هل لديكم طفل يعاني من التوحد- خلونا نتجمع

[Emanova]

السلام عليكم ورحمة الله وبركاته
شي حلو انكم مسوين تجمع حق التوحد بالمنتدى
انا اخوي مريض بالتوحد
بس اخوي الحين ريال مو طفل عمره قريب ال20
انا الكبيره واهو اللي وراي على طول مابينا شي يمكن سنه ونص
طبعا على ايامه ماكان العلم نفس وضعه الحين يعني مافي ذيك الثقافه والتفتح على الامراض
بس بطفولته كان يبين عليه غير عن اليهال .. من الاربعين كان بس يبجي بجي بجي وماينام من كثر البجي اللي امي وابوي كانو يضطرون يطلعونه بالسياره ويفترون فيه بس عشان يرتاح وينام لانهم كانو مجربين معاه كل الطرق وماكو فايده
بعدين لما بدا يكبر ماكان يندمج مع احد من اليهال وعلى طول بروحه صعب انه يقعد مع باجي اليهال وماكن يتحجى ويحبي وراسه بالارض
يمكن اهلي درو انه فيه المرض لما صار عمره3 سنين
مع الوقت لاحطنا فيه هوايه انه يحب الترتيب والتجميع يعني كان اييمع السيارات الصغار تذكرونهم؟ يشتري واااايد ويرصهم بالصاله على شكل مستقيم واللي فيه خير يخرب ترتيب السيايير يعفس الدنيا
وهم كان يحب يرتب السياييد بالصاله يرتبهم يم بعض بخط مستقيم واذا حبله شريط شريط او بباي يجلب فيه ومايغيره
المهم .. لما كبر وديناه مدرسة خليفه بس عيبهم انهم يحطون وايد يهال بصف واحد وهذا غلط لذوي الاحتياجات الخاصه وبالاخص التوحد يعني كان يرد البيت وهو معصب ومتنرفز .. عاد واحد من الاساتذه اللي درسوه كان وايد زين يعني اخوي حل ارتاح له وبين عليه التغيير بس على حظنا هلاستاذ هد المدرسه بعد فتره وراح بيت لوذان .. لي فتره كان عندهم مثل برنامج اببيت لوذان حق اطفال التوحد من العصر لي 8 بليل والحمدلله هالاستاذ راح هناك فودينا اخوي بس هم مع الوقت هد المكان وجنه الحين بطلو يسوون هالبرامج
بغينا ندخله مدرسة الكويت للتوحد بس قالو مانقبله لان عمره حزتها كان 12 او 13 وهم ماياخذون اعمار كبيره وماكان في مكان غير مدرسة خليفه اللي ماستفاد منها
بس من جم سنه سمعنا عن مخيم اب لينان- بعلبك مخيم فيستا للي فيهم توحد وقمنا نوديه يروح هناك مثلا شهر او شهرين ويرد الكويت هم ب شهر ولا شهرين بس بصراحه حييييييل مستفيد من المخيم
الحلو بهالمخيم ان العدد قليل وكل طالب او طالبين لهم مدرس ومساعد يعني معطينهم الاهتمام الكافي ومكانهم صاير ابمزرعه ويجابلون المريض من يقعد من النوم لين ينام وينطمون يومهم يعني يريقونهم ويشغلونهم بالمزرعه بعدين عندهم وقت حق الاعمال والحرف ووقت حق الطلعه وشغل مرتب
مميزات المكان انهم يهتمون بالمريض ويراعونه وينطمون اكله وانتو تدرون نظام الاكل حيل ياثر على مريض التوحد واذا كان عصبي تلقونه صار هادي نفس حالة اخوي
بس عيب المكان ان الاهل حيل يتعبون من فراق الولد يعني لو يسوون مكان جذي بالكويت واااايد زين بس وين
ماحس ان اكو اهتمام هن بمرضى التوحد ماكو مراكز ماكو دورات وبرامج عشان جذي برا احسن ..

يصبرنا مثل ما الله صبر اهلج ...

لو تقولين لنا عن تجربه اهلج معاه لما بلش يبلغ ....و سن المراهقه اشلون كانت المشاكل و ياه و شلون تعاملتم معاه؟!؟!

 

[ريحانة_14]

السلام عليكم ورحمة الله وبركاته
شي حلو انكم مسوين تجمع حق التوحد بالمنتدى
انا اخوي مريض بالتوحد
بس اخوي الحين ريال مو طفل عمره قريب ال20
انا الكبيره واهو اللي وراي على طول مابينا شي يمكن سنه ونص
طبعا على ايامه ماكان العلم نفس وضعه الحين يعني مافي ذيك الثقافه والتفتح على الامراض
بس بطفولته كان يبين عليه غير عن اليهال .. من الاربعين كان بس يبجي بجي بجي وماينام من كثر البجي اللي امي وابوي كانو يضطرون يطلعونه بالسياره ويفترون فيه بس عشان يرتاح وينام لانهم كانو مجربين معاه كل الطرق وماكو فايده
بعدين لما بدا يكبر ماكان يندمج مع احد من اليهال وعلى طول بروحه صعب انه يقعد مع باجي اليهال وماكن يتحجى ويحبي وراسه بالارض
يمكن اهلي درو انه فيه المرض لما صار عمره3 سنين
مع الوقت لاحطنا فيه هوايه انه يحب الترتيب والتجميع يعني كان اييمع السيارات الصغار تذكرونهم؟ يشتري واااايد ويرصهم بالصاله على شكل مستقيم واللي فيه خير يخرب ترتيب السيايير يعفس الدنيا
وهم كان يحب يرتب السياييد بالصاله يرتبهم يم بعض بخط مستقيم واذا حبله شريط شريط او بباي يجلب فيه ومايغيره
المهم .. لما كبر وديناه مدرسة خليفه بس عيبهم انهم يحطون وايد يهال بصف واحد وهذا غلط لذوي الاحتياجات الخاصه وبالاخص التوحد يعني كان يرد البيت وهو معصب ومتنرفز .. عاد واحد من الاساتذه اللي درسوه كان وايد زين يعني اخوي حل ارتاح له وبين عليه التغيير بس على حظنا هلاستاذ هد المدرسه بعد فتره وراح بيت لوذان .. لي فتره كان عندهم مثل برنامج اببيت لوذان حق اطفال التوحد من العصر لي 8 بليل والحمدلله هالاستاذ راح هناك فودينا اخوي بس هم مع الوقت هد المكان وجنه الحين بطلو يسوون هالبرامج
بغينا ندخله مدرسة الكويت للتوحد بس قالو مانقبله لان عمره حزتها كان 12 او 13 وهم ماياخذون اعمار كبيره وماكان في مكان غير مدرسة خليفه اللي ماستفاد منها
بس من جم سنه سمعنا عن مخيم اب لينان- بعلبك مخيم فيستا للي فيهم توحد وقمنا نوديه يروح هناك مثلا شهر او شهرين ويرد الكويت هم ب شهر ولا شهرين بس بصراحه حييييييل مستفيد من المخيم
الحلو بهالمخيم ان العدد قليل وكل طالب او طالبين لهم مدرس ومساعد يعني معطينهم الاهتمام الكافي ومكانهم صاير ابمزرعه ويجابلون المريض من يقعد من النوم لين ينام وينطمون يومهم يعني يريقونهم ويشغلونهم بالمزرعه بعدين عندهم وقت حق الاعمال والحرف ووقت حق الطلعه وشغل مرتب
مميزات المكان انهم يهتمون بالمريض ويراعونه وينطمون اكله وانتو تدرون نظام الاكل حيل ياثر على مريض التوحد واذا كان عصبي تلقونه صار هادي نفس حالة اخوي
بس عيب المكان ان الاهل حيل يتعبون من فراق الولد يعني لو يسوون مكان جذي بالكويت واااايد زين بس وين
ماحس ان اكو اهتمام هن بمرضى التوحد ماكو مراكز ماكو دورات وبرامج عشان جذي برا احسن ..

من 4 سنوات وإحنا نحاول نفتح مركز خاص حل الإعاقات من 15 سنة وفوق لكن ........

ماخلينا وزارة .. ماخلينا عضو .. ماخلينا وزير .. ماخلينا كتاب ماكتبناه حق الشؤون والا التربية وووو

والجواب واجد ... عندنا مراكز التأهيل المهني ومكتفين ومانبي مركز يديد وما يشوفون المعاقين للي في البيوت

 

[الرهيييفه]

اقول حق كل ام عندها طفل معاق او توحد

اجر انشاء الله

انا عندي بنت عمرها 8 معاقه وعندها مشاكل بالبلع والكلام والحركة
من كان عمرها ثلاث شهور وانا مبلشه العلاج الطبيعي ماخليتها ومواعيد ومستشفيات
بعد سافرنا التشيك علاج وعمليات واحمد الله بعد المعاناة والتعب بدت تتغير وتخطي
والحمدلله على كل حال

 

[Emanova]

اقول حق كل ام عندها طفل معاق او توحد

اجر انشاء الله

انا عندي بنت عمرها 8 معاقه وعندها مشاكل بالبلع والكلام والحركة
من كان عمرها ثلاث شهور وانا مبلشه العلاج الطبيعي ماخليتها ومواعيد ومستشفيات
بعد سافرنا التشيك علاج وعمليات واحمد الله بعد المعاناة والتعب بدت تتغير وتخطي
والحمدلله على كل حال

الله يآجرج و يآجرنا و يصبرج و يصبرنا ....و يساعدنا علشان نساعد اعيالنا

 

[ناني سيكرتس]

لا حول ولا قوة الا بالله, هالشي منتشر وايد الحين..

الله يصبرنا ويصبر كل ام عندها ولد او بنت معاقه باي نوع من الاعاقات..

 

[Miss_Hopless]

مرحبا بنات اشلونكم شخباركم حدي ولهانه عليكم والله بس شسوي الدنيا تلاهي. اليهال دخلتهم الخرافي بس مادري مو حاسه انهم مستفيدين لانه مجرد رعايه لا اكثر وعزوز كله مستمرض التكييف بارد والاخ يمشي حافي ويلعبونه بالماي مع اني جم مره اقولهم بس ماكو فايده لانه يصرخ عليهم وصاير وايد عنيد مادري ليش. عشقه الاول والاخير التلفزيون شلته من غرفتهم صار عصبي ووايد زعلان والله احس انه اكتئب لمده اسبوعين بس ماقدرت اتحمل اشوفه جذي رديته الصبي تغير بس خايفه من كثر مايجابل التلفزيون. شورو علي شسوي واكلهم مو لي هناك ماقامو ياكلون وانا وايد تعبانه ومتضايقه من وضعهم احس مو قادره اسوي معاهم شي وصلت لمرحله اني استسلمت ماني عارفه اشلون اتصرف او اتعامل معاهم والله مره فكرت اذبحهم واذبح نفسي استغفر الله من كثر ماطقت جبدي وريلي مايقصر بتكسير المجاديف اي شي يسوونه اليهال يقولي كله منج ماتعلمينهم ماتسوين ماتحطين زهقت هالشي فوق طاقتي والله ((((

 

[ضي2007]

مرحبا بناااات

مشكورين على هالتجمع الأكثر من رااااااائع

بس عندي استفسار يا ليت تفيدوني فيه .. معاي صديقتي بالدوام عندها بنت عمرها سنه وشهرين تقول عنها عسره

اتأذيها لمن تنااام و ماتنام براحه .. وفي شغله قالتها ان البنت ما مشت تقول بعض الكلمات لكن ماتقول كلمة ماما

وتقول اذا ودتها ازواره وشافت ناس واااايد يعني حريم وايد تقعد البنت تبجي حيييييييييييييييل فصديقتي توديها

أي مكان هادي عشان تسكت وتقول وتتم طول اليوم متعومسه وعسره وحتى نومتها بعساره .. فهل هذي أعراض

التوحد؟؟.. أنا ودي أقولها عرضيها على دكتور بس أخاف صديقتي ما تقبل .. ومشكورين

 

[خاشووقه]

خوش موضوع يسلموو

 

[سنع ومنع]

مرحبا بناااات

مشكورين على هالتجمع الأكثر من رااااااائع

بس عندي استفسار يا ليت تفيدوني فيه .. معاي صديقتي بالدوام عندها بنت عمرها سنه وشهرين تقول عنها عسره

اتأذيها لمن تنااام و ماتنام براحه .. وفي شغله قالتها ان البنت ما مشت تقول بعض الكلمات لكن ماتقول كلمة ماما

وتقول اذا ودتها ازواره وشافت ناس واااايد يعني حريم وايد تقعد البنت تبجي حيييييييييييييييل فصديقتي توديها

أي مكان هادي عشان تسكت وتقول وتتم طول اليوم متعومسه وعسره وحتى نومتها بعساره .. فهل هذي أعراض

التوحد؟؟.. أنا ودي أقولها عرضيها على دكتور بس أخاف صديقتي ما تقبل .. ومشكورين

مادري أختي بس مو كل شي نقول عنه توحد .. أحس هذي عسارة ياهل .. وطبعا اعراض التوحد من ياهل لي ياهل يفرق حيل .. و في ناس يكون معاهم خفيف ..
بنت اخوي نفس الاعراض اللي تتكلمين عنها واسم الله عليها عسسسسسرة للحين عمرها 5 سنين ومطلع عيون امها وابوها .. بس مافيها لا توحد ولا شي .. كانت بالزوارة تبجي وتخاف وتصرخ وتصك اذونها .. وااااايد تستاحش من الناس .. والحين كاهي اسم الله عليها مرة ..
يمكن يكون في بنت رفيجتج اعراض اكثر من جذي بس اهيا مو ملاحظتها أو عندها هالشي عادي ..
يعني في اعراض يمكن الواحد تمر عليه ويعتقد انها تصرفات طفل طبيعي أو ان الياهل قاعد يلعب بس السالفة لأ .. تكون اعراض توحد .. مثل مشي الياهل على اطراف اصابعه .. صفة في اطفال التوحد وهم ممكن يسويها طفل طبيعي .. رفرفة الايدين .. وايد ناس عبالهم الولد مستانس وهذي طريقة تعبيره ..
من رايي تقولين لها وتنبهينها لو شوي شوي .. عشان لا سمح الله لو في شي تتلاحقة مبجر .. وان شاء الله ما يكو فيها شي .. ولا تشوف اللي قاعدين نشوفه ..

 

[ضي2007]

سنع ومنع حبيبتي يعطيج ألف عافيه تسلمين ومشكوره عالرد

بشوف طريقه وأقولها عشان تطمن بس..

 

[wathoo7a]

مس هبوبلس ,,,ما أنزل الله من داء إلا وأنزل له دواء,,,,والنعم بالله ,,,لاتيئسيين من رحمة الله وهذا إبليس يوسوس لج فتعوذي منه,,,,وأنا والله حاسه بشعورج بس عقب ما تيمعت مع البنات ناني سيكرت وسنع ومنع وريحانه حسيت إني مو بروحي وإنه في ناس تحس باللي أقوله وتفهمني,,,,,علشان جذي أنا قاعده أقول وأضم صوتي لصوت البنات إنه إحنا لازم نسوي قرووب نلتقي على الإقل إسبوعيا في كافيه نفضفض ونتعلم ونفس ما قالت سنوعه نقرا كتب ونعلم بعض ومنها شوية وقت حق نفسنا:gathering:

 

[سنع ومنع]

مرحبا بنات اشلونكم شخباركم حدي ولهانه عليكم والله بس شسوي الدنيا تلاهي. اليهال دخلتهم الخرافي بس مادري مو حاسه انهم مستفيدين لانه مجرد رعايه لا اكثر وعزوز كله مستمرض التكييف بارد والاخ يمشي حافي ويلعبونه بالماي مع اني جم مره اقولهم بس ماكو فايده لانه يصرخ عليهم وصاير وايد عنيد مادري ليش. عشقه الاول والاخير التلفزيون شلته من غرفتهم صار عصبي ووايد زعلان والله احس انه اكتئب لمده اسبوعين بس ماقدرت اتحمل اشوفه جذي رديته الصبي تغير بس خايفه من كثر مايجابل التلفزيون. شورو علي شسوي واكلهم مو لي هناك ماقامو ياكلون وانا وايد تعبانه ومتضايقه من وضعهم احس مو قادره اسوي معاهم شي وصلت لمرحله اني استسلمت ماني عارفه اشلون اتصرف او اتعامل معاهم والله مره فكرت اذبحهم واذبح نفسي استغفر الله من كثر ماطقت جبدي وريلي مايقصر بتكسير المجاديف اي شي يسوونه اليهال يقولي كله منج ماتعلمينهم ماتسوين ماتحطين زهقت هالشي فوق طاقتي والله ((((

حبيبتي hopless .. صدقيني كلنا قاعدين نمر باللي انتي تمرين فيه .. كل وحدة منا قاعدة تعابل من صوب .. انا من رايي ان ما تشيليين منه التلفزيون مرة وحدة اذا اهوا متعلق فيه وايد .. طبعا انا مو دكتورة ولا مختصة بس اقولج اياها كرأي أم .. مو الأفضل انج تكلمين مختص يقولج شلون تتعاملين بالضبط .. عشان انتي لا تتعبين واهوا لا يتعب .. تصدقين كل المختصين اللي كلمتهم قبل لا أدري ان ولدي فيه توحد واقولهم ان ولدي وايد يطالع التلفزيون كلهم كانو يقولون لي عادي وخليه يطالع التلفزيون شنو المشكلة انا طقتني البوهة ... كلهم قالولي خليه بالاجماع .. وانا في بالي ان التلفزيون يضر ما ينفع !!!!! هذا كان راي المختصين !!!!!!!!!
بعدين تعوذي من ابليس .. ما يصير تستسلمين جذي .. واااااااااايد يهال فيهم توحد وتشافوا أو تحسنت حالاتهم واااااايد وصارو أحسن .. انا دايما افكر واقول بيني وبين نفسي مدام في يهال تحسنوا ولدي راح يتحسن .. وانا وراه والزمن طويل :23_asmilies-com: مدام فيه علاج وناس قاعدة تبحث وادور علاج .. ان شاء الله راح يتعالج ..
وصدقيني صدقيني صدقيني القعدة مع البنات ومجرد السوالف تدرين شكثر تقطين حمل فيها :gathering:
تستفيدين وتفيدين هذي جربت مع ولدها جذي .. هذي تقولج لا والله جربي جذي .. تدرين شكثر شكثر شكثر استفدت من حبيبتي اختي emanova وهمسات ليالي .. والله ما قصروا ..
وبعدين والله هذا اصلا نوع من العلاجات في امريكا بس للاسف هني مثل مانتي شايفة ... يالله المهم الواحد لقاله احد معاه على نفس المركب .. الله يعافي اختنا Emanova وياجرها ان شاء الله لوما الله سبحانه وجهدها ما تجمعنا ولا عرفنا بعض ....
واحنا موجودين حبيبتي لأي شي تحتاجينه وتبينه لا يردج الا لسانج

 

[wathoo7a]

سنع الحمدلله على السلامه تو مانورت الكويت:q8: شلوون حمودي مع الحضانه؟ تصدقين لج وحشه شي مو طبيعي:friends: وتصدقين مثل ما هديتينه تلقينه ما تحركنا ولا خطوه جدام ولا التقينا مع أحد وأنا قاعده أحس أنه محد له خلق لقاءات لانه أنبح صوتي وأنا أقول خل نتلاقا يلا لدرجه أحس إن الكل يبي يتواصل عن بعد,,,وصراحه إنتب تبردين الجبد فهمتج معاي خنحرك الماي شوي وإلا شرايجoster_av1:

 

[ناني سيكرتس]

شقراء السيف اقصد وضوح خفي علينا شويه حبيبتي,ادري قطعت عنكم بس كان عندي مخيم عسكري ببيتي, بو العيال مسافر وانا الي ماسكه دفة البيت..

 

[Miss_Hopless]

مساء الخير جميعا اشلونكم شخباركم حبيبتي سنع ومنع صدقيني انا محتاجه حق هاليمعات لاني صج متضايقه وقاعده بجو كله مشاكل ولويه وصراخ ونجره ابي الهدوء والناس اللي تفهم وتقدر
انا اقول ان التلفزيون مايضر بس ابوه مايهتم حق كلام احد شاله منه وعليه كسر خاطري حزتها عاد تصدقين مرات لما يطالع التلفزيون يقول كلمات اللي يسمعها وحدي استانس اقول عالاقل اسمعه ينطق لما يجابل التلفزيون
الله يكتب اللي فيه الخير والصالح
والله عاد حدي ولهانه عليكم
عسى الله يشافي عيالي وعيالكم ومايضيع اجرنا
قولو آمين

 

[Emanova]

قيت موضوع عن الدكتوره ليلى العياضي اللي تصير للاخت همسات الليالي و عالجت اعيالها

اتمنى ان يفيدكم ...معلوماته وايد حلوه

[

س \ بداية اسمحي لي دكتورة ليلى العياضي بان أستفسر عن السر أو السبب
وراء اهتمامك بمجال التوحد و أمراض الطيف التوحدي عموماً؟؟


اول سبب/
هو سبب اجتماعي حيث اصيب اثنين من اقربائي بنوع من انواع التوحد وخص واحد منهم بانه متخلف عقليا ايضا ولكن باصرار الام وتثقيفها لنفسها تعافى الطفلين الى مستوى اكثر من الطبيعي
السبب الثاني/ حبي وتعلقي الشديدين لهؤلاء الاطفال لقناعتي انهم يفهمون ويحسون ولاكن لابد من مد ايدينا لهم لمساعدتهم على الخروج من الدوامه المغلقه
.
.

.
.

س \ دكتورة ليلى العياضي, نتمنى أن نحظى منك بتعريف علمي دقيق و مبسط عن مصطلح التوحد؟؟


هو حاله من حالات الاعاقه النمائيه التي تؤثر على طريقه استيعاب المخ للمعلومات ومعالجتها
- تؤدي الى حدوث مشاكل في اتصال الفرد بمن حوله واضطراب في اكتساب مهارات التعلم والسلوك الاجتماعي
- تظهر خلال السنوات الاولى من عمر الطفل في1 من كل 166 طفل
- 4 الى 1 نسبه الاولاد الى البنات
- هذا النوع من الاعاقه موجود في جميع انحاء العالم وبين كل العائلات بجميع طوائفها العرقيه والاجتماعية.
.
.

.
.
س \ متى يتم تشخيص التوحد؟؟


- عاده ما يتم التشخيص بعد الشهر ال 36 من عمر الطفل ويتم من قبل مجموعه من المتخصصين وعلى عده جلسات
- اعراض التوحد:
1- ضعف العلاقات الاجتماعيه
2- ضعف الناحية اللغوية
3- النشاطات المتكررة.
.
.

.
.

س \ هل هو صحيح أن هناك حالات لأطفال أصيبوا بالتوحد بعد فترة نمو طبيعية استمرت لــ (2-5سنوات)..
أم أنها مجرد حالات توحد لم يتم التعرف عليها منذ البداية؟؟
توجد نوعيه من الحالات التي يكون فيها نمو الطفل طبيعي ومن ثم يحصل الانتكاس بالنمو العقلي للطفل وهو التوحد الغير كلاسيكي
\
اما التوحد الكلاسيكي وهو ظهور علامات التوحد من الولاده
/
انواع التوحد- التوحد الطفولي المبكر الكلاسيكي
- متلازمه رت
- متلازمه اسبرجر
- فرط النشاط وقله الانتباه
- قله الانتباه
.
.

.
.

س \ ما هي نسبة انتشار التوحد في المملكة العربية السعودية؟..هل من إحصائيات محددة؟؟
.لاتوجد احصايات موثوقه ولكنها حوالي واحد طفل توحدي لكل 66 طفل طبيعي وتعتبر مرتفعه جدا
.
.

.
.

س \ أحد مجالاتك التخصصية هو Biomedical Intervention of Autism Spectrum Disorders ...ما هو
الــBiomedical Intervention و ماهو المصطلح المرادف في اللغة العربية؟؟
علاج التوحد بالتدخلات الكيمياءيه الطبيه الحيويه ومن المهم جدا ان انوه انه لايؤمن الكثير من الاطباء بهذهالطريقه لعلاج التوحد حيث يعتبروه خلل غير قابل للعلاج ولكنني اوءمن مهه الطريقه وهي مفيده لنوعيه من الحالات وليس جميعها .
.
/COLOR]


قامت الدكتورة ليلى العياضي باجراء دراسة دامت 18 شهراً اشتملت على 77 طفلا توحديا سعوديا
تراوح أعمارهم بين ثلاث سنوات و11 سنة
أثبت من خلالها امكانية علاج التوحد
\\\
نترك لها دفة الحديث لتخبرنا عن هذه الدراسة
و عن النتائج التي توصلت اليها
.
.

.
.


الهدف من الدراسه
- الهدف هو اختبار النظريات المختلفه المتعلقه بتفسير حدوث التوحد في منطقه الرياض
- جميع الفحوصات تمت بمختبرات كليه الطب واقسام الدراسات العلميه - جامعه الملك سعود(في المملكه العربيه السعوديه)




في هذه الدراسه تم قياس:
1- مستوى المعادن الثقيله في عينات الشعر و مستوى العناصر النادره في عينات الشعر
2- مستوى الدم من بروتينات المخ (الفاسوبرسن والاوكسيتوسين)
3- مستوى الدم من الاجسام المضاده للتطعيمات و مستوي الدم من الاجسام المضاده للبروتين المايليني
5- مستوى الدم من الاجسام المضاده الداله على خلل في هضم ماده الجلوتين في اطفال توحديين ومقارنتها في مستوياتها في اطفال طبيعيين




1- قياس المعادن الثقيله(زيادتها تودي الى خلل في عمليات الجسم المختلفه)
والعناصر النادره (قلتها تودي الى خلل في عمليات الجسم المختلفه)
في عينات الشعر

تم قياس مستوى :

العناصر الثقيلة
الزئبق \ الكادميم \ الفضه \ الزرنيخ \ الرصاص \
الالمنيوم \ الانتيموني \ الباريم \ النيكل
+
العناصر النادره:
الكالسيوم \ الكروميوم \ النحاس \ الحديد \ المنغنيز
سيلينيم \ الصوديوم \ البوتاسيوم \ زنك \ مغنسيوم \ الكوبالت \ المولوبدينم
\\
الزئبق يوجد في
حشوات الاسنان \ البطاريات \ الماده الحامله لفيروس او بكتيريا التطعيم

الكادميم يوجد في
البطاريات \ عجلات السيارات \ بلاستيك \ دخان السجائر

الزرنيخ يوجد في
الاسماك الملوثه \ المبيدات الحشرية \ اصباغ الاخشاب

الرصاص يوجد في
عادم السيارات \ الاصباغ

زيادة المعادن الثقيلة:
كآبه
صعوبات التعلم
اعراض عصبيه
زيادة نشاط
خلل في امتصاص بعض الفيتامينات
خلل في اليه عمل العمليات الحيويه بالجسم
\\
علاقة الزئبق والرصاص و الالمونيوم بخلل جهاز المناعة
ارتفاع نسبه الزئبق والرصاص و الالمونيوم في الجسم يؤدي الى التالي:
- انتاج الاجسام المضادة الذاتية ضد المخ والأعصاب
- قتل بعض خلايا المخ
- خلل في انتاج الغلاف العصبي

النتائج:
- بينت النتائج وجود مستوى عالي من المعادن الثقيله السامه كالزئبق و الرصاص والزرنيخ و الكادميم في الاطفال التوحديين مقارنه بالاطفال الطبيعيين
- والذي من الممكن ان يكون نتيجه التعرض لمثل هذه المعادن الثقيله عن طريق مياه الشرب او عوادم السيارات او الاصباع المنزليه او اسمده النباتات
- ولكن نتسائل ان الاطفال التوحديين ليسو هم الوحيدين الذين يتعرضون لمثل هذه الملوثات
- من الممكن ان يكون التفسير, ان الاطفال التوحديين لديهم خلل في قدره الجسم التخلص من هذه الملوثات وبالتالي تكون النتيجه تراكم هذه المواد السامه بالجسم ومن ثم خلل في العمليات الحيويه
- ومن المحتمل استفاده هؤلاء الاطفال من عمليه ازاله السموم من الجسم
- بينت النتائج وجود مستوى اقل من العناصر النادره مثل الكالسيوم و النحاس و الكروميوم و المنغنيز والحديد والكوبالت في الاطفال التوحديين مقارنه بالاطفال الطبيعيين
- والتي من المحتمل ان تكون نتيجه قله الماخوذ عن طريق الفم

كيفيه ازاله السموم من الجسم
- DMPS (Dimercaptopropane sulfonate)i
- لازاله الزئبق و الزرنيخ و الرصاص و الكادميم و الانتيموني
- DMSA
-EDTA (Ethylen diamine tetra-acetic acid)
- لازاله الكادميم, الرصاص, الباريم , الالمونيوم
- + ALA (alpha lipoic acid)i
- الزنك + فيتامين C, E, B6, B complex, enzyme Q10





2- مستوى الدم من بروتينات المخ (الفاسوبرسن والاوكسيتوسين)
الاكسيتوسين هو
- بروتين عصبي في المخ
- التحكم في التصرفات و العمليات النفسيه
- يسبب تقلصات في الرحم لتسهيل عمليه الولادة
- هناك شك ان تلقي الام للطلق الصناعي يعمل على تثبيط عمل و انتاج الاوكسيتوسين في المخ
- ارتباط الاوكسيتوسين باعتلال العلاقات الاجتماعيه مثل التوحد و الاسائه الذاتيه للجسم والقابليه ل الانتحار
- يسمى هرمون الحب
- انخفاض مستوى الاكسيتوسين في السكتزوفرينيا (انفصام الشخصيه)
وبالتالي علاقه هذا الهرمون بالعلاقات الاجتماعيه
\\
الفاسوبرسين
- بروتين عصبي في المخ و الاعصاب مشابه للاكسيتوسين
- التحكم في سلوك التكاثر
- التحكم في السلوك الاجتماعي
- بينت النتائج الحاليه انخفاض مستوى الاكسيتوسين لدى الاطفال التوحديين مقارنه بالاطفال الطبيعيين
- بينت النتائج الحاليه نسبه اعلى في استخدام الطلق الصناعي عند ولاده الاطفال التوحديين
- وبالتالي من الممكن ان البيتوسين (الاوكسيتوسين الصناعي الذي يستخدم في الطلق الصناعي) ادى الى خلل في مستقبلات الاوكسيتوسين
- او ان الام لديها خلل في افراز الاكسيتوسين وبالتالي تحتاج الى البيتوسين, و ان الطفل قد ورث هذا الشيء
العلاج
\\
طرق لزياده انتاج الاوكسيتوسن بالجسم
- العلاقات الجتماعيه العاطفيه الحميمه
(مثل الضم والحضن و ووضع اليد على الراس و والظغط على الكتف والمسح والظهر مثل المساج)





3- مستوى الدم من الاجسام المضاده للتطعيمات
مستوي الدم من الاجسام المضاده للبروتين المايليني العصبي

-ركز العلماء على احتمال سبب حدوث التوحد هو خلل في جهاز المناعه
حيث يعمل جهاز المناعه ضد الجسم والذي يؤدي الى ان يقوم جهاز المناعه بتدمير اجزاء معينه من الجسم
- ويعتقد ان العامل الاولي المثير في هذه العمليه هي التعرض للفيروسات المعديه
- وبالنسبه لمرض التوحد يعتقد العلماء التعرض للفيروسات عن طريق التطعيمات قد يكون العامل المثير لعمليه خلل جهاز المناعه وخاصه تطعيمات النكاف و الحصبه و الحصبه الالمانيه
\\
تم قياس مستوى الاجسام المضاده في الدم ضد :
- الحصبه
- الحصبه الالمانيه
- النكاف
- البروتين المايليني العصبي
وجود مستوى اعلى من الأجسام المضادة للبروتين المايليني العصبي في الأطفال التحديين مقارنه بالأطفال الطبيعيين
وجود علاقة إحصاءيه أيجابه بين الأجسام المضادة للحصبة والأجسام المضادة للبروتين المايليني العصبي
هذه العلاقة احصائيه ولكن ليس بالضرورة أن تعني هناك ارتباط مؤكد بين الاثنين




4- مستوى الدم من الاجسام المضاده الداله على خلل في هضم ماده الجلوتين

- Anti-gliadin antibodies
- Anti-endomysial antibodies
- Anti-reticulin antibodies
- Anti-transglutamase antibodies

ان الحساسيه ضد الجلوتين تصيب من تنحدر اصوله من اووربا حيث
- تصيب 1 لكل 300 شخص في المملكه المتحده و ايطاليا و السويد واستراليا
- اصابه 1 لكل 150 شخص في ايرلندا
بينما تعتبر نادره في الاعراق الاخرى كالعرب و الصينيين و الافارقه و نادره جدا في اليابانيين
تم فحص 33 طفل فقط
لم يكن هناك أي نتيجه موجبه لوجود اجسام مضاده لجميع الاطفال الذين تم فحصهم
في الاطفال التوحديين والاطفال الطبيعيين
والذي يدل على عدم وجود الحساسيه ضد الجلوتين لديهم
من المهم ان ندرك انه قد تكون الاسباب المؤديه للاصابه بالتوحد متشابهه في جميع انحاء العالم
بينما ترتيب هذه الاسباب على حسب الاهمه في المسبب تكون مختلفه




الخلاصه
- ان التعرض للملوثات البيئيه او الفيروسات في وجود القابليه الجينيه لحدوث الخلل قد تؤدي الى حدوث التوحد




ماهو المهم الان
- علاج كل طفل على حسب النتائج التى تم التوصل اليها
- ازاله السموم
- اعطاء البدائل المعادن النادره والفيتامينات
- اعطاء الادويه التي من الممكن ان تسيطر بجهاز المناعه مثل ( الكلوسترم, السفينغولين,transfer factor)
- اعطاء بعض انزيمات الهضم المساعده
- القضاء على اى عدوى مزمنه في جسم الطفل (بكتيريا , فيروس, فطريات)
- بالاضافه الى التدخلات التربويه اللفضيه الوظيفيه العلاجيه الاخرى المهمه






هناك طفل توحدي لكل 166 طفل عادىو ويعتبر التوحد من اكثر الاعاقات نموا في العالم وليس في المملكه العربيه السعوديه فقط. والشيئ الجيد بالنسبه للطفل التوحدي انه بالتشخيص المبكر والعلاج المبكر المناسب في وجود البيئه المناسبه قد يتحسن (باذن الله). وابالرغم من اننا نعيش في دوله تعتبر من اغنى دول العالم وتقدم الكثير من الخدمات المجانيه للشعب بما في ذلك الخدمات الصحيه, ولكن من المؤسف ان ان ندرك حقيقه عدم وجود اى مراكز حكوميه مجانيه تقدم خدمات تشخيصيه علاجيه في جميع انحاء المملكه.




.

س \ بناءاً على هذه الدراسة, هل من تحسن ملحوظ في حالاتهم؟؟ كيف؟؟ من ناحيه النطق والتواصل البصري واللفظي والاجتماعي

.
.

.
.

س \ هل تم تطبيق نتائج هذه الدراسة فعلياً على أشخاص مصابين بالتوحد؟؟ و هل امكانية التطبيق متوافرة في المملكة حاليا؟؟
تم تطبق العلاج بصوره محدوده بسبب عدم توفر المراكز المتخصصه .
.
.

.
.

س \ بالنسبة لبعض الأساليب العلاجية المتبعة حاليا.ما هو الأسلوب الأفضل أو الأنجح؟؟
البروتوكول العلاجي يجب ان يكون متكامل علاجي طبي حيوي وعلاج
النطق والعلاج الوظيفي والعلاج النفسي وطرق التربيه الخاصه للتعليم
والدعاء والدعاء ثم الدعاء والتقرب الى الله
.
.

.
.
أشكر لك
دكتورة ليلى العياضي
هذا الحوار القيم
أنت فخر لنا بكل ما تحمله الكلمة من معاني
أتمنى لك المزيد من التقدم


اتمنى ان يفيدكم

 

[wathoo7a]

عجيييييييييييييييييييييييييييييييييييييييييييب الموضوع ياإيمان وجزاج الله عنا كل خيييير,,,,نانيييييي شخبااااااااااااااااااااااااااااارجججججججججججججججججج يبا خلاص ماني مسويتلج دعايات:tomato2: بس بروح مجمع الأيوب وأفك روحي:dddds: وتدرين ليش قاعده أزيد العيار علشان ولهاااااااااااااااااااااااااااااانه عليكم:sfg: وعشان رمضان ياي والمدارس والعيد ووايد أشياء عشان جذي أقول هالأيام لازم نستغلها إن الله راد وإنتو حرييين أنا مليش دعوه :bbbiu:

 

[out of reach]

بنات انا ماعندي خلفيه كبيره عن المرض بس بقول لكم كل شي باجره

وكل شي من الله حلو..

واهم شي بنظري انكم ماتخلون الطفل معزول.. لازم يختلط ويكتسب مهارات باي صوره ممكنه...

وعسى الله يخليهم لكم ويخليكم لهم..

هذيلا بركه.. باجر اذا كبرو راح تشوفون شلون

 

[wathoo7a]

أم هيا من صجج؟ والله الواحد ما يدري يثق بمنو وإلا منو؟بس طلعت خيرة خيتووو:yaaaaaarb:

والحمدلله إني ما أستعيلت ودقيت وجزاج الله خير على التنبيه:tek::eh_s(7):

 

[سارونهh_a_z]

على طاري اخصائي النطق


ابي اخصائي زين


؟؟؟؟؟؟؟؟؟؟؟؟؟؟؟؟؟؟؟؟؟؟


وابي اسوي حق ولدي فحص السمع والنطق ابي عيادة خاصة لانه الحكومة وااااااااااااااااايد مواعيدهم طويلة


فالي تعرف بليز تقولي​