أستفتاء أحسن دكاتره عيون يسون الليزك او الليز ؟

[~NaZaKa~]

عسووله روحي حق دكتورج وطمنينا

كيكة بالعسل

حبيبتي سويتها عند د. عبدالله المنصور
وكلفتني 500

 

[كيكة بالعسل]

اممممم نم نم نم صراحه اول مره اسمع عن هالدكتور ههههههههههه
بس هم مشكوره ماقصرتي
<< خبله ماتعرفين دكاتره انجعمي احسن :p

 

[أحلى^حياه]

والله شجعتوني اسويها عند سامي الربيعه

بنااااااااات اللي مسوينها
صج يرد النظر بعد فتره؟؟

 

[بطريقة]

الدكتور محمد عبدرب النبي محمد في مركز الزهير الطبي اللي يم المواساه ..

الدكتور وايد زين شاطر:050103nbh_prv:


وعموما انا ماانصح باللزر والليزك .. ولو تشوفين انه اغلب اطباء العيوم يلبسون نظارات ..
انا مرة نصحني طبيب بالليزك واهو يلبس نظاره .. جان اقوله ليش ماتسوي انت ؟؟؟؟؟:eh_s(10): قال انا مرتاج جذي .. رديت عليه قتله : حتى انا مرتاحه :bbbiu:

 

[كيكة بالعسل]

امممممممممممم انجل همن حتى انا ودي اسويها عند سامي الربيعه وايد سمعته زين وخبره اكيد
امممم مادري بس ماتوقع لانه وايد ناس كبار يسوونها ونظرهم للحين الحمدلله
--
بطريقه بس الليزك يفكج من النظاره والعدسات الطبيه واللويه والعوار الراس
انا مالبس نظاره بس عدسات ومرات احس بعوار بعيوني ابي افتك منهم وماكو الا الليزك اهوا اللي يريحني منها
مشكوورين وايد ونبي ردود البنات اكثر

 

[cataract]

أختي كيكه سواء سويتي العمليه ولا لأ راح تلبسين نظاره للقريب بعد سن الأربعين حتى إلي نظرهم 6/6 ومايلبسون نظاره لأن عضلات العين تظعف وهذي سنة الحياه

 

[كيكة بالعسل]

افففففففففففففف كاتركات سكتي عااد ضيقتي خلقي
ههههههههههههههههههه
مشكووره قلبووو عيل دام راح تضعف عضلات العين خل اسويها بشبابي

 

[نشميه]

بنات اللي مسوين عند دكتور وجيه اللي بدار الشفا شلون مواعيده زحمه ولا لا وحسيتو بالعوار بالعمليه لاني انا مره سويت عنده جيس دهن كان بعيوني بس ما شلته علطول امن طلع لا نطرت سنه وغقب رحتله بس حسيت بالعمليه كانت وايد عيوني تعورني وصارت منتفخه عقب العمليه حتى ما قمت اطلع وكنت متفقه معاه ايسويلي ليزك بس عقب اللي شفته خفت ما ادري اذا بالليزك جذي ولا لا

 

[كيكة بالعسل]

هلا حبوبتي نشميه لا اللي سمعته انه الليزك وايد سهله وبسيطه
يعني ماتاخذ من وقتج 10 دقايق وماكو بنج بس قطره على عيونج
وبعدين شيسمونه شسمه امممممممم اي نظرج يكون 6\6
هذا اللي اسمعه من البنات ومشكوره عمري و اي شي تبينه سالي
باي

 

[Ga6waah83]

السلام عليكم

انا توني مسويه عمليه عند الدكتور عبدالله المنصور بصراحه في قمه الروووووووعه هالدكتور واااايد محترم ومتفهم ويصبر عليج ويفهمج ويرد على كل سؤال تسألينه ...
يعني انا رحت اليوم مثلا عشان يشوف اذا تصلح لي العمليه والا لا ؟؟ والا يقول لي تصلح واذا تبين باجر اسويها لج
بصراحه دكتور شاطر اواثق من نفسه واستشاري ودارس بألمانيا وكافي انه ولد ديرتي ... بصراحه حطيت عيوني بين ايدينه وانا مرتاحه وانصحكم فييييييييييييه .... والله يا بنات احساس مو طبيعي اني اقوم من النوم بدون نظاره الحمدالله والعمليه كنت ميته خوف منها بس صج صج ما يساوى كل الخوف اللي خفته حيييييل بسيطه وما تعور وكل عين 3 دقايق

سبحان الله ويرجع النظر

 

[كيكة بالعسل]

الحمدللله الله يدوم عليج بالصحه انشاله
بس ماقلتيلي بجم سويتيها مع المراجعات بعد العمليه وجذي جم تكلف؟
وماقالج جم يكون النظر بعد العمليه هل 6\6 ولا اقل
ومشكوره حبيبتي

 

[شقردية ذهبية]

آنا الصراحه وددددددددددددييي أسويها بس ناس تقولي ماتصلحلج لأن نظري مو وايد ناقص,

عيني اليمين 1.50 واليسار 1.75 واليسار فيها أنحراف مادري تصلح أسويها ولا لأ والصراحه أمي ماودها أسويها تقول مو لازم ما يحتاي تسوينها نظرج مو حيل ضعييف بس لأني ما أحب العدسات وكثرة النظارة يقولون تصغر العييين وتسود الجفن اللي تحت مادري كلامي صح ولا لأ و محتارة شنو تنصحوني فيه؟؟

:bbbiu:

:080402ask_prv:

 

[كيكة بالعسل]

هلا شقرديه مادري حبيبتي كيفج بس الاحسن انه تسوينها وترتاحين من النظاره ومن العدساات

 

[نظـــرات حـــائرة]

أنا صارلي اسبوعين مسويتها عند الدكتور محمد وجيه الديب بدار الشفاء

بصراحة دكتور ولا أحلى ..قمة بالنشاط والتعامل الحلو

حتى بوقت عمليتي كنت وايد خايفه (خبلة ماعندي سالفة) بس هو طمني كثير

أنا عندي طول نظر فـ فيها صعوبة شوي ..تميت ساعتين بغرفة العمليات ..لا تخترعين أنا حالة استثنائية على قولة الدكتور

لأنه عيوني وايد تعبانه ونوع نظري صعب ..وأغلب هالساعتين اصلا مخليني أرتاح بين العينين ..

يعني سوا لي أول عين ..وخلاني ارتاح تقريبا ساعة وبعدين سوا العين الثانية

عقب العملية بساعة تقريبا بلشت عوار ودموع وحرقه ..بس بوقت العملية ما حسيت بأي عوار ولله الحمد




سويتها بـ 450 غير الأدوية وكشف القرنية ..صارت تقريبا بـ 500

حاليا ماشيه على القطرات ..وعقب العملية رحت له مرتين والحمدلله كلامه مطمن

أنا صارلي اسبوعين مسويتها ..وللحين أحس بشوية ضبابية ..بس طبعا فرق السما عن الأرض

وموفقه الله يسهل لج ..توكلي على الله وسويها لا تترددين

 

[كيكة بالعسل]

هلا الياسمين مشكوره على مشاركتج
ومششالله وايد يمدحوونه دكتور محمد وجيه
ومشكووره ياقلبي

 

[بدويه دلوووعه]

د. سامي الربيعه رووووووووووعه .وعن تجربة 8 اشخاص من عايلتنا .

 

[~NaZaKa~]

قطوه الحمدلله على السلامه

انا بعد كنت مسوييتها عند عبدالله المنصور

ونعم فيييه حدج ترتاحين معاه

انا حسيت جنه واحد من عمامي لوووووول

يعني صدره وسيع ويسولف معاج ويطمنج

والعمليه ماتحسين فيها جنها شربت ماي لوووووول

والله بنااات انصحكم فييييه

كافي انكم تروحون البحر وتغوصون وتشوفون كل شي واضح لووووووول

حددي متعقده من هالسالفه بالبحر ما اقدر البس نظاره ولا عدسه فحدي عميه ولا اشوف شي

بس الحين حده وناسه واشوف كل شي لوووووووووول

وحتى العدسات الطبيه افتكييييت منهم وانا عدساتي طلبيه لوووووووووول

لانه فيني انحراف ونظري وايد ضعيف فأحسهم ثقال على عيني وما اتحملهم يوم كامل

والله الف الحمدلله والشكر اني سويت العمليه وافتكيت من المعاناة

اذكر مره كنه رايحين الشاليه وانا فاصخه نظارتي ونايمه يه اخوي ونط عليها مادري شسوى واتكسرت

واي بنااات لاتسئلوني عن شعوووووري وقتها كنت شوي وابجي مو قادره اشوف شي

واقرب محل نظارات يبيلي ساعه إلا ربع عشان اوصله

حتى ابوي انكسر خاطره ووداني نظارات كيفان لووووووول

طقينا درب سويت النظاره ورجعت

حده شعووور مو شي

لوووووووول جني قرقت عليكم ودخلت بمواضيع مالها داعي خخخخخ السموووووحه

جاو جاو

 

[خليج***]

وعموما انا ماانصح باللزر والليزك .. ولو تشوفين انه اغلب اطباء العيوم يلبسون نظارات ..
انا مرة نصحني طبيب بالليزك واهو يلبس نظاره .. جان اقوله ليش ماتسوي انت ؟؟؟؟؟:eh_s(10): قال انا مرتاج جذي .. رديت عليه قتله : حتى انا مرتاحه :bbbiu:

زين سويتي فيه عرفتي تردين ههههههه

وكثرة النظارة يقولون تصغر العييين وتسود الجفن اللي تحت مادري كلامي صح ولا لأ و محتارة شنو تنصحوني فيه؟؟
:bbbiu:
:080402ask_prv:!

مااعتقد ان كثرة النظارة تصغر العيون!

والله بنااات انصحكم فييييه

كافي انكم تروحون البحر وتغوصون وتشوفون كل شي واضح لووووووول

لوووووول حلوة هاذي نغوص بالبحر ان شاء الله اذا سويتها بغوص واكتشف اعماق البحار الغامضة خخخخ
بس بحرنا مالح اخاف عيوني تحرقني :080402ask_prv:

 

[نينا ريتشي]

انا سويتها عند سامي الربيعه من سنة 2005 والحمد الله افتكيت من النظاره والعدسات

 

[صمت الروح]

اختى مسويته عنده ويد زين الدكتور سامى ربيعه

والحين عياده بالفروانيه