اسعارالولاده بالمستشفيات الخاصة(تم تجميع المواضيع المتشابهه)

[kwaiteyah100%]

مرحبا

موظفين وزارة الكهرباء والماء عندهم خصم 15%..... والباجي مادري عنهم بس تقدرين تتصلين عليهم وتستفسرين

باااااااااااااااااااااي

 

[weekend]

انا توني ولدت بدار الشفا وخذيت الملكي ولأن دخولي كان الفير فقالولي ماراح انطلعج الفير قعدي لي الظهر وصار تقريبا عندي 3 ايام على راحتي من فجر الاثنين الى ظهر الاربعاء
وطلع الحساب تقريبا 880

ما عليج أمر ممكن توضحين أكثر هذا السعر يشمل الدكتورة من برة ولا داخل المستشفى
وانتي خذيتي غرفة ولادة خاصة ولا لا؟
طلبتي السيرفس منهم؟
ولا هذا بس سعر الغرفة والولادة؟
لأني انشالله ناوية أولد بالملكي ودكتورتي من برة

 

[أمة2006]

عيوني ان شاء الله اوضح

دكتورتي دلال السالم يعني من بره بس احسابها نفس دكاترة الشفا فهذا السعر يشمل الولادة مع الدكتورة والغرفة وطلبت سيرفس من المستشفى نفسه ( وحدة هندية كانت اشطر من الفلبينية) طلبتها ليومين اعتقد كانت اليومية 15 دينار بس ما ولدت بغرفة خاصة لا بجناح الولادة العادي وكان مناسب لكن اذا تبين غرفة خاصة زيدي 60 دينار للحسبة

تقريبا اغلب الدكتورات نفس سعر دلال السالم وحتى ناهدة العلي مثلا نفس السعر .

يالا تولدين بالسلامة ان شاء الله ويسهل عليج

 

[weekend]

أمة 2006
مشكورة يا قلبي ويعطيج العافية

 

[رمانة حمرا]

سلام عليكم انا عضوة يديدة وحبيت اشارك
انا بصراحة راح اولد اول الشهر لان قيصرية وبحجز بدار الشفاء والاسعار بالضبط ما اعرفها لان دكتورتي من برة ماجده اليتامى وفيني توأم

 

[أبيار الكويت]

مرحبا

موظفين وزارة الكهرباء والماء عندهم خصم 15%..... والباجي مادري عنهم بس تقدرين تتصلين عليهم وتستفسرين

باااااااااااااااااااااي

اشوه عاد انا بالكهرباء خخخخ
تسلمين كويتيه

 

[ام عفاف الكويت]

الهادي تخفيضاته 15 بالميه

للدفاع
الداخليه
الكهرباء
وناوين التربيه

 

[HairSpray]

السلاام عليكم

انا ولدت السنه اللي طافت

وبالنسبه لتجربتي مع المستشفيات طويله لوول

يعني انا كنت مصممه ابي المواساة

بس مارسيت على دكتوره

لأن ما ارتحت على دكتوره

و دكاترة المواساة كلهم راحو

صار في وحده جديده فرجينيا


استمريت معاها الأشهر الأخيره

قلت عالأقل هذي بالمستشفى واضمن لي

قبل لا اولد بجم يوم

قررت اولد برويال حياة

طبعا عقب ما افتريت عالمستشفيات و شفت غرفهم و اسعارهم


يوم الولاده قالو لي اللي عندنا دكاتره امل عبدالعزيز ووحده ثانيه مو ذاكرتها

وطلعت اختي تعرفها

فقلت مو لازم فرجينيا اصلا محد مجربها

وامل عبدالعزيز خبره بمستشفى الفرزانيه 20 سنه مشالله

يعني شافت العجب العجاب

فتوكلت على الله و قلت ابي تولدني امل


حسيت براحه معاها

انها ثقه


صج ان اخر شي جتني لما خلاص البيبي بيطلع


يعني ان مو قاعده معاي الوقت كله

بس اعتقدت ان حالها حال اي دكتوره


المهم

المستشفى كان روووعه

و الممرضات رووعه


الأكل كان توب الغرفه توب كل شي فيه توب


حييل حييل ارتحتلهم

طلعت ولادتي ب 660 الغرفه العاديه

بس اهي كشخه و حلوه مو نفس المستشفيات الباجيه


زادو علي 80 دينار تقريبا

زيارة دكتور و ادويه


عاد حسبوها

بس ابي اسأل تغيرت اسعارهم ؟؟

لأن في مشاريع قادمه انشالله

كل الدكاتره يجون عالأخر و الا يقعدون معاكم كل الوقت ؟؟

شكرا

 

[Brounzi_girlly]

آنا قبل جم اسبوع رحت رويال حياة صراحة مارتحت له ماحسيت فيه هيبة مستشفى
والتساهيل من رب العالمين
مع التحية.........................

 

[حور العيون]

السلام عليكم انا ولدت مستشفى العرف بجناح الجوهره الملكي صراحه روعه وسعره 780 ومعامله السسترات مثل خواتي والكل يبتسم لك

 

[سندريــــلا]

بنات منو ولدت بالمواساة وكانت دكتورتها من برا ؟

وكانت ماخذه جناح مو الغرفه العاديه

وجم طلع عليها ؟

 

[Mar Mar]

انا ولدت بالمواساة بالغرفة ال N.vip و دكتورتي من بره فوزيه القطان و طلع علي 1184

 

[ام عفاف الكويت]

توني سأله الهادي
الغرفه الهادي اكبر غرف المستشفى ب 300 الليله
الامبراطوري والملكي 160 الليله
السويت يبدأ من 70وينتهي ب 150
الغرفه العاديه تبدأ من 25 تنتهي ب 65
الاسعار غير شامله الادويه والولاده بس سعر الغرفه

 

[سندريــــلا]

انا ولدت بالمواساة بالغرفة ال N.vip و دكتورتي من بره فوزيه القطان و طلع علي 1184

مشكووووره مارمار عالافاده

عاد نفس الغرفه اللي ابيها N.vip اهيا من غير سعر الدكتوره 800

تسلمين

 

[je t'adore]

بنات عفية ابي اسعار السلام

اللي تعرف خل ترد ناطرتها واطون شاكرة لها

 

[كتكوته551]

مستشفى الهادي عنده خصم لوزارة التربية من زمان

 

[فتحووه]

انا توني والده بالسلام طبيعي وكل شي ولله الحمد طبيعي والبيبي مافي شي ماخذه الغرفه الملكي عقبها السلام اكبر شي وطلعنا دافعين 890

 

[مبدعة]

بنات منو تعرف اسعار مستشفى السلام طبيعي و قيصريه

 

[فنر الايمان]

بنات اللي مجربه كمام رويال حياة تقولي قوي ولا حسيتي بعوار الطلق

 

[je t'adore]

هاي بنات​

اللي بيولدون بالمواســـــــــــــــــــاة

اليوم رحت وكنت بزور بنت عمتي والدة وماخذة الجونيور سويت.....
فقلت دام اني وصلت لازم اييبلكم آخر الأسعار

وكل سعر زيدوه ((100))...هالإمية حق التأمين على أي دوا أو تحاليل ممكن إنتي والبيبي تحتاجونها....بس يخصمونها منها والباقي يرجع لج......اللي أعرفه ان ابرة الظهر((80))


اي طبيب من برة بحدود200-300

الشفط أظن 50


الغرفة العادية:
الولادة الطبيعية((وطبيبهم))=344
الولادة القيصرية((وطبيبهم))=743
الولادة الطبيعية بدون طبيبهم=350....


جونيور سويت
الولادة الطبيعية((وطبيبهم))=435
الولادة القيصرية((وطبيبهم)=940
الولادة الطبيعية بدون طبيبهم=450


غرفة في آي بي
الولادة الطبيعية((وطبيبهم))=555
الولادة القيصرية((وطبيبهم))=1.180
الولادة الطبيعية بدون طبيبهم=600


غرفة إن. في آي بي
الولادة الطبيعية((وطبيبهم))=765
الولادة القيصرية((وطبيبهم))=1.600
الولادة الطبيعية بدون طبيبهم=800


فلورال سويت
الولادة الطبيعية((وطبيبهم))=1.215
الولادة القيصرية((وطبيبهم))=2.500
الولادة الطبيعية بدون طبيبهم=1.300


آرماني سويت
الولادة الطبيعية((وطبيبهم))=1.815
الولادة القيصرية((وطبيبهم))=3.700
الولادة الطبيعية بدون طبيبهم=2000


جولد سويت
الولادة الطبيعية((وطبيبهم))=2.215
الولادة القيصرية((وطبيبهم))=4.500
الولادة الطبيعية بدون طبيبهم=2.400


ملاحظة:الولادة الطبيعي=إقامة يومين...................القيصرية=إقامة4أيام​

:tek: