{ ...الدكتورة رشا الصفي تجيب على استفسارتكم ..} استضافة اسبوعية

[سما الكويت]

ياهلا فيج دكتوره معانا..

انا ولدى عمره اليوم 5 شهور واسبوع..

من كمل شهرين بدا وزنه يقل..وصارت عيونه محوطه هالات ..ومايشرب حليبه..اذا ذبحه الجوع..شرب رقمين وترك الباقى..واذا غصبته حتى لونايم..رجع..

حليبه سيميلاك ادفانس..

غيرت الحليب لنوفولاك..وماناسبه يرجعه والرضاعه بحلجه..

وغيرته مره ثانيه لs26..ونفس الطريقه يرجعه بالدقيقه..

جان اوديه لطبيب اطفال شافه وقال وزنه زين..ومافيه شي..بس اذا فيه شي يلفت الانتباه هو تشقق شفاته..

نصحنى ارجع على السيميلاك..واجيبه بعد جم يوم للاستشارى..

الاستشارى قال مافيه شي وقالى استمر على الحليب وكان وقتها ولدى بيكمل 4 شهور..قالى لاتكبرين الرضعه..الا لما تحسين انه جوعان..

ولاتوكلينه الا لمايصير عمره 4 شهور و3 اسابيع..

ومشيت على كلامه وولدى كل يوم يضعف..ويصوفر..

والحين وزنه 6 كيلو..وما اعرف شلون انظم رضعاته واكله..

وزنه يوم الولاده..3 كيلو..

المفروض كل جم ساعه يرضع..وجم وجبه اكل باليوم؟؟ ومنقوع التمر يعتبر وجبه والا ياخذه بين الرضعات؟؟

واذا فيه اى شي انا غافله عنه ياليت تفيدينى وجزاج الله خير يا قلبي..

 

[قلبي ابيض]

:33_1185028183: اهلااا وسهلا دكتووورة رشا ونورتي المنتدى

 

[فرفورة2]

يعطيج العافية دكتورة
حبيت اسال اولدى عمره سنة و10شهور والحليب ماله سيملاك ما ادري بعد عمر السنتين شنو الحليب المناسب حقه مع العلم انه اولدى حيل ضعيف وابى شى يرجعله صحته وحبيت اسالج شنو رايج بالنيدو ينفع حق اولدى
جزاج الله كل خير

 

[توته كيوته]

السلام عليكم دكتوره ..
انا ولدي بعد يومين بيكمل 4 شهور .. و ابي اعرف منج شنو اقدر اوكله .. و اشكثر المقدار .. و جم مره باليوم ؟؟؟
و ابي بديل عن الفارليز لانه يقولون اييب الحساسيه .. اذا تنصحيني بنوع ثاني ؟؟
اقدر احط له ربع بسكوته مع الحليب مره باليوم او مرتين .. و لا لازم لمن يكمل 6 شهور ؟
بالتفصيل لو سمحتي دكتوره .. لاني ام يديده

مشكوره

 

[جوريه]

هلا والله دكتورة حياج الله بينا

انا والده من 8 ايام صارله ولدي 4 ايام من يصير الليل يرجع ترجيع قوي من حلجه وخشمه يطلع كل اللي شربه باليوم
مع ان حليبه سميلاك ادفانس مادحه لي طبيبه بالشفا وحده يشرب واحد ونص كل 3 ساعات هل طبيعي ؟ او اغير له الحليب او بمكن حايشه هوا لاني اشوفه يعاطس؟؟

 

[سما الكويت]

b6o6a


بالنسبة للبسكوت و السيريلاك

اول كنا و لا زلنا نسمع امهاتنا و اهلنا يحطون بسكوت بالحليب للبيبي

هذا مو صحيح

لو تلاحظون انه اول كان مكتوب عليهم من الشهر الرابع

بس السنوات الأخيرة مكتوب من الشهر السادس

و السبب هو اضافة مادة الجلوتين GLEUTEN و هي مادة تسبب حساسية للأمعاء اذا اعطيت للبيبي قبل

ال6 شهور

دكتوره ممكن اعرف شنو اعراض حساسية الامعاء..لانى عطيته ولدى قبل يكمل 4 شهور..

 

[flower q8]

مرحبا فيك دكتورة بمنتدانا وبغيت أسألك ما عليك أمر بنتي عمرها 3 شهور ونص وفيها عيب خلقي من الولادة الحمد لله هو بسيط بس أي استفيد منك وين أوديها ابي المكان الصحيح حق مثل هالحالات إذا مارة عليك. بنتي كف ايدها اليسار ماتقدر تفتحه كامل يعني فيه قصور باللحم. اشرح لك أكثر.. أصابع اليد الطبيعية مقسمة إلى ثلاث أجزاء( اللي نستخدمهم بالتسبيح )هي عندها الجزء الأخير اللي تحت( اقرب شي من راحة اليد )لاصق باليد تقريبا يعني السلسلة الأخيرة موكاملة النمو . السبابة والخنصر حالتها احسن من الوسطى والبنصر بس كلهم فيهم قصور بدرجة متفاوتة . دكتور عظام قال لي العظم سليم وكامل بس الجلد والاربطة تحتاج تجميل عند عمر 3 أو 4 شهور ودكتور ثاني قال لا تسوون لها شي إلى عمر البلوغ بعدين تصرفوا . ؟إنت شرايك شتنصحيني أسوي وين تنصحيني أروح ؟؟؟

 

[malak_alroo7]

السلام عليكم

دكتورتنا العزيزه..
بنتى عمرها تقريبا شهر و اسبوع .. ساعات و اهى تشرب الحليب تغص و تختنق .. مادري هذا الشئ عادي علشانها بعدها صغيره و الا شلوون؟؟

و اقدر اعطيها حلبه و الا لا؟ انا اللي اعرفه انه مو زين لها الحين توها صغيره بس الناس دايما يقولون لى لا عادي ما يضرها !! فمادري شرايج؟

و اسفه على كثر الاسئله حبيبتى .. و بارك الله فيج

 

[د. رشــا الصفــي]

حياج الله بينا ونورتينا..
انا عندي استفسار: انا ولدي عمره 6 سنين بثاني روضه وفيه شبه توحد وبطئ تعلم, ومع هذا في عيب خفيف بالنطق, اتهقين وين اوديه او على اي طبيب اعرضه عشان يشخصلي حالته عدل واشلون اقدر اعالجه..؟
فيديني بليز.

ناني سيكريتس

ما يشوف شر ولدج

اول شي لازم يشوفه طبيب أطفال يفحصه و يقيم حالته

بعدين راح يطلب له فحوصات و احتمال اشعات و يحولج على الطب التطوري بالصباح يقيمون تطوره الذهني

و راح يحولج بعد مركز النطق و السمع

و لما تخلصين من التطوري و النطق و السمع و توصل النتايج ملوت التحاليل و الأشعات يجمعهم مع بعض

طبيب الأطفال و يشخص حالته

بس مو من اول زيارة تتشخص الحالة

و قصدي طبيب اطفال مو حوادث اطفال لا

تروحين المستوصف و تاخذين تحويل لمستشفى منطقتكم و يشوفج طبيب الأطفال المختص بالعيادة

الخارجية

 

[د. رشــا الصفــي]

السلام عليكم نور المنتدى بوجودج والله يعطيج العافيه
دكتوره انا سامعه ان في تطعيم ضد الجدري (chicken pocks)
هل تنصحين اني اعطيه حق عيالي وهل منه مضار ولا اهو امن؟
شكرا

ام يوسف

نعم كلامج صحيح بالنسبة لتطعيم الجدري المائي

موجود التطعيم بس مو بالمستشفيات الحكومية للأسف الشديد

راح تلاقينه متوفر بالمستشفيات الخاصة و العيادات التخصصية الخاصة طبعا

و ممكن تعطينه عيالج اعتبارا من عمر سنة

بالنسبة للمضاعفات او المضار

التطعيم يعتبر امن

و الأعراض الجانبية تكون مثل اي تطعيم الم و انتفاخ و احمرار مكان الأبرة

حرارة خفيفة

ممكن طفح جلدي يشبه الجدري المائي بس يكون خفيف يعني كم حبة بس

المشكلة ان الطفل اذا بعد التطيم طلع له الطفح ممكن يعادي اي طفل مو مطعم و يصير بالطفل الثاني

جدري مائي

بعض الأطفال تكون عندهم حساسية من احد مكونات الطعم و يصير رد فعل حساسية من الطعم

 

[د. رشــا الصفــي]

السلام عليكم ؟
شلونج دكتورة ؟
بغيت أسألج ؟
فيه علاج منزلي للجدري المائي ( العنقز ) للأطفال ؟
و أتمنى الإجابة بأسرع وقت ممكن ..
و شكراً

ام يوسف

اعتذر منج ما رديت الا اليوم

ما في مجال ارد الا الجمعة

العلاج المنزلي يكون عبارة عن خافض الحرارة و الحمام الفاتر المايل للبرودة علشان يخفف الحكة

ادوية الحساية هم علشان الحكة

مثل كلوروهستول او اليرجيل

و الكالاماين لوشن الأبيض

 

[د. رشــا الصفــي]

منورة دكتورة

كنت بسالج عن ولدي توه ماكمل 20 يوم بس لاحظت من اول ما يبته ان جسمه كله بقع مثل خلايا صفرة ومحددة باحمر
وااااااااااضحة
بالاول كان فيه بوصفار بس الحين اتوقع خلاص راح بس البقع مازالت

نفيشة

هذا اللي في ولدج اسمه

cutis marmorata



نفس الصورة اذا ماني غلطانة

وهو عبارة عن ظاهرة و ليش مرض تصير في 50 % من المواليد

و سببها عدم نضج النهايات العصبية المغذية للشعيرات الدموية بالجلد

فاللي يصير انه مجموعة من الشعيرات الدموية تتمدد و تصير المناطق الحمراء و مجموعة ثانية تنكمش و

تصير المناطق البيضة او الفاتحة و ممكن صفرة في حالة البو صفار لأنه الجلد يكون اصفر

و تزيد الحالة وضوح لما يتعرض الجلد للهواء البارد

طبعا ما منها خطورة ابدا و تروح بروحها

 

[د. رشــا الصفــي]

حبيتي بغيت اٍالج ولدي يرضع طبيعي و هم ياخذ صناعي بس صاير مايحب الصناعي شسوي وانا اعطيه ابتاميل 2 في حليب ثاني يكون طعمه أحلى او أقدر اخلطله الحليب مع عصير او بسكوت عشان يحبه أكثر و عمره عشر شهور واحس الرضعه الطبيعيه ما تكفي له بهالعمر

ام غايب

الحليب الطبيعي ما يكفي الطفل بهالعمر طبعا

يحتاج ياكل وجبتين الى 3 باليوم

و بالنسبة لطع م الحليب مو شرط يكون احلى ولا لأ المهم تقبل الطفل للحليب

في حليب منزلينه شركة نان يديد اسمه نان 3 من عمر 10 شهور

تقدرين تجربينه

مع اني ما انصح بالصناعي بصراحة

دام وصلتي بالرضاعة لي 10 شهور تقدرين تكملين معناته

و بالنسبة لاضافة اي شي عالحليب

ما ننصح بأي اضافة عالحليب مثل البسكوت او السكر او العصير

لانه هذي الأشياء تخرب تركيز مكونات الحليب

 

[د. رشــا الصفــي]

هاي دكتورة
الله يعطيج العافية

ولدي عمره 6 أشهر و10 ايام

شهيته للأكل قلت عن الشهرين اللي طافو
ماني عارفه السبب

إذا بغيت أوكله يسكر حلجه
ويالله يالله ياكل
والحليب قام يرجعه
مو كل مرة بس وايد يرجع
استخدمله حليب نيو شور سيميلاك

شتنصحيني؟

برميتا

اول شي ليش تعطينه نيو شور ؟

عطيه اي حليب مكتوب عليه 2 يعني من 6 شهور

ثاني شي

حاولي تنوعين له بالأكل و تسوين له الأكل بالبيت مو العلب الجاهزة

اكل البيت طعمه احلى و صحي اكثر

بهالعمر يبدون يتذقون الأكل و يفضلون شي على شي

فانتي نوعيله و شوفي شنو يحب

و الوجبة اللي ما تعجبه حربيها معاه مرة ثانية بعد اسبوعين يمكن يتقبلها

 

[د. رشــا الصفــي]

ياهلا فيج دكتوره معانا..
انا ولدى عمره اليوم 5 شهور واسبوع..
من كمل شهرين بدا وزنه يقل..وصارت عيونه محوطه هالات ..ومايشرب حليبه..اذا ذبحه الجوع..شرب رقمين وترك الباقى..واذا غصبته حتى لونايم..رجع..
حليبه سيميلاك ادفانس..
غيرت الحليب لنوفولاك..وماناسبه يرجعه والرضاعه بحلجه..
وغيرته مره ثانيه لs26..ونفس الطريقه يرجعه بالدقيقه..
جان اوديه لطبيب اطفال شافه وقال وزنه زين..ومافيه شي..بس اذا فيه شي يلفت الانتباه هو تشقق شفاته..
نصحنى ارجع على السيميلاك..واجيبه بعد جم يوم للاستشارى..
الاستشارى قال مافيه شي وقالى استمر على الحليب وكان وقتها ولدى بيكمل 4 شهور..قالى لاتكبرين الرضعه..الا لما تحسين انه جوعان..
ولاتوكلينه الا لمايصير عمره 4 شهور و3 اسابيع..
ومشيت على كلامه وولدى كل يوم يضعف..ويصوفر..
والحين وزنه 6 كيلو..وما اعرف شلون انظم رضعاته واكله..
وزنه يوم الولاده..3 كيلو..
المفروض كل جم ساعه يرضع..وجم وجبه اكل باليوم؟؟ ومنقوع التمر يعتبر وجبه والا ياخذه بين الرضعات؟؟
واذا فيه اى شي انا غافله عنه ياليت تفيدينى وجزاج الله خير يا قلبي..

سما الكويت

اول شي لازم تابعين وزن الولد

اذا ما يزيد لازم تتابعين حالته مع طبيب اطفال بصورة مستمرة

ممكن يحتاج تحاليل زيادة

بالنسبة للترجيع

اذا الطفل فيه ارتجاع بالمريء يرجع كل الرضعة بغض النظر عن الحليب اللي يشربه مع هذا وزنه يزيد

بس اذا يرجع و الوزن ما يزيد و مثل ما قلتي اصفر و تعبان لا يحتاج طبيب يتابعه و يشخص حالته

ممكن يكون عنده حساسية من البروتين البقري و بالتالي يوصف لج الطبيب حليب صويا مثلا

او ممكن يكون عنده حساسية من القمح و مجرد ما توقفين اس شي فيه قمح يتحسن الولد

راجعي فيه و قولي لنا شصار معاج

حاولت افيدج كثر ما اقدر بس من المعلومات اللي عطيتيني اياها هذا اكثر شي اقدر افيدج فيه

بالنسبة لعدد الرضعات باليوم الواحد

المفروض الطفل بعمر 5 شهور ياكل وجبة وحدة باليوم وقت الغدا مثل عيش او خضار و الباقي حليب كل 3 او 4 ساعات

حسب شهية الطفل ما في عدد ثابت للرضعات

ممكن لو تحبين تعطينه شي بسيط المغرب بعد مثل شوربة خضار خفيفة او شوفان

منقوع المر هذا تعطينة بين الوجبات ما يعتبر وجبة كاملة الا اذا بتزيدينه حليب او سيريلاك او بسكوت يعني

ما تعطينه التمر خالي اذا تبينه بدال وجبة

بس اذا تمر و ماي عصير يعني لا بين الوجبات

تصبيرة يعني و مو كل يوم لا مرتين او 3 بالأسبوع

 

[د. رشــا الصفــي]

يعطيج العافية دكتورة
حبيت اسال اولدى عمره سنة و10شهور والحليب ماله سيملاك ما ادري بعد عمر السنتين شنو الحليب المناسب حقه مع العلم انه اولدى حيل ضعيف وابى شى يرجعله صحته وحبيت اسالج شنو رايج بالنيدو ينفع حق اولدى
جزاج الله كل خير

فرفورة

بعد السنتين عندج وايد اختيارات

ممكن بيدياشور او بروجرس او نيدو المدعم بالحديد

بس ممكن اعرف جم وزن الولد و اذا يعاني من فقر دم ولا لأ؟

 

[د. رشــا الصفــي]

السلام عليكم دكتوره ..
انا ولدي بعد يومين بيكمل 4 شهور .. و ابي اعرف منج شنو اقدر اوكله .. و اشكثر المقدار .. و جم مره باليوم ؟؟؟
و ابي بديل عن الفارليز لانه يقولون اييب الحساسيه .. اذا تنصحيني بنوع ثاني ؟؟
اقدر احط له ربع بسكوته مع الحليب مره باليوم او مرتين .. و لا لازم لمن يكمل 6 شهور ؟
بالتفصيل لو سمحتي دكتوره .. لاني ام يديده

مشكوره

بنت.الكويت

و عليكم السلام و الرحمة

اول شي تبدين بالعيش الأبيض تفوحينه و تهرسينه بالخلاط مع شوية حليب و عقب البطاط و الكوسا و الجزر و القرع

كل مرة نوع و عقب تخلطينهم

و ممكن بعد فواكه التفاح و العرموط و الأفوكادو

بالنسبة للفارليز اذا تحبين بديل ندج اي نوع مكتوب عليه خالي من الغلوتين تقدرين تعطينه و ما تخافين من

الحساسية

و سالفة البسكوت بالحليب غلط يا جماعة ... ترى وايد يسونها الناس و ما يدرون انهم يضرون عيالبهم بدال

ما يفيدونهم

عطي البيبي الحليب عادي و سويله بسكوت اذا ودج خالي من الغلوتين كوجبة ياكلها بدال ما تحطين

البسكوت بالرضعة

و من يكمل 6 شهور عطيه اي نوع عادي بسكوت لأنه يكون يتحمل الغلوتين

 

[د. رشــا الصفــي]

:33_1185028183: اهلااا وسهلا دكتووورة رشا ونورتي المنتدى

منور بوجودج عزيزتي

 

[د. رشــا الصفــي]

هلا والله دكتورة حياج الله بينا

انا والده من 8 ايام صارله ولدي 4 ايام من يصير الليل يرجع ترجيع قوي من حلجه وخشمه يطلع كل اللي شربه باليوم
مع ان حليبه سميلاك ادفانس مادحه لي طبيبه بالشفا وحده يشرب واحد ونص كل 3 ساعات هل طبيعي ؟ او اغير له الحليب او بمكن حايشه هوا لاني اشوفه يعاطس؟؟

الحمدلله على سلامتج جورية

ليش حليب صناعي حبيبتي

ليش ما ترضعين طبيعي احسن للبيبي و اخف على معدته

توها حساسة ما تتحمل

و السيميلاك ثقيل حيل

اول شي البيبي الصغير بهالعمر ما يتحمل المرض

اذا استمرت الحالة عنده و لقيتي اي تغيرات على نومه او شهيته للرضاعة

راجعي فيه الطبيب على طول

ماله داعي تغيرين الحليب كل شوي

بس فكري بموضوع الرضاعى الطبيعية أحسن لج و احسن له

 

[سما الكويت]

سما الكويت

اول شي لازم تابعين وزن الولد

اذا ما يزيد لازم تتابعين حالته مع طبيب اطفال بصورة مستمرة

ممكن يحتاج تحاليل زيادة

بالنسبة للترجيع

اذا الطفل فيه ارتجاع بالمريء يرجع كل الرضعة بغض النظر عن الحليب اللي يشربه مع هذا وزنه يزيد

بس اذا يرجع و الوزن ما يزيد و مثل ما قلتي اصفر و تعبان لا يحتاج طبيب يتابعه و يشخص حالته

ممكن يكون عنده حساسية من البروتين البقري و بالتالي يوصف لج الطبيب حليب صويا مثلا

او ممكن يكون عنده حساسية من القمح و مجرد ما توقفين اس شي فيه قمح يتحسن الولد

راجعي فيه و قولي لنا شصار معاج

حاولت افيدج كثر ما اقدر بس من المعلومات اللي عطيتيني اياها هذا اكثر شي اقدر افيدج فيه

بالنسبة لعدد الرضعات باليوم الواحد

المفروض الطفل بعمر 5 شهور ياكل وجبة وحدة باليوم وقت الغدا مثل عيش او خضار و الباقي حليب كل 3 او 4 ساعات

حسب شهية الطفل ما في عدد ثابت للرضعات

ممكن لو تحبين تعطينه شي بسيط المغرب بعد مثل شوربة خضار خفيفة او شوفان

منقوع المر هذا تعطينة بين الوجبات ما يعتبر وجبة كاملة الا اذا بتزيدينه حليب او سيريلاك او بسكوت يعني

ما تعطينه التمر خالي اذا تبينه بدال وجبة

بس اذا تمر و ماي عصير يعني لا بين الوجبات

تصبيرة يعني و مو كل يوم لا مرتين او 3 بالأسبوع

جزاج الله خير دكتوره على الرد الشامل..

بس بغيت اسأل وزنه زين بالنسبه لعمره؟؟

مع انه من كان عمره 4 شهور وهو ثابت على 6 كيلو والحين عمره 5 شهور واسبوع..ومازال 6 كيلو!!!