** تجمع الي مسوين جراحة الفك**

[Esraa.a]

بسم الله الرحمن الرحيم
اولا شاكره لكم هالتجمع المفيد والفريد من نوعه وبالذات اختنا اسراء بذلت مجهود عظيم في هذا التجمع جزاها الله خيير وحقق لها كل امانيها :eh_s(17):

قصتي :d

انا سويت العملية في مستشفى النور التخصصي بمكه
الجراح الدكتور جميل شرقاوي والتقويم الدكتور هيثم الطيب

وجهي طويل ونحيف وفلات ،، وفكي السفلي طويل ونازل وnarrow ،،هذا الشي كان مضايقني
بعد مارتبت اسناني دكتور التقويم قالي اطباقك غير سليم وعندك حلين :
1> نخلع بعض الاسنان من الفك السفلي وندفعها للخلف بسد الفراغات (بالتقويم) وهنا يمكن يتعدل ويمكن يكون الاطباق فوق بعض يعني مو تماام ( لان نعرف ان الاطباق السليم تكون الاسنان العلويه قبل السفليه )
2> قالي الحل المثالي الجراحه لان بنكون متاكدين من صحة الاطباق

قررت اسوي الجراحه لاني كنت مضايقه اصلا من طول فكي ونحفه،،، بدات التقويم الجراحي،، اسناني العلويه تراجعت جدا كانت المسافه بين الاسنان السفليه والعلويه قبل العمليه 9 ملم

خطة العلاج = تقديم ورفع فك علوي وترجيع الفك السفلي

الان لي شهر ونص على العمليه
الاطباق جيد جدا يحتاج تعديل بسيط جدا
خشمي فتحاته كبرت وبانت ومضايقتني وهاذي سهله بسوي عمليه تضييق فتحات
الانتفاخ باقي
لكن !! الي ماني قادره اتعود عليه
وجهي صغر وقصر
بصراحه جاني شي من الندم وقلت فنفسي ياريت اخترت الحل الاول وماسويت الجراحه
يعني صح اول كان فكي السفلي مو عاجبني وبالذات من الجنب لانه كان ناازل وضيق بس طوول
اما الحين بعد الجراحه احس مافي فك اصلا :eh_s(11):

لان فكي اساسا narrow فلما رجعوه للخلف اختفى صار صغير مرره
وكمان احس رجعوه اكثر من اللازم لان لو برسم خط من الجبهة لاسفل الذقن بلاقي الذقن متراجع شوي عن الخط
ماني عارفه ايش الحل الان فكي السفلي صاير مره صغير ومو متوازن مع باقي الوجه منطقه الجبهه والخد اكبر منه
هل اقدم الدقن واسوي حشو ولا ايش
اسرااء شوري علي بليز
خايفه لو سويت تقديم الذقن يطلع شكله غريب على وجهي

الدكاتره ما احس انهم قصروا ابدا بالعكس ، الاطباق كويس بس مشكلتي جماليه
انا سويت عندهم كل شي تقريبا للي يبي يستفسر عن اي شي ابشروا
توسيع فك علوي
خلع ناب مدفون ببنج موضعي
خلع اضراس العقل
تقويم جراحي
واخيرا جراحه
والحمدلله ماصارت لي اي مشاكل ،، بس مواعيدهم بالشهور
وكمان الي كان موترني ان ماعندهم تقنية البرامج ثلاثية الابعاد يعني عشان اعرف كيف بيكون وجهي لان هي قياسات دقيييقه الملم الواحد يفرق في الشكل

ماكنت اعرف عن هالتجمع قبل العمليه اكتفيت بالتجارب الاجنبيه من اليوتيوب وابدا ماخفت بالعكس كنت متحمسه الا قبل العمليه باسبوع بديت اوسوس واسال الي حولي وشرايكم فكي يحتاج تقصير ؟؟ :eh_s(2):

بليز اسراء ابي اعرف جراحة العضوات دموع منسيه واخت الامل
قريت قد ما اقدر من الصفحات بس بعدها كثييير

انتظر ردك اسراء وردودكم بنات بليز اي وحده تشبه حالتي

عارفه طولت كتبت قصة حياتي كلها بس اعذروني

هلا حبي

شكثر صارلج مسويه العملية بالضبط ؟؟؟

إذا ما صارلج أكثر من ثلاث إلى ست أشهر لا تحكمييين عالنتيجة نهاااائيا



بالنسبة للذقن
مقاييس الجمال تختلف من دكتور لي دكتور ومن شخص لي شخص

البعض يحبه بارز .. والبعض يحبه على شكل دائري .. والبعض يحبه طويل والآخر قصير

وطبعا كل قصه تعطي شكل مختلف للوجه

باختصار مافيه مقاييس معينة


دكتورج شكله يحب الذقن القصير .. علشان جذي قصره لج بزيادة علشان ويهج يتدور ويصير قمري



موضوعج سهل لا تحاتين
ممكن تبرزين الذقن عن طريق حقن الفيلرز >> في حال إذا حابه بروز بسيط
أو عن طريق زراعة حشوة ميدبور او سيلكون >> إذا حابة بروز واضح وتغيير في رسمة القن من تحت

 

[Esraa.a]

السلام عليكم اخباركم بنات
اولا الله ينولكم مرادكم بالصحه والعافيه يارب
انا بصراحه حابه استشيركم

كل ما اروح لدكتور او دكتورة اسنان على طول يلاحظون ان في تقدم بفكي السفلي
واخر دكتوره قالت لي لازم تسويينه و اني اسآل مختص و جذي يعني
انا بصراحه من سمعت كلمة عملية خفت
بس لما تصير لي مواقف محرجه وتعليقات من بعض الناس اللي ما تقدر المشاعر
وغير اني سمنت ولا ضعفت مبين مبين هالفك السفلي
افكر اني اسويها واقعد ابحث بالنت عن هالشغله
ودي اعرف وين احصل دكتور بالكويت او دكتوره اروح استشيرهم
وهل فيه بالعسكري هالنوع من العمليات ؟


وعندي كم سؤال هل فعلا يكون في خطر على منطقه الحس بهذي المنطقه
يعني ممكن فقدان الاحساس
وهل يكون في اثر للعمليه

هلا فيج

هالجراحة تلقينها بالعيادات الخاصة أو بالحكومة إذا عندج واسطة قووووية ( مستشفى مبارك، مستشفى الأميري، البابطين) لأنه الاغلب يصنفها ضمن عمليات التجميل علشان جذي قلتلج واسطة قوية وطبعا المواعيد طويييييييييييييييييلة

قطي فلوسج بالشمس وقعدي بالظلال >> مالج الا الخاص

دكاترتنا
هيثم مراد
نائل الهزيم
عادل العصفور
عبدالله الحركان
بشار رجب
عبدالعزيز الموسوي
عماد النجادة




بالنسبة لمنطقة الحس

إذا الدكتور شاااطر عارف شغله صح .. ما راح يتأثر الحس عندج إلا 2 % تقريبا
لانه راح يكون عارف مكان مركز الحس بالفك فيحاول ما يقرب يمه


بعد العملية مباشرة راح تفقدين الاحساس اكيد مع تورمات بالوجه .. لكن يبدا يخف بشكل تدريجي ويرجع لج الحس تدريجي


اما بالنسبة للأثر .. فالشغل كله من خل الفم
تطمني مافيه أي أثر خارجي

 

[Esraa.a]

مرحبا بنات

انا صارلي مسويه العمليه سنه وثلاث شهور ومن يوم ماسويتها والعالم مبهوره من شكلي بعد العمليه
عمليتي كانت للفكين والذقن ( بروز بالفك العلوي وتقدم بالفك السفلي )
وللحين التقويم فيني مابعد فكيته لان فيه فراغات

بس اللي صاير حاليا معي واللي مضيق صدري مره ان اللثه بدت تبان لما اضحك عكس اول ماكانت باينه
فما ادري هل هالشيء طبيعي ؟!

اللي تعرف يليت تفيدني

لا مو طبيعي !

راجعي دكتورج

 

[northflower]

شكرا قلبي على ردك
صار لي من سويت العملية باقي ماكملت شهرين لكن من الحين واضح دقني كيف شكله
بصراحه ندمانه حاسه نفسي مو انا
ما اظن اسراء الي قلتيه صحيح عن كل دكتور ونظرته للجمال المفروض الدكتور الشاطر يعرف ايش الي يناسب وجهك حتى لو ماكان شكل وجهك المفضل عنده مايحاول يغير شكلك لشكل ثاني مستحيل يصير الا يخرب ، لكن يضيف لك او يزيل عنك الشي الي مخرب على شكلك ، اعتقد دكاترتي كان كل اهتمامهم في الاطباق ، شفت اشكال عندها اندربايت وتصلح اطباقهم من غير مايكون تغيير واضح فالوجه يعني حافظوا على الشيب بشكل عام

ابي أعرف هل في أمكانيه ارجع مثل ماكنت ؟؟؟؟بعمليه فك ثانيه ؟؟؟

كان نفسي انبسط بالنتيجه لكن قدر الله وماشاء فعل

 

[امنيه]

السلام عليكم
انا الحمدالله سويت العمليه بتاريخ ٢٥/٩ عند الدكتور هيثم مراد جدم لي الفك العلوي والحمدالله وايد ارتحت معه فاهم ويعرف شغله
طبعا ضليت ٣ اسابيع مربطين ضروسي بسيور غير ان حاط لي من الداخل بلاستيكه كانت مضايقتني بس لازم اتحملها علشان تحافظ
علي العضه والحين بكمل الشهر وللحين ويهي متورم والحين قمت اكل جريش وهريس و الاشياء اللينه و سويت العمليه في مستشفي
السيف وكلفتني العمليه ٢٧٠٠
سوال
١- الوجه شكثر يظل متورم ؟
٢-متي اقدر اكل االاكل اليابس مثل الستيك و همبرغر ؟

 

[Esraa.a]

السلام عليكم
انا الحمدالله سويت العمليه بتاريخ ٢٥/٩ عند الدكتور هيثم مراد جدم لي الفك العلوي والحمدالله وايد ارتحت معه فاهم ويعرف شغله
طبعا ضليت ٣ اسابيع مربطين ضروسي بسيور غير ان حاط لي من الداخل بلاستيكه كانت مضايقتني بس لازم اتحملها علشان تحافظ
علي العضه والحين بكمل الشهر وللحين ويهي متورم والحين قمت اكل جريش وهريس و الاشياء اللينه و سويت العمليه في مستشفي
السيف وكلفتني العمليه ٢٧٠٠
سوال
١- الوجه شكثر يظل متورم ؟
٢-متي اقدر اكل االاكل اليابس مثل الستيك و همبرغر ؟

الحمدلله على سلامتج حبيبتي والله يهنيج بالنتيجه يارب


الورم يبدا يخف تدريجيا من بعد ثاني أسبوع إلى 6 اشهر على ما يروح الورم بشكل نهائي


و بالنسبة للأكل اليابس وللهمبرغر تقدرين تاكلينهم خلال الشهر الثالث عقب العملية

 

[Esraa.a]

شكرا قلبي على ردك
صار لي من سويت العملية باقي ماكملت شهرين لكن من الحين واضح دقني كيف شكله
بصراحه ندمانه حاسه نفسي مو انا
ما اظن اسراء الي قلتيه صحيح عن كل دكتور ونظرته للجمال المفروض الدكتور الشاطر يعرف ايش الي يناسب وجهك حتى لو ماكان شكل وجهك المفضل عنده مايحاول يغير شكلك لشكل ثاني مستحيل يصير الا يخرب ، لكن يضيف لك او يزيل عنك الشي الي مخرب على شكلك ، اعتقد دكاترتي كان كل اهتمامهم في الاطباق ، شفت اشكال عندها اندربايت وتصلح اطباقهم من غير مايكون تغيير واضح فالوجه يعني حافظوا على الشيب بشكل عام

ابي أعرف هل في أمكانيه ارجع مثل ماكنت ؟؟؟؟بعمليه فك ثانيه ؟؟؟

كان نفسي انبسط بالنتيجه لكن قدر الله وماشاء فعل

أرجع واقول كل دكتور له مقاييس معينه بالجمال يمشي عليها .. متأكدة من كلامي

وأكثر شي يغير الوجه عملية الذقن

يعني إذا عملية فك علوي او سفلي فيه تغيير لكن مو نفس تغير الوجه لما تكون العملية بالذقن


وطبعا على حسب الحالة ومدى شدتها .. كم ميللي مقدم الدكتورالفك او مرجعه >> بناء عليه يصير التغيير
كل ما زاد الرقم (كم ميللي) كل ما زاد التغيير بالوجه



بالنسبة لسؤالج
عمليةالفك ممكن تنعاد لكن لبعض الحالات >> الدكتور هو يحدد إذا يقدر يعيدها أو لا


استشيري أكثر من دكتور

 

[Esraa.a]

القائمه الحديديه





​

1- أحب أمي ( انتهت من العمليه 18-5-2010) الكويت >> د.عمادالنجاده - فكين
2-antonya( انتهت من العمليه 12-8-2010) الكويت >> د. ناجي ابوشبل ( لبنان)
3- emo princess ( انتهت من العمليه 28-11-2010)الكويت>> د.أحمدالدنف
4- صدى صوت ( انتهت من العمليه10-12-2010) السعوديه >> د.عبدالعزيز الوتيد
5 - e7sas.majro07 (انتهت من العمليه 24-1-2011) الإمارات >> د.ميشيل - الفك العلوي و السفلي و الذقن- الموضوع القديم ص 267
6- maha al(انتهت من العمليه3-3-2011 ) السعوديه >> اشرف ابوكركي( الأردن) - تقدم الفك السفلي - ص 112
7- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
8- غلااا الروح (انتهتمن العمليه 3-2011)الكويت >>د.نائل الهزيم + د.عادل العصفور
9- jnona (انتهت من العمليه 8-3-2011)الكويت >> د.عماد النجاده - تراجع الفك العلوي و تقدم الفك السفلي - ص336 بالموضوع القديم
10- غلاااااه (انتهت من العمليه 20-4-2011) السعوديه >> د.حامد البارقي - الفك العلوي و الذقن -الموضوع القديم ص 352
11- دلوعة شيوخها (انتهت من العمليه 3-5-2011) السعوديه - الفك العلوي و الذقن - ص 7
12-عبير الصباح (انتهت من العمليه 6-5-2011 ) السعوديه >> د.مازن المصري- الفك السفلي و الذقن - ص47
13- ego-girl(انتهت من العمليه 6-5-2011) الإمارات >> د.مارك كراش
14- black & white (انتهت من العمليه 24-5-2011) الكويت >> د.بيتر- العضة المفتوحة و انحراف الفك السفلي - ص 93
15- nenna92 ( انتهت من العمليه 1-6-2011 ) الكويت >>د.نائل الهزيم + د.عادل العصفور - الفك السفلي و تطويل الشفة - ص 82&86
16- reem.m( انتهت من العمليه 8-6-2011) السعوديه>> د.صالح البازعي - فكين - ص 112
17- دموع منسيه (انتهت من العمليه 30-6-2011) السعوديه
18- innocence( انتهت من العمليه6-7-2011 ) السعوديه >> صالح البازعي - رفع و ترجيع الفك العلوي و تقديم الفك السفلي - ص 122
19- كتكوته 2010 ( انتهت من العمليه14-7-2011) السعوديه >> د.أحمداليماني
20- miss l( انتهت من العمليه 5-7-2011) الكويت >> د.عادل العصفور - فكين -ص 135
21- عصي الدمع (انتهت من العمليه 14-8-2011) السعوديه >>د.عثمان الطويرقي+د.فراس الخيال - الفك العلوي - ص 157
22- barbie girl(انتهت من العمليه 10-9-2011) الكويت >> د.نائل الهزيم + د.عادل العصفور - رفع الفك العلوي و تقديم الفك السفلي - ص 175
23- ساره ( انتهت من العمليه 1-10-2011) السعوديه >>د.ناصر النوح - الفك العلوي - ص 184
24- فطامي ( انتهت من العمليه18-10-2011 ) الامارات >> د.لويس (لندن)
25- جمانة الرياض (انتهت من العمليه 19-11-2011) السعوديه >> د.ناصر النوح
26- princess.78( انتهت من العمليه 20-11-2011) السعوديه >> د.بيشي القرني - رفع الفك العلوي و الذقن
27- سيزر تفاح (انتهت من العمليه 3-12-2011) السعوديه >> د.عبدالله العتل - ص 258
28- noona 12( انتهت من العمليه 1-1-2012 ) عمان >> د.محمدالنبهاني - تقديم الفك السفلي - ص 268
29- لينك ( انتهت منالعمليه 5-1-2012)السعوديه >>د.أحمد اليماني- فكين و الذقن
30- Esraa.a( انتهت من العمليه 22-1-2012)الكويت >> د.عادل العصفور + د.نائل الهزيم + استشاري التقويم د.راشد العازمي - فكين وذقن ص288+290+291 + عملية تعريض فك >> د.هيثم مراد ص 496
31- خوخة1990 (انتهت من العمليه 30-1-2012) الإمارات >> د.توماس - الفك السفلي و الذقن - ص 304
32- سمنه ع عسل (انتهت من العمليه 4-2-2012) السعوديه >> د.عثمان الطويرقي
33- الحمدلله (انتهت من العملية 16-2-2012) السعودية >> د.بدر الجندان
34- الامل القريب (انتهت من العملية21-2-2012) السعوديه >> د.عبدالعزيز الوتيد- فكين و الذقن - ص 321
35-reematy( انتهت من العملية 26-3-2012) الامارات >> د. ناجي ابوشبل ( لبنان) - تقديم الفك العلوي و ترجيع الفك السفلي - ص 348
36- أم الفاتنات ( انتهت من العملية2-4-2012) الامارات>> د.توماس - الفك السفلي - ص 343
37- توتة بنوتة (انتهت من العملية 11-4-2012) الامارات >> د.ميشيل -ترجيع الفك السفلي و تقديم الفك العلوي - ص 356
38- الوفاا.. (انتهت من العملية 18-4-2012) الامارات>> د.مارك - رفع الفك العلوي و تقديم السفلي - ص359&416
39- ملامح ناعمة (انتهت من لعملية29-4-2012) البحرين >> د.غسان ضيف- تقديم الفك العلوي و ترجع الفك السفلي و تقصير الذقن - ص 365
40- Ms.PinK (انتهت من العملية 4-6-2012) الكويت >> د. عماد النجادة
41- حبيبة الحسن (انتهت من العملية10-6-2012) السعوديه >> د.عبدالله العتل - ص 384
42- asmaz( انتهت من العملية 16-7-2012 ) السعوديه>> إيهاب شحاته
43- الهاجريه (انتهت من العمليه 1-8-2012) الإمارات >> د.ميشيل
44- براونا ( انتهتمن العمليه 13-8-2012) >> د.حامدشاهين ( مصر)
45- q6ryah ( انتهت من العملية 21-8-2012) قطر >> د. نوبرت ان (ألمانيا) praxis - تقديم الفك العلوي و ترجيع الفك السفلي - ص 408
46- da3doda ( انتهت من العمليه 18-9-2012)الكويت >> د.عادل العصفور - رفع الفك العلوي و تقديم الفك السفلي - ص 418
47- ابتسامة حلوه ( انتهت من العملية 31-9-2012) السعودية >> د.منصور القضاة - رفع الفك العلوي و تقديم الفك السفلي - ص 418
48- هديل جداوي ( انتهت من العملية 3-10-2012) السعودية >> د. حامد البارقي - الفك السفلي و تقديم لذقن - ص 417
49- hope ( انتهت من العملية 9-10-2012) السعودية >> د. عبدالعزيز الوتيد
50- روح_( انتهت من العملية 6-1-2013) الكويت >> د. بشار رجب
51- purity22 ( انتهت من العملية 7-*-2013) السعودية >> د.عثمان الطويرقي
52- هلااوي ( انتهت من العملية 7-*-2013) الكويت >> د.نائل الهزيم - فكين
53- ahoud ( انتهت من العملية16-*-2013) السعودية >> د.بدر الجندان + د. عبدالله الحركان
54- كوكب.. (انتهت من العملية14-3-2013) السعودية >> د.عثمان الطويرقي + واستشاري التقويم د.ناصر الهملان - تقديم العلوي+ترجيع السفلي وذقن - ص 463
55- رعشة الخفوق (انتهت من العمليه 27-4-2013) السعودية >> د.مريم الهندي + استشارية التقويم د.ايمان القفيدي - فكين - ص 477
56- ذكرى الحبيب (انتهت من العملية 18-5-2013) السعودية >> د.ينائل النصير -الفك السفلي - ص 481
57- roun (انتهت من العملية 2-6-2013) السعودية >> في مستشفى الملك فهد بجدة مع دكتور رائد - تقديم الفك العلوي+ زراعة الوجنات ص 506
58- فراشة7 (انتهت من العملية24-7-2013) الامارات >> حسان النابلسي - رفع فك علوي و تقديم الفك السفلي ص 493
59- s h o u g(انتهت من العملية 20-8-2013) السعودية >> د.صالح البازعي - فكين و ذقن - ص 489&490
60- Emoo (انتهت من العملية 1-8-2013) السعودية >> د.بدر الجندان - تقديم الذقن ص490
61- فستان أحمر (انتهت من العملية18-9-2013)الكويت >> د.هيثم مراد - ترجيع الفك السفلي ص499
62- رشا .. (انتهت من العملية12-10-2013) السعودية >> عثمان الطويرقي ودكتورالتقويم فراس الخيال -رفع الفك العلوي وتقديم الفك السفلي والدقن ص513
63- شتآآت (انتهت من العملية25-11-2013)السعودية >> Dr .Dominique Deffrennes في باريس - فكين وذقن ص511
64- ليدي نانا (انتهت من العملية23-1-2014) السعودية >> د.احمد اليماني -ترجيع الفك السفلي( بوجود تركيبات بدون تقويم) ص517
65- مناي رضا ربي (انتهت من العملية29-4-2014) السعودية >> د. د. نوبرت ان (ألمانيا)-رفع وترجيع الفك العلوي ص543
67- امنيه (انتهت من العملية25-9-2014) الكويت >> د.هيثم مراد - تقديم الفك العلوي ص548

​

68-لابيرلا
69- دنيا الحب
70- قهوة تركي
71- ليلى
72- توته مربربه
73- ستايلك
74-نرجس
75-ريهام
76-sendrila
77- miss_o
78- رعشة الخفوق
79- مس لزيزه
80- diana*
81- هتانة الغيمة
82- اخت الرجال 29
83- روان المؤدبه
84- طبيبة أسنان
85- robyrose
86-خوووخه 1
87-roun
88- Bero777
89- أمورة كل حد
90- ترتيل
91- morningtulips
92- dalal12
93- نسمة هدوء
94- reham.at
95- dodi al
96- ابتسامه متفائله
97- ياقهار
98-Norah ahmad
fa6amy_uae-99
100- إحسآسي ، يكفيني
101- ابتسامة طفولية
102- الفك المفترس





العدد قابل للزيادة بإذن الله​

 

[Cookee]

السلام عليكم بنات
بصراحه وأيد تشجعت منكم ومن جديه خذيت موعد عند الدكتور عادل العصفور وبشوف شنو يقولي

 

[نوووسه الحلوه]

السلام عليكم بنات شخباركم ...انا حالتي كلاس 3...الحمدلله قررت اني اركب التقويم عند الدكتور نايف بعيادة ميلينيوم
والجراح د.بدر الجندان واثنينهم يشتغلون بنفس العياده ومتفاهمين
عندي سوال:: هل لازم يشوفني د.بدر قبل لا اركب التقويم لانه هو مسافر ومادري متى بيرجع ؟؟
ومتى تكون القياسات المهمه للعمليه؟؟
وهل مع التقويم راح يتغير شكل الفك ؟؟والاسنان؟؟

 

[Cookee]

السلام عليكم
اليوم رحت عند دكتور هيثم مراد وقالي بس احتاج عمليه ذقن يرفعه شوي
الأسبوع الياي عندي موعد عند الدكتور عادل العصفور وبشوف شنو يقول

 

[Esraa.a]

السلام عليكم
اليوم رحت عند دكتور هيثم مراد وقالي بس احتاج عمليه ذقن يرفعه شوي
الأسبوع الياي عندي موعد عند الدكتور عادل العصفور وبشوف شنو يقول

الله يسهل لج ان شاء الله

 

[Esraa.a]

السلام عليكم بنات شخباركم ...انا حالتي كلاس 3...الحمدلله قررت اني اركب التقويم عند الدكتور نايف بعيادة ميلينيوم
والجراح د.بدر الجندان واثنينهم يشتغلون بنفس العياده ومتفاهمين
عندي سوال:: هل لازم يشوفني د.بدر قبل لا اركب التقويم لانه هو مسافر ومادري متى بيرجع ؟؟
ومتى تكون القياسات المهمه للعمليه؟؟
وهل مع التقويم راح يتغير شكل الفك ؟؟والاسنان؟؟

يفضل انه الجراح يشوفج لانه هو راح يسويلج خطة علاج مشتركة مع دكتور التقويم


بالنسبة للقياسات تكون جاهزة بعد ما تخلصين فترة علاج التقويم

طبعا التقويم الجراحي وظيفته يهيئ الأسنان والفك للجراحة بناء على الخطة المدروسة من قبل الجراح ودكتور التقويم لحالتج

يعني ممكن تحسين بعد ما تنتهي فترة علاج التقويم إنه شكل فكج وأسنانج تغير للأسوأ ومشكلة الفك برزت أكثر >> لكن لا تحاتين كل شي ينحل بالجراحة ان شاء الله
هم يبرزونها علشان يعالجونها بشكل جذري

 

[Khubar Girl]

السلام عليكم يااحلى تجمع واحلى ذكريات:eh_s(11)::eh_s(2):
ان شاء الله الجميع يكون بخير وسلامه يارب :eh_s(7):
يمكن الاغلب اختفى او قل دخولهم لانهم عملو العمليه وخلصو وكل عذره معاه الله يوفق الجميع:eh_s(17):
اعترف قل مشاركتي للتجمع ولكن على طول اشيك الخاص .
الله يسهل على الجميع يارب :yaaaaaarb:

 

[نوووسه الحلوه]

السلام عليكم شخباركم بنات ...من زمان عن التجمع والله كنت مشغوله
فتاة الخبر ارسلت لك عالخاااص شيكي عليه الله يسعدك..

 

[uae222]

مرحبا انا تابعت التجمع واتشجعت منكم يزاكم الله خير .. طبعا مشيت ف مشوار التقويم باقي كمن شهر على العمليه ,,عندي سؤال انا بسوي العمليه عند توماس انا من الامارات عندي تقدم ف الفك العلوي وتراجع السفلي وقمي سمايل بس مب وايد المهم الدكتور قال اول شي بيجدم السفلي وبيرد العلوي وبيقص اللثه بس مابيسوي الذقن بعد ماخلص العمليه بيشوف اذا احتاج الذقن بيسويلي ويقول عمليه بسيطه مالت الذقن ,,الحين سؤالي اللي هو يقوله صح وحد سوا جي ولا مره وحده سويتوا الفك مع الذقن

 

[uae222]

ضيفوني للقائمه الحديديه ?

 

[uae222]

اذا عندكم قروب ع البي بي او واتس ضيفوني احس التجمع وايد هادي

 

[صفاء الصافي]

السلام عليكم ورحمة الله وبركاته

ماشاء الله القائمه الحديدية في إزدياد

بس فعلاً القروب ماعاد مثل الأول ولمن أتمنى لو أن هناك مجموعه إنتقلت للواتس أو البي بي تخبرنا عشان ننضم معاكم

وانا بإذن الله عمليتي احتمال كبير بتكون بعد شهر إذا الله أراد

طولت كثير بالتقويم وتعبت منه

صح بديت أخاف وبدأت تجيني أفكار إني اتراجع ههههه وخاصة لما أسمع تعليقات الي حولي انك ماتحتاجين ولاتعمليها بس الله يسهل ويعطيني الصبر والقوة

الشكر لكل من ساهم في إثراء هذا الموضوع

ودمتم سالمين ،،،

 

[نوووسه الحلوه]

االسلام عليكم...الله يسهل عليكم وتقومون بالسلامه لاتفكرون باي شي وماعليكم من كلام اللي حواليكم دام انك بديتي المشوار باذن الله بتكون النتيجه حلوة ومرضيه ...انا اشجعكم ولسه ماسويتها ههههههههه
مطووووله مع التقويم بس جدآ متحمسه للتغير الحمدلله..

الاخت رهام ارسلت لك عالخاص ياليت تشوفين الرساله..