رحلتي لدبي

[أم جــاســم]

حمد الله على السلامة

وانا من عشاق دبي احبها حتى لو كان جوها رطوبه
وبالنسبه للتاكسي انتي لو ماخذه تاكسي من المطار وتحاسبينه باليوم احسن لج
لان مشكله التكاسي متعبه بدبي
والتقرير وايد حلو ومشكوره حبيتي ​

 

[اميرة الغيد]

ام جاسم مشكوره على الرد بالنسبه للتاكسي ما اظن انهم راح يرضون يتأجرون باليوميه لان اغلبهم تابعين لشركه عشان جذي ماراح تضبط هالطريقه .

 

[اميرة الغيد]

الحين وصلنا حق آخر يوم كان يوم الثلاثاء ، طلبنا تاكسي طبعا وقعدنا تقريبا ساعه ننطره مع العلم بأنا مبلغين الفندق من امس انا نبي تاكسي عشان نروح للمطار الصبح ، المهم طيارتنا الساعه 2 وثلث الظهر بس احنا قررنا نروح للمطار الساعه 10 عشان نفتر بالسوق الحره ، طبعا مع تأخر التاكسي مشينا حق المطار الساعه 11 على ماوصلنا وبطلوا الكاونتر ودخلنا جناطنا صارت الساعه 12 زين يعني عندنا وقت نتسوق . بعد الممرات الطويله والسلالم المتحركه وصلنا للسوق الحره .
هذي الصوره

 

[اميرة الغيد]

على فكره مطار دبي دايما زحمه انا رحت له السنه اللي فاتت ترانزيت هم كان زحمه هنود واجانب وكل الجنسيات اللي مرت علينا ، عاد انا خبركم فيني مايصير اروح للمطار وما اشتري شي ، عاد شريت عطر بربريز يقولون منزلينه قبل شهر هذا اهوه

 

[اميرة الغيد]

عقب الفراره شوي شفت العاب على مدهش قلت آخذ حق عيالي يستانسون فيهم وخذيت لهم ككاويات اللي يسوونهم بس للمطار ، بعدين لقيت عطر قالوا لي هذا ماينزل الا بالمطار اسمه كنزو 7:15 in bali هذي صورته


يقولون انه uisex يعني نسائي ورجالي بس اظن انه يصلح رجالي اكثر

 

[اميرة الغيد]

الحين صار وقت طيارتنا عاد طبعا اذا ما تأخرت الطيارة ماتصير كويتيه ، المهم انا كنت شايفه شغلات بمجلة الطيارة اللي اسمها صوغه قلت اطلب منهم ، شريت عطر شوبارد هذا

 

[اميرة الغيد]

بعد كنت شايفه ساعة بيير كاردان من قبل فقلت اطلبها
مثل هذي بس اللي طلبتها بدال السلفر ذهبي

 

[اميرة الغيد]

بعد كان عاجبني عطر مس ديور شفته بالمطار وما شريته فقلت اطلبه من الطياره
هذا اهوه

 

[اميرة الغيد]

الحين خلصنا الرحله وردينا للديره بالسلامه ، على فكره ترى انا ما اشتري عطور هالكثر بس قلت مدام احنا بدبي نشتري عطور لان اسعارهم هناك ارخص .
في شغله حبيت انبهكم عليها ان الخنزير مو ممنوع بدبي وله اماكن يبيعونه شوفوا هالمحل

 

[اميرة الغيد]

الحين يوم خلصنا الموضوع اللي يبي اي سؤال عن دبي حياكم

 

[جوجو.]

اول شي حمد لله عالسلامه ثاني شي ماشاالله خوش شرح بس بسأل سؤال الفندق بجم الليله ؟
ثاني شي الساعه بيير كاردان بجم خذيتيها

 

[اميرة الغيد]

احنا خذينا الفندق بعرض مع الكويتيه مع التذكره يعني الخصم حسب كم يوم تبين ، العرض كان حلو من مكتب جلوبال هوليداي كم مره نروح معاهم ، الساعه ب 26 بالطياره بس اهني اغلى بوايد الماركه تلقينها بروائع جنيف .

 

[جوجو.]

احنا خذينا الفندق بعرض مع الكويتيه مع التذكره يعني الخصم حسب كم يوم تبين ، العرض كان حلو من مكتب جلوبال هوليداي كم مره نروح معاهم ، الساعه ب 26 بالطياره بس اهني اغلى بوايد الماركه تلقينها بروائع جنيف .

وين صايره هالسفريات؟

 

[اميرة الغيد]

سفريات جلوبال هوليداي بحولي ، انا جربتهم اكثر من مره ماشاء الله عليهم حجزهم دايما مضبوط واسعارهم احسن من غيرهم .

 

[غلاي غير]

حمد الله عالسلامه

بس سؤال اذا انتم ماخذين عرض الكويتيه لدبي كم طلع عليكم

بس اعتقد هالفندق مو من ضمن الفنادق الي بالعرض

 

[جوجو.]

سفريات جلوبال هوليداي بحولي ، انا جربتهم اكثر من مره ماشاء الله عليهم حجزهم دايما مضبوط واسعارهم احسن من غيرهم .

مشكوووره عالمعلومات الروعه وان شالله بروح لهم
انزين الساعه جم سعرها ؟

 

[اميرة الغيد]

عزيزتي غلاي غير
طلع علينا العرض التذاكر والفندق 3 ليالي 370 انا وزوجي ، اهوه زوجي كان رايح ياخذ العرض بس ما ادري غير الفندق اللي بالعرض او لا ما سألته لان اول شي قالوا له حياة ريجنسي ، اذا تبين اتاكد منه باجر واقولج ان شاء الله
عزيزتي الجوري الوردي ساعة بيير كاردان معاها سلسله وقلب صغير وتراجي تصلح هديه ب 26 بس سعر الماركه هذي بروائع جنيف مايقل عن 60 .

 

[جوجو.]

عزيزتي غلاي غير
طلع علينا العرض التذاكر والفندق 3 ليالي 370 انا وزوجي ، اهوه زوجي كان رايح ياخذ العرض بس ما ادري غير الفندق اللي بالعرض او لا ما سألته لان اول شي قالوا له حياة ريجنسي ، اذا تبين اتاكد منه باجر واقولج ان شاء الله
عزيزتي الجوري الوردي ساعة بيير كاردان معاها سلسله وقلب صغير وتراجي تصلح هديه ب 26 بس سعر الماركه هذي بروائع جنيف مايقل عن 60 .

بعد عمري والله سالمية الصراحه أفدتيني

 

[رقي]

جنطه بيبي باث من اي مجمع
وهل فيه محل ديزني

 

[رقي]

ماشفتي محل ديزني هناك