رحلة ريلاكس مو طبيعيه... في الاراضي الماليزية (صور)

[سياسية]

اي صج نسيت أقولج الحمدلله على سلامتج

 

[أم حسون]

خوش تقرير عليكم بالعافيه
ذكرتيني بماليزيا صج صج صج عجيبه بس حسافه مارحنا لنكاوي انشالله ان صارلي نصيب المره اليايه اروحلها

 

[rawona]

متابعين

مشكوره حبيبتي وخلج متابعتني على طول ..​

يعطيج العافيه خووووش تقرير

الله يعافيج حبوبه وانشالله هناك المزيد ..​

اشراقه انا لوما شغل ريلي جان مافكرت اروح لها ... بس طلع لاباس فيها .. اكمل الباجي انشالله بالكويت

​

انا الي تحسفت عليه ....

اني مارحت لنقاوي ..... تصدقين حسيت فيها ريلاكس اكثر من

سن وي لاغون و كوالالمبور

عليج بالعافيه ناطرين الباجي

الله يعافيج حبوبه .. وصج لانقكاوي وايد هاديه انشالله تروحين لها بالمرات اليايه ​

مشكوره عالتقرير الحلو .. متابعين

مشكوره حبيبتي ونطريني ​

الصور وايد حلوهـ

يعطيج العافيهـ عالتقرير المميز =)

الله يعافيج حبوبه ​

سلامات سلامات وما تشوفين شر

واااو روانا شهالصور العجيبة
والتلفريك والمناظر هذي وايدة بالنمسا وسويسرا بس الفرق انه مو بحر لا بحيرات ولونهم مو طبيعي النمسا اخضر وسويسرا فيروزي من الثلج الذايب
وتخيلي هالمناظر والجو بارد وتشوفين الثلوج وهمن توصلين لها وااااو
لا و الارتفاعات هناك 1700 بالنمسا و3000 وزود بسويسرا طبعا هذولا اعلى شي وعلى مراحل التلفريك يعني واحد ورا الثاني


صج انا احب الطبيعه الجبلية وووواااايد

الحمدلله على السلامة اتوقع وصلتي

اي وصلت الحمدلله ولهيت شوي مع اليهال العنونه اشوي مريضه فلهيت بس انشالله ارد انزل باجي التقرير عن قريب .. وسويسرا ماعليها كلام انشالله الله يكتبلي روحه اهناك ​

التقرير يهببببببل ومليزيا حلووه .. والتلفريك رععععب انا ركبته وبالمحطه الاولى رديت ماكملت وصعدت الباجي ... مت من الخرعه عالي واااااااااايد وانا فيني فوبيا من الاماكن العاليه :/

هلا والله انا ماعندي مشكله من الارتفاعات .. ريلي خاف شوي اول ماركبنا وتالي صار كل شي اوكي ..​

خووووش تقرير

متابعين

مشكوره حبيبتي وخليج متابعه معاي ​

 

[rawona]

حمدلله على السلامة راونا
توها مانورت الكويت
ناطرين باجي التقرير على احر من الجمر

الله يسلمج حبيبتي وباجي التقرير ياي بالطريج انشالله ​

حمدلله على السلامه حبيبتي راونا ..

الله يسلمج حبوبه ​

يالله بالسلامه ان شاء الله .... متابعينك للاخر

الله يسلمج وخلج متابعتني لاخر سطر ​

ماشالله عليج ألف عافية تقريرج ممتع وفي وايد مناظر ماشفتها بلنقاوي

عدستج كفت و وفت انقلت صوره حية للأماكن الي زرتيه ماشالله تصويرج روعه

مشكوره حبيبتي وانا تعمدت اركز على المناظر واماكن الريلاكس لان ماشالله وايد تقارير عن ماليزيا وحبيت اركز على جانب واحد بس اللي اهو "الاستمتاع بالوقت" براحه ونفسيه حلوه وحد الريلاكس ​

اي صج نسيت أقولج الحمدلله على سلامتج

الله يسلمج حبيبتي وانشالله تروحين ماليزيا وانا اروح الهند ​

خوش تقرير عليكم بالعافيه
ذكرتيني بماليزيا صج صج صج عجيبه بس حسافه مارحنا لنكاوي انشالله ان صارلي نصيب المره اليايه اروحلها

انشالله تروحين لانقكاوي واماكن احلى منها انشالله .. ونطروا يومياتي في كولالمبور comming soon ​

 

[rawona]

حمدالله عالسلامه
توا مانورت الديره
وناطرين باجى التقرير الحلو

هلا ام خلودي مشكوره حبيبتي وانشالله باكمل التقرير عن قريب .. اشوي لاهيه مع اليهال والصغار اشوي مرضه من الجو بس وعد انشالله القادم احلى ونطروا باجي التقرير عن قريب ​

 

[اشراقة الحياة]

رونــــــــــــــــــــــــا وين الصور....؟؟؟؟؟

 

[ام _خلودي]

واااى حبايب قلبي مايشوفون شر
الحال من بعض انا عيال بعد الجو
خسبقهم حباايبى

 

[nice smile]

رووونه

متااااااابعينج


لايوقف لايوقف

 

[rawona]

الحمد الله على السلامة راونا

رونــــــــــــــــــــــــا وين الصور....؟؟؟؟؟

واااى حبايب قلبي مايشوفون شر
الحال من بعض انا عيال بعد الجو
خسبقهم حباايبى

رووونه

متااااااابعينج


لايوقف لايوقف

مشكورين حبايبي كلكم على المتابعه ..

والحين انشالله باحطلكم الجزء الثاني من التقرير .. :klhfl:​

 

[rawona]

هاااااااااااااااي بنوتات كويتيات ..

رجعت لكم اليوم مع الجزء الثاني من تقريري ..

مثل ماقلت لكم بالبدايه ان احسن مافي فندقنا بلنقكاوي انه قريب حيل من المطار بو 7 دقايق تقريبا .. يوم روحتنا لكوالالمبور عقب ماتريقنا وخلصنا وانا كنت احاتي لا انتأخر عن الطياره لان طيارتنا بطير الساعه 9:55 الصبح واتفقنا مع تاكسي ايي يودينا المطار الساعه 8:30

وريلي راح يتمشى شوي بالفندق عقب الريوق وانا قعدت على اعصابي التاكسي وصل وخذا ناس غيرنا وراح!!! وانا حدي عصبت فطلبت تاكسي ثاني وحركنا الساعه 8:45 وصلنا المطار تقريبا الساعه 9 الا 5 ويوم يا ريلي يحاسب التاكسي قلتله وين اللاب توب؟؟؟ جان يطاليعني وقالي مو عندج قلتله لا كان معاك!!! فرجع مع راعي التاكسي مره ثانيه الفندق وانا قعدت مع الجناط انطره بالمطار وادعي ربي يلاقي جنطة اللاب توب.. وعلى ماراح ورد الا الساعه 9:25 دقيقه واشوه لقا اللاب توب...

وكان المطار زحمه على ماصفينا بالدور وعلى ماوصل دورنا الا الساعه 9:50 قلنا طارت الطياره بس اشوه كان عليها تأخير ولحقنا طرنا عليها بس تخيلوا عاد حرقة الاعصاب!!





الطيران وايد رخيص تذكرتنا انا وريلي كوالالمبور- لانقكاوي- كوالالمبور ب 28 دينار

وللشخص 15 كيلو بس فدفعونا بالمطار على الجناط بس مو وايد ونوع الطيران مافي كرسي محدد للشخص يقعد باي مكان فاضي يعجبه!!


الطياره من داخل ..





لقطات من الجو ..














ووصلنا كوالالمبور بالسلامه بعد ساعه من الاقلاع وخذينا تاكسي ودانا ب90 رينجت حق فندقنا

Imperial Hotel Kuala Lumpur واول ماقلناله الفندق ما اعرفه الا لما قلناله شيراتون امبريال فاعرفه على طول اهو فندق شيراتون بس مغير اسمه ..


وخذا الطريج تقريبا ساعه ..والفندق في شارع سلطان اسماعيل Julan Sultan Ismaiel يبعد عن شارع العرب 5 دقايق بالمونريال (القطار) والمحطة يم فندقنا بالضبط راح اتكلم عنها بالتقرير بعدين ..


هذا الفندق من بره





ولو تلاحظون البرجين على اليسار بالصوره ..



يتبع

​

 

[rawona]

وهذي بعض الصور للفندق من داخل ..
































يتبع..



​

 

[rawona]

طبعا اول ماوصلنا رحنا الريسبشن علشان نسوي جيك ان بس يوم شافونا حاجزين excutive club room طرشونا الطابق ال38 علشان نسوي برايفت جيك ان ..

رحنا صوب المصاعد ..






وصعدنا للدور ال38 ..

وصلنا لل excutive lounge وهالمكان فيه مكتب صغير للجيك ان والاوت الخاصه بالناس اللي حاجزين هالنوع من الغرف وبعد هالاستراحه مبطله من ال11 الصبح لين ال11 بليل تقدم عصاير ومشروبات مجانيه لنزلاء هالغرف وبعد فيها خدمة الانترنت وهم تلفزيون وسناكس ..


هذا المدخل ..





وهذا شكل الاستراحة من داخل...







وعلى مايسوون لنا الجيك اند خلونا نقعد ننطر ويابولنا عصير .. طعمه على ماي ورد ماعجبني لول





بنات تعبت اكمل لكم باجر انشالله صور الغرفه من داخل والفيو اللي اطل عليه + السبا ومحطة القطار ..

تابعوني وناطره تعليقاتكم


​

 

[اشراقة الحياة]

رونا نبي بارتات ....... متروس الصور

كثفي الشغل على الصور ........


والله الفندق وايد حلو .............عليج بالعافيه

 

[دانه الهيرات]

عليج بالعافيه

 

[لوكريسيا]

عليج بالعافية روونا خوش سفرة .. و الصراحة رديت من ماليزيا شهر 8 و ودي لو اردلها الحين

.. ماليزيا تنحب من اول نظرة

 

[digital]

مشكوووووره روونه خوش صور

وناطرين الباجي

 

[dla3_princess]

:ggdw:

:ggdw:

:ggdw:

تبااااااارك الرحمن تقريرج يهببببببببل مشالله

يالله شددددي حييييييييلج معانا نبي صووور و نبي معلوومااااات تهمنا عن ماليزيا ودي اروووح انشالله بالعطله عقب شهر

جزاااااااج الله خير

 

[sweety_love2]

يلا متابعينج

 

[dla3_princess]

تراا حدنا ناطرين لأن فعلا تقريرج وااااااااو مشالله

 

[شباصه ريش]

الحمدلله عالسلامه
هيجتي المشاعر بهالصور الروعه يعطيج العافيه
احب اهنيج على هالتقرير الرائع واسلوبج الاروع
انا رحت ماليزيا بالصيف واحس انها سحرتني ودي ارجع لها مره ثانيه عاد انا من النوع اللي ما احب اكرر الديره مره ثانيه بس ماليزيا شي ثاني