ملتقى الأمهات - مدارس الخاص + فهرس المدارس الخاصهܓܨ@

[أوراد3]

رد: ملتقي الامهات - مدارس خاصه

السلام عليكم بنات
هذه أول مشاركة لي في المنتدى
شرايكم في مدرسة دسمان النموذجية؟
منو عندها عيال أو أقارب فيها؟
أو سامع أي شي عنها؟
شلون مستواها؟أفيدوني

 

[سيدة الكويت]

رد: ملتقي الامهات - مدارس خاصه

دسمان مو ذاك الزود كلش.................ماكو تأسيس عاديه حيل

 

[حلم الطفولة]

رد: ملتقي الامهات - مدارس خاصه

اشلونكم بنات
انا عضوة جديدة لكن ياريت تساعدوني لاني وايد محتارة و ضايق خلقي انا عيالي كلهم درسوا في مدرسة الغانم و الحمد لله وايد مرتاحة لكن المشكلة ان ولدي الكبير الحين في السنه الثامنه و المدرسة مافيها ثناوية و ابي احول ولدي مدرسة ثانية بس ما ادري وين اوديه ابي مدرسة نظام امريكي بس ابي مدرسة زينة و ما ادري شسوي اوديه مدرسة مختلطة ولا مفصولة وايد حايرة ساعدوني بنات لا تخلوني

مشكورين وايد

الاخت جنى عندج خيارات كثيره .. بس الافضل : .. البيان ,. الابداع .. الامريكيه العالميه
وشخصيا آنا أفضل الابداع .. وحياك. دخلي على

مدارس أجنبيه والأفضل ؟؟ التسجيل قائم
ودخلي على:
شات الابداع
موجودين بنفس المنتدى: ركن خاص لأولياء الامور .. بس مو مثبت .. فيهم نقاشات عن بعض المدارس اخذي فكره. ..
.

 

[* LOVE STORY *]

رد: ملتقي الامهات - مدارس خاصه

اشلونكم بنات
انا عضوة جديدة لكن ياريت تساعدوني لاني وايد محتارة و ضايق خلقي انا عيالي كلهم درسوا في مدرسة الغانم و الحمد لله وايد مرتاحة لكن المشكلة ان ولدي الكبير الحين في السنه الثامنه و المدرسة مافيها ثناوية و ابي احول ولدي مدرسة ثانية بس ما ادري وين اوديه ابي مدرسة نظام امريكي بس ابي مدرسة زينة و ما ادري شسوي اوديه مدرسة مختلطة ولا مفصولة وايد حايرة ساعدوني بنات لا تخلوني

مشكورين وايد

هلا والله
حبيبتي عندج وايد مدارس نظام امريكي بس حددي تبين امريكية ولا ثنائية اللغه عشان افيدج ان شاالله

 

[Dancing^Queen]

رد: ملتقي الامهات - مدارس خاصه

شلونكم امهات؟
ها منو عيالها اجازه؟
منو يداومون
انا لي الحين يداومون وتغيرت الابله
والله العظيم طريقه التدريس غير !!!!
شكلها خوش ابله الله يتمم عليها هذي تعلمهم الكلمه مفككه وشلون تركبينها
اله لايرويكم كشكول بنتي ابد تقولين ساحه تفحيط كاتين فوقها زيت واي تمسسسسسسسسسسسح وترد وتمسح وترد

حسبي الله ونعم الوكيل علي الابله اللي عقدتها وين ماكانت حسبي الله ونعم الوكيل انا مو مسامحتها لادنيا ولا اخره سنييييييييين وانا احط فكر براس بنتي اهي خربته خلال ثلاث اسابيع
بنتي قامت تشقق كشاكيلها كل كشكول مفصول عن غلافه كلللللللللهم بدون استثناء حتا الكلاس ورك
ماتبي تبذل اي مجهود تقولي مااما انا كسلانه خلاص ليش اتعب عمري
وقامت تحقر بالحصه وبس تطق سوالف قلت حق الابله قعديها جدام بروحها حطي يمها احد مايتكلم كلش جود تطخ
وكل يوم صراع علي الواجباااااااااااااااااااااااااات كل يوم
والله من يومين حاشني انهيار عصبي بجيت وبجيت وبجيت ونمت من الحره حسبي الله ونعم الوكيل عليها من ابله

 

[برونزية رشيقة]

رد: ملتقي الامهات - مدارس خاصه

هلا كوين ... شخبارج ؟

والله أنا ولدي للحين يداوم ... وبدينا بالريدنج (( القراءة )) مدرسته هذي سياستها كي جي 1 بس قراءة كل أسبوع قصة ..
ولازم يرسم رسمة شنو استفاد من القصة .

وريسبيشن ( إنشاءالله السنة الياية إذا الله أراد وكملت معاهم ..راح يبدون واجبات بسيطة نحلها معاهم بالبيت بالرياضيات والكتابة )

إنزين ودي أستفسر عن شي أنا أعانيه مع ولدي .. ما لاحظتي الحجي صار مكسر بالعربي ؟

يعني أنا ولدي 4 سنين ونص كلامه وايد مكسر ومخارج الحروف غلط عنده بالعربي ...

بس بالإنجلش يفهم كلامي أسرع من العربي ....أمبي ليش ؟

وسؤال ثاني : أسولف معاه بالبيت عربي وإلا أنجليزي ؟ خصوصا في هالعمر الصغير ؟ أخاف ينسى الحجي الكويتي إذا كلمته أنجلش بالبيت ؟؟؟؟؟؟؟؟؟؟؟

 

[Dancing^Queen]

رد: ملتقي الامهات - مدارس خاصه

لا تلخبطينه
سولفي وياه انجلش علشان تثبت دراسته لازم
مو طول الوقت طبعا
بس خصصي وقت قوليله اتس انجلش تايم وماراح ارد عليك الا انجلشولاتكلمنيالاالنجلش
حطيله عوامل مساعده
بارني
دورا
او رسومبالانجلش

 

[توتيه]

رد: ملتقي الامهات - مدارس خاصه

بنات بليزز منو مدخله عيالها المدرسه الباكستانيه اللي بالاحمدي تقولي شرايها فيها بللليززززززززز ردو؟؟؟؟

 

[* LOVE STORY *]

رد: ملتقي الامهات - مدارس خاصه

شلونكم امهات

بسألكم متى تبتدي عطلة نص السنة عندكم
مدرسة ولدي عطلتهم من 12-7 الى 1-4

 

[برونزية رشيقة]

رد: ملتقي الامهات - مدارس خاصه

شلونكم امهات

بسألكم متى تبتدي عطلة نص السنة عندكم
مدرسة ولدي عطلتهم من 12-7 الى 1-4

لا حبيبتي ما عندنا اجازة لحد الحين ...مادري متى يبدون ؟؟؟

 

[اي اسم]

رد: ملتقي الامهات - مدارس خاصه

عطلة نص السنه مالت الحكومة
1 فبراير الى 15 فبراير

 

[Miss_Tiger79]

رد: ملتقي الامهات - مدارس خاصه

منارة ورفرف الهوموورك كان وايد يوم الاربعا عشان العطله
يبون يكدشون اليهال عدل بالعطله

بس على الجمله انا ولدي قعد يتعيير علي ويقولي تعبت مع اني كل اشوي اعطيه بريك وبعدين يكمل
وقلت كل يوم يسوي شي لانه العطله اسبوع عشان ما ينسى
فاول شي بديت فيه الجمله وقعد يماطل فيها وقتله عبود اذا ما كتبتها بنروح سيتي سنتر ونلعب واهوه غرامة سيتي سنتر حق الالعاب وانا بس تهديد بعدين سويتها صج وانا اول مره اعاقبه واطلع عنه وطبعا طلعت وقلبي يعورني وكان ابوه عنده وقالي بس طلعتي قام يبجي وبعدين قام يكتب بروحه ههههه
والحمدلله اليوم كان آخر هوموورك سواه
عشان ما يمل


انزين بغيت اسالكم سويتو عيد ميلاد حق عيالكم بالمدرسه
لاني احس اذا سويته بالمدرسه يستانس اكثر خصوصا انه ابلته قالتلي كلميه انه يسمع كلامي ما يسمع الحجي مع انه يحبها بس اهوه ورفيجه صايرين جذي
يمكن عقب العيد ميلاد يستانس ويهدي اسمالله عليه

 

[Miss_Tiger79]

رد: ملتقي الامهات - مدارس خاصه

الله يعينج كوين

والله قاعده اشوف كلامج واقول الله يعيني السنة اليايه عاد انا مافيني اعصاب على التدريس
انشالله الله يوفق بناتج يا رب

 

[Miss_Tiger79]

رد: ملتقي الامهات - مدارس خاصه

بنات منو مشركة عيالها بال after school clubs بمدرسة التكامل
ابي اعرف شنو يسوون هناك لاني اشوفهم يدرسونهم لاني اخذ عيالي متاحر
فقلت اشركهم فيه بدال ما يقعدون يطالعون تلفزيون
وريلي بيسافر فماكو احد يا خذهم غيري
وشلون على اكلهم تحطولهم شي لانها تكون حزة غدا

 

[رفرف]

رد: ملتقي الامهات - مدارس خاصه

تايقر ...

الهوموورك مال صبوية وولد مناره كان الثلاثا مو الاربعا ..
يعني سلمناه قبل العطلة ..
والحين بالعطلة كل يوم صفحة واذا لها خلق نحل اكثر من وحدة ع الفراغه انا صاير مالي خلق مريضة ..

والافتر سكول كلب انا مدخله صبوية ..
مالي خلق منة دوامي كل يوم اترجاهم يطلعوني واقعد على اعصابي لا اتأخر عليها .. جذيه واااااايد احسن ..
اهوه مو دراسة دراسة يعني بس مستانسة يلونون ويقولون لهم قصص يسوون اشغال فنية طبعا عن الكلرز والنمبرز والشيبس بس ما يكتبون وينسخون .. على fun اكثر ..
حتى اهمه يخلصون 2,20 انا مرات اخذها 2 تطنقر تقولي ليش تاخذيني امبجر !!
وفي الصف اللي يمهم بس تي في .. يكسرون خاااااااطري اليهال اهلهم ايونهم عقب الساعة 2 وماعندهم شغل بس مجابلين التلفزيون بتمللون اللي نايم واللي يلعب بروحه الصراحة النادي واااايد اريح ..

الاكل انا ماحطلها غدا .. بس ازيد اكلها لأن تاكل قبل الكلوب بالفترة هاذي اللي بين نهاية الدوام وبداية الكلوب ..
احطلها صمونة او كرواسونة وكيكة وفاكهة وبسكوت وسيريال بار وعصير وحليب

 

[Miss_Tiger79]

رد: ملتقي الامهات - مدارس خاصه

مشكورة رفرف ما تقصرين
اي انا عيالي اخذهم الساعه 1.5 او 2 فاشوفهم يطالعون التلفزيون ومستانسين حتى لما اخذهم يقولي لحظة اشوي بس هههه
والحين ابوهم بيسافر فقلت اخليهم بالنادي احسن على الاقل ارد على راحتي من الدوام واخذهم
وانشالله بشركهم فيه احسن من ما يطالعون التلفزيون


ومشكورة حبيبتي

 

[اي اسم]

رد: ملتقي الامهات - مدارس خاصه

بالنسبة للمناهج فهي تختلف وردي هذا نابع من تجربتي الشخصية لان ولدي الكبير درس لحد جريد 3 بالبيان ثنائية اللغة بعدين نقلته الرؤية وولدي الاصغر منه في الحياة ثنائية اللغة فابختصار راح اعطيكم المعلومات اللي عرفتها من هالمدارس:

• البيان مدرسة قوية وتستحق انها تسمى ثنائية اللغة لان العربي والانجليزي يدرس بنفس القوة من الروضة ، يعني مثلا في مدرستين عربي اساسية ومساعدة لكل صف ونفس الشي بالنسبة للانجليزي مدرستين اساسية ومساعدة
وانا بالنسبة لي احد اهم جوانب القوةوالابداع في تدريس المادة تتضح في اولى ابتدائي لان المدرس راح يحول طالب امي الى طالب متعلم والبيان ممتازة بهالشي ويدرسون على الراحة ومافي استعجال وبعد كل مجموعة دروس يصير في مراجعة ومع كل درس مجموعة كلمات خارجية والعاب باستخدام الاحرف …روعة صراحة والمدرسة الثانية تخصص جزء كبير من وقتها للطلبة اللي عندهم صعوبات في جزئية معينه من المنهج مثل اللي خطهم رديئ او عندهم مشاكل في الكتابة …تاخذهم على جنب في طاولة خاصة وتعلم كل طالب بروحه وتقعد معاه والانجليزي نفس الشي واحلى شي بالانجليزي القراءة وحيل يهتمون فيها البيان ، عندهم ورقة اسمها الreading log لازم الطالب اللي يبي يشترك بهالشي- عند بعض المدرسين الزامي والبعض اختياري - كل يوم يقرا قصة وولي الامر يوقع له وفي نهاية الشهر تسوي المدرسة بيتزا بارتي وبس تعزم اللي قروا طول الشهر
ومنهج البيان بالنسبة للانجليزي متنوع ياخذون من Harcourt بعض الكتب مثل Harcourt signatures واحيانا يدرسون الصف بعض القصص يعني يوزعون على كل الصف قصة معينه ويبدون يدرسونها والدرس الواحد يطولون عليه

• اما الرؤية فمدرسة واحدة للعربي ومدرسة وحدة للانجليزي- منهجهم للانجليزي Harcourt trophies بس ما ادري ليش ولدي بجريد 4 وقاعدين يدرسونه كتب جريد 3 – الانجليزي بالرؤية ضعيف مقارنة بالبيان للاسف ومدرسين الانجليزي عرب للاسف بعد. وايضا كتب العلوم من Harcourt وهم يدرسون ولدي منهج جريد 3 بالعلوم ومادري ليش يدرسونهم منهج مرحلة اصغر

• وفي الحياة مدرستين للانجليزي ومدرسة واحدة للعربي- منهج الانجليزي مال الحياة قوي بس انا اعتبر العربي ضعيف مقارنة بالبيان لان في مدرسة واحدة بالصف وتركض في المنهج مادري ليش طايرة :RoadRunner: وما احس انها تقعد مع كل طالب وتحاول تقوي نقاط ضعفه او تعدل طريقة رسمته للحرف مثل ما كانت تسوي المدرسة المساعدة في البيان
وبعدين انا ما ادري ليش الحياة ما خلت اسم ما حطته باسم المدرسة جنهم خايفين يطوفهم شي
مدرسة الحياة العالمية ثنائية اللغة ... ليش
انا اعتقد ان اسم مدرسة الحياة الامريكية انسب لها لانها ما تستحق تكون ثنائية لان العربي والانجليزي مو قاعدين يدرسون بنفس القوة وهذا رايي لحد الحين ويمكن اغيره بعدين والله اعلم

• الابداع قالت لي زميلة في المنتدى انهم يدرسون Harcourt trophies بمادة الانجليزي

للتوضيح : بس يعني حتى لو قالوا لكم انهم يدرسون هاركورت مثلا فان الاجابة مو كافية لان هاركورت عنده اكثر من نوع لكتب الانجليزي الخاصة بالقراءة يعني مثلا الرؤية تدرس هاركورت تروفيز والبيان تدرس هاركورت سيجنيتشرز في بعض المراحل وومكن ترجعون لموقع هاركورت الالكتروني للتوضيح

ادري قرقت عليكم ودوختكم
بس والله العالم حبيت افيدكم لاني وايد افكر بموضوع المدارس
وكنت دايما اتمنى اني احصل احد يفيدني بهالموضوع
اتمنى تستفيدون وما تنسوني بالدعاء لي ولعيالي وزوجي واهلي :yaaaaaarb:
ومشكوريين وحياكم الله

 

[برونزية رشيقة]

رد: ملتقي الامهات - مدارس خاصه

للتوضيح : بس يعني حتى لو قالوا لكم انهم يدرسون هاركورت مثلا فان الاجابة مو كافية لان هاركورت عنده اكثر من نوع لكتب الانجليزي الخاصة بالقراءة يعني مثلا الرؤية تدرس هاركورت تروفيز والبيان تدرس هاركورت سيجنيتشرز في بعض المراحل وومكن ترجعون لموقع هاركورت الالكتروني للتوضيح (( مقتبس من كلامج ))

شنووووو يعني هالنقطة ؟ شنو سالفة هالمنهج ؟ يعني شركة عالمية ؟ وإلا شي قوي ؟ وشنو الفرق بين مال الرؤية ومال البيان ؟؟؟؟

 

[manarah]

رد: ملتقي الامهات - مدارس خاصه

مس تايقر انا العام يوم كان ولدي بكي جي 1 سويتله عيد ميلاد وأكيد الياهل بيستانس اذا سوا عيد ميلاده مع ربعه ومدرسته وهالسنه انشالله ناويه اسويله لأن يصادف هالشهر .. بس ترى العام كانوا عادي يخلونج تدخلين صفه تحضرين عيد الميلاد وتصورين بس هالمره ما اعتقد لأن قال مستر براين بالاجتماع اللي سووه أول السنه ان ممنوع ومرت اخوي كان عيد ميلاد ولدها الشهر اللي فات سوته حقه بالصف بس ما رضوا انها تدخل .. يعني اتودين شغلج كله بأي وقت وتعطين كامرتج التيشر ووقت عيد الميلاد يكون الساعه 12 .

 

[رفرف]

رد: ملتقي الامهات - مدارس خاصه

مناره شوقتيني شكلي بسوي حق صبوية هذاك اليوم واحد بصفهم يايب كيكة وقالتلي انا بعد بسوي عيد ميلادي بالسكول بس انا ما تشجعت ..

شكلي بغش بسويها مبجر عن خاطرها