اي استفسار لطلبة الحقوق - جامعة الكويت

[محامية دولة]

ربوبة حبيبتي تبين نصيحتي سجلي بالبيت أحسن لأن الكمبيوترات شوية وزحمة بس خليج على اتصال مع وحدة تعرفينها بصالة التسجيل عساس اذا بطلوا شعب تقولج

 

[f6oooma]

الحين احنا المستجدات نسجل بالنت والا نروح الكلية؟

والدكاترة اللي نحط عليهمx الرميضي وموسى وهيثم؟

 

[محامية دولة]

لا تسجلين بصالة التسجيل لازم..شوفي انسي هيثم أما موسى مادرسني لكن الرميضي أخذت عنده دستوري بسنة أولى وأخذت100.اهو يحب اللي تشارك بالكلاس

 

[محامية دولة]

حبيبتي تسجيل سنة ثانية7\10 انشالله تكونين مع رفيجاتج بس اللي نسبتها 82 صعب تكون معاكم.وآنا حاضرة لأي استفسار آنا من جمعية القانون

 

[blue diamond]

السلام عليكم بنات كليتي

 

[f6oooma]

لا تسجلين بصالة التسجيل لازم..شوفي انسي هيثم أما موسى مادرسني لكن الرميضي أخذت عنده دستوري بسنة أولى وأخذت100.اهو يحب اللي تشارك بالكلاس

مشكورة

 

[محامية دولة]

العفو حبيبتي ماسويت شي

 

[مهمة]

صبااحكمـ ورد صبااياا

ها شخبار الندوووة اللي راحو لهاا

والتسجييل الله يستر منهـ ماندري شنسووي فيه بس الاهم نعدى المقاابلهـ
وبالتووفييييق للجمييع

برب

 

[f6oooma]

وعليكم السلام

 

[L a w y e R]

لووول القلوب انتي نفسي

شايلة هم ثالثة وابي اشد حيلي انشالله

معني شديت حيلي بثانية بس مالله وفقني ببعض الدكاترة

الحمدلله على كل حال

انا قلت اذا عندي بريك اروح مكتبة يابر رحمة الله عليه اراجع هناك

وانشالله مايكون بس حجي لووول

 

[محامية دولة]

لاتخافين من المقابلة ترى مايردون احد فيها الا اذا قال الطالب ان داش الحقوق غصبن عنه اهم يقبلون الكل ولاتحاتين التسجيل احنا بنات الجمعية مسوين تدريب على المقابلة الشخصية الاثنين الجاي وتدريب على التسجيل الاثنين اللي وراه لاتشغلين بالج بنكون معاكم انشاءالله خطوة بخطوة حبيبتي موفقة

 

[محامية دولة]

لاتحاتون سنة ثالثة انتوا بس راجعوا اول باول عساس لاتتراكم عليكم الدروس وتتوهقون موفقين انشالله

 

[f6oooma]

بنات منو راح الندوة اليوم ؟

واللي راحوا استفادوا؟

وشنو قالوا؟



حشى محققق مو فطومة

 

[blue diamond]

مشكوره حبوبه

انتي بأي سنه محاميه دوله ؟؟

 

[eva beach]

قووووه بنات

بنات لاتخاقون من اللحين عيشوو يومكم شنوو حياتناا صارت كلهااا تصرقع من هالحقوق تدرون بنات اكثر مايلوع جبدي بالحقوق ابو صالح لا صارت امتحانات الفاينل وقام يصارخلج باللوبي يلاا امتحااان واااي جنه يقول يلاا انتحاار اتازم من شوفته :0bee2e8d89:

المهم خلونا بالمهم انا ودي اتسنع بثالثه وارد لسابق عهدي بالجد والاجتهااااد :ggdw: فشنوو افضل طريقه لتحضير مع الدكتور تقرين موضوع المحاضره قبل لا يشرحه ولا ماتحضرين بس عقب مايشرح الدكتور تردين تقرين الموضوع وانا للامانه مالي خلق احضر قبله وعقبه امووووووووت ماحب ادرس اول باول :krkrkr:
وغير هذاا ايفااا عفيه قولينا المواد اللي بسنه 3 يبيلهاا مجاابل يعني شنوو اصعب المواد وشنووو اسهلهاا اذ فيه سهل... ادري اذينااج واايد بس تحملينااا بنسويلج تحقيق :eh_s(6):​

اي والله صااجه لاتحاتون ترى والله لاحقين على المحاتاة والتخرع بس جد انا احس نفسي متفااائلة حيييل وناويه ارفع معدلي

وانشالله خير >> شفتو شلون التفائل بس عسى ما ينقلب علي ويصير شي مو زين :krkrkr:

وشوفي انا نوعي ماحب احضر قبل المحاضرة انا نظامي عقب المحاضرة اقرا النوت واذا مداني اقرا الكتاب وطبعا ما كنت

اقرا الكتاب الا نادرا لانه ما يمديني اخلص النوت لاني بطييييييييييييييئة

واذا انتي نوعج سريعه وتمشين بالدراسه ااقري النوت عقب المحاضرة واقري بعدين من الكتاب عشان تثبت المعلومه

وحبيبتي ما اذيتوني ولا شي بالعكس اخذي راحتج عااااادي كلنا خوااات

شوفي المواد الي يبيلها مجابل اهي كل المواد :krkrkr:

بس اهم شي جابلي ( مرافعات - تجاري -جزاء ) طبعا المعلومات حدهاااا حلوووووة وراااح تستمتعين بالدراسه بس اهم

شي الدراسه اول باول لان الكميات حييييييييل كبيييييييييييييرة عشان ما يتكود عليج

اسهل ماده اهي تشريعات الماده حدهااااااااا سههههههههله وسخيفه ومايبيلها شي

اداري وعقود مواد فيها واااااايد حفظ بس طبعااااا الحفظ العددددددل في اداري

وبصراااحه انا ماحب عقود لان الكتاب الاول ( عقد البيع ) حدددددده معقد وكله اخطااء والاسلوب يلوع الجبد والمؤلف يلف

ويدور على الفاضي ويبيلج سنه على ما تحصلين المعلومه يعني انا كنت احفظ واقطع عمري واتعب واخر شي يطلع هذا في

القانون المصري وطبعا احنا ماراح نمتحن الا بالقانون الكويتي والمؤلف الحلووو يكون حاطلج هالشي باخر الموضوع

>>> شعقبه عقب ما تحفظين كل الدرس يطلع المطلوب اخر شي :eh_s(4):

طبعااا بعد فترة من المحاضرات يعني يمكن لي نص الكتاب يتعدل الكتاب ويصير سنع ويحط لج المعلومات بشكل واضح

اما ( عقد الايجار ) سهل وحلو وما فيه شي صعب

 

[eva beach]

محامية دوله

والله اذا ماخاب ظني انتي بنت خالت رفيجتي وتخرجتي السنه وكنتي من الــ 5 الاوائل يا الثانيه او الثالثه على الدفعه بس جنه الثانيه

هااااا انتي صح ؟؟؟؟

والله اني جكيتج :dddds:

 

[بنت العديليه الشقرديه]

قوههههههه شلوونكم

متى تسجيل المحولييين ؟؟؟؟؟؟؟؟؟

 

[f6oooma]

قوههههههه شلوونكم

متى تسجيل المحولييين ؟؟؟؟؟؟؟؟؟

هلا والله
تسجيل المحولات 8/10
بدء الدراسة للمحولات 9/10

 

[بنت العديليه الشقرديه]

شكرا جزيلااااااااااااااااااااااااا

 

[القلوب الساهيه]

تسلمون والله ايفا ومحامية دوله حياج الله نورتينا خيتوو ​

:aha: