سفرتى لسلوفاكيا وبولندا والنمسا عام 2008

[malek amal]

التقرير حده روووووعه حده يشجع الواحد يروح عاد أهلي صار لهم مده يبوون يروحون بس كلنه يطلع لنا شي و نغير نروح مكان ثاني بس ودي اسالج عن الفيزا شنو نظامهم ؟؟

تسلم إيدج والله يهنييج حبيبتي و الله يوفق عيالج و عيال الجميع و إن شاء الله بأعلى المراكز

 

[Hello_kitty]

التقرير عجيــــــــــــــــــــــــــــــــــــــــــــــــــــــــب رهيب مو طبيعي

يسلم التقرير وصاحبة التقرير عليج بالعاااااااااااااااافيه عمري ما فكرت بسلوفاكيا

بس الحين بتصير وجهتي القادمه بإذن الله تعجبني ستايل الدول اللي جذيه

مناظر وجو وطبيعه وبراد وووااااااااااااااااااااااااااو شي خيااااااااااااااال

ناطرينج على نااااااااااااااااااااااااار

 

[مـــامى]

موطبيعى التقرير وتعليقج هادى رايق حسيت جنى مسافرة بس تصدقين عذرت اخوى كان مسافر لها مع ابوى علاج ومدحها مدح بس ماصور شى الحين عقب ما شفت صورج لا صاج اخوى
متابعتج

 

[Featured Lady]

شكرا خاص للى رد على
ومثل ماقالت وحدة انها كلها عقققددد
هالسنة مافى مرضى على الدفاع وقفوا الدفاع الارسال الى سلوفاكيا
فكل اللى موجودين كانوا على حسابهم
فهالسنة فعلا عجيبة​

 

[Featured Lady]

بولندا
====
طلعنا من الفيلا من الصبح باتجاه الفندق ناخذ الوالد والوالدة الله يطول بعمرهما وكان الجو عجيب مغيم ​

كانت وجهتنا اولا الى جبال تترا والسكن فى فندق بانوراما
وهذى الجبال تقع على الحدود بين سلوفاكيا وبين بولندا وهى جبال مشتركة بينهم
ومدينة تترا باردة جدا وهى منطقة للتزلج والسكى
ولكن لان والوالد والوالدة معاى جنهم تضايقوا من تترا لانهم كبار بالسن ومو مال ثلج وتزلج
وعشان جذى كملنا سيدة الى
مدينة ومنتجع "" زاكوبانا """ فى بولندا على الطرف الاخر من الجبل
وشوفوا الجو فعلا عجيب​

​

وهذا ولدنا التوم توم وبرمجناه على
فندق لتوار فى سنتر مدينة زاكوبانا
لاحظوا شمسية الوالد الله يطول بعمره ويخليه لنا​

​

وانطلقنا على الطريق السريع باتجاه بولندا
والمسافة بين بشتني الى سنتر اكوبانا ثلاث ساعات فقط​

وبالنسبة للفيزا فهى فيزا الشنغن واحنا ماطلعناها من سفارة سلوفاكيا طلعناها من سفارة المانيا مع انا مادخلنا المانيا فى هالسفرة بس لان سفارة المانيا ماعندها تعقيدات وتطلع لج الفيا بثلاث ايام فقط
انتظروني راجعه لكم​

 

[Featured Lady]

المناظر موطبيعية فى الطريج
ومثل ماقلت لكم على طول الطريج تشوفون شجر التفاح والكوج
وهذى شجر التفاح على الطريج​

وهذى شوفوها​

وهنى دخلنا قرية على الطريج​

​

وطبعا وقفنا فى استراحة على الطريج (( وشكثر استراحاتهم )) وقعدنا يمكن ربع ساعة نصور المناظر
بس للاسف المناظر كلها شخصية ومااقدر اعرضها
وكملنا بين الجبال
وفعلا جنج فى داخل لوحة مو تقولون لى طريج ميونخ وزلمسي مع العلم انى رايحة مرتين لزلمسي بس هذى الدول غير تحسين فعلا اراضى بكر على طبيعتها​

ونكمل المناظر​

​

يالله وينكم ابي تشجييييييييييييع _03BA:​

 

[اوملييتا]

نااااااااطرينج على احر من الجمر

 

[Featured Lady]

تابببببببببع بولندا
وبالاخص مدينة زاكوبانا
=========
راح اتكلم شوى عن هالمدينة
شوفوا هذى المدينة تعتبر كمنتجع للاجانب ويقصدومها للتزلج
تقولون انت مارحتى لتترا لانها مدينة للتلج؟؟؟
راح اقولكم ان تترا بس جبل وثلج
بس اكوبانا فى سنتر مبلط وينتهى فى تلفريك تصعدين الى جبل للتلج
وطبعا فى تسكنين بعيد عن السنتر وقريب من الجبال وعندج فندق "" ميركورى "" انصح فيه على الجبل للى يبون تلج فقط بدون سوق وتسوق
بس انا ابى تسوق فسكنا فى وسط او بالاحرى بداية السنتر فى فندق فخم جدا جدا وسعره غالى جدا وهو فندق
"" لوتوار Litwar """
والغلط فينا انه حجزناه دايركت مو بالنت فطلع سعره غالى وتداركنا هالنقطة فى فيينا

فاصل ونواااااااصل:eh_s(6):​

 

[Featured Lady]

تابع بولنننندا
=====
المهم نرد لموضوعنا
حجزنا الفندق وهذا باول السنتر يعنى نطلع من الباب الجانبي له وندخل السنتر
هذى المدينة عجيبة على طول مطر بس مو اى مطر سبحان الله جنه لن مفتوح (( لغير المتكلمين باللهجة الكويتية .... يعنى صنبور مفتوح ))
عشان جذى تشوفون الشمسيات تباع باشكال والوان غريبة عجيبة وبكثره تقريبا كل المحلات
وراح تشوفون بوالطو المطر النايلون بالوان غريبة بس طلعيهم من الجيس ولبسيهم وتشوفون بلحظة الكل فتح جنطته وطلعهم

الحين نرجع للسنتر
هذا السنتر على طوله محلات ومحلات متنوعة فيها كل شي من ملابس الى مكياج الى الالعاب الى جواتى وبضاعتهم مميزه وعلى طول السنتر راح تشوفون العاب للاطفال والعاب الكترونية وملاهى وفيها كشكات للمشاوى من دجاج ولحم ونقانق
والايسكريم
وعندهم ايسكريم عجيب وايد طول وممي (( ماادرى اشلون اشرحه )))
وعندهم الكريب يسوونه لج ويحطون عليه انواع متنوعه من الفواكهه والكريمة
امممممممممم لذيذ المدور منه والمربع
وفى هالسنتر مطعم مصرى اسمه سفنكس وعليه رسمة الاهرامات وعليه خبز بالتنور لبنانى حار يشوق ناخذ منه وناخذ مشاوى من الكشكات
وطبعا فى حناطير بالسنتر
والسنتر مبلط مافيه سيارات وفى حصن وبونى للتاجير وعيالى طيحو حيلهم ماينزلون منهم والحسابة بتحسب
وبعد ما تمشين فى داخل السنتر باتجاه الجبل (( وطبعا كله مشى )) تشوفين بالوسط الفنادق واسعارها متوسطة ومناسبة ونصحت عوايل فى بشتني فيها وراحوا وحجزوا فيها وهى تكون جدام البيتزا والكنتاكى وتحت الفندق تشوفون كوستا كافيه (( ناسية اسم الفندق الحين )))وهم فندقين جدام بعض
ومو معناته مافيه غيرهم بس هذول اللى دخلتهم وشفت غرفهم
يمكن تسالونى ليش ما سكنتهم؟؟؟؟ والسبب انا ضبطنا التوم توم فى مواقف لتوار ولان ابوى وامى معاى فماحبيت انهم يمشون هالمسافة بعد طول الطريج فاخذت فندقنا لانه قريب فقط
المهم على طول السنتر محلات وبوتيكات وكشكات تبيع الفرو والقبعات على الفرو والسيفونيرات الى ان توصلين للنهاية تشوفين على اليسار مدينة ملاهى كبيرة والعابها كبيرة وللامانة مادخلنها
وبالنهاية تشوفين تلفريك تصعدين الى الجبل للثلج والتزلج
وبعد شنو.....
وطبعا قعدنا ثلاث ليال فى الفندق والفندق كان فيه بوفيه ريوق واستمتعنا بمعاملتهم
وهذا بالنسبة لبولندا
وكنت اتمنى اروح للعاصمة وارسو بس مالله كتب مع انى سائله عن اسعار الطيران الاقتصادي الداخلى من بشتني وكان وايد رخيص
بس ماعليه مرة ثانية اذا الله كتب​

شوى وارجع احط لكم صور زاكوبانا ببولندا​

 

[Featured Lady]

الحين صور زاكوبانا بولندا
============
اول ما وصلنا سفطنا فى مواقف الفندق وهذا الفندق فيه ثلاث مواقف واحد ورا الفندق بدون سكيرتى وواحد تحت فى سردابه وواحد جدامه والاثنين سكيورتى
واول ما وصلنا جهاز التوم توم وقفنا فى المواقف الخلفية نزلنا وحجزنا الغرف وعطونا كرت للموقف الامامي وطبعا مجانا
والحين شوفوا سيارتنا البوكس الحمره صورتها قبل لاتدخل الموقف من الغرفه
شوفو الطبيعه....​

هذى الصورة صورتها عند باب الفندق وشوفوا الطبيعة والخضرا اللى ورا والجو الممطر مع شوية برد
وشوفى بنتى الله يحفظها وعليها البالطو اللى على نايلون ملون (( اللى قلت لكم عنه ))​

​

وهنى بداية السنترمن الباب الامامى لفندقنا واللي تمشين شوى وتحصلين الحصن والبونى للتاجير​

وهنى السنتر من الباب الجانبي لفندقنا
وهنى تبدا ريحة المشاوى وفيها قعدات على خشب ومظلات مجانا والالعاب الالكترونية
وشوفوا اللوحة اللى مكتوب عليها " LODY هذا الايسكريم المتخصصين فيه لالالالالالالالايطوفكم شكله غريب......​

​

وهنى دخلنا شوى للسنتر من فندقنا

​

وهذى صورة للسنتر​

وهنى دواعيس فيها محلاتهم ​

​

وميزة المدينة انج وانتى تمشين تسمعين خرير الماى وتشوفينه حوالينج جنج فى لبنان
جداول صغيرة على طول المدينة وتخطرينها بجسر صغير شوفوه معاى ​

​

واحنا نتمشي بالسنتر شفت كشك يبيع شى غريب حسبناه صمون طلع لالالالا مابى اقول انتو حزروا ؟؟؟؟؟ شنو؟؟؟؟ شوفوه وقولو؟؟؟؟؟ والشاطرة اللى تقول
هذا شنوووووووووووو​

​

طبعا موصمون هذا جبن صناعة محلية يعنى صناعة بيت وطبعا يعطيج اللى يبيع شوية عشان تذوقينه
00000000
وبعد ماقضينا ثلاث ايام من اروع الايام فى هالمدينة الجميلة واللى ارشحها لكل من يسافر لسلوفاكيا انه لايطوفها لانها قريبة وتستحق الزيارة جو وامطار ومنتجع للراحة والتسوق
بس ترى هى اغلى من بشتني يعنى اللى بيروح لها يعمل لها ميزانية
وبينى وبينكم بالسنتر محل اسمهCCلايطوفكم للجواتي تكرمون عجيبة وحلوة واسعارها اعجب الجوز بدينارين كلها اكسسوارات وفصوص شواروفسكى...
لاتعلمون احد هذا سرررررر!!!!!​

المهم ركبنا سيارتنا واتجهنا الى مدينتا بشتني ووصلناها بالليل وطبعا لابد ان نمر على الهايبر ماركت مالت بشتني واسمها (( تسكو )) وهى للعلم مبطلة اربعة وعشرين ساعة ودخلناها وشرينا منها اغراض لريوقنا باجر ولما طلعنا
شوفوا شنو شفنا!!!​

​

فعلا جو رهيب وكان صب مطر وقلت لازم اصوره (( وحصلت هنى زفه معتبره من ابو العيال واعليه بروحه تعبان من السياقة وانا فاضية قاعدة اصور ))​

وهذا اللى عندى لبولندا واذا ذكرت شي راح ارجع واقوله واللى تبي تسأل عن بولندا مايردها الا الكيبورد وانا تحت امرها قبل لاانتقل الى فيينا​

بس قبل فيينا ابى تشجيع منكم بليييز​

واستسمحكم بروح انام باجر وراى دوام وادعوا لى بالصحة والعافية الله لايحرمنى منكم اللهم امييييييييين
============================​

 

[اوملييتا]

الله يعطيج الف عافية حبيبتي فنن و انا معاج متابعة و عاجبني موضوعج واااااااااااااااااااااااااايد

 

[سلطـ زمانها ــانة]

:ggdw: :ggdw: :ggdw: :ggdw:
WaaaaaaaAAAAAAAAAAaaaaaaaaW
WaaaaaaaaaAAAAAAaaaaaaaaaaaaaaaaaaaaaaaaaaaaaaW
WaaaaaaaaaAAAAaaaaaaaaaaaaaW
WaaaaaaaaaaaaAAAAAAAAAAAAAaaaaaaaaaaaaaaaaaaaW
WaaaaaaaAAAAAAAAAAaaaaaaaaW
WaaaaaaaaaAAAAAAaaaaaaaaaaaaaaaaaaaaaaaaaaaaaaW
WaaaaaaaaaAAAAaaaaaaaaaaaaaW
WaaaaaaaaaaaaAAAAAAAAAAAAAaaaaaaaaaaaaaaaaaaaW

:ggdw:: :ggdw: :ggdw: :ggdw:

عجيييييييييب التقرير

شهالدريه الحلوه

جد جد شوقتيني دخلت براسي خلااااااص :dddds:

:e3:


عسي ربي يوفقج ويخليلج عيالج ويرزقج من حيث لا تحتسبين

يالله شجعناج لايوقف لايوقف لايوقف لايوقف لايقف

ولج مني دعوه مثلها

 

[Featured Lady]

شكرا لكل من شجعني ونطروا تكملة التقرير عن
فببببببببببببببببببنا

 

[Featured Lady]

ووووووووووينكم
اكمل والا اكتفيتوا

 

[عاشقة الرشاقة]

أنا كنت موجودة من 23\6 إلى 23\7 في بشتني في مصح وفي الويك إند نروح النمسا نتسوق لان بروتسلافا سوقها مو حلو....وكل يوم العصر نتمشى وبعدين نقعد بقهوة الليبي ....وهو مشلول وبنتة تسوق في اليهال البقي....وعقب سافرنا سيفيلد وإستقرينا فيها ومنها نتسوق في بوزانو بإيطاليا وميونيخ وإنسبورك.......وهالسنة كان الجو عجيب
أكيد شفتج هناك....

 

[عاشقة الرشاقة]

آآآآآآآخ ياحلو هالقهوة اللي فيها حوش ويا حلو الشوكليت فوندو.....يا حلو كيكهم العقيلي الميني...ما ذقتيه؟؟؟
عندي صور وايد بس حسافة ما اقدر احطها لانها صور شخصية...

 

[سلطـ زمانها ــانة]

ووووووووووينكم
اكمل والا اكتفيتوا

لا اكييييييد كملي

وين ملينا بالعكس (( تحمســـــنا )) :eh_s(6):
وبليز لااطولين علينا

حدي متشوقة

 

[omjasim]

ماشاء الله وايد منظم التقرير تونى اشوفه صار له يومين :tek:
لنا وقفه معاك يعطيك انا من جماعة سويسرا والنمسا وقاعدة انطر توصلين للنمسا حبيبتى القديمه :33_1185028183:

 

[a6o06 ^_^]

مشاءالله سلوفاكيا عجييييييبهـ !!!!!

يعطيج العافيهـ عالتقرير ^_^

 

[سلطـ زمانها ــانة]

فنن

عسى ماشر

جنج طولتي علينا

عاد انا كلش مافيني صبر