أفـــكـــارنـــا لخـــبرة .. اســرتي .. واقـــاربي .. وجــيرانــي

[nero]

هالخبره داش فيها اجتماع الامهات

خنشوف افكاركم ..

ابداعاتكم

دروسكم..

اهدافكم..

منبهاتكم..


وعساكم عالقوه

 

[ابيار]

عسى ما يكون الموضوع نايم مثل الاول

 

[روحي رياضية]

عساكم ع القوة .. ووو الله يعينا ع هالخبرة ..

 

[احلى ايامي]

الحلقه علي يوم الاحد يتعرف مفهوم الاسره شلون احقق الهدف تكفوووون ساعدوني

 

[دنياك دنياي]

انا بعد مفهوم الاســـــــــــره :

احتمال من قص ولصق اقص شكل مربع ومثلث ومربعات صغار اوري الاطفال الاشكال ما هذا الشكل ما لونه الزق المربع الكبير يتوقعون شنو اهو ما اعرفو احط المثلث راح يبين شكل البيت انزين اطفال البيت جذي شكله شنو فيه باب ودريشه احطهم عقب اقولهم اطفال انتو عندكم بيت؟؟ صغير ولا كبير يالله نقوووم نقووم نقلد شكل بيتنا منو يقعد معاكم في البيت امنا وابونا واخوانا بعدين اقوولهم اطفال امنا وابونا واخوانا انسميهم اسره وبسسسس اكمل بعدين

 

[دنياك دنياي]

عندي درس يتعرف على دور الام تكفوووووووووووووووووون شلون ابدي بمنبه حقــــــــــــه .؟؟

 

[الرزينه]

اخذي علبة الحليب الصغيره عرفتيها اللي جنها بطل صغير وحطي داخلها اي عصير لونه احمر
بعدين اطفال شنو يشبه اذا ماعرفوا حطي الستكرز الابيض وقعدي كتبي عليه بيعرفون انه دوا منو بعطينا الدوا بيقولون امنا
بعدين اطفال الام من الاسره وندخل على ادوار الام
سوي مسابقات عن طريق المصورات
لعبة الكراسي او الالوان

 

[fofowa_q8]

اي والله عينا على الخبره بس مادري احسها حلوه وافكارها وايد

 

[fofowa_q8]

الرزينه شنو قصدج بلعبة الكراسي او الالوان شلون يعني ؟؟

 

[ريماس ماس]

عندي درس يتعرف على دور الام تكفوووووووووووووووووون شلون ابدي بمنبه حقــــــــــــه .؟؟

منبه عاللوحة المغناطيسية لصقى قطعة مستطيل من ورق قصدير ما هذا الشكل ثم اكمل قطعة اخرى حتى اكمل شكل جدر من الاوانى المنزلية ثم اسال من يقوم باالطبخ هم بردون عليج طبعا الخدامة بس ماعليج كانج ماتسمعين كمل عن باقى اعمال الام وطبعا كل شوى مثلى مع الاطفال كيف تكوى الملابس ويكون بركن المنزل تقليد عمل الام

 

[البنفسجيه]

منبه لدور الام او صورة ام:خامه سوده سوي عبايه

 

[abla^nono]

عندي درس يقارن بين الأسرة القديمة و الجديدة
يقدر دور الاسرة
يمثل أدوار الأسرة


والدرس الثاني
يذكر دور الأبناء في المنزل
يتعاون مع أفراد الأسرة
يلعب بالألعاب المختلفة

 

[أم سعـود]

ويييه انا بعد دور الأم وأهمية المنزل

 

[أعترفلك]

تكفون درس عن دور الاب

 

[DoOoOoha]

مرحبا كويتيات

يالله مشت الايام ماشاءالله الحين بخبرة اسرتي واقاربي وجيراني

وانشاءالله هالخبره فيها تفاعل اكثر من اللي قبلها

انا بعد درسي عن مفهوم الاسره

بس عن شنو نتحجى بالضبط ؟؟؟

والمنبه حلو منبه المنزل واستخدامك اللوحه المغناطيسيه وهمن تقدرين

تسوين البيت بالبوربوينت يموتون على الكمبيوتر

او عن طريق قصه او مشكله وحلها

اما درسي الام احجسه يجنن فيه منبهات وفيه حجي وايد


بالنسبه للاب لو تسوين المنبه عن سياره تركيبها يا باستخدام البوربوينت او بالقص ولزق

ليمن تتوصلون منو يسوقها بيقولون الاب

بالنسبه للدرس يقارن بين الاسره القديمه والجديده جنه شوي صعب الدرس

 

[الحياة]

انا بسوي جذي فقلت برسم بيت بيدي وبحط صور اقسام البيت وكل قسم منو يقعد فيه يعني غرتين نوم تحطين غرفة المطبخ سيارة بره البيت الحديقة وكل واحد وين يقعد بالبيت وتتليمن انهم مكوينين اسره

 

[Om_Ksha]

هم انا دور الام واعمالها !! والحركى ماكتبتة لى الحين شحط !!

 

[kajool_80]

عندي درس يتعرف على دور الام تكفوووووووووووووووووون شلون ابدي بمنبه حقــــــــــــه .؟؟

انا والله العام سويت منبه وكان صوره مكنسة طلعتها من الصور اللي تنباع بدسمان الصغار وتصنبفها أدوات كهربائية وخذيت الصورة وكبرتها على a3 وغلفتها ووقصصتها 4 أجزاء وعن طريق المسابقة الأطفال يركبون لج المكنسة ومنها تدشين حق درسج

 

[kajool_80]

تكفون درس عن دور الاب

انا بعد وياج ابي منبه حلو عن دور الأب
والبنات عندنا بالروضة يسوون مسباح من الألعاب التربوية جان عندكم نظم الخرز
والمدرسة اللي معاي العام سوت بالكور الملونه مسباح واجابات الاطفال كانت حلوه وتالي توصلو للمسباح ولزقت الكور بدبل فيس على فلين وماادري جان يعجبج المنبه والا لا.

 

[أعترفلك]

انا بعد وياج ابي منبه حلو عن دور الأب
والبنات عندنا بالروضة يسوون مسباح من الألعاب التربوية جان عندكم نظم الخرز
والمدرسة اللي معاي العام سوت بالكور الملونه مسباح واجابات الاطفال كانت حلوه وتالي توصلو للمسباح ولزقت الكور بدبل فيس على فلين وماادري جان يعجبج المنبه والا لا.

_03ba:_03ba:_03ba:_03ba:_03ba: