أستفتاء أحسن دكاتره عيون يسون الليزك او الليز ؟

[كيكة بالعسل]

قووه حبايبي
صراحه انا حبيت استفيد وافيدكم واكتب هالموضوع
وياريت أي وحده مسويه عمليه ليزك تكتب:
عند أي دكتور؟
وأي عياده ؟
وجم أرقام العياده؟
ومكانهم وين؟
وتقولنا جم مده العمليه؟
وجم تكلف بالظبط؟ وهل لها اضرار ولا لا؟

يااااااااااااريت اللي مسويه عمليه ليزك تقولنا كل ششي عفيه بنات شاركونا بهالموضوع نبي نستفيد
لانه وايد بنات يبون يسوون بس مو عارفين شي وانا منهم​

 

[نواره الحلوة]

آنا سويت ليزك عند دكتور سامي الربيعة من تقريبا سنة وسواها ب 450 دينار شاملة الفحص مع زيارة بعد العملية وماشالله ماطولت العملية 10 دقايق وبعد العملية على طول اتحسين بالفرق بس مو 100% واتعانين من هالات الليتاتبس بعد فترة اتروح ويكون نظرج 6/6 بعد شهر تقريباً بس والله الحمد الله الحين كل شي تمام وانصح كل وحدة امفكره اتسويها اتروح عند دكتور سامي لأنه الله يبارك له شاطر وايد

 

[كيكة بالعسل]

هلا حبيبتي نواره اي انا مفكره اسويها عند سامي الربيعه وايد يمدحونه
بس عفيه حطيلي أرقام العياده ووين صاير بالظبط
---
بناااااااات وينكم شاركونا بالموضوع اللي سوت ليزك او ليزر تقولنا عند منو وبجم وشلون العمليه عفيييييييييييييييه

 

[مغروره بس معذوره]

انا توني الحين صارلي سبوعين تقريبا امسويتها عند محسن ابل اب440 والحمدالله وااااااااااايد مرتاحه

 

[كيكة بالعسل]

فديتج والله يدوم عليج بالصحه والعافيه
حمدلله عالسلامه مغروره بس عفيه كتبي لنا ارقام العياده ووين صاير مكانهم

 

[احلى حلوه]

انا سويتها من سنتين تقريبا عند دكتور عبدالله المنصور ماشاء الله عليه خوش دكتور وحبوب عيادته بحولي كان مسوي لاخوي قبلي من ست سنين تقريبا ,,
كلفت على 600 يمكن الحين يسويها ارخص ,,
العمليه تاخذ 10 دقايق لكل عين خمس دقايق وما تحسين بشي بس ضغط خفييييف عالعين اثناء العمليه وبعدين عادي لازم تلبسين نظارات شمسيه سوووووده عن الشمس والتلفزيون والليتات كلها اول جم يوم ويعطيج قطرات لازم تحطينها لمدة شهر

 

[روان_الكويت]

مسويتها عند الدكتور سامي الربيعه قبل 3 سنوات ب450 وانصحكم فيه ماشالله ما يطول اقل من 10 دقايق والدكتور حيل احليو وحبوب وانصحكم الي بتسوي اتسوي عنده اعيال عم ابوي كلهم مسويين عنده

 

[كيكة بالعسل]

مشكوووووووووووره احلى حلووه اي مادري ليش خايفه من العمليه
---
اي مشاله خوش دكتور سامي ربيعه حاطه عيني عليه الكل يمدحه

 

[~memo q8~]

انا انشاء الله بسويها بس خايفة

 

[منوره99]

انا مسويتها عند الدكتور سامي الربيعه بمركزه اللي بالفروانيه دكتور وايد شاطر وبالتوفيق

 

[الكويت^غلاي]

أنا سويتها من 6 سنوات تقريباً عند د.سامي الربيعة لما كانت عيادته بالسالمية بـ 800 دينار تقريباً ماشاءالله إيده خفيفة وبـ 10 دقايق خلص ما حسيت فيها وللحين الحمدلله كل شي تمام .
عيادته الحين بالفروانية مركز الربيعة الطبي والحين أرخص من قبل وأعرف ناس واجد سووها عنده معاي وللحين تمام .
وسلامتج ما تشوفين شر انشاءالله .

 

[كيكة بالعسل]

عفيه بنات نبي أرقام عياده الدكتور سامي الربيعه لانه وايد مشهور صراحه
--
مشكووره منوورره وماقصرتي
---
لا عادي توته احنا كلنا خايفين بس كلام البنات يريح لانه وايد يمدحون الدكتور اللي يسوون عنده
--
الله يسلمج عواشه
بس ياريت عواشه تكتبين لنا ارقام العياده عشان نستفيد ومشكوره وايد

 

[ريحانة]

انا سويتها من ثلاث سنين في دار الشفار عند البروفوسور محمد وجيه وايد وين

 

[كيكة بالعسل]

مشكووووره عمري ريحانه والله يوفقج

 

[سحااايب]

اانزين انا سمعت ان العدسات الملونه ماتقدرين تلبسينها وفيه شغلات ماتقدرين تسوينها يعني بختصار اللي سوو الليزك شنو سلبياته؟؟

 

[DooNy]

يمدحون الدكتور أمل الدريني في بو شهري كلينك

 

[Eva-SS]

انا ما سويتها بس ان شالله بسويها قريب

بس شوي متردده احس لها اضرار على المدى البعيد وفعلا هذا كلام الدكتور لي ( انها تاخذ من سمك الشبكية ) فتأثر على كبر .. بنفس الوقت انا ما شوف خاصة بالليل ماقدر اسوق ولو شنو ما البس نظارة فالله يعين خلق الله علي بالشارع امشي وادعم ههههههههههههههه

شوفي وجيه زين والسبتي هم زين وعندج ربيعة بس حيل حيل عليه زحمة دخلت العيادة بس شفت الناس حتى بعضهم واقفين ماكو مكان جان اطلع وين يلحقني الدور


انزين البنات اللي سوو الليز او الليزك جم يبيلهم عشان يزاولون حياتهم الطبيعية ؟ وبعد متى ممكن احط الكحل بعيني

وصج عدسات ماقدر احط

 

[noty]

هلا يا قلبي مادري صج الواحد وده يفتك و اسويها بس انا واايد اتردد

بس اكثر واحد يمدحونه ,, حتى اللي اسوون عمليات بره يقولون راجعوا عنده ( دكتور امل )

و قبل جم يوم حاطين مقابله مع دكتور عبدالمطلب بهبهاني شكله فااااهم

و دكتوري مال الاسنان اخوه توه ياي الكويت ايي زياره اهو لبناني اسمه جورج بالمركز الالماني اللي بالسالمه اللي فيه عيسى بشور

 

[نووووونا]

سامى الربيعه

واايد زين ,,

 

[زيزو]

انا سويتها من ثلاث سنين في دار الشفار عند البروفوسور محمد وجيه وايد وين

حتى انا توني مسويتها عنده ممتاز