{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

يزاج الله خير وماقصرتي في شغلات ماكنت اعرفها وعرفتها من حضرتج وخصوصا ان هذي اول مولوده لي بالنسبه حق حليبها نان 2 وتقريبا احط لها احيانا 5 او 6 ملاعق حليب واعطيها باليوم 4 رضعات واكلها اكثر شي بطاط مع كوسا مهروسه وطبعا ما تحب الجزر كذا مره حاولت اعطيها ما تقبلته واعطيها عيش بس مو كل يوم بس هذا الي اعطيها ... وبالنسبه عن سؤالج لي وزنها يوم ولدتها كان 2,200 .... مشكوره دكتوره على السؤال واهتمامج

كمية الحليب معقولة لعمرها و أكلها بعد زين

بس لأنه وزن ولادتها اقل من الطبيعي

نتوقع انه وزنها يكون قليل لغاية عمر السنة تقريبا

لا تحاتين

 

[د. رشــا الصفــي]

السلام عليكم دكتورة عندي بنتي عمرها 4 سنوات ووزنها 16 كيلو تقريبا و من 3 أسابيع تقريبا ظهرت لديها رائحة تحت الابط و أنا خايفة عليها و ما سبب هذه الرائحة ؟

علما باننا كنا مسافرين و هناك ظهرت الرائحة حيث كانت تعتمد على الوجبات السريعة

وشكرا

ممكن تكون الوجبات اللي كلتها اثرت على رائحة جسمها بصورة عامة مو بس رائحة الإبط

احيانا لما الطفل يعاني من امساك تطلع في جسمه رائحة كريهة

مرت على اكثر من حالة بهالطريقة

ضبطي لها الأكل

و خليه اكثره الياف من الخضار و الفواكه و العصاير

و كثري لها الماي

خلى بطنها ينظف عدل و شوفي شلون تصير

اذا ما تحسنت راجعى فيها الجلدية علشان يستبعدون انه يكون فطريات و ما تشوف شر

 

[د. رشــا الصفــي]

السلام عليكم دكتورة يعطيج العافيه على الموضووع المفيييد جدااا

بغيت منج استفسار بنتي الله يحفظها عمرها الحين سنه ونص

متى ابدي افرش اسنانها؟ اهي الحليب البودر تشربه مره وحده قبل النوم واشربها عقبه ماي قبل ماتنام او مو بمميه لا بقلاص ؟

تفرش الاسنان شلون اعلمها عليه ؟ او اخاف اسنانها تسوس؟ اخاف اخليها اتفرش او اهيا ماتعرف اطلع المعجون؟ اخاف تبلعه

شلون الحل هل ابدي اعلمها الحين او شنو الطريقة ولا تو الناس اصبر عليها؟ لين تكبر؟ او اهيا للحين اسنانها ماطلعت كلها يعني بس اربع فوق وثلاث تحت؟ الاماميين بس الي ورا للحين ماطلع شي

تنظيف الأسنان يبدأ مع ظهور اول سن للطفل

مو شرط بالفرشاة و المعجون

ممكن للبيبي الصيرة بفوطة صغيرة ناعمة تبللينها ماي و تنظفين اسنانه باصبعج

و البيبي الأكبر من عمر سنة و اكثر تبدين تعلمينه عالفرشاة بس بدون معجون بس ماي

لانه خطر يبلع المعجون

مجرد ما تبدا تعرف تتمضمض تحطين لها معجون و كمية بسيطة جدا جدا

يعني مو بطول الفرشاة لآ

بس نقطة وحدة عالفرشاة

و تقدرين من الحين تعلمينها بدون معجون عادي

 

[د. رشــا الصفــي]

حياج الله دكتوره
انا ولدي عمره سنه وماادري شنو اعطيه حليب (بروجرس او نيدو) ؟؟؟؟؟؟؟؟؟؟
وماني عارفه انظم اكله ولا شنو اعطيه ياليت تساعديني ....
مع العلم انه قبل اقل من شهر كان فيه فايروس سببله اسهال وترجيع وصاير بعده هيكل عظمي

اول شي خلاص انسي موضوع الفايروس

ثاني شي

البروجرس احسن من النيدو بالنسبة للحديد بس

فإذا ولدج وزنه طبيعي و نسبة دمه زينة تقدرين تعطينه نيدو عادي

و علشان تنظمين اكله بدون ما تتعبين خليه ياكل وياكم الوجبات الرئيسية

الريوق مثل كورن فليكس او توستة و جبنة او بيضة

و الغدا نفس غداكم بس بدون بهار زايد و مطحون شوية

و العشا نفس الشي

نفس اكلكم تقريبا

و بين الوجبات عطيه احيانا روب بالفواكه او سكوتة او فواكه

 

[د. رشــا الصفــي]

هلا و الله فيج دكتورة
انا بنتي عمرها سنة و نص و لمى بدت تسنن كان عمرها 9 شهور طلعت 4 أسنان فوق و أثنين تحت مرة وحدة و بعدها لمن ألحين ما سننت ولا طلعلها ولا ضرس و لحين إهي كملت السنة و نص هل هذا طبيعي و لا لازم اراجع فيها طبيب
و يعطيج ألف عافية

لا حبيبتي ما تحتاجين طبيب ولا شي

يطلعون لا تستعجلين عليها

الطبيب تحتاجينه اذا ما طلع لها شي كلش من الأول

بس دام طلعوا معناته البنت ما فيها الا العافية

 

[د. رشــا الصفــي]

دكتوره انا ولدي سنه ونص وماياكل اهوا وزنه وقت الولاده 2.780 والحين وزنه 11 ونص بغيت
اعرف هل ممكن يكون من الحليب لان يشرب حليب 3مرات باليوم , وهل نقص الحديد يأثر عليه
يخليه مايشتهي الاكل , لاني انا فيني انيميا واهوا لونه اصفر فهل ممكن من نقص الحديد مايشتهي
الاكل ؟َََ

وبنتي عمرها شهر من يبتها واهيا ترجع قالولي عادي بس بغيت اعرف اهيا وزنها وقت الولاده 3 كيلو والحين 4 و اشوي
وزنها زين ولا ناقص ؟؟؟

بالنسبة للولد

وزنه طبيعي

و ممكن انه الحليب يسد نفسه شوي خصوصا انواع الحليب الي فيها كالوري وايد مثل البروجرس و البيدياشور

و اكيد انه نقص الحديد يسد شهية الطفل بشكل كبير جدا


بالنسبة للبنت وزنها ممتاز مو ناقص ولا شي و الترجيع هذا طبيعي ترجع اللي زايد عن حاجتها

 

[احساس طفلهـ]

السلام عليكم ورحمه الله وبركاته

انا ان شاءالله على وشك الولاده وحبيت اسال شنو احسن طريقه للرضاعه البيبى

فيه ناس تقول كل اربع ساعات اعطيه رضعه 4 ارقاااااااااااااام وناس تقول كل ساعه رقم؟

شنو الطريقه الامثل

وجزاج الله كل خير

 

[د. رشــا الصفــي]

السلام عليكم ورحمه الله وبركاته

انا ان شاءالله على وشك الولاده وحبيت اسال شنو احسن طريقه للرضاعه البيبى

فيه ناس تقول كل اربع ساعات اعطيه رضعه 4 ارقاااااااااااااام وناس تقول كل ساعه رقم؟

شنو الطريقه الامثل

وجزاج الله كل خير

الطريقة المثلى لإرضاع الطفل

هى

الرضاعة الطبيعية​

بدون منازع

اما الرضاعة الصناعية فما ننصح فيها ابدا الا لظروف قاهرة تمنع الأم من اتمام الرضاعة الطبيعية

 

[RegaLoS]

يعطيج العافية
ولدي كلش ما يشرب الماي
يمكن طول اليوم رقم واحد بس
عمره الحين 7 شهور شنو الحل

 

[د. رشــا الصفــي]

يعطيج العافية
ولدي كلش ما يشرب الماي
يمكن طول اليوم رقم واحد بس
عمره الحين 7 شهور شنو الحل

شربيه بالقلاص بعد كل وجبة شوية

ما يحتاج وايد

 

[صعب تكراري]

هااااي دكتوره شلونج دكتوره بغيت اسالج عن تسوس اسنان الرضع انا ولدي عمره سنه وتو اطلعت له اسنان لما شفتهم لقيتهم سود من شنو ؟وشنو الحل؟ ووشسوي شكلهم مو حلو ؟ ومشكوره

 

[Om Nor]

السلام دكتوره...
بنتي عمرها 10 اشهر , ارتفعت حرارتها ليه 38 ونص , بس الحمدالله عقب يومين نزلت بعد ماعطيتها ادوول. بس بعديين طلع في وجهها وجسمها حبوب قال دكتور عاجي هذا ما الحرارة , الحيين صار معها اسهال قوي وهي مو قاعده تاكل شي غير الحليب , وصايرة واييد تنام وما تتحرك كله قاعده بمكانها وديتها الطبيب قال عادي .. بس انا خايفة عليها . هذا طبيعي وله لا ؟ لان يوميين مو ماكله وله شي غير رووب بعد شوي مو مو كامل .. بلييز ابي مساعده !!

 

[د. رشــا الصفــي]

هااااي دكتوره شلونج دكتوره بغيت اسالج عن تسوس اسنان الرضع انا ولدي عمره سنه وتو اطلعت له اسنان لما شفتهم لقيتهم سود من شنو ؟وشنو الحل؟ ووشسوي شكلهم مو حلو ؟ ومشكوره

ممكن تكون اسنان الطفل الصغير غامقة من عدة اسباب

مو بالضرورة تسوس

اول شي في ادوية لما تاخذها الأم اثناء الحمل تسبب تغير في لون اسنان البيبي

اسمها تيتراسايكلين

بس من النادري جدا جدا وصفها في الوقت الحالي

ثاني سبب

لين العظام و نقص الكالسيوم

و يصير غالبا في الأطفال اللي يرضعون طبيعي و ما يتعرضون للشمس كفاية و الأم ما تاخذ مقويات و كالسيوم

و اذا تبين تتأكدين احسن خليه الطبيب يشوفه علشان يحدد السبب

 

[د. رشــا الصفــي]

السلام دكتوره...
بنتي عمرها 10 اشهر , ارتفعت حرارتها ليه 38 ونص , بس الحمدالله عقب يومين نزلت بعد ماعطيتها ادوول. بس بعديين طلع في وجهها وجسمها حبوب قال دكتور عاجي هذا ما الحرارة , الحيين صار معها اسهال قوي وهي مو قاعده تاكل شي غير الحليب , وصايرة واييد تنام وما تتحرك كله قاعده بمكانها وديتها الطبيب قال عادي .. بس انا خايفة عليها . هذا طبيعي وله لا ؟ لان يوميين مو ماكله وله شي غير رووب بعد شوي مو مو كامل .. بلييز ابي مساعده !!

ام نور

ما تشوف شر بنتج

هذا التهاب بسبب فايروس

شي طبيعي بعد الحرارة و الاسهال الطفل يكون خامل و ضعيف و تحسين انه تعبان

من كثر ما فقد سوائل

اللي تسوينه انج تودينها الطبيب يتأكد انه ما فيها جفاف اذا ما فيها و الحمدلله

كثريلها سوائل و ابدي اكليها شوي شوي

و ما عليها الا العافية

 

[lolly]

السلام ..
يعطيج العافية دكتورة رشا
استخدمت لبنوتي كريمين وصفهم المستوصف (ميكوستات و الفاكورت)
المشكلة ان بشرتها اللي حطيت عليهم الكريم صارت بيضة ثلج ومبين الفرق بين لونها والمنطقة المتعالجة ..
شنو اسويلها؟؟ شي عادي والا في مشكلة؟؟

شكرا

 

[طير الحب]

السلام عليكم

دكتوره مبارك عليج الشهر

ولدى عمره 4 شهور كان يعانى من الغازات وايد وايد بشى ما تتصورينه (بطنه مدافع ) بدون مبالغه واناارضعه من صدرى وصناعى نان

من شهر سافر ومع السفر واللويه صرت ارضعه مره وحده باليوم ومرات ولا رضعه من صدرى وحسيت انه الغازات خفت وااااايد

الحين رديت ارضعه رد بطنه مثل اول غاااااااااااااااااازات وايد ومغص استغربت بس متاكده من رديت ارضعه

شنو الحل

 

[د. رشــا الصفــي]

السلام ..
يعطيج العافية دكتورة رشا
استخدمت لبنوتي كريمين وصفهم المستوصف (ميكوستات و الفاكورت)
المشكلة ان بشرتها اللي حطيت عليهم الكريم صارت بيضة ثلج ومبين الفرق بين لونها والمنطقة المتعالجة ..
شنو اسويلها؟؟ شي عادي والا في مشكلة؟؟

شكرا

الألفاكورت يغير لون المنطقة اذا حطيتيه على المنطقة مدة اطول من اللازم

المفروض ينحط على الجلد لما تروح الأكزيما و او الإحمرار و بس مو على طول

الحين وقفي الكريم و راجعي طبيب جلدية يتابع البنت و يتأكد ان اللون يرجع طبيعي

 

[د. رشــا الصفــي]

السلام عليكم

دكتوره مبارك عليج الشهر

ولدى عمره 4 شهور كان يعانى من الغازات وايد وايد بشى ما تتصورينه (بطنه مدافع ) بدون مبالغه واناارضعه من صدرى وصناعى نان

من شهر سافر ومع السفر واللويه صرت ارضعه مره وحده باليوم ومرات ولا رضعه من صدرى وحسيت انه الغازات خفت وااااايد

الحين رديت ارضعه رد بطنه مثل اول غاااااااااااااااااازات وايد ومغص استغربت بس متاكده من رديت ارضعه

شنو الحل

علينا و عليج يتبارك حبيبتي

جزاج الله خير

انتي يمكن تعانين من الغازات

شربي اعشاب للغازات و يرتاح الولد بإذن الله

بس لا تفطمينه من صدرج​

 

[صعب تكراري]

هااااي دكتوره شلونج انا شريت لولدي كالسيوم مع فيتامين د اسمه osteocare استعملته لمدة اسبوع متى اوقفه يعني يسير استعمله لمدة شهر وبس
لان انا ولدي في تسوس اسنان وبنيته حيل ضعيفه واحس انه محتاج كالسيوم انا قبل الدكتوره وصفت له كالسيوم واستعملته يومين بس
وماكملت ورحت الصيدليه وشريته شلونه هذا الدوا
واذا في احسن شنو؟ وانا ولدي عمره سنه ونص مايقعد
ولا يحبي لان توام وحاشه نقص اكسجين ووزنه للحين 5.700 علما انه خدج مولود33 اسبوع وزنه عند
الولاده1.250
ابي شي يسمن بسرعه وبين لان الدكتور قال هذا اندر ويت لازم انا نفتح له فتحه بالبطن انتي شرايج؟ ابي حل سريع للوزن لان انا حيل تعبت ماعنه ياكل بس اكل مهروس شلون اعوده ياكل اكل عادي
لان اخوه ياكل عادي وزنه 7 وزنه عند الولاده 1.650 انتي شرايج ابي شي لهم ومشكوره

 

[د. رشــا الصفــي]

هااااي دكتوره شلونج انا شريت لولدي كالسيوم مع فيتامين د اسمه osteocare استعملته لمدة اسبوع متى اوقفه يعني يسير استعمله لمدة شهر وبس
لان انا ولدي في تسوس اسنان وبنيته حيل ضعيفه واحس انه محتاج كالسيوم انا قبل الدكتوره وصفت له كالسيوم واستعملته يومين بس
وماكملت ورحت الصيدليه وشريته شلونه هذا الدوا
واذا في احسن شنو؟ وانا ولدي عمره سنه ونص مايقعد
ولا يحبي لان توام وحاشه نقص اكسجين ووزنه للحين 5.700 علما انه خدج مولود33 اسبوع وزنه عند
الولاده1.250
ابي شي يسمن بسرعه وبين لان الدكتور قال هذا اندر ويت لازم انا نفتح له فتحه بالبطن انتي شرايج؟ ابي حل سريع للوزن لان انا حيل تعبت ماعنه ياكل بس اكل مهروس شلون اعوده ياكل اكل عادي
لان اخوه ياكل عادي وزنه 7 وزنه عند الولاده 1.650 انتي شرايج ابي شي لهم ومشكوره

صعب تكراري

اول شي لازم تتأكدين بالتحليل اذا كان الولد محتاج كالسيوم ولا لأ

اذا عطيتيه كالسيوم و كان عنده مستوى الكالسيوم بالدم طبيعي يضره اكثر من ما يفيده

بالنسبة للوزن كلام الدكتور صحيح

اللي عندهم نقص اكسجين و اوزانهم قليلة يكون عندهم مشاكل بالبلع فوزنهم ما يزيد

فإذا دكتوركم نصحكم بالفتحة سويها احسن

و الأكل احسنله مهروس لا يغص

حبيبتي اكيد شرح لج الدكتور حالته بالضبط

لا تقارنين بينه و بين اخوه

اذا عنده نقص اكسجين تكون حالته خاصة بالنسبة للوزن و التطور بصورة عامة يكون متأخر