{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

رد: حليبي سبب بوصفار حق ولدي ؟؟؟؟

اتخيلو ...لما خذيته حق الطبيب علشان اطهره ..فسوو له تحليل دم ..شافو ..عنده نسبه بصفار مرتفعه ..سوو تحاليل مره ثانيه ..فقالو ماعنده التهابات ولا شي ..وقفوه من حليب امه ..لمده 3 ايام ونشوف اذا نزل يعني من حليب امه ؟؟
والحين نظر عيني كل ما اشيله ادور الديد ..والله عيني تدمع ..حليبي افضيه بالبالوعه ..ولدي بدميعاته ادوره ..والحين مع حليب الصناعي ..كل اشوي امرجع ..مسكين:0bee2e8d89:
انزين شنو اشرب ولدي حليب شنو احسن حليب صناعي خفيف على معدته حبيبي

ما يشوف شر

دام سووا له التحاليل و ما فيه التهابلت المفروض ما يوقفون الحليب حرام

اول كنا نسوي جذي يعني من 10 سنين تقريبا بس الحين لا ما يحتاج

نوقف الرضاعة الطبيعية

اذا الصفار من حليب الأم ما يضر البيبي

بس دام انتي وقفتي الرضاعة و تبين تتابعين معاهم مو مشكلة كملي على توصياتهم

و استحملي سالفة الصناعي شوي

و دام البيبي متعود على صدرج صعب يتعود على الصناعي ب 3 ايام

الله يعينكم اثنينكم و ما تشوفون شر

 

[د. رشــا الصفــي]

السلام عليكم
يا دكتورة ساعديني ابنتي عمرها سنتين وسبعة اشهر لا تلبس البامبرز من 5 شهور وماشاء الله متعلمة دخول الحمام تمام
المشكلة من يومين بدأت تدخل تعمل بول كل نصف ساعة او كل ساعة الا ربع وكمية البول قليلة واحس البول محبوس ممكن تعمل نقطتين او كمية قليلة جدا ذهبت للمستوصف الدكتورة كتبتلها دواء ااسمه theraprim كل 12 ساعة وما طلبت تحليل والموضوع الان في زيادة وايضا ممكن اشوف في ملابسها الداخلية نقطتين من البول وهي نائمة ايضا تعمل كمية قليلة مع انها طوال الاربع شهور لم تعمل مرة واحدة اثناء النوم

اول شي تحتاج تحليل بول عادي و مزرعة قبل المضاد

لأن اللي فيها اعراض التهاب بول

و ممكن يكون التهاب بسيط فيروسي بالمثانة بس

علشان نعرف اذا المضاد مناسب للمايكروب ولا لأ

تقدرين تروحين بأي وقت لأقرب مستشفى طوارئ تطلبين تحليل بول مزرعة و يسوونلها

بس قبل التحليل غسليها زين و حاولي تاخذين من نص البول مو من اول شي

و كثريلها سوائل و حطيلها مطارة ماي دافي على بطنها تساعدها انه تطلع البول تكرمين

و اي سؤال ثاني انا حاضرة

ما تشوف شر البنوتة

 

[د. رشــا الصفــي]

دكتوره بنتي فيها اسهال من جريب الاسبوع الحينه.. وديتها الدكتور وعطاني شراب لونه برتقالي قال رضعه حليب ورضعه الشراب.. بس بعدها يعني ايام مرتين باليوم .. وايام اكثر والله... يعني حتى يوم احسها احسن بس شكل البراز (الله يكرمكم) مائي ويطلع من الحفاظ.. كل يوم اعطيها تفاح مفور واحطلها نشا بالحليب واأأكلها عيش مصري بس مادري شو السالفه..

يعني اذا من الأسنان كيف اعرف؟؟ يوم اطالع لثتها ما احسها متورمه..

والله اول بيبي ولا اعرف شي ولا اعرف كيف اتصرف.. تعبت بس شغاله ابدلها واغسل ملابسها فديتها..

اختي تقول في حليب للإسهال.. بس خايفه اعطيها؟؟ بعدين هي عندها تطعيم عقب 9 ايام يعني بغير لها الحليب ل رقم 2 لأنها بدش 6 شهور.. شو اسوي.. وكيف اتصرف؟؟

حبيبتي الاسهال ياخذ وقت علما يطيب تماما

ممكن يوصل اسبوع او 10 ايام

بس اذا مطول اكثر من جذي عطيها حليب خالي من اللاكتوز لمدة شهر وا اثنين

و بالنسبة للأكل عطيها عيش ابيض و بطاط و جزر مفور و مهروس

و اذا من اسنانها ولا لأ ما يبين الا لما تطلع الاسنان و يبين بأثر رجعي

سواء من الأسنان ولا عقب نزلة معوية راح يكون نفس طريقة العلاج بالنسبة للأكل او تغيير الحليب

سلامتها ما تشوف شر

 

[Na77olah]

مرحبا دكتورتنا


ويعطيج العافيه





ولدي عمره خمس سنين واكله وايد قليل وانا وايد انوع له واشوووف شنو يحب وشنو يفضل بس اهوه مايحب الأكل من وهو صغير يعني يفضل الحليب

بس اسبوع العيد صار معاه نزله معويه وضعف وايد وصار مايبي الاكل كلش يقول اخاف لمن اكل ارجع ومخليه عذر <<<اهوه الحين الحمدلله صار زين


بس شرايج بعطيه مكملات غذائيه مثل بيديا شور وسوستاجين <<<<شرايج فيهم واي واحد تنصحيني فيه

 

[ناني سيكرتس]

السلام عليكم دكتوره رشا, ها ذكرتيني..

حبيت اسال في دوا او اعشاب تنظف بطن اليهال, يعني حريم اول كانوا يعطون عيالهم حلول عشان بطونهم تنظف, الحين في اي دوا ولا شراب نقدر نعطيه حق عيالنا عشان ننظف بطونهم من هالخرابيط الي ياكلونها من كاكاو وحلاو..؟

 

[SweeTa_4ever]

قوه دكتوووره شلوونج

ولدي عمره 7 شهور وحييل ضعيف اليوم وديته الطبيب وزنه نازل قبل اسبوعين كان 6.900 والحين 6.500 عطاني فيتامين وانا اوكله ويشرب الحليب طبيعي بس مادري ليش ضعف وصحته زييينه يلعب ويقلب كل شي طبيعي بس الحين في شوي نشله هل هذا سبب ضعفه؟؟

تنصحيني استخدمله حليب بيديا شور ؟؟

مع الف شكر

 

[ام علاء]

السلام عليكم

مشكوره دكتوره والله يخليك ويقويك انشاء الله

اريد اسئلك علشان ولدي هو الان عمره خمسه اشهر ونصف يعني بنصف السادس وهو الي الان مايرفع راسه كثير ولا بقعد ومن الشهر الخامس واني استخدم له فيتامين اسمه (one-aipha drops) واعطيه باليوم نطفتين ومافي نافع راسه مايرفعه ولا يقعد علماً بان ولدي ضعيف وزنه الي الان سته كيلو ونصف .

من متي الطفل يبداء يرفع راسه ويقعد؟
وهل الفيتامين اللي استخدمه نطفتين او ازيد الجرعه او ترشديني الي فيتامين اخر ؟

هل الوزن مناسب او ضعيف؟

طمنيني الله يخليك ومنتظرلرد بافارغ الصبر واكون شاكر لك

ام علاء

 

[د. رشــا الصفــي]

مرحبا دكتورتنا
ويعطيج العافيه

ولدي عمره خمس سنين واكله وايد قليل وانا وايد انوع له واشوووف شنو يحب وشنو يفضل بس اهوه مايحب الأكل من وهو صغير يعني يفضل الحليب

بس اسبوع العيد صار معاه نزله معويه وضعف وايد وصار مايبي الاكل كلش يقول اخاف لمن اكل ارجع ومخليه عذر <<<اهوه الحين الحمدلله صار زين


بس شرايج بعطيه مكملات غذائيه مثل بيديا شور وسوستاجين <<<<شرايج فيهم واي واحد تنصحيني فيه

هلا حبيبتي

الاطفال بهالعمر ما يحبون الاكل بكثرة

حاولي انج ما تعطينه الحليب على كيفه

كافي مرتين باليوم

الصبح و بالليل

و بالنسبة للنزلة المعوية شي طبيعي بعدها ما يشتهي ياكل حتى لو صار زين

بس المفروض هالشغلة تاخذ اسبوع بالكثير

و بالنسبة للمكملات الغذائية البيدياشور ممتاز

ممكن مرتين باليوم بس

يعني ما يغني عن الأكل الصحي

لا يغرج اعلانهم

المهم حاولي تنظمين وجباته و منعي عنه الخرابيط

بياكل شوي شوي

بس اهم شي لا تخلينه يتحكم فيج و يمشيج على كيفه

الوجبات تكون بانتظام و ماكو خرابيط كاكاو و شيبس الا مرة باليوم العصر

و الحليب مع الريوق و قبل النوم

 

[د. رشــا الصفــي]

السلام عليكم دكتوره رشا, ها ذكرتيني..

حبيت اسال في دوا او اعشاب تنظف بطن اليهال, يعني حريم اول كانوا يعطون عيالهم حلول عشان بطونهم تنظف, الحين في اي دوا ولا شراب نقدر نعطيه حق عيالنا عشان ننظف بطونهم من هالخرابيط الي ياكلونها من كاكاو وحلاو..؟

هلا و غلا ناني سيكرتس

و هل يخفى القمر

اكيد ذكرتج

شلونج و شخبارج

اول كانوا يعطون اليهال هالدوا لأنه اكلهم ماكان نظيف مثل الحين

بس احنا الحمدلله عيالنا صج ياكلون خرابيط بس الأكل عموما نظيف

و الحلول ينظف القولون بس فالأكل يكون ممتصه الجسم و خالص

يعني اللي يوصل القولون بقايا بس

و بعدين بصراحة ما تضمنين درجة الاسهال اللي راح تصير بالياهل لما تعطينه الدوا

ممكن تكون شديدة و يصير فيه جفاف

ما تضمنين ردة الفعل بصراحة

فماله داعي برايي

خليهم على طبيعتهم

و في ادوية ممكن تاخذينها من الصيدلية مسهلات بس تكون للطفل المصاب بالآمساك فقط

مو علشان تنظف البطن

 

[د. رشــا الصفــي]

قوه دكتوووره شلوونج

ولدي عمره 7 شهور وحييل ضعيف اليوم وديته الطبيب وزنه نازل قبل اسبوعين كان 6.900 والحين 6.500 عطاني فيتامين وانا اوكله ويشرب الحليب طبيعي بس مادري ليش ضعف وصحته زييينه يلعب ويقلب كل شي طبيعي بس الحين في شوي نشله هل هذا سبب ضعفه؟؟

تنصحيني استخدمله حليب بيديا شور ؟؟

مع الف شكر

هلا سويتا

اول شي هل الوزن مرتين على نفس الميزان ؟ نفس الوقت من اليوم ؟ راضع ولا ماكل ؟ حفاظته نظيفة ولا مليانة ؟

كل هالأشياء تأثر على وزن البيبي

اذا حالته العامة زينة لا تحاتين هالـ 400 جرام

ممكن مثل ما قلتي النشلة تكون أثرت شوي

و بالنسبة لبيدياشور يستعمل بعد السنة

مو قبل

و الوزن تابعيه على نفس الميزان و يفضل نفس الوقت كل مرة

يعني

يقوم الصبح يرضع و تغيرين له و تودينه

و ما يشوف شر

 

[د. رشــا الصفــي]

السلام عليكم

مشكوره دكتوره والله يخليك ويقويك انشاء الله

اريد اسئلك علشان ولدي هو الان عمره خمسه اشهر ونصف يعني بنصف السادس وهو الي الان مايرفع راسه كثير ولا بقعد ومن الشهر الخامس واني استخدم له فيتامين اسمه (one-aipha drops) واعطيه باليوم نطفتين ومافي نافع راسه مايرفعه ولا يقعد علماً بان ولدي ضعيف وزنه الي الان سته كيلو ونصف .

من متي الطفل يبداء يرفع راسه ويقعد؟
وهل الفيتامين اللي استخدمه نطفتين او ازيد الجرعه او ترشديني الي فيتامين اخر ؟

هل الوزن مناسب او ضعيف؟

طمنيني الله يخليك ومنتظرلرد بافارغ الصبر واكون شاكر لك

ام علاء

ام علاء

ما قلتيلي جم وزن ولادة ولدج ؟

انا اشوف وزنه زين مو قليل

و فيتامين one alpha drops نعطيه في حالات لين العظام مو مقوي عام مثل باقي الفيتامينات

لأنه اذا خذاه البيبي بدون داعي ممكن يسببله مضاعفات

و بالنسبة لتطور الولد و انه ما يرفع راسه

أفضل انج تعرضينه على طبيب اطفال يقيم حالته

لأنه المفروض انه يكون يشد جسمه زين بهالعمر

و يرفع راسه

اخذي موعد من المستوصف على المستشفى التابع لكم عيادة الأطفال

و هناك راح يسوون له اللازم

ما يشوف شر

 

[ام علاء]

السلام عليكم

هلا وغلا فيك وربنا يعطيك مابنيتك انشاء الله

دكتوره وزن ولدي في ولادته كانت 2كيلوا ونصف بس الغريب ان اشوف الي الان مايقعد ولايرفع راسه زين وهو الان حاليا يشرب حليب نانا2 والفيتامين يعني طلع مو فيتامين عام طيب تقدري تكتبي لي اسم فيتامين عام يستفيد منه والحمد لله انك قلتي لي علي الفيتامين مابعطيك خلاص

وايش من اكل اعطيه بهذا السن مابعرف لان اول طفل لي فاريد منك ولو ازعجتك لاني فرأت كثير بس من نساء مش من دكتوره اطفال يكون افضل وتسلمي ودمتي طيبه

ام علاء

 

[د. رشــا الصفــي]

السلام عليكم

هلا وغلا فيك وربنا يعطيك مابنيتك انشاء الله

دكتوره وزن ولدي في ولادته كانت 2كيلوا ونصف بس الغريب ان اشوف الي الان مايقعد ولايرفع راسه زين وهو الان حاليا يشرب حليب نانا2 والفيتامين يعني طلع مو فيتامين عام طيب تقدري تكتبي لي اسم فيتامين عام يستفيد منه والحمد لله انك قلتي لي علي الفيتامين مابعطيك خلاص

وايش من اكل اعطيه بهذا السن مابعرف لان اول طفل لي فاريد منك ولو ازعجتك لاني فرأت كثير بس من نساء مش من دكتوره اطفال يكون افضل وتسلمي ودمتي طيبه

ام علاء

هلا ام علاء

بس ممكن سؤال

ليش يشرب حليب نان 2 ؟

ما كمل 6 شهور بعد !

كأنج بديتي مبكر شوي

بس خلاص لا تغيرينه الحين ما باقي شي و يكمل 6 شهور

و بالنسبة للفيتامينات اول شي يحتاج تحاليل يسويهم له طبيب الأطفال و بعدين على اساس التحاليل يحدد شنو يحتاج الولد


بالنسبة للأكل

اول شي تبدين فيه الأرز المسلوق و المهروس

بدون ملح طبعا

و بعدين الخضار مسلوقة و مهروسة

بطاطس و كوسا و جزر و قرع

و بعدين الفواكه

التفاح و الكمثرى و المشمش

و لما يتم التسع شهور صفار البيض مع اللحم و الدجاج

يعني من يكمل 9 شهور ياكل اكل البيت العادي بس مهروس شوي

 

[ام علاء]

السلام عليكم
هلا دكتوره اصلا اعطيته حليب نانا 2 لان مانسبه اي حليب لانه كان يسبب له امساك او غازات من هذه الاشياء فغيرت هذا وناسبه يعني الطقل محطه تجارب زي مايقولوا الله يعينهم وشكرا علي المعلومات التي اعطيتيني وانشاءالله لما اروح لعند الدكتور سوف اخبرك

وشكرا جزيلا

ام علاء

 

[ناني سيكرتس]

هلا و غلا ناني سيكرتس

و هل يخفى القمر

اكيد ذكرتج

شلونج و شخبارج

اول كانوا يعطون اليهال هالدوا لأنه اكلهم ماكان نظيف مثل الحين

بس احنا الحمدلله عيالنا صج ياكلون خرابيط بس الأكل عموما نظيف

و الحلول ينظف القولون بس فالأكل يكون ممتصه الجسم و خالص

يعني اللي يوصل القولون بقايا بس

و بعدين بصراحة ما تضمنين درجة الاسهال اللي راح تصير بالياهل لما تعطينه الدوا

ممكن تكون شديدة و يصير فيه جفاف

ما تضمنين ردة الفعل بصراحة

فماله داعي برايي

خليهم على طبيعتهم

و في ادوية ممكن تاخذينها من الصيدلية مسهلات بس تكون للطفل المصاب بالآمساك فقط

مو علشان تنظف البطن

ميرسيه كتير يادكتوره عالرد..

 

[memy-08]

السلام عليكم ورحمة الله وبركاته
جزاك الله خير على الجهد والوقت المبذول يا دكتوره
انا بنتي عمرها 8 شهور اول 6 اشهر كنت ارضعها طبيعي والحين اعطيها حليب صناعي سميلاك ادفانس بس تعاني من الامساك الشديد احيانا
مصحوب احيانا بالدم مع الخروج واحيانا اسهال شديد مما يسبب له احمرار في منطقة الحفاض هل السبب الحليب وما هو افضل حليب يناسبها
علما بان وزنها مناسب لعمرها
هل duphlac syيناسبها للامساك وكم المده يجب استخدامه
glycerin supp يسبب لها حساسيه

 

[memy-08]

بنتي وجهها شاحب وحول عيونها هالات نصحني الدكتور باعطائها حديد وفيتامين هل هذا معنا ه الحليب ما يعطيها كفايتها من المعادن و الفيتامينات وهل يجب علي تغييره وما هو الافضل وشكرا

 

[الجـــــود]

السلام عليكم دكتوره

صرااحه الله يعطيج العافيه على المجهود الى قاعده اتقومين فيه بالمنتدى وعلى طولت البال والرد على جميع الاستفسارات

انا عندى ولدى عمره 6 سنوات وانتى ابكرامه يخرج على نفسه بس مو خروج كامل لا جزء بسيط ومرات اكثر من مره باليوم

وانا وايد امضايقنى هالموضوع مع انا اذا استمريت فى الحاح عليه بعد كل وجبه ابدخول الحمام

كل شى يكون تمام لكن بس انساه ومااذكره لازم ايوصخ على نفسه وانا املاحظه ان العمليه كلها كسل منه دايما ايفكر باللعب

ومايبى يروح الحمام خوف انه ايطوفه شى وانا خايفه ان يكون فى شى ومانى عارفه شنو اسوى

مع العلم ترى عاقبته واايد يعنى كل طرق العقاب وهم التحفيز كنت اقوله اذا استمريت وماسويت اييبلك الشى الى اتحبه

بس ماكو فايده ومرات احسه مايحس انه امسوى شى يعنى اقوله ماما فيك ريحه ايقول مومسوى شوفى ولما اشوف ايكون امسوى

واتمنى الاقى الحل لان صج مليـــت من هالموضوع

وبنسبه للتبول عادى ايروح مافى شى بس الخروج


مشكووره

 

[دانه البحر]

السمنة عند الاطفال ؟؟؟

السلام دكتورة حبيبتي ابيج تفيديني عندي بنتي عمرها 5 ونص اسم الله عليها متينة وزنها 35 ونص وطولها 120 فقاعدة احاتي لان مرة شافها ددكتور غدد صماء قال اذا استمرت بنتج تاكل ونفس الروتين الله لا يقوله يصير فيها سكر او الاطفال عمومة بهالعمر وسمان ذبحة صدرية فخايفة وايد اكلمها مرات بس تدرين طفل ما يستوعب دايما شتقولين شسوي معاها فكرت اطلب لها وجبات الدايت للبيت علشان انزل وزنها ....؟؟؟؟ ومشكورة:0bee2e8d89:

 

[سحااايب]

شلونج دكتورة الله يعطيج العافيه ويجعله في ميزان حسناتج

دكتورة عندي ولدي عمرة اربع شهور شنو تنصحيني ااكله يعني ابدي معاه بالاكل لانه من دش 3شهور ونص بديت احط مع حليبه نص بسكوته فارليز مرين باليوم واعطيه شاي ميلوبا الشمار العصر وشاي ميلوبا البابونج بالليل زين جذي؟؟


وعندي ولدي الثاني عمرة سنتين ونص دكتورة مايااااااااااااااااااااااااكل كلشششششششش جنني ماني عارفه شسويله اذااكلتيه جنج بتذبحينه جربت معاه الفيتامينات اللي على شكل حلاو ماسوتله شي شرايج دكتورة اذا بسويله فحوصات شنو يحتاج بضبط ؟؟


وبغيت اسالج عن تطعيمه العنقز وتطعيمه الانفلونزا شرايج فيها تنصحين فيها؟؟