كنتو تلعبون "بروي" ؟ شاركينا بألعاب طفولتج

[**حلوة ودلوعة**]

السلام عليكم
وااي حده ونااسه العابنا قبل .. مو الحين ..
بس بنات اعذروني في اشياء قلتوها مالعبتها لمن كنت صغيره .. وحسيت انكم شوي اكبر اكبر مني عاد ماادري صح ولا مو صح ..
في لعبه عمتي كانت دايما تلعبنها .. واهي صلوا صلاة البقر .. << احبه واايد استانس عليها ..
واللعبه هذي الثعلب والبنات وامهم ماادري والله شسمها نسيتها هم لعبتها ..
وعاد طاق طاق طاقيه .. هم عجيييييييييبه خووووووش لعبه ..
ونااسه هالالعاب .. ياكثر ما لعبتهم بالحووش ..

اي انا نفسج احسن نص الالعاب ما عرفتها


وشنو صلاة البقر؟؟؟؟؟

والثعلب قاعدة احاول اتذكر اسمها وبدايتها ما قدرت الظاهر كبرنا والكبر شين<<<مع اني مواليد الثمانينات


وعموما خوش موضوع

تسلمين يا قلبي

 

[عـشـــ كويت ــقـــي]

هذي اللي يقلون فيها ..

صلوا صلاة البقر .. ونرد عليهم بصراخ والله مانصليها ..
صلوا صلاة الحمير << عادي اي نوع من الحيوانات .. هم نرد ونقول والله مانصليها ..
لحد مانصول صلوا صلاة ربكم .. وبعدها نسجد ..

وبعدين يقلون لنا ..
لا ياتكم الغيبه البيضا شتسوون .. ونرد ونقوول امبااااااااع ..
ولا ياتكم الغيمه الزرقاء تشقلون ونرد ونقول امباااااااع ..
عااد يعدوون على كيفكهم الالوان اللي يبونها .. واتذكر كانوا نحاسه يذكرون واايد الوان علشان ندووخ واحنا ساجدين ههههههه ..

لمن يقلون لا ياتكم الغيمه السوده انحاشوا ..
هذيج الساعه نرووح نركض ورا اللي كان يلعبنا ونصيده .. واللي يفوز ياخذ مكانه ..

سوري اعذريني على التفسير .. ادري حطي خربوطه مااعرف هههههههه

 

[فتووون]

اي والله هذي الالعاب مو الحين من الصغر قيم بوي وكمبيوتر

 

[ScarletteO'Hara]

وااااااااااايييييييييييييييي خوش موضوع!!!!!!!!!!!!!!!!!!!!!!!
انا كنت العب مع خواتي بالشراشف كنا نسوي فيهم بيوت على القعدات الارضية و كل وحدة تنخش داخل بيتها و تعالوا عاد شوفو العزايم شلون صايرة :ggdw:
لعبة ثانية اذكرها اعتقد اسمها "خروف مسلسل؟!؟!؟" الي واحد يبي يصيد الباجي على ريل وحدة:tomato2:
و بعد"طاق طاق طاقية"
تذكرون لعبة تلفون خربان؟؟؟ ما ادري اذا اهي لعبة مشهورة ولا من تأليفنا.
نط الحبل كنت ابداع فيه
و طبعا لما الاهل يروحون الحج اييبون معاهم دواشق فشنو نشوي فيهم؟؟؟ نقعد عليهم اعلى الدري(الدرج او السلالم) و واحد يدزنا و نتزحلق ليت تحت, و بعد نحط واحد داخل الدوشق و نشويه كأنه شورما و باجي الاطفال يقعدون يناقزون على, عاد المسكين الي داخل يختنق, يرجع المهم احنا اننط عليه
و شكرا

 

[غلاي غير]

واي عقربه انتم نفسنا احسج وحده اعرفها وخاصه سالفة الدواشق بس احنا نسويه همبرغر داخلها يموت يفطس واحنا ولا على البال ننط ونفقسه ههههههه وناسه لعبنا واي والله الشراش والغنفات الارضيه نلعبها بيوت والا نقلبها وانحطها انطلق يا خماسي وخاروف مسلسل وصلاة البقر وطاق طاقيه و نسيت اسم اللعبه حسافه مالت الالوان

مشكوره صاحبة الموضوع ونستيني

 

[**حلوة ودلوعة**]

كنا نلعب في بيت يدي .. بنات خالاتي الاكبر منا يعني ابلات ومن صجهم يقسمون الدار نصين نص غرفة مدرسات والثاني يعني صف .. يفصلونها بشرشف لووووول

ومن صجهم يعصبون على بعض انتي خذيتي حصتي لا انتي خذيتي وقت لووووووووول يضحكون
اتذكر سوو اخر يوم سوو لنا شهادات لووووووول وقالوا حق امهاتنا يوقعون حدهم مصدقين لوول


يسلموو خوووش موضوع

يحليلكم والله مندمجيييين وعايشين الدور

والحين شخبارهم صاروا مدرسات ولا لأ ؟؟؟

 

[Eng.shosha]

يحليلكم والله مندمجيييين وعايشين الدور

والحين شخبارهم صاروا مدرسات ولا لأ ؟؟؟

احنا الطالبات صرنا بالمتوسط الحين
والابلات الحين بالثنوي :dddds: .. واختي كانت معاهم الحين تخرجت من الثنويه

 

[ScarletteO'Hara]

واي عقربه انتم نفسنا احسج وحده اعرفها وخاصه سالفة الدواشق بس احنا نسويه همبرغر داخلها يموت يفطس واحنا ولا على البال ننط ونفقسه ههههههه وناسه لعبنا واي والله الشراش والغنفات الارضيه نلعبها بيوت والا نقلبها وانحطها انطلق يا خماسي وخاروف مسلسل وصلاة البقر وطاق طاقيه و نسيت اسم اللعبه حسافه مالت الالوان

مشكوره صاحبة الموضوع ونستيني

اي والله ذكرتيني بلعبة الالوان!!!!! بس لا اكون الصياد اخيس شي, و تعالي عاد شوفي الالوان الي ما ادري من وين يايبينهم, ياهال اعمارنا 6 و 7 و نختار الفستقي و الحليبي و القرمزي و الصدفي!!! و الله ايام حلوه :dddds:

 

[ScarletteO'Hara]

هذي اللي يقلون فيها ..

صلوا صلاة البقر .. ونرد عليهم بصراخ والله مانصليها ..
صلوا صلاة الحمير << عادي اي نوع من الحيوانات .. هم نرد ونقول والله مانصليها ..
لحد مانصول صلوا صلاة ربكم .. وبعدها نسجد ..

وبعدين يقلون لنا ..
لا ياتكم الغيبه البيضا شتسوون .. ونرد ونقوول امبااااااااع ..
ولا ياتكم الغيمه الزرقاء تشقلون ونرد ونقول امباااااااع ..
عااد يعدوون على كيفكهم الالوان اللي يبونها .. واتذكر كانوا نحاسه يذكرون واايد الوان علشان ندووخ واحنا ساجدين ههههههه ..

لمن يقلون لا ياتكم الغيمه السوده انحاشوا ..
هذيج الساعه نرووح نركض ورا اللي كان يلعبنا ونصيده .. واللي يفوز ياخذ مكانه ..

سوري اعذريني على التفسير .. ادري حطي خربوطه مااعرف هههههههه

بعد هذي اللعبة نلعبها لازم بصالة يدتي الله يرحمها, اخر خبري فيها قبل الغزو, خوش ذكريات

 

[coffee]

وجدان الكويت هههه سكري يا وردة

كويت عشقي وعليكم السلام ههههه لا اتكبرينا ستري على ما وايهتي.. انا جيل السبعينات يعني تقدرين تدمجين اول الثمانينات ويانا .. ما عرف لعبة الثعلب.. ترا ساعات في ناس يألفون ألعاب ههه يعني أذكر لعبة النحل والفراشات مع المخاد من تاليفنا .. وحياج الله حبيبتي ههههه شرحج عجيب

حناين اعيونج الحلوه يا حبيبتي الله ذكرتيــــــــــني احب اللبيده وحار بارد! ههه يبيلنا نعيد الأمجاد ونلعب اليهال.. لوول ترى اخاف من العروسه بطني كان يعورني هههه

أم عبدالمحسن هههههه وناسه يا حبنا حق تقليد الابلات قبل واذكر مسباتهم لول "يؤصفلي عمرك" "زفت الطين" والله هذا الشي الوحيد اللي تسنع بابلات هالايام .. على طاري الشرشف احنا كنا مؤلفين لعبه الكرفايه اهي المركب وحاطين شراشف دار مادارها ويعني رحلة بحريه وعواصف ومغامرات ههه والله أيام .. وحياج الله حبيبتي

حلوة ودلوعه الله يسلمج حبيبتي ههه يمكن انتو مو من جيلنا

فتووون صاجه على الأقل الكل يشارك واذا كنتي زايره ناس تتعرفين على اليهال من هالالعاب.. حياج الله

عقربه هههه نورتي الموضوع ما اذكر تلفون خربان بس اذكر خروف مسلسل كريهه لول وانتي رافعه ريل فوق .. والله لعبة الدواشق شكلها ونيسه لول ليت الشباب يعودو يوما علشان نلعبها.. حياج الله حبيبتي

غلاي غير حياج الله حبيبتي وعساج دوم مستانسه ههه الهمبرغر اجرام شكلها هذي مو لعبه عاد يا كره اذا واحد بجى وراح علم الكبار ههه بس بعد ننحرم من اللعب

 

[دهن عود مبخر]

سالفة الدواشق هذي سالفه

نعفس الصاله ولا الديوانيه ونقلبها بيوت من دواشق

ونتساير على بعض
وكل وحده معاها بنيتها ولا ولدها الصغير >>>> العابنا عيالنا خخخخخخ

بس الصمونه والهمبورغر :dddds: حده اجرام هههههههه


وفتاحي ياورده نسوي دائره شكبرها وصراخنا لي اخر الفريج :ggdw:

وبعد في
سي سي سي مي مي مي
ازهار بالربيع
معسكر بالربيع :ggdw:

:dddds::dddds:

وشبرا امرا .. شمس نجوم.. وانط الحبل​

 

[الهيـــام]

حياج الله الهيام انتي من وين ؟

تذكرون العروسه بحديقة الشعب القديمه

أنا من الإمارات .. بس ريلي كويتي
و لما كنت صغير لعبتها و خفت حييييييييييييييل منها الحين ما أقدر ألعب هالألعاب مستحيل أموت قلبي بيوقف
لعبت القطار السريع مع ريلي زين ما شلعت إيده يبستها من الخوف

بس أحب أشوفهم

 

[الهيـــام]

هذي اللي يقلون فيها ..

صلوا صلاة البقر .. ونرد عليهم بصراخ والله مانصليها ..
صلوا صلاة الحمير << عادي اي نوع من الحيوانات .. هم نرد ونقول والله مانصليها ..
لحد مانصول صلوا صلاة ربكم .. وبعدها نسجد ..

وبعدين يقلون لنا ..
لا ياتكم الغيبه البيضا شتسوون .. ونرد ونقوول امبااااااااع ..
ولا ياتكم الغيمه الزرقاء تشقلون ونرد ونقول امباااااااع ..
عااد يعدوون على كيفكهم الالوان اللي يبونها .. واتذكر كانوا نحاسه يذكرون واايد الوان علشان ندووخ واحنا ساجدين ههههههه ..

لمن يقلون لا ياتكم الغيمه السوده انحاشوا ..
هذيج الساعه نرووح نركض ورا اللي كان يلعبنا ونصيده .. واللي يفوز ياخذ مكانه ..

سوري اعذريني على التفسير .. ادري حطي خربوطه مااعرف هههههههه

تضحك هاللعبة ما عندنا مثلها :dddds:

 

[**حلوة ودلوعة**]

احنا الطالبات صرنا بالمتوسط الحين
والابلات الحين بالثنوي :dddds: .. واختي كانت معاهم الحين تخرجت من الثنويه

الله يوفقكم جميعا

بس انصدمت انج صغيرة توقعت انج كبيرة من نكج (ام عبدالمحسن )

والله يرزقج الزوج الصالح (بو عبدالمحسن ) وعبدالمحسن

 

[عـشـــ كويت ــقـــي]

لوووووووول بنات والله حدي مستانسه بهالموضوع ..

كوفي لوول انتي السبعنيات .. عيل فرق بينا.. انا الثمنينات واخره بعد ..
هذي لعبة الذيب سوري مو الثعلب ..
لمن يكون في ام وذيب ..
والبنات ينخشون ورا الام ..
وياي الذيب ويقول انا الذيب باكلكم ..
وترد عليه امهم انا امكم بحميكم .
وعاد لا تاكمله .. اذا ماتذكرتوها .. اكتبه لكم بعدين ..

لحد الحين يهال بيتنا يلعبونها ..

 

[عـشـــ كويت ــقـــي]

تضحك هاللعبة ما عندنا مثلها :dddds:

هلا وغلا باهل الامارات .. حياج والله ..
صج ماعندكم هاللعبه .. يمكن عندكم بس باسم غير ..
لاني عندي رفيجات من الامارات .. وايد اشياء عندكم وعندنا نفسها بس يختلف بالاسم ..

على العموم .. لعبيها مع عيالج .. ​

 

[coffee]

دهن عود مبخر لول واعليا على اليهال .. هههه ذكرتيني اب سسا سيي ماما مييي .. وااي طرا على بالي بر بحر صج كنت احبها

الهيام حيا الله أهل الامارات والنعم فيج حبيبتي.. انا مثلج ههه اخاف من اي لعبه فيها منحدرات سريعه

حلوه ودلوعه هم انا حسبتها كبيره يحليلها.. والله يرزقج عبدالمحسن يا أم عبدالمحسن

عشقي الكويت ههه عساج دوم مستانسه .. العمر كله حبيبتي .. لا يكون قصدج اللي تمثل الأم تلبس عبايه؟ لول

 

[الهيـــام]

الله يحييكم عزيزاتي :68_asmilies-com:

و إي صح عندكم صيده مصيده نحن نسميها كوك لا تفسير للكلمه :dddds:
و عندنا لعبة يا عائشة يا فاطمه تقريبا نفسها بس بدون صلاة و أصوات حيوانات :ggdw:
و إذا ذكرت شي يديد بخبركم

:gathering:

 

[قمر الليل]

لوووووووووووووول ذكرياتكم ذكريات بس حسافة انا من مواليد 1994

 

[ام مسااعد]

ويييييييييييييييييه على ايام الطفولة صج صج شي خيال ياليت ارد بس جم يوم كنت ينيه بمعنى الكلمة وام مقااااااااااااااااااالب لو تشوفوني الحين تقولون جذابة كلش مو ويه هالسوالف عشتو ثقل وسنع لوووووووووووول


خلوني اقولكم سالفة

طبعا كنت قبل 24 ساعه لازقة ببيت عمي كانوا كبري وكل ويك اند نايمة شايلة شلايلي ونايمة عندهم

وبيت عمي اصلا بيت يدي وكبييييييييييييير وحوش وانا ابي استغلة ليش كلة نلعب بروي تحت الدري ولا بالممر!!

جان ادش بمخ بنات عمي واقنعتهم نسوي مطعم بالحوش!

نحط طاولات وكراسي وعشتو انا اكون الشيف

وطبعا مرة عمي يحليلها ماتدري عنا وقومي حضرتي لعبي بالبيض والجبن

طبعا مسوية كل اصناف البيض شي بيض وطماط وشي بيض عفاس وشي بيض مفيوح طبعا بمساعدة الخدامة انا بس الجرسون

وتعالي بالجبن الكيري مسوية عشتو فيه حركات يعني بالعربي لاعبة بماجلتهم لعب وبنات عمي فقارة مستانسيييييييييييييين خوش لعبة

وفجأة

ولا صراخ وزف مرة عمي لووووووووووووول

انزفينا وماسوت علينا

وعقبها توووبة

بس صج مارست هواياتي منذ صغري لوووول

ولاتنسون بذيج الفترة اللعبة باربي المقدسة :dddds:

طبعا نتبارى منو تكمل شغلها من بيت وريل وسيارة وهدوم ونتحدى بعض .. وااااااااااااي صج وناسة

ومرات نلعب شركة!!

واحد منه يصير مدير وعندة سكرتارية وعملاء ووظيفتنا بس نكتب تقارير واهوا يوقع وطبعا التقارير شخابيط مالها معنى والله اتذكر ايدي تكسرت من التشخبط على A4

تسلمين على الموضوع الراااااااااااااااااائع والمواقف الاروع​