النـــواب فــي مـــجلـــس الأمــــــه ..**نـــقـــــاااش**

[*مارلين_مونرو*]

وعليكم السلام

صوت للحل الغير دستوري لان اعضاء هالمجلس معظمهم لو يحصل لهم يلغون الدستور ويبدلونه ابامور مبنية على انتمائاتهم بيسوونها .. فنواب من هالقبيل مو كفو.. واذا مجلس يقر بان الوزيرتين غلط وجودهم ويلغي لجنة المراه وبنفس الوقت يقولج القبلية مافيها شي ويبون الدواوين اللي مخالفه ومخلين اللجنة الدخيله .. وغير اللي منهم كان بالتابين وما اعتذر والثاني اللي ما احترم النشيد الوطني والثالث اللي شهادته مزوره وغير المداحر والالفاظ دون المستوى والاهتمام بالتوافه وتجاهل الاشياء الاهم .. فاشوفهم بيخربون الديره بدال لا يصلحونها .. (واوافق راي الاخت grl in a bottle)
واتوقع يبيله وقت يوقف لين ما يتثقفون سواء المرشحين او الناخبين

وتسلمين على الموضوع

هلا فيج حبيبتي .. و كلامج عدل 100% ويارب الله يصلح حال ديرتنا ان شاء الله و ماتقصرين عالمشاااركه​

 

[inlove_i]

انا ضد فكره الغاء المجلس ومع وجود المجلس الحالي رغم انه لا يحقق الطموح والامال المرجوهـ

ولكن بدون المجلس لن يكون هناك دور رقابي على مؤسسات الدوله المختلفه و راح تصير البوقات ببلاش ع الاقل يكون المجلس موجود ويمارس دوره الرقابي على هذه المؤسسات ورغم وجود المجلس يتم اكتشاف اختلاسات وتجاوزات كبيرهـ

يمكننا التسائل كيف سيكون الحال بدونه بالطبع سيكون اسوء !

وعلى قووله المثل بنخلي القرعى ترعي ! والبوقات والاختلاسات بتصير بـ نص الظهر !

بالرغم من ان اداء المجلس ضعيف واداء الحكومه سيء و بالرغم من ان الشارع الكويتي ساخط من هذا الاداء
وبالرغم من ان شتى المجالات نازله وهابط ادائها من اقتصاد و تجاره و رياضه وتعليم وصحه

بالرغم من ذلك نحتاج المجلس لكي يسيطر على القليل من هالبلاوي اللي نشوفها !

والله الحال يرثى له وكأننا نعيش في دوله فقيره وخير الدوله للغير ولكن ! ما باليد حيله !

ياليت عندنا مسؤول واحد مثل الشيخ: محمد بن راشد قاد دبي وحولها من صحراء قاحله إلى الرائده في شتى المجالات و اوصلها إلى العالميه
بمشاريع التنميه وبالفكر النير وبالاداره الحسنه !

ولكن !

الوضع هنا يالله نفسي وكل واحد يالله يشيل نفسه محد يفكر بهالديره وبالتنميه و برفعه شأننا الحال متردي

والشكوى لله !

لا مشاريع نفس الناس لا سياحه نفس الناس لا شوارع نفس خلق الله لا مطار نفس خلق الله لا تجاره لا تعليم لا اقتصاد لا مستشفيات ومرافق حكوميه نفس خلق الله !

صراحه دولتنا فقيرهـ بشتى مجالات التقدم والرقي والازدهار وصرنا في المركب الاخير وجميع دول المنطقه متقدمه علينا في شتى المجالات !


و الله يعيننا ع هالضيم !

 

[نجمه الحالمه]

مع وجود مجلس الامــــه

 

[*مارلين_مونرو*]

لا مشاريع نفس الناس لا سياحه نفس الناس لا شوارع نفس خلق الله لا مطار نفس خلق الله لا تجاره لا تعليم لا اقتصاد لا مستشفيات ومرافق حكوميه نفس خلق الله !

صراحه دولتنا فقيرهـ بشتى مجالات التقدم والرقي والازدهار وصرنا في المركب الاخير وجميع دول المنطقه متقدمه علينا في شتى المجالات !


و الله يعيننا ع هالضيم !

حياج الله حبيبتي و شاكرتلج كلامج و ردج الكريم .. بس في نقطه اعارضج فيها .. اللي قلتي ان دولتنا فقيره في شتى المجالات..

انا بالنسبه لي اشوف ان الكويت مازلت متطورة و كل الدول اللي باديه تتطور قاعده تمشي بنفس الخطوات اللي مشت فيها الكويت ليما وصلت للتقدم و الرقي .. لكن انا اقولج .. ترى الحين في مشاريع و في تطوير بس احنا مو قاعدين نحس فيه لان قاعد يصير شوي شوي ..

من حيث التعليم : لاحظي ان كل مناهجنا تغيرت من الابتدائي ليما الجامعه للاحسن..
من حيث الصحه : واايد مستشفيات حديثه طلعت بهالفتره و راح تكثر ان شاء الله ..
من حيث التجاره والاقتصاد: كل دول العالم متضرره من هالموضوع يعني شي مو بيدنا..
من حيث المطر : هذي حكمة ربج !!

ولكن التطور اللي احنا نشوفه في دول الخليج الثانيه تطور عمراني مو تطور حضاري..

لكن ان ييتي الكويت بتشوفين التحضر و الرقي عندنا بناسنا .. والكويت ماااتقدر تلحق على باقي الدول الخليجيه ..
لان مانقدر نفتح عندنا المراقص و الديسكوات و المشروب .. وهذا اللي منعش السياحه في باقي الدول ..
و طبعا احنا ماراح نسمح لهالشي يدخل علينا ..

عشان جذي الكويت تمشي خطوه خطوه في كل المجالات بس احنا مو حاسين بهالشي لانه يصير بشكل بطيـــــــــيء ..​

 

[*مارلين_مونرو*]

مع وجود مجلس الامــــه

وانا مع وجودج موضوعي لوووووول :dddds: حياااج يا قلبي نوورتي الموضوووع

 

[C'est La Vie]

قوة نوارة كان ودي اشارك بموضوعج بس للأسف خلفيتي بمواضيع السياسة ميييح
تقبلي مروري

 

[زوجة جوجي]

مع اني ديمقراطيه و مو متشددة بس صوت ضد المجلس وضد الاعضاء

شنو استفدنا من بداية المجلس الاخير لمن الحين ؟؟ شنو القرارات المهمه

حجبوا الوزيرة الفلانية و منعوا فلانه تدخل الديرة و لا تييبون ستار اكاديمي و لا تحطون ولا تسوون

نسوا كل شي وراحوا يتكلمون في المواضيع الي تجذبهم ناس فاضيه يعني معقوله انا اقط الي وراي و دوني على حمله انتخابيه علشان ادش المجلس و اصرخ و اتهاوش على سوالف لبسوا نانسي عجرم جم طويل و قولوا حق هيفا تلبس هيلاهوب شهالخرابيط

و معروفه صارت القصه بين النواب و لوزرا يا تمشيلي شغلي والا بجر بستجوبك ما صارت

ما شفنا حل حق الاسكان الناس على ما يطلع لها بيت الا ريلها و القبر و الا حق الصحة الناس تروح الستشفيات علشان تتعالج تطلع بستين علة على مرضها والا هالاسعار اللي كل مالها و ترتفع اكثر و اكثر والا والا والا

وبعدين... ولي متى بنظل جذي ... الديرة كل مالها و تتعب اكثر و هالاعضاء كل واحد يغني على ليلاه

انا اقول خل يحلون المجلس و يخلونا وااايد احسن واريح حق اعصابنا
ادري وايد اشتطيت بس لان من صج هالموضوع وايد ينرفزني

تقبلي مروري والله يعطيج العافيه :wqedqw:

 

[*مارلين_مونرو*]

قوة نوارة كان ودي اشارك بموضوعج بس للأسف خلفيتي بمواضيع السياسة ميييح
تقبلي مروري

ولو حبيبتي معذووووره كافي مشاركتج .. :eh_s(7):​

 

[*مارلين_مونرو*]

مع اني ديمقراطيه و مو متشددة بس صوت ضد المجلس وضد الاعضاء

شنو استفدنا من بداية المجلس الاخير لمن الحين ؟؟ شنو القرارات المهمه

حجبوا الوزيرة الفلانية و منعوا فلانه تدخل الديرة و لا تييبون ستار اكاديمي و لا تحطون ولا تسوون

نسوا كل شي وراحوا يتكلمون في المواضيع الي تجذبهم ناس فاضيه يعني معقوله انا اقط الي وراي و دوني على حمله انتخابيه علشان ادش المجلس و اصرخ و اتهاوش على سوالف لبسوا نانسي عجرم جم طويل و قولوا حق هيفا تلبس هيلاهوب شهالخرابيط

و معروفه صارت القصه بين النواب و لوزرا يا تمشيلي شغلي والا بجر بستجوبك ما صارت

ما شفنا حل حق الاسكان الناس على ما يطلع لها بيت الا ريلها و القبر و الا حق الصحة الناس تروح الستشفيات علشان تتعالج تطلع بستين علة على مرضها والا هالاسعار اللي كل مالها و ترتفع اكثر و اكثر والا والا والا

وبعدين... ولي متى بنظل جذي ... الديرة كل مالها و تتعب اكثر و هالاعضاء كل واحد يغني على ليلاه

انا اقول خل يحلون المجلس و يخلونا وااايد احسن واريح حق اعصابنا
ادري وايد اشتطيت بس لان من صج هالموضوع وايد ينرفزني

تقبلي مروري والله يعطيج العافيه :wqedqw:

حياج حبيبتي و شاكرتلج مشاركتج الطيبه ..

وانا سبق و قلت ان الكويت باديه تتطور تدريجيا و احنا مو حاسين بهالشي ..

وبالنسبه للاسعار هذا الارتفاع بالعالم كله مو بس بالكويت ..​

 

[دلع الكويت]

الفساد موجود بكل الوزارات .. محسوبية .. رشاوي .. بوق ..

فضيحة التجنيس هي تجنيس ناس مايستحقون الجنسية و شخص كان متعاون ايام الغزو و للأسف اللي توسطله بالجنسية شيخ .. و بعدين سحب الجنسية لما ظهرت ادلة .. و الحين رجعوا لهم الجناسي .. ياترى هذا شنو اسمه ؟؟

الجنسية لعبة لي هالدرجة ..!!

مهزلة الفرعيات .. لما القوات الخاصة تنزل الشوارع و تطلق الرصاص و القنابل على ابناء الشعب بحجة تطبيق القانون .. و بالمقابل ما شفنا هالشي صار لما تظاهروا الصعايدة و البنغال .. هذا شنو نسميه ؟؟

لما يصير تأبين لمجرم ايده ملطخة بدماء ابناء الكويت .. و لما يحضرون التأبين اثنين من نواب الأمة .. و امن الدولة يسجل و يصور كل شي و القوات كلها مستعدة تقتحم المكان .. و مايجيهم أمر بهالشي ..!!

و يطلع وزير الداخلية يصرح تصريحات رنانة و يتوعدهم و يعلن ان هالشخص مجرم .. و بعد مدة يطلع رئيس مجلس الوزراء و يقول انه مغنيه مو مجرم ولا ذبح عيالنا .. هذا شنسميه ؟؟

و الازالات اللي حتى الاشياء اللي لها تراخيص شالوها و ماعندهم اساس واضح للازالة ..!!

و التربية و خرابها .. و هالاجيال اللي ضاعت بتغيير المناهج و النظام و صاروا حقل تجارب .. من المسؤول عنه ؟؟

و المصفاة الرابعة و فضايحها اللي ماتخلص .. مصرين يمشونه و بطرق غير قانونية و واضح انه مشروع للتنفييييييع و النهب من ثروات البلد ..

و بالاخير نلوم اعضاء مجلس الامة لما يستجوبون الوزرا و يحاسبونهم ؟؟

انزين احنا ليش موصلينهم ؟؟

علشان يتفرجون على اللي يصير ..!!

والله اشياء وايد لو باقعد اتكلم قلبي يعورني على هالديرة و اللي وصلت له

الله يكون في عون الكويت و اهلها على اللي يصير

نفس وجهة النظر
مع وجود المجلس

 

[SoSa !]

بصراحه اختي بعد الاحداث الاخيره زادت قناعتي بوجود مجلس الامه

اللي فيه جنود هم اللي يحمون الشعب ولو انهم قله .. لاحظي سالفة

دخول الفالي اللي تعرض للذات الإلهية وسب الصحابه منو اللي وقفوا

ضد دخوله الكويت هذيلي النواب قول وفعل ويخافون على الكويت من

الفتن مو اللي قاعدين ولا كأن شي صاير وهم اساسا اساس البلا ما

اقول الا الله يهديهم وان ما اهتدوا يبعدهم عنا اللهم امين .. بصراحه

ما يستحقون حتى ارض الكويت ​

 

[*مارلين_مونرو*]

بصراحه اختي بعد الاحداث الاخيره زادت قناعتي بوجود مجلس الامه

اللي فيه جنود هم اللي يحمون الشعب ولو انهم قله .. لاحظي سالفة

دخول الفالي اللي تعرض للذات الإلهية وسب الصحابه منو اللي وقفوا

ضد دخوله الكويت هذيلي النواب قول وفعل ويخافون على الكويت من

الفتن مو اللي قاعدين ولا كأن شي صاير وهم اساسا اساس البلا ما

اقول الا الله يهديهم وان ما اهتدوا يبعدهم عنا اللهم امين .. بصراحه

ما يستحقون حتى ارض الكويت ​

:e3:

​

 

[viva la glam]

مع الحل الغير الدستوري لانه الي قاعد يصير واضح من تربيه ورياضه وصحه والله يستر ويعطيج العافيه

 

[Betty]

بنات الاغلبيه قاعدين يتحلطمون عالمجلس انزين اللي بعرفه الحين منو اللي صوت حق هالنواب عيل ؟

 

[مضيعة]

آنا صوت ------------> والله ما ادري!!!!
لأني فعلاً ما أدري!

برغم من استغلال الأعضاء وحتى المواطنين للمجلس بصورة غلط!!!!!!!
((والمصالح الخاصة.. والتلاعب بأموال الدولة بطرق ملتوية.. وتفضيل المصالح الشخصية على العامة... واهمال الهدف الحقيقي من المجلس من أمور التطوير وتشريع أو تنفيذ القوانين... وأكبر بلاويها الواسطات وأخذ حقوق ليست من حقه ... وأخرها عدم تطبيق القوانين على الكل وناش وناس واحزاب وقبلية وقتن طائفية وبلاوي زرقة !!))

وهالشي أرفضه بطريقة وحشية ولو بإيدي صراحة انخل الكويت كلها منهم (مو بس الأعضاء اللي من هالنوع ولكن حتى من المواطنين اللي يرضونها على الكويت)......

ولكن بالرغم من كل هالسلبيات.... يبقى المجلس ضروري ومهم .... بس لو فقط......... يأدي دورة الحقيقي صح !!

أحبج يا كويت :q8:

 

[~!@FOFY~!@]

بصراحه حطيت ضد

الان نفس شي على الوضع وبعدين احنا محتاجين الى تقدم

مو كل يوم متهاوشين اذا كل على هل حال ماراح نمشي

والحكومه والمجلس مو متعاونين
وشكرا

 

[^SwEeTa^]

ما نبي المجلس اللي فيه نواب من هالنوعية

يا يتعدلون (مع ان ماكو أمل) .. يا يتوكلون على الله

و انا وحده مؤمنة بالحكومة .. بس خل يوهلونهم .. و تشوفون الخير

وقفوا المجلس .. عطلوه .. و انا متأكده باذن الله كل شي راح يمشي تمام

أعضاء المجلس ما وراهم إلا الفلس

خل يشيلون قشهم و يردون قندهار أبرك لهم :bbbiu:

 

[a7la tooota]

أنا ضد حل المجلس لأنه هذا مو حل كل شوي يحلون المجلس وبنرد ننتخب انزين لي متى ؟؟

مو النواب هذيلا انتوا انتخبتوهم وطلعتوهم ؟؟

المشكله انه الأغلبيه ينتخبون أهلهم وجماعتهم ,, نتكلم عن الطائفيه والقبليه ونعترض عليها بالكلام بس بوقت الصجيه نطبقها !!

لو كل كويتي يخاف على ديرته من الفساد ,, فكر لو دقيقه وحده بمصلحة الكويت جان ماوصل حالنا لي هالمستوى ,,

لي متى واحنا نترحم على ايام قبل ونقول اول واول واول ,, ليش مانتكلم عن المستقبل ونقول باجر !! ,,

اللي قاعدين يتكلمووون عن قضية التأبين ترى سالفه وخلصت ماله داعي انبش بالماضي ولا تشككووون بنزاهة القضاء الكويتي !!

لو كل الكويتيين يكونون على قلب واحد باسم الكويــــــــــت جان كل شي تغير ,,

خلونا ايد وحده وكل شي بيتغير بأذن الله

وتقبلي مروري

 

[مضيعة]

أنا ضد حل المجلس لأنه هذا مو حل كل شوي يحلون المجلس وبنرد ننتخب انزين لي متى ؟؟
مو النواب هذيلا انتوا انتخبتوهم وطلعتوهم ؟؟
المشكله انه الأغلبيه ينتخبون أهلهم وجماعتهم ,, نتكلم عن الطائفيه والقبليه ونعترض عليها بالكلام بس بوقت الصجيه نطبقها !!
لو كل كويتي يخاف على ديرته من الفساد ,, فكر لو دقيقه وحده بمصلحة الكويت جان ماوصل حالنا لي هالمستوى ,,
لي متى واحنا نترحم على ايام قبل ونقول اول واول واول ,, ليش مانتكلم عن المستقبل ونقول باجر !! ,,
اللي قاعدين يتكلمووون عن قضية التأبين ترى سالفه وخلصت ماله داعي انبش بالماضي ولا تشككووون بنزاهة القضاء الكويتي !!
لو كل الكويتيين يكونون على قلب واحد باسم الكويــــــــــت جان كل شي تغير ,,
خلونا ايد وحده وكل شي بيتغير بأذن الله
وتقبلي مروري

باسجل إعجابي برايج ...
وإن شاء الله نكون كلنا بهالمستوى الحضاري من التفكير ...
تحياتي لج حبيبتي ( عجبتيني :eh_s(15): )

 

[*مارلين_مونرو*]

مع الحل الغير الدستوري لانه الي قاعد يصير واضح من تربيه ورياضه وصحه والله يستر ويعطيج العافيه

مشكووره حبيبتي عالمشاااركه ​