** تجمع الي مسوين جراحة الفك**

[dalo0oa121]

فكي السفلي راجع للخلف
وهل اذا تصلح بيغير شكل انفي؟
المجربات يردون بلييز
وهل هالجرحة تغير ملامح الوجه؟

 

[فدوووش]

بنات ابيكم بمساعده

انا اليوم رحت اعاج سني وسالت الدكتوره عن اني احس ان فكي السفلي راجع لورا هل احتاج عمليه ترجعه قالت لي لا

حطمتني صراحه المشكله بعد شهرين بسافر لااهلي بقعد شهر عندهم وابي اراجع بمستشفى حكومي

وش اقول لهم عشان اسوي العمليه ووجهي يتغير ويصير قصير نفس وجه هيفاء وهبي مكتئبه بسبب وجهي

وجهي طويل ومو حلو مسبب لي ازمه

 

[DLW3A]

بنات ضيفوني بقروب الواتس

 

[Esraa.a]

السلام عليكم
انا مشكلتي تقدم الفك السفلي وتراجع فك العلوي وان شاء الله عمليتي بشهر 9 مع دكتور هيثم مراد

ما شاء الله بشرينا سويتي العملية ولا بعد ؟؟


الله يسهل لج ياااارب

 

[Esraa.a]

فكي السفلي راجع للخلف
وهل اذا تصلح بيغير شكل انفي؟
المجربات يردون بلييز
وهل هالجرحة تغير ملامح الوجه؟

يعتمد على خطة العلاج حبيبتي

إذا الموضوع فيه تحريك للفك العلوي احتمال كبير الأنف يتغير.. لكن إذا الجراحة فقط بالفك السفلي الأنف بكون بالسليم

 

[Esraa.a]

بنات ابيكم بمساعده

انا اليوم رحت اعاج سني وسالت الدكتوره عن اني احس ان فكي السفلي راجع لورا هل احتاج عمليه ترجعه قالت لي لا

حطمتني صراحه المشكله بعد شهرين بسافر لااهلي بقعد شهر عندهم وابي اراجع بمستشفى حكومي

وش اقول لهم عشان اسوي العمليه ووجهي يتغير ويصير قصير نفس وجه هيفاء وهبي مكتئبه بسبب وجهي

وجهي طويل ومو حلو مسبب لي ازمه

ما يصير حبيبتي .. إذا فكج سليم مافيه أي مشاكل

على أي أساس يكسرون الفك و يسوون لج العمليه ؟؟

 

[Esraa.a]

مرحبا بنات أول شي شكر كبير لبنات هنا أستفدنا من هالتجمع كثير ..
أنا مشكلتي يابنات ركبت تقويم من اربع سنوات وخلعت اثنين من الضواحك رغم اني ماكنت احتاج خلع غلطه وصارت
والحمدالله على كل حال
بعد مافكيت التقويم صار عندي تراجع بالفك العلوي + عدم تطابق الاسنان + بروز الفك السفلي
لما أتكلم أحس اسناني تضرب بعض ويسبب لي كهرباء براسي
هالمشاكل ماكنت اعاني منها قبل التقويم
والحين ابصحح هالغلط .. تتوقعون ينفع معي الجراحه ويحل جميع هالمشاكل ؟؟
واتوقع عضتي كلاس 3

الدكتور يحدد مدى حاجتج للعملية مو احنا


روحي لدكتور جراحة وفك وفكين وهو بعد ما يفحصج ويسوي لج أشعة يقرر
وعلشان ترتاحين نفسيا روحي لأكثر من دكتور وسمعي اختلاف وجهات النظر .. وبعدها لج حرية اختيار اللي يناسبج

 

[فدوووش]

ما يصير حبيبتي .. إذا فكج سليم مافيه أي مشاكل

على أي أساس يكسرون الفك و يسوون لج العمليه ؟؟

لان اسناني غير متطابقه وهذا كلام استشاريه بس مشكلتي الاساسيه اني مااقدر اسكر فمي زين

واتعب لابغيت اسكره غير انو يوجعني مرات اذا تثاوبت بقوه او اكلت شي قاسي مثلا مثل هالصوره

 

[Esraa.a]

لان اسناني غير متطابقه وهذا كلام استشاريه بس مشكلتي الاساسيه اني مااقدر اسكر فمي زين

واتعب لابغيت اسكره غير انو يوجعني مرات اذا تثاوبت بقوه او اكلت شي قاسي مثلا مثل هالصوره

اهااا
يعني الدكتور أقر انج تحتاجين الجراحة .. وهذي اهم نقطة









بالنسبة انه وجهج طويل وتبينه يقصر >> يعتمد على حالتج وخطة علاجج


الحالات اللي ممكن وجههم يقصر بشكل ملحوظ بعد الجراحة هم حالات القمي السمايل الشديد وحالات تقدم الفك السفلي والذقن

باقي الحالات الوجه ما يقصر لكن تقسيمته تتغير ويصير فيه توازن >> هالشي ممكن يعني ايحاء انه الوجه قصر

 

[الفك المفترس]

اسراء الخاص عند مفول

 

[نوووسه الحلوه]

مرحبا ياحلووين شكرااااااااااااااااا على هالتجمع الحلوو انا من السعوديه من الدمام صراحه هالتجمع حييييييل افادني وشجعتوني اني اقرر ابدأ رحلت علاجي واسوي عملية الفك مشكلتي هي تقدم بالفك السفلي بليز اذا احد سوى عمليه عند د.بدر الجندان بالخبر او تعرف احد سوى عنده هالعمليه ياريت تفيدني انا بحثت عنه بالنت بس مالقيت تجارب لاحد مسوي عنده عمليه هو بمستشفى العناية بروكير وان شاءالله بروح له بعد العيد لان هو باجازه الحين .

 

[Esraa.a]

اسراء الخاص عند مفول

مسحت :eh_s(15):

 

[Esraa.a]

مرحبا ياحلووين شكرااااااااااااااااا على هالتجمع الحلوو انا من السعوديه من الدمام صراحه هالتجمع حييييييل افادني وشجعتوني اني اقرر ابدأ رحلت علاجي واسوي عملية الفك مشكلتي هي تقدم بالفك السفلي بليز اذا احد سوى عمليه عند د.بدر الجندان بالخبر او تعرف احد سوى عنده هالعمليه ياريت تفيدني انا بحثت عنه بالنت بس مالقيت تجارب لاحد مسوي عنده عمليه هو بمستشفى العناية بروكير وان شاءالله بروح له بعد العيد لان هو باجازه الحين .

فيه اكثر من بنت سوت العملية عنده
ولو تتصفحين التجمع راح تقرين تجاربهم



البنات يمدحونه وتقريبا كل اللي سووا عنده فرحانيين من النتيجة

 

[شكنوومه]

صباح الخير شلونكم

بنات يعني تنصحوني اسوي عملية الفك عند الدكتور عبدالله الحركان انا رحت له بس احسه انه متردد يسويها لي وقالي ساعات الواحد يشوف نفسه انه الفك العلوي او السفلي متقدم بس الناس اتشوفه غير عن جذي ويكون لايق علي شكله يعني في ناس يتهيأ لهم هشي

مادري بنات اخاف اسويها واطلع بنتيجه ماترضيني

 

[امنيه]

بنات ضيفوني معاكم بالقروب الواتس اب
وضيفوا اسمي بالقائمه لان عمليتي تاريخ 25-9-2014 عند دكتور هيثم مراد

 

[السومي]

مرحبا بنات

انا صارلي مسويه العمليه سنه وثلاث شهور ومن يوم ماسويتها والعالم مبهوره من شكلي بعد العمليه
عمليتي كانت للفكين والذقن ( بروز بالفك العلوي وتقدم بالفك السفلي )
وللحين التقويم فيني مابعد فكيته لان فيه فراغات

بس اللي صاير حاليا معي واللي مضيق صدري مره ان اللثه بدت تبان لما اضحك عكس اول ماكانت باينه
فما ادري هل هالشيء طبيعي ؟!

اللي تعرف يليت تفيدني

 

[fa6amy-uae]

إسراء تكفين ردي علي أو اي وحده تعرف حالتي
انا عمليتيى الاولى رفعوا لي الفك العلوي بدون ترجيع صار ما فيه قمي سمايل ولكن المنطقة اللي بين الشفة العلوية والانف متقدمة على الجبهة اقنعت دكتور الجراح انه مضايقني وبدا يقتنع وقال اصلا فيه بروز شوي باقي في اللي فوق

دكتور التقويم عادل الهدلق مقتنع تماما ان ما عندي بروز يقول الاشاعة ما فيه بروز والزاوية جيدة وبيحاول يرجع الاسنان شوي وخلاص ويقول لو رجعتوا الفك العلوي بيكبر شكلها عشر سنوات
وانا قلت ابي ترجيع شوي بس تكون المنطقة مساوية للجبهة, واحس كلامه اثر كثير على الجراح وش رايكم..

الطويرقي قال لوسويت لك رجعته 2 مل او3من نفسه ,,, وما قال بيكبرك..

اسراء يوم سألت الدكتور هيثم مراد وقال كان فيه امكانية ارجعه لك قال بيكبرك..

تكفون علموني شلون اقنع دكتور التقويم,, عجزت اغير كلامه احاولت اقنعه لكن مقتنع تماما...
وانا في البداية ما اهتميت انه يقتنع لكن لاحظت اذا اجتمع مع دكتور الجراح يقنعه,, وش رايكم

انا بعدني ماسويت العملية بس كل شهر ارتز عند الجراح مع انه هو مايبا يجابلني لاني طفرته بالاسئلة هههههه و احاول اقنعه باني احتاج يرجعلي العلوي ورا يقولي نفس الكلام يقول اذا رجعته بتكبرين وايد و منطقة الشفايف بتدخل داخل كانه حد عاطنج بكس :eh_s(4): و ارد اقوله انا مشكلتي الاساسية البروز يقول لا لان الفك السفلي راجع ورا انتي جي حاسة و خلاني اجدم فكي و قال جوفي جي شكلج بيكون بس ماعيبني هالشي للاسف

ماعرف ككيف اتفاهم معاه و اقنعه ... انتي البروز عندج كان شوي و لا واايد قبل العلمية ؟

 

[فدوووش]

بنات ابي اعرف مين سوتها بالحرس بالرياض ؟؟؟؟؟؟

وعند اي دكتور ؟

 

[northflower]

بسم الله الرحمن الرحيم
اولا شاكره لكم هالتجمع المفيد والفريد من نوعه وبالذات اختنا اسراء بذلت مجهود عظيم في هذا التجمع جزاها الله خيير وحقق لها كل امانيها :eh_s(17):

قصتي

انا سويت العملية في مستشفى النور التخصصي بمكه
الجراح الدكتور جميل شرقاوي والتقويم الدكتور هيثم الطيب

وجهي طويل ونحيف وفلات ،، وفكي السفلي طويل ونازل وnarrow ،،هذا الشي كان مضايقني
بعد مارتبت اسناني دكتور التقويم قالي اطباقك غير سليم وعندك حلين :
1> نخلع بعض الاسنان من الفك السفلي وندفعها للخلف بسد الفراغات (بالتقويم) وهنا يمكن يتعدل ويمكن يكون الاطباق فوق بعض يعني مو تماام ( لان نعرف ان الاطباق السليم تكون الاسنان العلويه قبل السفليه )
2> قالي الحل المثالي الجراحه لان بنكون متاكدين من صحة الاطباق

قررت اسوي الجراحه لاني كنت مضايقه اصلا من طول فكي ونحفه،،، بدات التقويم الجراحي،، اسناني العلويه تراجعت جدا كانت المسافه بين الاسنان السفليه والعلويه قبل العمليه 9 ملم

خطة العلاج = تقديم ورفع فك علوي وترجيع الفك السفلي

الان لي شهر ونص على العمليه
الاطباق جيد جدا يحتاج تعديل بسيط جدا
خشمي فتحاته كبرت وبانت ومضايقتني وهاذي سهله بسوي عمليه تضييق فتحات
الانتفاخ باقي
لكن !! الي ماني قادره اتعود عليه
وجهي صغر وقصر
بصراحه جاني شي من الندم وقلت فنفسي ياريت اخترت الحل الاول وماسويت الجراحه
يعني صح اول كان فكي السفلي مو عاجبني وبالذات من الجنب لانه كان ناازل وضيق بس طوول
اما الحين بعد الجراحه احس مافي فك اصلا :eh_s(11):

لان فكي اساسا narrow فلما رجعوه للخلف اختفى صار صغير مرره
وكمان احس رجعوه اكثر من اللازم لان لو برسم خط من الجبهة لاسفل الذقن بلاقي الذقن متراجع شوي عن الخط
ماني عارفه ايش الحل الان فكي السفلي صاير مره صغير ومو متوازن مع باقي الوجه منطقه الجبهه والخد اكبر منه
هل اقدم الدقن واسوي حشو ولا ايش
اسرااء شوري علي بليز
خايفه لو سويت تقديم الذقن يطلع شكله غريب على وجهي

الدكاتره ما احس انهم قصروا ابدا بالعكس ، الاطباق كويس بس مشكلتي جماليه
انا سويت عندهم كل شي تقريبا للي يبي يستفسر عن اي شي ابشروا
توسيع فك علوي
خلع ناب مدفون ببنج موضعي
خلع اضراس العقل
تقويم جراحي
واخيرا جراحه
والحمدلله ماصارت لي اي مشاكل ،، بس مواعيدهم بالشهور
وكمان الي كان موترني ان ماعندهم تقنية البرامج ثلاثية الابعاد يعني عشان اعرف كيف بيكون وجهي لان هي قياسات دقيييقه الملم الواحد يفرق في الشكل

ماكنت اعرف عن هالتجمع قبل العمليه اكتفيت بالتجارب الاجنبيه من اليوتيوب وابدا ماخفت بالعكس كنت متحمسه الا قبل العمليه باسبوع بديت اوسوس واسال الي حولي وشرايكم فكي يحتاج تقصير ؟؟ :eh_s(2):

بليز اسراء ابي اعرف جراحة العضوات دموع منسيه واخت الامل
قريت قد ما اقدر من الصفحات بس بعدها كثييير

انتظر ردك اسراء وردودكم بنات بليز اي وحده تشبه حالتي

عارفه طولت كتبت قصة حياتي كلها بس اعذروني

 

[وحدي بقيت]

السلام عليكم اخباركم بنات
اولا الله ينولكم مرادكم بالصحه والعافيه يارب
انا بصراحه حابه استشيركم

كل ما اروح لدكتور او دكتورة اسنان على طول يلاحظون ان في تقدم بفكي السفلي
واخر دكتوره قالت لي لازم تسويينه و اني اسآل مختص و جذي يعني
انا بصراحه من سمعت كلمة عملية خفت
بس لما تصير لي مواقف محرجه وتعليقات من بعض الناس اللي ما تقدر المشاعر
وغير اني سمنت ولا ضعفت مبين مبين هالفك السفلي
افكر اني اسويها واقعد ابحث بالنت عن هالشغله
ودي اعرف وين احصل دكتور بالكويت او دكتوره اروح استشيرهم
وهل فيه بالعسكري هالنوع من العمليات ؟


وعندي كم سؤال هل فعلا يكون في خطر على منطقه الحس بهذي المنطقه
يعني ممكن فقدان الاحساس
وهل يكون في اثر للعمليه