هل لديكم طفل يعاني من التوحد- خلونا نتجمع

[Emanova]

الله يشافي عيالكم يارب

اختي باي شهر عطيتي ولدج الثلاثي

وسلامتهم ان شاءالله

اول جرعه تكون بالسنه و نص ... عقبها بلشنا نتخسبق

 

[Emanova]

زينه حبيبتي:

اعراض التوحد وايد بس اول شيء يخليج تنتبهين ان ماكو اتصال بصري: يعني عينه ما تيي في عينج كأن عينه تايهه
2- لما تنادينه ما يرد عليج
3- تكونيين مثلا تلعبين معاه و يهدج و يركض للمطبخ علشان سمع صوت الخلاط من بعيد
4- في بعض اليهال يرفرفون في ايدهم او يسوون حركات متكرره
5- تأخر الكلام
5- تحسين انه مايفهم
6- ما يعرف الالم
7- يكرر الكلام مثل الببغاء
8- عدم وجود علاقات اجتماهية : يعني ما يلعب مع اليهال و لا يعرف يلعب بالالعاب

و اشياء وايد كثيره على حسب شدة التوحد

 

[القرآن ربيع قلبي]

يعني اشلون ما نطعم اليهال سنة ونص شنو تنصحونا الله يشافي عيالكم يارب سبحانه قادر على كل شي والله يجزاكم خير جاوبوني

 

[همسات ليالي]

عندكم مركز الخرافي عند ارض المعارض فظيع الانشطة والابلات وكل شي مو طبيعي وشوفوا وحكموا

 

[ناني سيكرتس]

مبروك التثبيت يا بنات, اكيد ماتثبت الموضوع الا لان هالشي مهم والحين منتشر بين الناس..

 

[ناني سيكرتس]

عندكم مركز الخرافي عند ارض المعارض فظيع الانشطة والابلات وكل شي مو طبيعي وشوفوا وحكموا

مركز الخرافي, اهو يم بيتنا, اشلون طريقته عشان اودي الولد..؟
بليز بسرعه جاوبيني.

 

[همسات ليالي]

جيييييكي علي الخاص انا قاعدة

 

[Emanova]

يعني اشلون ما نطعم اليهال سنة ونص شنو تنصحونا الله يشافي عيالكم يارب سبحانه قادر على كل شي والله يجزاكم خير جاوبوني

مو شرط ان يكون من التطعيم في دراسه في جامعه ييل تقول ان التوحد ممكن يكون مرض جييني ...

و اهم الحين قاعدين يساوون دراسات على الاطفال خصوصا التوائم

 

[Emanova]

ناني ... شرووط مركز الخرافي سهله بس اخذي منهم الاوراق و عبيها..

عندج حق الصيف مدرسة التربية النموذجيه فيها برنامج يا صبح يا عصر اهو حلو بس المشكله ان فيه حالات صعبه

 

[Emanova]

بنات وينكم؟

 

[سنع ومنع]

شلونكم خواتي ..
أول شي مبروووووووك على التثبيت
بنات واللي يسلمكم فيدونا أكثر عن مركز الخرافي ..
تسلمون

 

[همسات ليالي]

اولا ماسمعت صوتج سنع ومنع
ثانيا روحي شوفية ولج نظرتج بس انا انصحج فية

 

[سنع ومنع]

هلا أختي همسات ليالي .. عذريني يالغاليه اليومين اللي فاتو كنت حددددددي مشغولة ..
لا تخافين بدوخج معاي باجر باذن الله
بس ما قلتيلي .. هل اهوا مدرسة أو مركز تدريبي ؟؟ يعني شنو اهوا بالضبط ؟؟

 

[سنع ومنع]

خواتي ما تلاحظون شي ؟؟
ما عندنا هني بالكويت نفس الدول الغربية .. عوايل تقعد مع بعضها تساند بعضها بعض .. يسولفون مع بعض عن تجاربهم .. يستفيدون من خبرات بعض .. والله شي يضيق الخلق ..
يعني انا ولدي من تشخصت حالته .. ما لقيت اللي أسأله وين أروح وشسوي ؟؟ من وين أبدي شنو الصعوبات اللي بتواجهني .. طبعا الدكتورة عبير ما قصرت كنت أدق عليها واسألها بس التجارب العائلية غير .. لما الواحد يحس انه في أحد معاه على نفس الخط ونفس الدرب غير .. يحس بمعاناته و يشاركة اللي يمر فيه .. ولا شرايكم ؟؟؟؟
توني طالبه dvd من amazon اسمه autism yesterday .. والله ما قدرت أشوفه الا الحين والساعة 2 بالليل اسم الله عليهم ما قدرت أشوفه الا لما ناموا اليهال
المهم يتكلمون فيه 5 عوايل عن ان شلون عيالهم تعالجوا تماما من التوحد ..
يمكن الفيلم ما فيه شي زايد بس انه يعطي أمل ..
ولو تفتحون النت وتكتبون autism recovery stories وااااااايد راح تطلع لكم قصص أمهات وآباء عالجوا عيالهم من التوحد ..
صج الواحد لاااااازم يكون عنده أمل .. وثقة بالله ان هالشي له علاج ..
وباذن الله في يوم من الأيام .. راح أدخل هالمنتدى وأكتب شلون عالجت حبيبي ولدي من التوحد
قولوا آآآآآمين ..

 

[همسات ليالي]

اهوا نادي للعب الحر وبالمعني الاصح اللعب التربوي روحي شوفي عندهم شي عجيب نادي متطور والمدرسات نفسيتهم عجيييببة مادري انا وايد مرتاح منهم وععععععععلي فكرة انا وايد حريصة علي عيالي اكثر من ماراح تتوقعين

 

[سنع ومنع]

مشكووووووووووووورة وما قصرتي أختي همسات ليالي على التوضيح .. ومنكم نستفيد ..
راح أمرهم بأقرب وقت ان شاء الله ..

 

[Emanova]

السلام .. الظاهر انا ادش لما اتكونون مو موجودين .....................ز

 

[ريمه الكويت]

مادري ليش زايده هالحلات ؟؟؟ اكيد فيه سبب غير الجينات واكثر الحالات الي فيها توحد الام تتفاجئ فيها يعني ولدها يكون طبيعي الى عمر معين بعدها الطفل يتغير تماما تشوفين كلامه محدود ومايركب جمل الطفل يسير وايد يبجي على اي شي مادري انا هذي ملاحظاتي من تجربتي الشخصيه بس مادري عندي احساس ان هالمرض ماراح يستمر يمكن عند عمر معين يتعدل ويرجع لطبيعته طبعا مع المتابعه والاكل له دور كبير خصوصا لازم نبعد الطفل عن الاكل الي فيه الوان ومواد المظافه لحفظ الاكل وهالخرابيط هذي موتسبب بس توحد هم تسبب النسيان وتلخبط الهرمونات ودي اسال عن الطب البديل عن مساله بطىء التعلم والتوحد يمكن القى علاج طبيعي عندهم

 

[Emanova]

ريمه الكويت : جم عمر ولدج و شنو قصتج شاركينا .... و قوليلينا وين رحتي ؟ و ووين وصلتي ؟

 

[Emanova]

بنات يبيلينا قعده كلنا مع بعض ............ز اشرايكم