أختي emanova شلون مدرسة المنارات ؟؟ عساها زينة ؟؟
خواتي منو عنده فكرة عن المدارس هني بالكويت ؟؟شنو الزين فيها لمثل هالحالات ؟؟؟
و منو منهم يطبق مع الياهل الحمية اللي قاعدين نطبقها بالبيت ؟؟؟؟
سنع ومنع: الظاهر انج ما وديتي ولدج الطب التطوري بالصباح, لان هناك طريقتهم انهم يفحصون الياهل ويسووله اختبارات وبعدين يكتبون فيه تقرير عن حالته وعقبها يدش لجنه عشان تحددله باي مدرسه يروح وتناسب حالته, ويعطونج لسته فيها انواع المدارس عاد انت طبي وتخيري بالمدرسه الي تبينها بس طبعا مدارس احتياجات خاصه والحكومه اهي الي تدفع له..
مدرسه منارات هذي تابعه للمدرسه النموذجيه الي بدسمان, مدرسه يديده وحلوه, بس للاسف اهي بس حالات بطيئي التعلم والدسلكسيا فقط, باجي الاعاقات ما ياخذون كلش, انا ولديت ولدي لهم تخيلي ولدي فيه بطئ تعلم وشبه توحد, لما سووله اختبار قالولي لا هذا اصلا توحد مو بطئ تعلم روحي حق المدرسه النموذجيه اهي اخبر بحالته, واروح لهم والقاله مكان هناك.
بس يوم رحت حق دكتوره عبير عوض قالتلي لا ولدج مافيه توحد كلش ولا حتى شويه, كل الي فيه انه اهو فيه تاخر عقلي بسيط واهو الي مسببله بطئ التعلم هذا ما يعتبر توحد كلش..:nocommint:
