هل لديكم طفل يعاني من التوحد- خلونا نتجمع

[سنع ومنع]

اللي اعرفة عيادة الدكتورة مدينة ممتازة حق هالسوالف ...
للأمانة انا ما رحت لها بس وايد اعرفهم يمدحونها ...
عندهم يسوون فحص السمع وعندها احد يعطي كورسات نطق ...
مكانها بالشعب وللاسف ماعندي رقمها ..
ان شاء الله البنات يفيدونج اكثر
وأقترح عليج حطي بقسم الطفولة موضوع تسألين فيه عن الدكتورة مدينة ..
واتمنى اني اكون فدتج

 

[سارونهh_a_z]

اللي اعرفة عيادة الدكتورة مدينة ممتازة حق هالسوالف ...
للأمانة انا ما رحت لها بس وايد اعرفهم يمدحونها ...
عندهم يسوون فحص السمع وعندها احد يعطي كورسات نطق ...
مكانها بالشعب وللاسف ماعندي رقمها ..
ان شاء الله البنات يفيدونج اكثر
وأقترح عليج حطي بقسم الطفولة موضوع تسألين فيه عن الدكتورة مدينة ..
واتمنى اني اكون فدتج

مشكووووووووووووورة حبيبتي عندي رقمها ​

 

[سنع ومنع]

شلونكم يا حلوييييين ..
بنات واللي يسلمكم ادعوليييييي وايد واي وايد ان الله يسهل علي ..
قررت ابدأ مع ولدي التدريب على الحمام .. عسى الله يعيني وييسر الموضوع علي ..
بنات فيدونا من تجارربكم ..
يعني شكثر خذيتي على ما تعود ولدج على روحة الحمام ؟؟ انزين اذا ما كان يتكلم شلون كان يطلب منج ؟؟
جم عمره يوم قررتي ان يقط البامبرز ؟؟؟
وانا وااااااايد احاتي شغلة مهمة .. شلون اذا بطلع معاه ؟؟
مو معقوله بقعده كل هالفترة لين يتعود محبوس بالبيت .. انزين اذا بنطلع اخاف يعفسني ...
شلوووووووووون ؟؟؟؟؟؟؟؟؟
خلونا نستفيد من تجارب بعض ..

 

[ريحانة_14]

شلونكم يا حلوييييين ..
بنات واللي يسلمكم ادعوليييييي وايد واي وايد ان الله يسهل علي ..
قررت ابدأ مع ولدي التدريب على الحمام .. عسى الله يعيني وييسر الموضوع علي ..
بنات فيدونا من تجارربكم ..
يعني شكثر خذيتي على ما تعود ولدج على روحة الحمام ؟؟ انزين اذا ما كان يتكلم شلون كان يطلب منج ؟؟
جم عمره يوم قررتي ان يقط البامبرز ؟؟؟
وانا وااااااايد احاتي شغلة مهمة .. شلون اذا بطلع معاه ؟؟
مو معقوله بقعده كل هالفترة لين يتعود محبوس بالبيت .. انزين اذا بنطلع اخاف يعفسني ...
شلوووووووووون ؟؟؟؟؟؟؟؟؟
خلونا نستفيد من تجارب بعض ..

سنوعه أم أحمدان شلونج ياقلبي وإن شالله مرتاحه وأحمدان بخير

عطيتج جنه طريقه التدريب على الحمام والا عطيتها حق وضوحه وناني ؟؟؟؟

ماني متذكرة

إذا ماعطيتج ياها بلغيني :eh_s(8):

 

[Emanova]

السلام يا امهات يا حلوات .....انا كنت مريزه و وايد تعبانه ....شنو آخر الاخبار؟!؟!؟

 

[سنع ومنع]

سلااااااااااامااااااااااااااااااات يالغاليه ما تشوفين شر ان شاء الله :0bee2e8d89:
عاد ها ما نوصيج بالــــ :nbptr:
فقدنااااااااااج واااااااايد يا ايمانوفا .. عبالي مسافرة ..
آخر الاخبار قاعدة أعلم ولدي على الحمام ودااااااااااااااااايخة السبع دوخات :23_asmilies-com: راح تقرون بعد جم يوم خبر انتحاري :eh_s(11): السالفة جايدة مو سهالة
باختصار :j013: هذا بالضبط وضعي بالبيت معاه ..

كنت حاطة استفسارات حق الأمهات بخصوص تعليم الطفل على الحمام وياريت تشاركينا عشان نستفيد ....​

 

[wathoo7a]

سلامتج إيمان وماجوره

 

[سنع ومنع]

بنات عسى ما شر محد قام يشارك ولا يتفاعل مع المواضيع
الظاهر الموضوع اصيب بالتوحد !!!!!

 

[ريحانة_14]

هاهاهاهاهاااااااااااااي

سنوعه والله صاجه معاج حق حبيبتي

المصيبه إن حدي مشغوله هاليومين السبة إن ماكو شغاله

أبي أنزل جم موضوع مانيييييييي قادره أحك راسي

يالله يالله ألملم وألقط من ورة مدام سارونة

 

[ريمه الكويت]

شوفو شلقيت موضوع عن التوحد وعلى فكره باجر عندي موعد بالطب التطوري
الجدل القائم حول التطعيمات واضطراب التوحد
--------------------------------------------------------------------------------
في هذه الأسطر سوف نذكر ما تم نشره بخصوص التحصينات وبالذات التطعيمات الثلاثية Mmr واحتمالية ربطها بالاصابة بإضطراب التوحد حيث أنها احدى النظريات المسببة للتوحد .. وهي للمعرفة والعلم فقط علما بأن التطعيمات خط أحمر يجب عدم اهماله وعلى جميع الأسر اعطاءالتطعيمات اللازمة لأطفالهم ..
جريدة الرياض 1 ديسمبر 2000
حتى لايلقى مصير جنون البقر
خبير بريطاني يحذر من تجاهل علاقة التحصين الثلاثي بالتوحد
الرياض ـ "خاص":
----------------
حذر الطبيب الاستشاري ـ الذي نبه لاول مرة بأن التحصين الثلاثي ضد الحصبة والنكاف والحصبة الالمانية(mmr) يؤدي للاصابة بالتوحد ـ اعضاء البرلمان الاسكتلندي من ان فشل الحكومة في التصدي لهذا الخطر سيؤدي الى كارثة لا تقل عن كارثة مرض جنون البقر(bse).
وقال الدكتور اندرو ويكفيلد ـ مخاطبا مجموعة تابعة للبرلمان الاسكتلندي و مختصة بالنظر في مرض التوحد تم تشكيلها في ادنبره مؤخرا ـ بأن المملكة المتحدة تواجه خطر انتشار مرض التوحد بشكل وبائي وجدد مطالبته باستعمال تحصينات احادية ضد ثالوث الحصبة والنكاف والحصبة الالمانية.
وهاجم الدكتور ويكفيلد وهو الاستشاري بالمستشفى الملكي الحر بلندن السير كينيث كالمان الذي شغل منصب رئيس الاطباء في عام 1998.
وقد وجه اللوم للسير كالمان في التقرير الرسمي عن مرض جنون البقر لتصريحه بأن لحوم البقر خالية من هذا المرض.
وقال ويكفيلد بأن كالمان تعامل بذات الاسلوب مع خطر التحصين الثلاثي. وكان كالمان قد حذر من ان موجة من الاوبئة القاتلة من الممكن ان تجتاح بريطانيا اذا ما واصل الآباء في رفضهم لتلقي اطفالهم لجرعات التحصين الثلاثية.
واضاف كالمان بأنه وعلى ضوء الدليل الذي تقدم به ويكفيلد خانه لا توجد حاجة لتغيير سياسة التحصين.
ورد ويكفيلد قائلا نفس هؤلاء الناس كانوا ضحية لتعاملهم مع مرض جنون البقر وهم يسيرون في نفس الاتجاه بالنسبة للتحصين الثلاثي".
واضاف ويكفيلد" يحتاج الامر لجماعة ضغط قوية غير مستعدة للزحزحة عن موقعها لمنع تكرار ما حدث سابقا . اشعر بأن كان هذا شيء قد ساهمنا بفشلنا في التحرك ضده ففي مثل هذه الحالة يقع علينا التزام اخلاقي برعاية اطفال التوحد مدى الحياة".
وقد رفض ويكفيلد الادعاءات القائلة بأن الزيادة المطردة في حالات التوحد ما هي الا نتيجة للتغيير الذي طرأ على معايير الفحص و اصر على ان الوضع بات وباء .
واوضح ويكفيلد في مؤتمر عقد بمدينة غلاسلو عن اسباب الاصابة بمرض التوحد ان العديد من العائلات راجعته وذكرت له نفس القصة من حيث ان اطفالهم يعانون من التوحد ومن مشاكل الامعاء وان هاتين المشكلتين ذاتا صلة او نتيجة مباشرة للتحصين الثلاثي الذي تلقوه الاطفال. وقالوا ان اطفالهم كانوا ينمون بصورة طبيعية حتى تم تحصينهم.
وقال ويكفيلد" في البداية شككنا في الامر ولكن تكرار هذه القصة جعلتنا نشعر بضرورة بحثها".
واضاف ويكفيلد"من بين الاطفال المائة والستين المصابين بالتوحد والذين قمنا بفحصهم خمسة فقط لم يكونوا يشتكون من امعائهم. لقد كان الآباء محقين والطب مخطئا
وهاجم ويكفيلد الآخرين بتجاهلهم ادعاءات وجود صلة بين التحصين الثلاثي ومرض التوحد.
وقال"عندما يخبرك الآباء بانهم يعتقدون با ن المشاكل بدأت بعد تلقي الاطفال للتحصين الثلاثي هل تقول,انه امر مثير للدهشة حقا ولكن سياسيا يجعلني غير مرتاح؟ لا, عليك في هذه الحالة جمع الخبراء المختصين من انحاء العالم متقبلا حقيقة الحاجة الحاجة لاثبات ما اذا كانت هناك صله بين التحصين الثلاثي ومرض التوحد
وقال ديكفيلد ان البحث الذي قام به فريقه والاستاذ جون واليمري من مستشفى كومبي للنساء في دبلن وقدم للكونغرس الامريكي في وقت مبكر من هذا العام قدم دليلا واضحا على وجود هذه الصلة.
واستطرد ديكفيلد مؤكدا بان اوراق بحوث اخرى ـ ستنشر قريبا ـ سوف تؤكد قيام هذه الصلة.
واضاف ديكفيلد"انا لست ضد التحصين, واعلم بان واحد زائد واحد لا يساوي ثلاثة ولكن الموضوع يتعلق بالطريقة التي تتصرف بها الفيروسات الحية لدينا معلومات توحى بان هنالك علاقة متداخلة بين المركبات التي يمكن ان تشكل خطرا.
---------

 

[سنع ومنع]

مشكوووووووورة يا ريمة وما قصرتي على هالمعلومات الحلوة ..
في أمريكا للحين قائم جدل طويييل عريييييض على هالسالفة وفي تحركات جادة في هذا الموضوع ..
عاااااااد نطري متى ممكن يتحركون ربعنا هني ..
الله كريم ان شاء الله

 

[ريمه الكويت]

يامعوده ياسنع اهني كلش ناكرين سالفه الابر انا مره حطيت موضوع عن الابر انحذف

عاد اليوم كان عندنا مراجعه بالطب التطوري وحولونا على الاخصائي النفسي سو له اختبارات قال يحتاج مدرسه خاصه وسوله اوراق عشان نراكض له بلجنه المعاقين بس تصدقين يقول عنده حالتين توحد وشديد اهلهم سفروهم كندا على حساب الاهل طبعا يحلف يقول شفتهم بعيني تحولو ناس طبيعين حتى الولد عمره اللحين 10 سنين اهو الي القى كلمه الافتتاحيه سبحان الله يعني انشالله فيه امل يتشافون اعيالنا يارب بس متى توصل هالتكنلوجيا والاهتمام عندنا

 

[ناني سيكرتس]

عدنا والعود احمد..

واي من كثر ما جابلت يوسف واخوانه بهالصيفيه والله والله الحين صار فينني انا توحد, مالي خلق لا عيالي ولا ريلي , عطيت الكل سكب,والحين ياويله الي يحاجيني..
سنع شخبار ولدج مع الحمام عسى فيه تطورات,واشلونه مع المدرسه مالته..؟

وضوحه والله ان لج وحشه ما تتصورين اشكثر,ولهت عليج وعلى سوالفج..

ريحانه اشلونج حبيبتي وشخبارجمن عقب الورش الي عندج..؟

ايمان ماتشوفين شر, اشلونج وشخبارك من زمان ماسولفتيلنا عن ولدج, اشلونه مع الدايت..؟

 

[Emanova]

لسلام عليكم يا حلوات ....اشلونكم و شلون اعيالكم الحلويين

المدارس على الابواب و رمضان على الابواب شنو تجهيزاتكم ؟

 

[سنع ومنع]

عدنا والعود احمد..

واي من كثر ما جابلت يوسف واخوانه بهالصيفيه والله والله الحين صار فينني انا توحد, مالي خلق لا عيالي ولا ريلي , عطيت الكل سكب,والحين ياويله الي يحاجيني..
سنع شخبار ولدج مع الحمام عسى فيه تطورات,واشلونه مع المدرسه مالته..؟

وضوحه والله ان لج وحشه ما تتصورين اشكثر,ولهت عليج وعلى سوالفج..

ريحانه اشلونج حبيبتي وشخبارجمن عقب الورش الي عندج..؟

ايمان ماتشوفين شر, اشلونج وشخبارك من زمان ماسولفتيلنا عن ولدج, اشلونه مع الدايت..؟

هلا ناني حبيبتي شلونج .. وشلون يسافي ..
الله يسلمج للأسف خطة الحمام أجلناها إلى أجل غير مسمى :s141:
يعني الشي اللي شفته بهالجم يوم :eh_s(16): بعدين قلت انا شكو متليقفة وبعلمه على الحمام ..
خل اشوف حضانته شيقولون اهما أخبر .. اهما أدرى متى الوقت المناسب اللي اقدر أبدا مع ولدي فيه ...
يالله الله كريم .. وحبيبتي همسات هم شارت علي بهالشور ..
قلت يالله خل يبلش حضانته واناقش معاهم موضوع الحمام ان شاء الله ..

 

[سنع ومنع]

لسلام عليكم يا حلوات ....اشلونكم و شلون اعيالكم الحلويين

المدارس على الابواب و رمضان على الابواب شنو تجهيزاتكم ؟

هلا ايمانوفا .. شلونج يا قلبي ..
بشريني عن صحتج الحين ان شاء الله أحسن ..
بالنسبة للتجهيزات .. انا كلمت حضانته عشان يبدا ياخذ عندهم كورسات نطق وتعديل سلوك ..
وقاعدة أطلب له من النت حلاو من النت من الحين حق القرقيعان ادري بيخورها خواره ..
وانا عقب ما سافرت وخارها هناك وشفت التغيرات اللي صارت معاه الصراحة ما ودي كللللش اعيد التجربة ..

 

[Emanova]

هلا ايمانوفا .. شلونج يا قلبي ..
بشريني عن صحتج الحين ان شاء الله أحسن ..
بالنسبة للتجهيزات .. انا كلمت حضانته عشان يبدا ياخذ عندهم كورسات نطق وتعديل سلوك ..
وقاعدة أطلب له من النت حلاو من النت من الحين حق القرقيعان ادري بيخورها خواره ..
وانا عقب ما سافرت وخارها هناك وشفت التغيرات اللي صارت معاه الصراحة ما ودي كللللش اعيد التجربة ..

الله يعينيج .... اليوم راح اودي حمودي السوق علشان ينقي الجطه ..انا ادري ان يا اتنح يا يحط الجناط كلهم بالعربانه ...

و قاعده احاول انقله حق التربيه النموذجيه لان مرسه هوب ماكو فايده منها

 

[سنع ومنع]

شلونكم يا أمهات .. إن شاء الله بخير ..
خلونا نسولف عن مدارس وحضانات عيالنا ..
شنو المدارس والحضانات اللي تعرفونها حق احتياجات خاصة ؟؟؟
شنو منهم الزين ؟؟ وشنو منهم الشين ؟؟
ما سمعتوا عن مدارس يديدة فاتحة تخدم عيالنا واحتياجاتهم ؟؟
يالله ابي أشوف التغاعل .. ترى صاير تفاعلكم مش ولا بد

 

[Emanova]

اخيرا دقوا علي مدرسه التربيه النموذجيه و قالوا لي تعالي اخذي كتاب القبول

فمن باجر الركضه ورى النقل و الله كريم....

حمودي صايره شهيته اسم الله عليه مفتوحه و صاير بطه....و امقفه عنه العشا مسكين يبجي يقول لي اابي فيكن ناجيتس... يضحكني على كلمه فيكن .. و يكسر خاطري و اسوي له عشا مع اني ما ابي اوكله

اليوم اذا الله قدرني نروح مركز سلطان علشان اغراض المجرسه علشان تكيسلت ذاك اليوم

 

[ناني سيكرتس]

اخيرا دقوا علي مدرسه التربيه النموذجيه و قالوا لي تعالي اخذي كتاب القبول

فمن باجر الركضه ورى النقل و الله كريم....

حمودي صايره شهيته اسم الله عليه مفتوحه و صاير بطه....و امقفه عنه العشا مسكين يبجي يقول لي اابي فيكن ناجيتس... يضحكني على كلمه فيكن .. و يكسر خاطري و اسوي له عشا مع اني ما ابي اوكله

اليوم اذا الله قدرني نروح مركز سلطان علشان اغراض المجرسه علشان تكيسلت ذاك اليوم

مبروك يا ايمان, الحين ولدي وولدج بنفس المدرسه ..