¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

تكملة اليوم السادس..

أول شي كل عام وإنتوا بخير بنات.. و عيدكم مبارك..وعساكم من عواده

أعتذر منكم على التأخير اللي حصل بسبة مرضي و الحساسية اللي شبت عليّ فجأة..

بس راح أعوضكم ان شاء الله بأقرب وقت و أكمل لكم التقرير : )

سبق و تكلمنا و قلنا ان جيبور تشتهر بالطباعة اليدوية و الألماسات و الأحجار الرخام ..وتعتبر المصدر الرئيسي لجميع مناطق الهند في هذه الأشياء

توجهنا في اليوم السادس من الرحلة لمصنع منسوجات وطباعة على الأقمشة..عشان نشوف شلون يطبعون و يسوون أقمشتهم القطنية..

وصلنا للمصنع و للأسف نسيت أصوره لكم شكله أو إسمه ولكنه من أكبر مصانع المنسوجات و الطباعة على الأقمشة في جيبور..

طبعاً قابلنا المدير..وشرح لنا عن طريقة الطباعة اللي تمتد لأكثر من 500 سنة مضت ...و شرح لنا عن تكوين الألوان ..كل الألوان المستخدمة في الطباعة ألوان طبيعية 100%.. و شلون يطلعون درجاتهم..

الأخضر ياخذونه من الخضروات..
الأحمر ياخذونه من الزعفران..
الأسود ياخذونه من الحديد...

وصراحة قال الكثير لكن مشكلتي ما كنت أكتب وكنت أشرح للي معاي..وللأسف انا اللي نسيت المعلومات هههههه

عموماً شوفوا معاي تطبيقي للطباعة على قطعة قماش..

اهني في البداية يعطوني خرجة قماش مربعة..واييبون قطعة خشب محفور عليها الشكل المراد طبعه..

يفردون القطعة على سطح ناعم ..وياخذون قطعة الخشب و ينقعونها في الحبر الطبيعي..

وتالي يحطونها على القماش و يضربونها ضربة قوية بالإيد..

وعطوني قطعة ثانية من الخشب محفورة بشكل معين مخالف لقطعة الخشب الأولية..ونقعوها بلون ثاني.. عشان يلونون الرسمة اللي قاعده أشتغل عليها.. ونفس العملية ..ثبتوها بزوايا معينة و يضربونها ضربة قوية بالإيد..

وعقبها يكررون نفس العملية لكن مع قطعة خشب غير عن الثنتين اللي قبلها..ويغطسونها بالصبغ ويحطونها بزاوية معينة عشان تملئ الفراغات اللي في الرسمة..

وهني المرحلة الرابعة من الطباعة.. يكررون نفس العملية..بس كل قطعة خشب محفورة بديزاين معين عشان يلونون الرسمة..

وهذا شكلها طلع بعد التلوين..

طبعا بهالمرحلة.. عشان يطلعون اللون الأصلي للألوان اللي تمت طباعة القطعة فيها لازم يغسلون القطعة لمدة أربع أيام..ينقعونها و يغيرون مايها ثلاث مرات باليوم..ويخلونها تنشف بالشمس لمدة إسبوعين عشان يثبت اللون و ما يبهت او يطلع من القماشة..

وهذه هي مرحلة الغسيل..

لكن بحكم إن قطعة القماش اللي بيدي صغيرة..غسلوها بسرعة..وما نشفوها.. لفوها بجريدة و عطوني اياها..

عشان يضمنون عدم نث الالوان على بعض او يروحون بالغسيل..

وهذا هو لونها النهائي...

يتبع..​

 

[supermarket]

متابعة ومستانسة...

سلامات وماتشوفين شر

وناااطرينج متى ماريحتي كملي

 

[سياسية]

واحنا نتجول في المصنع...لقيناهم هم بعد يصنعون السجاد الهندي العادي أو الحرير..

وهذولا كانوا أشخاص مهنتهم حياكة السجاد..

وهذه عن قرب..

ومن بعد ما تنتهي مرحلة حياكة السجاد.. تنتقل السجادة لعمال ثانين في المصنع..يقصون الشعر الزائد من فوق السجادة عشان تتساوى من جميع النواحي

وبعد ذلك..تنتقل السجادة لأشخاص آخرين... وظيفتهم تركيب الهدب على أطراف السجادة..

والمرحلة القبل الأخيرة.. يتم غسل السجادة في حوض كبير لإزالة كافة الشوائب او الشعر الزايد منها او اذا كان عليها وصخ او شي..

وأيضا هالمرحلة متخصص فيها شخص معين غير عن اللي قبله بالاختصاص في الشغل..

وهذه بعض منتوجات المصنع معلقة كديكور للمصنع ..

وبجذي انتهينا من جولة مصنع المنسوجات..وراح نتوجه للمول الرئيسي للمدينة..و إسمه..

يتبع..
​

 

[سياسية]

واستقبلتنا فرقة ونستنا يعزفون و يرقصون ترحيباً بالزوارالأجانب..

وهذا كان مقطع من إستقبالهم الحافل لنا

http://www.youtube.com/watch?v=pXIvo2h4u9o

وهذه بعض الصور للمجمع من داخل ومنتجاتهم..

مكينة غزل الخيوط الصوف..بس يدوية...

فن النحت على الخشب

المجمع بشكل عام..

سجاد للتعليق..مطرز و مشكوك

ديرفة تونس من الفضة..

سجاد معلق..

لوحات مرسومة يدوياً..

يتبع..​

 

[سياسية]

سجاد تعليق ثاني..

ديرفة ناعمة..للمعاريس

وهذه بعض من التماثيل المصنوعة يدوياً و المعروضة للبيع..

طلعنا من المجمع..وتونا راكبين السيارة..ولا أشوف هالفيل الحلو يتمشى بالشارع بين السياير..شي عادي و طبيعي..وأركض وراه أبي أصوره هههههههههههههه <-- قاعده بسفاري هههههههه

ويوم شافني السايق استانست على الفيل..قالي في مكان تركبين الفيل و تتمشين في جيبور..قلت له ودني بشوفه..

ووداني ما قصر..

وهذا كان الفيل عن قرب...عملاق و يخرع صراحة..حلاته الواحد يشوفه من بعيد و ما يقرب منه ههههههههه

وكان يمه مجموعة حصن مزينينها للي يبي يركب..

ردينا فوق حدر...ولا سبحان الله بحيرة طبيعية بين هالجبال وداخلها قصر قديم بالماي..نصه معبد..ونصه مطعم ولكنه تحت الصيانة..

وهذه صورة عن قرب..

يتبع..
​

 

[سياسية]

وبعد ذلك توجهنا للسوق العادي..شارع مفتوح ومحلات..على يمينج و يسارج... بس ما صورت وايد..الا داخل واحد من المحلات عنده أنتيكات..وتحف و ملابس تراثية..

ومن بعد هالجولة المكوكية..قررنا نروح نتعشى في فندق تاج رامباغ بالاس..

و هو قصر قديم للمهراجا رامباغ تم بنائه في العام 1835 ميلادية كحديقة لملكة جيبور تتمشى فيها بين الزهور الغناء.. و تم تحويله لبيت للضيافة ونادي للصيد..ومن بعد ذلك تحول في العام 1925 ميلادية لقصر و مقر إقامة لمهراجا جيبور..وبقي مقر إقامة للعائلة المالكة في جيبور حتى سنة 1957 ميلادية..وعند ذلك تحول لفندق فخم بواسطة المهراجا سواي مان سينغ. ولم يتبع سلسلة فنادق تاج الهندية الا في العام 1972 ميلادية عندما تم شرائه ليصبح فندقاً ومعلم من معالم جيبور الأساسية..

وهذه بعض الصور اللي التقطتها في كاميرتي..وأسمحوا لي الإضاءة مش ولابد..

الشكل الخارجي للفندق

من داخل الفندق..

توجهنا للمطعم..وكان هذا ديكور الإستقبال..

ودخلنا المطعم ولكن للأسف بحكم إن ما عندنا حجز..كان مطعم الفندق محجوز بالكامل ورفضوا ياخذونا

لكن لفتت نظري رسمة جميلة جداً معلقة على أحد جدران المطعم..سألت عنها..وقالوا هذه أجمل وجه في جيبور كلها..وهي ملكة جيبور السابقة..وهي حالياً تغير مقر إقامتها و أصبح بالجبل المقابل للفندق..وقصرها يطل على مقر إقامتها القديم قبل تحويله لفندق..

وعلى فكرة هي حالياً على قيد الحياة و تبلغ من العمر 88 سنة ما شاء الله..

وهذه صورتها..

يتبع .. ​

 

[سياسية]

وهذه عن قرب

ثم طلعنا من الفندق و توجهنا لفندقنا..عشان نتعشى و ننام لقضاء مشاويرنا بكره..

مدخل فندقنا بالليل..

وهذه صورة ثانية..

وهذا المطعم اللي تعشينا فيه..وكان يحتوي على مسرح يعزفون عليه ويرقصون رقص تراثي جميل..ويكون العشاء على أضواء الشعلات وأنغام الموسيقى الهندية الرائعة..

مفتاح غرفتنا..

سلطة أمي مع المانجا..

تصبيرتنا على ما يوصل الأكل..سوربيه ليمون يمي يممم..

وهذا طلبها..

طلب المرافقات..

يتبع..​

 

[سياسية]

وهذا كان طلبي للعشاء..

وهذه بعض الصور للعرض الموسيقي..

وهذا كان مقطع من المعزوفة الموسيقية ..استمتعوا...

http://www.youtube.com/watch?v=_mW-jqnpYBc

ونشوفكم على خير باليوم السابع ​

 

[سياسية]

متابعة ومستانسة...

سلامات وماتشوفين شر

وناااطرينج متى ماريحتي كملي

هلا وغلا سوبرة..

عاد كنت توني قاعده أكمل التقرير

الله يسلمج ياقلبي و الشر ما اييج..

شوفي الفيديوات و قولي لي رايج

نورتي الموضوع :tek:

 

[.]

هاليوم حافل ماشاءالله..

والحمدالله ع سلامتج..

ومتابعينج..

 

[يابختي]

فري قووود ريبوت...

مشكووورة ويعطيج العافية..واحلى شي القصر اللي وسط البحيرة..صج بلد العجايب...

 

[Q8update]

عجييييييييييييييييييييييييييييييييييييب تقريرج وصلت اليوم الثالث وباجر راح اكمله
لانه دخت وفيني نوم

مشكوووووورة

 

[ra'3ad]

يعطيج الف الف الف عافية

امبـيــــــــــــــــــــه انا ويني عن هالموضوع! عليج بالف عافيه هالسفرة

غرامي الهند بلد تراثي وعريق صج بلد العجائب يمدحون منتجعات كيرلا يقولون مافيها فقارى كلش

ابوي قبل راح تاج محل وكشمير يقول كشمير شي شي طبيعتها وشيها

ناطرة باجي التقرير حبيبتي :eh_s(6):​

 

[alothoob]

مااااااااااااااااااااشاء الله تبارك الله


ان شاء الله بروح لها

 

[سياسية]

هاليوم حافل ماشاءالله..

والحمدالله ع سلامتج..

ومتابعينج..

هلا هلا روونه

اي كان جداً حافل..

والله يسلمج من كل شر ياقلبي

نورتيني

 

[سياسية]

فري قووود ريبوت...

مشكووورة ويعطيج العافية..واحلى شي القصر اللي وسط البحيرة..صج بلد العجايب...

هلا وغلا يابختي..

اي بغيت أحجز بالمطعم اللي فيه.. بس للأسف .. صيانة شهرين

يمكن على رحلة قادمة أقدر أكل فيه هههه :eh_s(6):

حياج الله نورتي

 

[سياسية]

عجييييييييييييييييييييييييييييييييييييب تقريرج وصلت اليوم الثالث وباجر راح اكمله
لانه دخت وفيني نوم

مشكوووووورة

هلا وغلا كيو ايت اب ديت..

تسلمين يا قلبي.. و نورتي الموضوع

شرفني مرورج..:tek:

 

[سياسية]

يعطيج الف الف الف عافية

امبـيــــــــــــــــــــه انا ويني عن هالموضوع! عليج بالف عافيه هالسفرة

غرامي الهند بلد تراثي وعريق صج بلد العجائب يمدحون منتجعات كيرلا يقولون مافيها فقارى كلش

ابوي قبل راح تاج محل وكشمير يقول كشمير شي شي طبيعتها وشيها

ناطرة باجي التقرير حبيبتي :eh_s(6):​

هلا وغلا رغد

الله يعافيج ياقلبي..

كيرلا أمانة ما رحت لها.. ان شاء الله الرحلات الياية ..

وكشمير اتهبلل تبارك الرحمن..ما رحت لها بس شايفها صورها..جنة الله في الأرض ..

بس الواحد يخاف من الحروب اللي فيها

نورتي موضوعي ياقلبي :tek:

 

[سياسية]

مااااااااااااااااااااشاء الله تبارك الله


ان شاء الله بروح لها

هلا وغلا العذووب

ان شاء الله ربي يكتب لج سفرة للهند

نورتي :tek:

 

[سياسية]

تسلمين عالتقرير وايد حلو متابعين

الله يسلمج ياقلبي... نورتي موضوعي شيوخه :tek: