دكتوره بنتي وزنها 6 كيلو وعمرها 7 شهور حتى ما تقعد ولا تحبي وديتها الدكتور جان يقول وزنها ناقص كيلو بالنسبه حق عمرها والله العالم ... بس ابي تشخيصج دكتوره واكون شاكره لج
حبيبتي
بنتج ناقصة بس 200 جرام عن الطبيعي
بالنسبة لعمر 7 شهور
الوزن الطبيعي يكون بين
6.200 كيلو - 9 كيلو
و هم يعتمد بعد على وزن الولادة
اذا كان اقل من 3 كيلو يكون الوزن الى حد ما قليل الى عمر سنة
هذا بالنسبة لوزن
الحين بالنسبة للقعدة : الطفل الطبيعي يقعد بروحه بين عمر 6 - 9 شهور
و بنتج عمرها 7 شهور يعني بعد جدامها شهرين
و الحباي مو كل الآطفال يحبون عادي انها ما تحبي
و كلما قعدتيها بالدارية او العربانة
كلما بطأت عملية القعدة بروحها و الحباي
خليها بالأرض كثر ما تقدرين
ممكن اعرف شنو حليبها و الكميات اللي تشربها
و كمية الترجيع تقريبا و كم مرة باليوم
و نظامها الغذائي بصورة عامة
علشان اقدر اساعدج شوي
طبعا تشخيص بدون فحص البنت هذا مستحيل
البنت لازم تنشاف من اخصائي اطفال مو مستوصف يفحصها و يقيمها عدل
