من وين تشترين أغراض البيت آخر الشهر ؟؟؟؟

[blue ocean]

رد: من وين تشترون ماجلة البيت ؟

يا من جمعيتنا ..
يامن مركز سلطان شرق ..
مشكوره حبيبتي عالموضوع

 

[موزة ام فارس]

رد: من وين تشترون ماجلة البيت ؟

لندن وسيتي سنتر ومركز سلطان

والشغلات الخفيفه من جمعيتنا

 

[!! الواصليّـــــة !!]

رد: من وين تشترون ماجلة البيت ؟

من جد انتم تبردون القلب ياكويتيات

..

بس استغرب ليش منخدعين بمركز سلطان واهو نصب عيني عينك ! غالي ومثله مثل غيره يعني ماشوف فيه وزود!

..

ومن خلال الردود اللي قريتهاا بديت افكر بالأتجاه الى جمعية الحرس .. واشوووووووووووف ,,

دمتولي من هنااا لأخر حدود هناك !

 

[ام عزوزي 2]

رد: من وين تشترون ماجلة البيت ؟

من واقع تجربه جمعية الجيش ارخص شي حتى الشرطه رخيصه بس مو كل شي تلقين
بس الحرس سعرها نفس الجمعيات لا رخيصه ولا شي
ولولو هايبر ماركت يسوي عروض ارخص من الجيش مرات اما الميره مااثق باكلهم احس انه منتهي او قريب وينتهي
انا احب افتر ادور المكان الرخيص والكويس وهذي خلاصة الفرارة على طبق من ذهب تستاهلين

 

[!! الواصليّـــــة !!]

رد: من وين تشترون ماجلة البيت ؟

ام عزوزي وينها هذي جمعية الجيش انا عبالي الحرس والشرطة والجيش واحد !! <<< جمعية الداخلية يعني

 

[Baby^Bop]

رد: من وين تشترون ماجلة البيت ؟

مركز سلطان وسيتي سنتر

 

[WaChoCha]

رد: من وين تشترون ماجلة البيت ؟

مرحبا بنات
انا اشتري من كارفور ..ارخص من سلطان بوواااااااااايد
ومن سيتي سنتر واذا مستعجلة رجت الجمعية

 

[jolie_q8]

رد: من وين تشترون ماجلة البيت ؟

خوش موضوع

بالنسبه لي نشتري من جمعيه الشامية دايما (علشان صندوقنا)

وبعض المرات اتسوق من مركز سلطان << اذا ابي شي مو موجود بالجمعيه

بس بنات تحذير اذا بتشترون شي من سلطان جيكو على التاريخ << دايما التاريخ شهر وينتهي

ديروا بالكم .. ومره لقيت شي منتهي من شهرين !! بسلطان السالميه


وتم النقل للقسم المختص

 

[أم الكتاكيت]

رد: من وين تشترون ماجلة البيت ؟

أمي دوم تاخذ من جمعية الجيش وانا نم مركز سلطان

 

[aa7zan]

رد: من وين تشترون ماجلة البيت ؟

والله احنا ما نشتري الا من كارفور او مركز سلطان بس اذا نقصنى شي نروح جمعية القرين 3 وطبعا النصب فيها ماله والي

 

[عرموشة]

رد: من وين تشترون ماجلة البيت ؟

هلا بنت عمي

انا ما اخلي مكان ما اروح له علشان اغير جو انا وبنتي

عندج الدفاع - مركز سلطان بس غالي - الحرس لقيت عندهم شغله ارخص من مركز سلطان ب 400 فلس تقريبا

واي مكان انا وبنتي طالعين اروح اشتري عادي قلتلج علشان الوناااااااااااااسة

 

[نينا ريتشي]

رد: من وين تشترون ماجلة البيت ؟

من :tek::tek:الشاااااااااااااااااميه كل شي مو جود فيها

 

[قهوة برية]

رد: من وين تشترون ماجلة البيت ؟

خوش موضوع

بالنسبه لي نشتري من جمعيه الشامية دايما (علشان صندوقنا)

وبعض المرات اتسوق من مركز سلطان << اذا ابي شي مو موجود بالجمعيه

بس بنات تحذير اذا بتشترون شي من سلطان جيكو على التاريخ << دايما التاريخ شهر وينتهي

ديروا بالكم .. ومره لقيت شي منتهي من شهرين !! بسلطان السالميه


وتم النقل للقسم المختص

أنا شهد فعلا مركز سلطان دايما منتجاته شبه منتهية

وأصلا قمت اشك اذا سووا عرض ع كذا شغله اكتشف انها فعلا بتنتهي جريب ..!!!!!!

لأسف فقد مصداقيته وصار اسعاره نار العن من الجمعيات ..!!!!!!


اما جمعية الشرطة اسعارهم زينه بس ترى الفرق بسيط وماتلاقين ساعات شغلات ناقصة

بسبب الزحف البشري عليها من الجاليات الوافده


جمعية الحرس امدحوها بس بعيده علي ..!!!!!!


كارفور وسيتي سنتر اشجعج عليها ع الأقل في اشغيلات حلوة طبعا تفرق من منتج لا منتج ..!!!!

 

[!! الواصليّـــــة !!]

قواكم الله بنااات ..

فديتكمـ ,,

..

عرموشه هلابك اكثرررر ,,,,, بس بنتج الله يخليها لج ,,شنو عجبهااا اكثر شي .. <<< تراها تشجع آراء الأطفال بذمّه

 

[baby_ pink]

من جمعية الفحيحيل ...مع ان مو دايم احصل اللي ابيه فيها..