دوانيه شلة منتظرات نتيجه عملية اطفال الانابيب والحقن المجهري

[mraamy]

بنات ماتدرون منظار الرحم لازم تكون الدوره علي والا لا
واذا لازم الدوره في اي يوم من الدوره حالياً الدوره علي والدوره اليايه
راح ابلش العلاج ادعولي لاتنسوني بهالايام ان الله يحقق مافي بالي

لا مو وقت الدورة الدكتور راح يحددلج اليوم
انا سويته من شهرين
واليوم لي عاشر حللت وهم طلع سالب
باجر بروح احلل دم هرموني علشان اتاكد

 

[BARBI]

حياتي مرامي ربي يفرحج ويبشرج خير

انا الدكتوره بتبلش معاي العلاج الطويل قالت تعاليلي الدوره اللي قبل الدوره
اللي تبين تحملين فيها حلو .. وهمن قالتلي بسويلج منظار .. اشلون

 

[فنر 7]

مرامي
حبيبه قلبي انتي نطري
انتي مرجعه ٣ يبين باليوم ١١
تو النااااااااس
لاتستعيلييييين
الله يبشرج بحمل توم تامين الخلق والخلقه

 

[فنر 7]

عيون عمشه
ماناقشته
اتصل علي بلغني بالنتيجه وبس ماناقشته تشكرت وسكرته
ليش اناقش انا ادري ان ماكو سبب علمي
انا بطانه الرحم كلاس ايه وسمكها ممتاااااز
والاجنه درجه اولي وادويه السيوله والمثباتات والابر قاعده اخذهم بانتظام
تبقا كتبه ربج والله ماكتب
والله يعوضني خير يارب



باربي
باجر روحيلها لان لازم تاخذين حبوب منع حمل حبييتي والا بتاجلين شهر
عالاقل بلغي السكرتيره ان يتج الدوره

 

[BARBI]

توني دزيتلهم بالواتس بشوف عاد متى يردون علي باجر يمعه ماتوقع بيردون علي

زين ليش مانع يعطون مابي اخذ مانع

 

[حياااته]

عليكم السلام ورحمه الله وبركاته
ياهلا فيج اختي منوره التجمع
انا عند دكتور ناصر
وعيون عمشه عند دكتوره اليزافيث

بصراحه اقولج اياها بعد مافتريت الكويت علاجات ورحت للتوب عندنا
الدكتورر ناصر افضل من رحت له
انسان ذكي فاهم متمكن من مجاله
يعطيج حقج بالكلام والشرح
متواصل معاج عالتلفون وقت ماتحتاجين ويرد بسرعه ولايحقر
الستاف اللي معاه من ريسبشن ونيرسات شهادتي فيهم مجروحه احبهم حيل


نيي لبروتكول العلاج
العلاجات وحده بكل مكان نفس الابر ونفس الجرعات حسب حالتج
اللي غير ان يتابعج علي تحاليل دمج عشان يشوف متا سحب البويضات وجودتهم
وبروتوكول علاجه بعد الترجيع يختلف بادويته
نيي للسحب عنده والترجيع والمختبر
عمليه السحب والترجيع عنده عباره عن عمليه فبنج او نخدير خفيف مو عام تنامين ونقومين كل شي خالص بدون توتر وحييت هالشي وفحص الاجنه اساسي عنده وانصحج فيه اهو الوحيد اللي اصر عليه وكنت اشوفه ماله لزمه لين محاولتي اللي قيل الاخيره قالي ان الصبيان سبحان الله عندي مشوهين عشان جذي مايتم حمل عندي والحمدالله ان مايتم

وماشاءالله ماشاءالله طول ما انا قاده اشوف يدقون علي اللي يعالجون يباركون لهم

نيي للعيوب
عيييبه الوحيييد النطره تنطرين وااااااااااايد بالساعات بسبه ضغط المراجعين
حتا لو خذيتي رقم الصبح (علي فكره المراجعين ايون قبل لاتفتح العياده بساعه او سااعه ونص مرات اكثر ينطرون عشان يكونون اول ناس ياخذون رقم)
اذا خذيتي رقم
ويتصلون عليج وقت موعدج يقولون تعالي جدامج حاله او حالتين عادي تقعدين ساعه ساعه ونص او ساعتين تنطرين

بس هذا عيبه الوحيد وهالشي مو بايده
الناس لي دشت تحب تسولف وتاخذ راحتها ولاتبي تطلع

مشكورة فديتج ويزاج الله خير ما قصرتي

صحيح ماعرفج بس كنت اتمنى ارجع اشوف نتيجة التحليل مالج وتقولين انج حامل ولكن قدر الله وماشاء فعل
انا نفس حالتج احمل طبيعي اي بس لما سويت الانابيب مانجحت الحمدلله على كل حال
الله يكتب لج اللي فيه الخير والصلاح ويعوضج ويآجرج

 

[حياااته]

بليز بنات اللي لها تجربة مع الدكتورة اليزافيت تفيدني ولا عليكم امر

وابي اعرف كم تكلفة العملية في رويال حياة والمراجعات والتحاليل

 

[BARBI]

حياته ربي يرزقج ويحقق مرادج
اذكر لما سئلت الدكتور ناصر قالي
العملية ٢٦٧٠
الفحص ١٢٠٠ هذه الفحص يشوف التشوهات والاجنه السليمه وهمن تحديد جنس الجنين
التوتال ٣٨٧٠

اكيد من غير العلاجات والابر

 

[فنر 7]

توني دزيتلهم بالواتس بشوف عاد متى يردون علي باجر يمعه ماتوقع بيردون علي

زين ليش مانع يعطون مابي اخذ مانع

لاتغلطين غلطتي
انا لما قالي الدكتور لونق بروتوكول مانتبهت غلي سالفه ان لازم اخذ حبوب منع حمل ولاكنت ادري ليش نطرت الدوره ويوم 21 رحتله قلته متا وبلش قالي لازم تنزل وتاخذين حبوب ومن الحبوب يوم 21 تبلشين لازم يسون كنترول علي هرمون اف اش او اس ال اتس نسيت اي واحد فيهم
والنتيجه اني تاخرت شهر بالعلاج علي هالسبه
فانصحج دايما خليج متاواصله معاهم وبلغي وسجلي بالنوتس بتلفونج كل شي

مشكورة فديتج ويزاج الله خير ما قصرتي

صحيح ماعرفج بس كنت اتمنى ارجع اشوف نتيجة التحليل مالج وتقولين انج حامل ولكن قدر الله وماشاء فعل
انا نفس حالتج احمل طبيعي اي بس لما سويت الانابيب مانجحت الحمدلله على كل حال
الله يكتب لج اللي فيه الخير والصلاح ويعوضج ويآجرج

الحمدالله علي كل حال خيره وان كانت تكسر القلب
الله يوفقج يارب وتنجحين بعلاجج

 

[فنر 7]

العلاج يكلف اربعه ونص يمكن اكثر شوي علي حسب جرعات الابر

 

[BARBI]

بنطر لي باجر ان ماردوا علي بروح لهم

 

[حياااته]

مشكورين فنر و باربي ما قصرتو
والله يرزقكم وينولكم اللي فبالكم

 

[BARBI]

بعد قلبي حياته ماسويت شي

الله يقدرني باجر إن شاء الله واروح استفسر من الدكتوره
عاد زحمه عندها

 

[BARBI]

الحمدلله ردت علي قالتلي تعالي دورة اليايه اسويلج المنظار وهمن ابلش الابر التحضيريه ياااااارب تسهل وتمم عمليتي هالمره يااااااارب لاترد دعائي

 

[فنر 7]

الحمدلله ردت علي قالتلي تعالي دورة اليايه اسويلج المنظار وهمن ابلش الابر التحضيريه ياااااارب تسهل وتمم عمليتي هالمره يااااااارب لاترد دعائي

ياااااارب يااااارب هالمره يكون علاجج سهل وهين وبدون تعب
ونتايجه روعه
ويكتبلج حمل بتوأم تامين الخلق والخلقه يارب

 

[فنر 7]

مشكورين فنر و باربي ما قصرتو
والله يرزقكم وينولكم اللي فبالكم

ولو حبيبيتي ماسوينا شي
واي استفسارات او مساعده احنا حاضرين

 

[فنر 7]

صباح الخير بنات
بشرو عن احوالكم
مرامي شلون النفسيه

 

[BARBI]

هلا فنر بخير ..
انتي اشلونج ..
فنر ماراجعتي الدكتور !
ممكن يكون عدم حصول الحمل عدم استجابتج للعلاج فترة الابر

 

[فنر 7]

لاوالله ماراجعته ولافكرت اراجع احس ماله لزمه

 

[BARBI]

حبيبتي الله يرزقج بالولد الصالح يارب