النائب محمد العبد الجادر ( التحالف الوطني الديمقراطي ) : حفلة رويال حياة من الحريات!!

[منطلقة بطموحي]

السلام عليكم ورحمة الله وبركاته

شوفوا الليبراليين العلمانيين ( التحالف الوطني الديمقراطي ) شنو يقولون !

النائب محمد العبد الجادر يقول ان حفلة رويال حياة من الحريات الشخصية التي يجب ان تحترم !!

خوش خووووش .. !

شوفوا هالموضوع عن حفلة رويال :
http://q8yat.net/showthread.php?t=169955

حق اللي ما تدري شالسالفة ..


شفتوا فضايح هالتحالف .. وين اللي يقولون عنهم معتدلين و يخافون على الدين ؟؟

كل هالصور و الخراب و رقص رياييل مع حريم و تقولون حريات ؟؟

بالله هذيلا احد يصوت لهم و يستاهلون مجلس الأمة ؟؟

حسبي الله ونعم الوكيل !


الحمد لله ان فيه بالمجلس اللي اعترض على هالأمور .. الحمد لله ان مو كلهم نفس طقة العبد الجادر !!

 

[سنفــــور كســــول]

انا خلقه مارتحت لهم ...شـاركونا الامل هذول

سبحان الله من وجه الواحد تعرفين له


وهذي سوالفهم مسودين الوجه بعد


الله يستر على ديرتنا بس

 

[ii DareeN ii]

ممكن لوسمحتي مصدر الخبر لان الاخبار غير المدعمة بمصادر تحذف وشكرا ناطرة المصدر

 

[منطلقة بطموحي]

سنفور كسول

اي والله صاجة .. شاكرة لج عالرد ..



دارين

انا مشتركة بخدمة أخبار عالتلفون .. و كل اخبارهم صحيحة .. من زمان مشتركة فيها ..

ان ما كنت غلطانة اهي تبع كونا ..

 

[طوق البنفسج]

اتوقع انه المشكله انتهت بعتذار اداره المستشفى و تحويل الي شاركوا بالحفل الي تحقيق

ماله داعي يكبر الموضوع لا من ناحيه التحالف ولا من ناحيه التيارات الاسلاميه

 

[غَـنْـجَـى و دَلـوعْ]

أول الغيث قطرة ‘

و أول قطرة من غيث التحالف هو انسحاب النائب علي الراشد من تحالفهم حسب جريدة الآن الإلكترونية ..

و هو النائب اللي كان من المستحيييل يطري على بال أحد منا إنه يخلع عباءة التحالف ، هذا أولاً ..

ثانيا لو شفتي التصويت على لجنة العادات الدخيلة لعرفتي بحق ما هو الأمل اللي ينشدونهـ،

الكل صوت معاها إلا 4 من هم يا ترى ؟

الراشد + العبدالجادر + الصقر ( أعضاء التحالف الوطني الديمقراطي )

+صالح الملا ( و الملا طبعا برغم إنه نزل مستقل إلا إنه ابن المنبر الديمقراطي أحد أقطاب التحالف الديمقراطي ) ..



و شـــاركونا الأمل ! الأمل بشنووو ما أدري إذا حتى العادات الدخيله مو ناوين يحاربونها ! ..

 

[ii DareeN ii]

اوكي منطلقة بخلي الموضوع لي باجر لين تحطين الخبر عشان مايكون مخالف


تبون رايي بصراحة بقولة انا ضد كل مضهر من مضاهر الفساد الاخلاقي بحكم تربيتنا ككويتين وضد اي تشجيع لها

لكن هم نقطة يمكن بعضنا غافل عنها ليش بينظرب رويال حياة بالضبط الضربة من الراي لصاحب المستشفي المعروف بخلاقياتة ونظافتة المالية وبعدة كل البعد عن الفساد

ولو اي واحد عارف ترا في بلاوي تصير صجية مو فلبن يرقصون انا مو مع هالفعل لكن اي واحد منا بيدري ان في بلاوي قاعدة تصير في شاليهات وبيوت ليش بالذات رويال حياة وليش عقب الانتخابات المسالة ضربة سياسية حق رجل نظيف جدا فوق مستوى الشبهات اتوقع الي قاعد يصير بديرة شي اكبر من اخوان وسلف وليبرل اتمنى صج نوعى حق الي قاعد يصير اكبر من التناحر على توجهات

 

[TeAcHeR_BeZaRiN]

اشفيج منطلقة بطموحي هذول يبون مصلحة الديرة يبيون التنمية يبون يبتعدون عن الجاهلية الاولى !!

استغفرلله

من شاف وقفتهم ضد التصويت في لجنة الافعال الدخيلة على المجتمع يعرف اهم شنو وشنو الي يبون يوصلون له

 

[أساور]

انا بعد الخبر ياني بالمسج والراي شكلها مو مصورة بالخفا قاعدين يتضحوكون للكاميرا يعني اشكرة داعين الجريدة للحفلة

 

[دلعلــــع]

امبييييييييييييه اي والله هذا اللي يشوفونه تطور وتنميه

جذي بيطورون علهم انشالله ماطوروها بهالاشكال

هذا التخلف بعينه وعلمه هذا اللي بيردنا لي ورااااااااا

هذا الجهل والله

يارب تستر على الكويت وتحميها من هالاشكال اللي بتردها لورااا

والحمدلله ان المجلس للحين فيه ناس فيها خيرر والعشم فيهم

 

[سنا الفضه]

لاه لاه :0bee2e8d89:

مووو وقته يااا منطلقه مووو وقته

ماهكذا تورد الابل

الديره تأن

كاافي مشاحنات

والي يعافيكم كاافي:cxxxp:

 

[منطلقة بطموحي]

طوق البنفسج
اختي هذا رأي سياسي سواء انصكت سالفة الحفلة و الا لا ..

يعني تخيلي مثلا واحد يقول : انا مع غزو العراق للكويت ، هل انتي راح تقولين له : والله كيفك هذا الموضوع خلصنا منه و الغزو خلص ..

جيذي بتردين عليه ؟ ..



سماء

اي حتى جريدة الوطن حاطين عن انسحاب علي الراشد منهم ..

و زين يسوي فيهم ..

شاكرة لج عالرد ..




دارين

مو معقولة راح احاسب ناس يسوون بالخفاء سواء شاليهات والا غيره ..

اللي علينا من اللي جدامنا و اللي تم نشره ..

معقولة مستشفى يسوي حركات جيذي ! ..

شاكرة لج عالرد ..



تيتشر بزارين

هلا والله .. شاكرة لج عالرد ..

صاجة والله ..




أساور

شاكرة لج عالرد .. و صاجة ..



دلعلع

اي هذا التطور بنظر اللبراليين ..

شاكرة لج عالرد ..



سنا الفضه

يعني تبين نسكت على هالأمور ؟ ..

من صجج ؟ ..

نسكت عن حفل راقص و واحد يقول عنه هذي حريات ؟ ..

تبين خراب اكثر من هالخراب عشان نتكلم ..

الله يسامحج بس .. ما هقيت هالرد منج ..

 

[سنا الفضه]

ويسامح الجميع حبيبتي ...:tek:
الوضع اكبر من كونه حفل راقص الوضع مبطن يالغلا انتي ماتدرين عن الي يصير بالخفاء وتصفيه حسابات

ولاتصدقين كل كلمه تنقال او تنقل

فيه ناس لله فالله يحبون يبهرون السالفه

يضيفون لها فلافور بطعم التشيلي والسبايسي علشان تكون ذات مذاق حريف

ومن منطلق اذا ابتليتم فاستتروا

والناس اختارت وخلصنا قلت لج الي قلته اعلاه

منطلقه الموضوع يحتاج بعد نظر

وكما قال الامام مالك

ماكل مايعلم يقال

وسنا تقولج

ماكل مايكتب او يقال يصدق

 

[softlady]

منطلقه

ياريت تشرفين موضوعي الي بالتوقيع وثبتين هالنقطه وتفتحين باب النقاش

مو عشان ان موضوعي


عشان ان هالموضوع راح يكون نوع من الرقابه على الاعضاء ومرجع لنا لي بغينا نعطي الثقه مره ثانيه


والموضوع في نقاط وايد ابتداءا من اول يوم بالمجلس لترشيح الرئيس


يشرفني تثبتين هالنقطه على النائب اذا انتي شايفه ان مقصر او اساء لقيمنا الاسلاميه



نوع من الواجب الوطني علينا كلنا


واكيد راح يسعدني اضافه هالنقطه للموضوع

 

[softlady]

ويسامح الجميع حبيبتي ...:tek:
الوضع اكبر من كونه حفل راقص الوضع مبطن يالغلا انتي ماتدرين عن الي يصير بالخفاء وتصفيه حسابات

ولاتصدقين كل كلمه تنقال او تنقل

فيه ناس لله فالله يحبون يبهرون السالفه

يضيفون لها فلافور بطعم التشيلي والسبايسي علشان تكون ذات مذاق حريف

ومن منطلق اذا ابتليتم فاستتروا

والناس اختارت وخلصنا قلت لج الي قلته اعلاه

منطلقه الموضوع يحتاج بعد نظر

وكما قال الامام مالك

ماكل مايعلم يقال

وسنا تقولج

ماكل مايكتب او يقال يصدق

انا ضد محاسبه الوزاره على هالفعل


بسم الله ما مداها

لكن هالتصرف ما يطوف يا سنوووووووووو


اثار حفيظه وشعور الكويتين


ونحن بعيدين عن تصفيه الحساب

اعتقد ان التحقيق بالموضوع امر كافي

 

[softlady]

نسيت ما اعرف امر على سنا الفضه الا اعطيها

هاااااج :tek:

 

[سنا الفضه]

سوفته وهاج بعد:tek:

وانا معاج مستاااءه جداا من الي صار لانه بالكويتي يفشل ويقص الويه

بس مو ننتظر نتيجه التحقيق بالموضوع قبل لا نصدر الاحكام!!

وانا ماطلبت محاسبه الوزاره

لا شكوو بسم الله الرحمن الرحيم مامداهم ويمكن الوزير مااحتر الكرسي تحته بعد

حاليا ارى انه نتوقف عن اطلاق التبريرات

الى ان يبت القضاء حكمه بالموضوع وياخذ الفاعل جزاه

واتمنى في حال اثبات التهمه على الفاعل انه يتسفر على اول طياره وعلى الدرجه الي بعد السياحيه ويتمرمر بالترانزيتات بكذا ديره بحيث يعرف انه الله حق

ومش كل طير بيتاكل لحمه

بس الحين نسكت ومانزيد الطين بله ونعطي مبررات ونطلق الاحكام جزافا على الناس من اي توجهه كانوا

وهاج :aha:

 

[معكرونه أسبكتى يم يم]

يارب تحفظ الكويت من كل فكر هدام علمانى

 

[منطلقة بطموحي]

سنا الفضه

و الله ماني عارفة شرد عليج ..

صور رياييل يرقصون مع حريم .. و المستشفى قدم اعتذاره على اللي صار .. وناطرة نتيجة التحقيق ؟ ..

اوكي بـ غض النظر عن سالفة المستشفى او ان المشكلة مو من الادارة او ان احد متبلي عليهم ( مثلا ) .. هل فعلا ( رقص رياييل مع حريم ) يعتبر حرية يجب ان تحترم ؟؟؟ ..

انا كل هدفي من هالموضوع هالنقطة ..

عموما رايج و انا احترمه ..




سوفت ليدي

انا من المتابعات لموضوعج و تقريبا كل يوم ادخله و اشوف شكو ماكو ..

بس لأن ما عندي كلام فا ما اكتب بموضوعج ..

و من عيوني ، افا عليج ، الحين اكتب بموضوعج عن هالسالفة ..

و شاكرة لج عالرد يا الطيبة ..




معكرونة


اللهم آميـــــــــــــــــــــــــــــن ..

شاكرة لج عالرد ..

 

[م فطومه]

حبيبتي انتي ليش حارقة عمرج

صج حرية شخصية واذا ماتبين تشوفين هالامور لاتنبشين عنها هذا رايي الشخصي المشكلة انتكم ماتحترمون اراء الناس وحرياتهم

حفلة فيها رقص شنو المشكلة ترى فيه ادهى من هالامور فيه خمور في مخدرات في دعارة والعياذ بالله لانحكم على شخص بمجرد انه رقص او ايد هالشي هذا احتفال بمكان عام وماشوف فيه شي

اذا على الرقص.. الديرة فيها مليون جنسية مختلفة والدولة سامحتلهم يمارسون كل شي

ولو انج شايفة ان هالشي فضيحة.......رسولنا الكريم قال... من ستر عبدا ستره الله يوم القيامة