام .. سر ولدي ماطاح لما كمل اسبوعين

بالنسبة للرداده يبت وحده اول مرة اجربها

مدحولي اياها بس طبعا يبتها وعرضت عليها شروطي

لووووول قلت لها مابي ديايه وبيض ومادري شنو

هالخرابيط قالت انا مااسوي جذي بس ادهنج

وادلكج وارددج قلت لها مابي تجيسين بطني

كلش قالت لي اكيد انتي والده قيصريه مااقرب

من الجرح وفعلا دهنتني ودلكتني ايدها ماشاالله

خفيفه موقاعده تضغط حيل بس انا جسمي قام

يعورني قالت لي جسمج متروس ماي وهوا

تحملت العوار ولما خلصت حسيت اني خفييييفه

وجسمي ارتاح حيل ونمت ساعه ارتحت وثاني

يوم هم يت ورددتني وقالت لي جسمج وايد تعبان

اذا يت لج اخت النفاس دقي علي ارددج بعد

وايد ارتحت لها عكس اللي يبتها ابنتي واي تلعب

كراتيه هذيج كسرت جسمي

وناويه اسوي كاسات هوا ومساج اللي يسوونه

الصينيات اذا كملت شهر جذي بس مادري وين

احسن مكان اللي تعرف تقولي عفيه

 

[MOOON&M]

شلونكم يا حلوات

ما قصرتوا عالنصايح وان شاءالله بطبقها

والله استحي اطلب منها شي خدامتي كبيره بالعمر عمرها 43



فوفو، حبيبه

منو رداداتكم

انا جبت
ام احمد
واليوم بعد ترددت عند ام عباس
كلهم حلوين

 

[fofowa_q8]

مون انا اسمها ام جاسم

 

[glby7sas]

بنات انا صارلي ٩ ايام والده قيصري متى اييب الرداده ترددني؟!

 

[حمرة الورد]

بنات انا صارلي 9 ايام والده قيصري متى اييب الرداده ترددني؟!

دقي عليها واهي تقولج متى انسب يوم لج