{ ...الدكتورة رشا الصفي تجيب على استفسارتكم ..} استضافة اسبوعية

[شمرية مزيونة]

دكتورة يعطيع العافية انا عندي بنت توها كملت سنة سمالله عليها عندي مشكلة انا لما ولدتها وزنها 3.500 الحين بين 7-8.5 كنت اعطيها حليب سميلاك ادفانس ماتشرب غيرت الحليب اخذت بروميل 2 لما صار عمرها 6شهور ماترضع عدل غيرت الحليب مرتين اعطيها اكل طبيعي بالبيت تاكل شوي مو وايد بس البنت حيل ضعيفة اللي يشوفها يقولي صغيرة وضعيفة وفي مشكلة ثانية تعاني من امساك من 6شهور يكرم القارئ خروجها شوي شوي وبطنعا يعورها وتتعصر وايد وتبجي بالليل وايد ماتنام ابي حل واهيا أول طفل عندي ولادت قيصرية

 

[حكاية لليلة]

السلام عليكم.....................شلونج دكتورة؟؟
بغيت اسال انا استعمل حق بنتي حليب سميلاك ادفانس وهي عمرها 8شهور و3اسابيع ودي اعرف اذا زين هالحليب ولا لأ؟؟؟؟
والسأل الثاني اذا ماعليج كلافه وهو الأهم عندي بنتي للحين ما طلعلها اسنان(ومثل ما قلت عمره8شهور و3اسابيع) هل هاذا شي ينخاف من عنده وهي اول طفلة لي ؟؟
والسأل هل البنت تختلف عن الولد بظهور الاسنان يعني الولد يطلع اسنانه قبل البنت؟؟؟؟
ومشكوووووووووووووورة مقدما............ز

 

[الغــ مرت ــالي]

يا هلا ومليون غلا بدكتورتنا الحبيبه

بغيت اسالج عن بنتي توه داشه خمس شهور


شنو الاشياء الي اقدر اوكلها وشنو الاشياء الي امتنع عنها؟؟

والحين تعرفين جو مرض بنتي فيها نشله وكحه قالولي التهاب ببلعومها عطيتها مضاد وعطوها قطره الزرقه

بس يقولون مو زين صج وانا خايفه عليها وايد
ماادري البسها وايد ولا شويه ومو عارفه شسوي اول ياهل؟؟؟
لج الف شكر حبيبتي

 

[سحااايب]

دكتورة شلونج

بغيت اسالج عن ولدي دش الشهر السادس متى اقدر ادخل الملح باكله

واقدر اركبه العربانه من اللحين؟؟

 

[د. رشــا الصفــي]

[size="4"]السلام عليكم ورحمة الله وبركاته
دكتوره انا عندي ولد عمره سنه وثمان شهور مايتكلم الا بس ماما
شو رايك بالملح والعسل يقولون زين للاطفال اللي مايتكلمون بسرعه؟؟؟
اما سؤالي الثاني كمان عندي ولد عمره سبع شهورمايبي الاكل ولايبلع زين احيانا يطلع الاكل من فمه
احترت معاااااااااااه وشو الاطمعه اللي تنصحيني فيهم؟؟؟
و اعطيه حديد فيتامين دمن شهر لكن مايقلب ولاطلع اسنان ولا حبى
وشكرااااااااا جزيلاااااااااااااااا

والله شوفي بصراحة ما عنديخبرة بالملح و العسل بالنسبة للكلام

مكن يفيدونج المهتمين بطب الأعشاب احسن مني

بس بالنسبة لكلام الولد اهم شي انج تتأكدين انه يسمع زين و ما عنده مشاكل بالسمع

و لازم تتأكدين انكم بالبيت تكلمونه بلغة وحدة و تتكلمون معاه مثل الكبار و تقرين له قصص و تسولفين معاه


اللي عمره 7 شهور اللي يسويه شي طبيعي و يبيله وقت مو اكثر

و بالنسبة للأكل تقدرين تطينه فواكه و خضار و عيش و بسكويت و سيريلاك و ممكن تبدين تدخلين اللحم و الدجاج كميات بسيطة

و ليش تعطينه فيتامين د ؟؟ عنده لين عظام ؟؟

و بعمر 7 شهور عادي انه ما يحبي و لا عنده اسنان بس اذا تبينه يقلب خليه نايم عالأرض اغلب الوقت و راح يقلب[/size]

 

[د. رشــا الصفــي]

اهلا وسهلا فيج دكتورة فى المنتدى وعندى بعض الاسئلة اذا ممكن
ولدى عمرة سنتين و9 شهور وما ياكل اى شى يعنى مو اى شى يعجبة من يوم كان صغير يتذوق الاكل ففى اشياء كثيرة ما ياكلها وهى منتجات الحليب ماعدا الحليب والخبز بانواعة وجسمة ضعيف جدا فيا ريت تعطينى بدائل تفيدة صحيا وتقوية جسميا

وعندى ولدى عمرة 7شهور صدرة دايما تعبان وجرب معاة الدكتور جميع الادوية ما فادت فاستقر عالكمام وفاد معاة والحين صار لة 3 شهور عالكمام تقريبا يوميا حتى لوتحوشة كحة او ازمة ربو على طول كمام عادى ولا لأ يعنى راح يتعود علية اوعادى؟

ومشكورة ويعطيج العافية

هلا فيج اختي

بالنسبة للولد الكبير انتي احسن وحدة كأم تعلافين شنو البدائل اللي راح يتقبلها الولد

انتي شوفي شنو يحب و نوعيله فيه

و اللي ما يحبه حاولي انج تقدمين له الأكل بطريقة حلوة و مغرية مثل تقصصين الأكل بطرقة جميلة مثل النجوم و الدوائر الصغيرة او انج تخلينه ياكل مع مجموعة يهال يشجعون بعض

او انج تحاولين تخلطين انواع يحبها مع انواع ما يحبها بدون ما يدري


بالنسبة للولد الصغير هذي حساسية صدر طبعا و انتي عارفة انها شي مزمن و يزيد مع نزلات البرد و تغيير الجو

بس الشي الحلو انه ما تدوم و راح يطيب منها الولد بإذن الله و ما راح يتعود عالكمام مثل ما الناس تقرل

اللي يحتاجه ولدج هو الكمام الوقائي Pulmicort يستخدمه يوميا مرتين لمدة 4 - 6 شهور و ممكن الدكتور يضيف لج بودرة اسمها singular هم بعد ممتازة كوقاية

 

[د. رشــا الصفــي]

دكتورة يعطيع العافية انا عندي بنت توها كملت سنة سمالله عليها عندي مشكلة انا لما ولدتها وزنها 3.500 الحين بين 7-8.5 كنت اعطيها حليب سميلاك ادفانس ماتشرب غيرت الحليب اخذت بروميل 2 لما صار عمرها 6شهور ماترضع عدل غيرت الحليب مرتين اعطيها اكل طبيعي بالبيت تاكل شوي مو وايد بس البنت حيل ضعيفة اللي يشوفها يقولي صغيرة وضعيفة وفي مشكلة ثانية تعاني من امساك من 6شهور يكرم القارئ خروجها شوي شوي وبطنعا يعورها وتتعصر وايد وتبجي بالليل وايد ماتنام ابي حل واهيا أول طفل عندي ولادت قيصرية

حبيبتي افضل انج تعرضينها على طبيب اطفال يشوف مشكلة الوزن القليل مع الأمساك

و اعتقد انه السبب واحد

اقصد ان قلة الشهية و ضعف الوزن و الإمساك أشياء مسببها مرض او مشكلة وحدة

ما تشوف شر البنوتة بس لا تخلينها وديها احسن

 

[د. رشــا الصفــي]

السلام عليكم.....................شلونج دكتورة؟؟
بغيت اسال انا استعمل حق بنتي حليب سميلاك ادفانس وهي عمرها 8شهور و3اسابيع ودي اعرف اذا زين هالحليب ولا لأ؟؟؟؟
والسأل الثاني اذا ماعليج كلافه وهو الأهم عندي بنتي للحين ما طلعلها اسنان(ومثل ما قلت عمره8شهور و3اسابيع) هل هاذا شي ينخاف من عنده وهي اول طفلة لي ؟؟
والسأل هل البنت تختلف عن الولد بظهور الاسنان يعني الولد يطلع اسنانه قبل البنت؟؟؟؟
ومشكوووووووووووووورة مقدما............ز

عليكم السلام

بالنسبة للحليب المفروض تستخدمين لها سيميلاك ادفانس غين 2 و ممتاز الحليب ماعليه كلام

بالنسبة للأسنان عادي انها بهالعمر و ما عندها اسنان و ما كو شي يخوف

و ما في فرق بوقت ظهور الأسنان بالنسبة للبنت او الولد

 

[د. رشــا الصفــي]

يا هلا ومليون غلا بدكتورتنا الحبيبه

بغيت اسالج عن بنتي توه داشه خمس شهور


شنو الاشياء الي اقدر اوكلها وشنو الاشياء الي امتنع عنها؟؟

والحين تعرفين جو مرض بنتي فيها نشله وكحه قالولي التهاب ببلعومها عطيتها مضاد وعطوها قطره الزرقه

بس يقولون مو زين صج وانا خايفه عليها وايد
ماادري البسها وايد ولا شويه ومو عارفه شسوي اول ياهل؟؟؟
لج الف شكر حبيبتي

هلا فيج حبيبتي

البنوتة تقدرين توكلينها الخضار و اللأرز و ممكن شوية فواكه

ابتعدي عن القمح حاليا و الملح و السكر و العسل و البهارات نهائيا

بعد 6 شهور القمح مسموح

بس الباقي مو قبل السنة

 

[د. رشــا الصفــي]

دكتورة شلونج

بغيت اسالج عن ولدي دش الشهر السادس متى اقدر ادخل الملح باكله

واقدر اركبه العربانه من اللحين؟؟

الملح يدخل بالأكل بعد السنة

و العربانة يركب عاد ي

 

[د. رشــا الصفــي]

يعطيج العافية دكتورة

ولدي اسم الله علية عقب شهر يكمل 3 سنوات


معاه حرارة مرتفعه صارلة 3 ايام

وديتة عند الدكتور قالي عنده التهاب بلوز

بس الي مستغربة منه انه الحرارة وايد مرتفعة وماتنزل بسرعة

توصل 39,8 وتنزل توصل 38

انا بديت معاة المضاد الحيوي اليوم

استخدم له تحاميل بندول 250 كل 4 ساعات و تحماليل فولترين كل 8 ساعات

سوالي ليش الحرارة وايد مرتفعه جذي ؟

ما يشوف شر

الحين الجو يمرض بصراحة

اذا الحرارة عالية و ما تنزل بسهولة يكون السبب غالبا بكتيري و يحتاج مضاد حيوي

و المضاد علشان يبدا يشتغل يبيله يومين تقريبا

نطري شوي و راح يتحسن بإذن الله بس يحتاج شوية وقت

اللي مطلوب منج تسوينه تستمرين على التحاميل او الشراب الخافض للحرارة لما يبدا المضاد يشتغل

 

[athora]

السلام عليكم دكتوره شلونج

انا بناتي مولودين بالاسبوع 32 ..وحده قعدت بالشيشه 9 ايام والثانيه 20 يوم لانها كان التنفس عندها تعبان.. ونقلولها دم قالو فيها انيميا..ولما صارت زينه طلعوها..

الحين عمرهم 4شهور و شي تاريخ 11-12 يكملون الخمس شهور..شنو اعطيهم اكل لان الحليب احس ما يشبعهم

وحده منهم يقول الدكتور محمد سعيد انه حنجرتها مفتوحه تسكر مع الوقت..انا كنت اسمع صوت عبالي فيها جيوب انفيه

قالي لا هذا الصوت من حنجرتها...وهي صج صوتها مبحوح شوي ..انا خايفه شلون فتحه اهي وايد تشرق ..

متى اقدر اقعدهم بالدراجه..

ومشكوره حبيبتي

 

[د. رشــا الصفــي]

كل عام و أنتم بخير

و عيدكم مبارك

 

[د. رشــا الصفــي]

السلام عليكم دكتوره شلونج

انا بناتي مولودين بالاسبوع 32 ..وحده قعدت بالشيشه 9 ايام والثانيه 20 يوم لانها كان التنفس عندها تعبان.. ونقلولها دم قالو فيها انيميا..ولما صارت زينه طلعوها..

الحين عمرهم 4شهور و شي تاريخ 11-12 يكملون الخمس شهور..شنو اعطيهم اكل لان الحليب احس ما يشبعهم

وحده منهم يقول الدكتور محمد سعيد انه حنجرتها مفتوحه تسكر مع الوقت..انا كنت اسمع صوت عبالي فيها جيوب انفيه

قالي لا هذا الصوت من حنجرتها...وهي صج صوتها مبحوح شوي ..انا خايفه شلون فتحه اهي وايد تشرق ..

متى اقدر اقعدهم بالدراجه..

ومشكوره حبيبتي

تو الناس على الأكل حبيبتي

توهم صغار نطري عليهم شوي

لأنهم خدج ما نعاملهم بالبداية مثل الأطفال الكاملين

خليج عالحليب و زيدي الكمية و عدد الرضعات يشبعهم ان شاء الله

و الأكل يا ريت تراجعين الردود السابقة تكلمت وايد عن الأكل


و بالنسبة للفتحة بالحنجرة :

هذي تصير لأنه الحنجرة عبارة عن عضلة تسكر مع النفس و لما تكون هالعضلة رخوة شوي تسمعين هالصوت و مع الوقت تقوى العضلة و يختفي الصوت الزايد و يرد صوتها طبيعي و تروح الشرقة منها

بالنسبة للدراجة لما يكملون 6 شهور

 

[asOola_21]

السلام عليكم دكتوره .. كل عام وانتي بخير
بس حبيت اسأل متى ابرة التطعيم الثانيه للبيبي انا بنتي صارلها 3 ايام من كملت شهرين وانا ا1كر انه بشهر 12 عندها تطعيم بس ماذكر اي يوم !! انا ولدت يوم 3-10
؟؟؟؟؟

 

[OM-7MaDeeEeeN]

السلام عليكم دكتوره بس حبيت اعرف شنو فوائد المهاد حق الاطفال انا ولدي عمره 3 شهور بس ماكنت امهده بس الفه عادي عن الهوى هل هذا له تاثير على العظم ؟

 

[يمامة أيوب]

السلام عليكم دكتورة
و كل عام و انتي بخير
عيدج مبارك

اقول ابي اسال عن ابرة الظهر ..

انا بجر وحدي خايفة من الولادة ..

ابي اعرف حزة الولادة متى لازم اروح المستشفى عشان الابرة لانه مابي اروح و اخر شي يقولولي خلاص مافي فايدة من الابرة و ربي طبيعي؟ يعني الرحم لازم يكون مفتوح كم سانتي؟

 

[الكويت حياتي]

دكتوره ماقصرتي عساج للجنه يارب تفرجين هم هالامهات

سؤالي بنتي عمرها 5 شهور وفيها اكزيما بكلام الدكاتره وعطوها كريمات وكورتيزيون ماكو فايده تصفى البشره وترجه الحساسيه كان حليبها ابتاميل وقالولي غيريه حطيت سيميلاك الحين واشوفه حبته ووقف الترجيع هل صحيح ان الحساسيه من الحليب ؟؟ واحس بجسمها خشونه وحبوب بيض هذي الحبوب تبع الحساسيه او شنو ؟؟؟ عسى الله يدخلج الجنه بلا حساب ولا عذاب


سؤال : العاب الاطفال مثل الدرايه من اي عمر وعنديي لعبه فيها نفس كرسي الدرايه بس اهيا لعبه مو درايه عادي تقعد بالكرسي هذا او توها عمرها 5 شهور

 

[حنان جذاب]

السلام عليكم ورحمه الله وبركاته
وكل عااام وانتم بخير
ويعطيج العافيه دكتوره
انا ولدي عمره اربع سنوات واربع شهوروفيه اكزيما حاااااااااده لدرجه انه ملابسه كل فيهم دم وكل يحك في جسمه خصوصااا الجزء السفلي من الخصر الي الرجلين وانا دايما استخدم له كرتوزون وفي الشهر استخدم ست او سبع عبوات مرهم \\الكوم او الكون
وقبل اسبوع طلبت الدكتوره تحاليل وسويت التحاليل وطلعت النتائج
نسبه الهموجلوبين8
ونسبه عددالكريات الدم الحمراء10
ونسبه صيغه الترسبات مرتفعه جداا39ونص
ووزنه 14ونص
واهو لون بشرته صفراء
وقالت لي الدكتوره استخدمي مقويات له واترك علاج الاكزيمااا من مراهم وغيره بس فازلين
وسويت له تحاليل بول وبراز يكرم القارى
دكتور ابي نصيحتج لي وبكون لج شااااااكره
وما هي الاطعمه التي تحتوي على نسبه الحديد
والمشكله مايرضه يشرب دواء واذا غصبته يرجع وغرشة الدواء \\فروز\\ماشرب منها ولا مره
وتحياتي
حنان جذاب

 

[شموخي غير]

السلام عليكم ~شخبارج دكتوره وكل عام وانتي بخير ~ ولدي عمره ست سنوات والحمدلله مايتبول وهو نايم بس لاحظت من اسبوع صاير يتبول بالفراش واحيان مرتين في اليوم وبنت اختي عمرها تسع سنوات ومن كانت صغيره ليلحين تتبول بالفراش هذا طبيعي في سنها وهي تقول تعرضها على طبيب واش المشكله ممكن المساعده وجزاج الله خيرا