مجلات عمرها 20 سنة + ضاق بها المكان = أفكاركم يا كويتيات

[أم ناصر البحرين]

لا انا اللي عندي الحل العجيب ...شوفي وانا اختك :
ابوي من ايام الستينات كان يشتري مجلات العربي الكويتيه
وتجمعت عنده بالعشرات كانت شهريه ...في بداية التسعينات
جمعهم ووداهم للي يسون مجلدات رتبهم بتواريخهم وسوا منهم
تقريبا 5 او 6 مجلدات بس والله طلع التجليد فخم مره ..والى الحين
في مكتبته الله يطول بعمره ان شاء الله
اصحي تفرطين بهــ الثروه ...

الله يخليه ويعطيه الصحة والعافية إن شاء الله
والله فكرة عبقرية.........
لكن ما اعتقد أن العدد الموجود عند الوالد - الله يحفظه - يماثل العدد اللي عندي
مجلة ماجد أسبوعية والأعداد اللي عندي من سنة 1987 تقريباً
والمجلد الواحد يحتمل كم مجلة؟ عندك فكرة؟
نفترض مثلاً أن كل 20 مجلة = مجلد واحد
وأنا عندي تقريباً 900 مجلة (ما أحصيتهم بدقة)
بحسبة بسيطة 900 / 20 = 45 مجلد (وآآآآآآآآآآيد)
والمجلد الواحد كم يكلف؟
====
هذي الفكرة تحتاج إلى دراسة معمقة (وليست معقمة ههههههههه)
لازم أحصي الأعداد اللي عندي بدقة.
أفرز أعداد كل سنة بروحها.
أحتفظ بالأعداد القديمة فقط.
وأشوف كلفة كل مجلد.
وهذا كلللللللللللله يبي له وووووووقت
وسبحان الله اليوم يطير كأنه ساعة والاسبوع كنه يوم ويالله بحسن الخاتمة
=======
جزاك الله خير الغالية (ريم الخبر) خليتيني أفكر بصوت عااااااااالي وأزعجكم توالي الليل ​

=======​

 

[أم ناصر البحرين]

أسمحو لي الحين بلخص كل الأفكار اللي تفضلو بها الأخوات جزاهم الله ألف خير:

1- أتبرع بالمجلات للمدارس والمكتبات العامة وأطفال العائلة.

2- أتبرع بجزء وأخلي جزء.

3- أحتفظ بهم في صناديق بلاستيكية.

4- أسوي لهم خزانة خاصة للاحتفاظ بهم.

5- أجمع الأعداد على شكل مجلدات.

هل هناك مزيد من الأفكار؟؟؟؟ ​

 

[anaar]

والله لانه المجله عزيزه حيييييييييييييل علي
انا اؤيد فكرة المجلدات لانه حرام محد راح يقدرهم كثرج او بيعيهم للي يحب يجمعهم

 

[أم ناصر البحرين]

والله لانه المجله عزيزه حيييييييييييييل علي
انا اؤيد فكرة المجلدات لانه حرام محد راح يقدرهم كثرج او بيعيهم للي يحب يجمعهم

مشكورة على الرد حبيبتي
والله قلبي يعورني عليها
ولا أظن أنه فيه من يحب يشتريها، أغلب اللي يشترون يشترون كتب،
دخلت بالي فكرة المجلدات بس يبي لها دراسة
وصدقيني ما عندي وقت لأي شي
بس أجمع أفكار والتنفيذ الله يعلم متى يكون​

 

[ريم الخبر]

انا عندي لك فكره ...سوي مجلدات للاعداد القديمه ...اما الجديده تبرعي فيها
هاااه وش رايك ؟<< ام الافكار الاقتصاديه

 

[فنانة تشكيلية]

انا لو عندي اقطهم بالثلاث

بعدين انتي متزوجه ؟؟

لو متزوجه اكيد بتقطينهم

الرياييل ما يحبون العفسه وهذول الكتب يطلعون ريحه

 

[أم ناصر البحرين]

انا عندي لك فكره ...سوي مجلدات للاعداد القديمه ...اما الجديده تبرعي فيها
هاااه وش رايك ؟<< ام الافكار الاقتصاديه

صح كلامك وهذا اللي ناوية عليه بإذن الله ربي يسلمك ما قصرتي عسى ربي يسعدك دنيا وآآآخرة ​

 

[أم ناصر البحرين]

انا لو عندي اقطهم بالثلاث

بعدين انتي متزوجه ؟؟

لو متزوجه اكيد بتقطينهم

الرياييل ما يحبون العفسه وهذول الكتب يطلعون ريحه

هم عزاز على قلبي عددهم زاد وما عندي مكان يكفيهم

وأنا مو متزوجة ولا أحب العفسة :dddds: يعني مو بس الرياييل اللي ما يحبون العفسة :dddds:​

 

[sara3]

up up

 

[أم ناصر البحرين]

up up

عسى ربي يخليج :dddds:

مشكوووووووورة :ggdw:​

 

[دار (هيا)]

مثل ما اقترحت الأخت (ريم الخبر)

 

[برديس]

كان عندي مجلات وكتب الدنيا
جزء وزعته ع البنات من اهلنا
وجز ء قلت للسايق يتبرع فيهم لأي حد
بعدها ندمت وانقهرت ماهقيت أنهم غالين علي هالكثر لين خلا مكانهم
بس انتي
أذا عندكم غرفة زايده خليها غرفة اقراية برفوف وبيبان زجاجية بتكون اضافة للبيت صدقيني
عشان اللي يزور بيتكم متى مابغى يقرا يلقا له مكان يقراهم واعتبريها نوع من التغيير لزواركم
أو رفوف اتحطينهم بالمخزن أو السرداب لوفيه بس ارفوف امسكرة عن الغبرة وهالسوالف
واذا كلش كلش مافيه مكان كرتنيهم بغرفة الخدامه
أو تحت سريرج بشكل مخفي
بس لاتقطينهم
اموفقة​

 

[رقي]

حطيهم في المكتبه مالت

 

[Tiffany]

انا مع الاخت اللي اقترحت فكرة المجلدات
احنا بيتنا مثلج نموت على ماجد و وديناهم المطبعه و سويناهم مجلدات
بس اختي ترى المجلد يشيل وايد اكثر من 20 مجله!! انا ما عديت المجلات بالمجلد بس اتوقع حوالي 100 كرقم تقديري
فكري بالموضوع و ترى هالمجله صج ثروه حرام انج تقطينهم

 

[فطووومة]

موضوع يهببببل ذكرني بنفسي وانا صغيرة امووووت على الالغاز ( قصص بوليسية للمغامرين الخمسة )

انا معاج حرام تتخلصين منهم


سويهم مجلدات واذا غرفتج ما تكفي رتبيهم بطريقة منظمة وحطيهم تحت سريرج

 

[د.ساره]

اذا ما تبينهم كللللش ولد خالتي يحب هالمجلة ويتمنى يلقى عدد قديم اهو مو صغير بس يحب المجلة حييييييييل ويدور اعدادها القديمة اتوقع لو تبيعنهم اي سعر يشتريهم منج

 

[العفاسيه]

انا اقولج اخذي الاعداد القديمه بس اللي تبينها وحطيهم بصناديق من ايكيا او اي مكان

وحطي الصناديق تحت السرير بشكل مرتب والباقي تبرعي فيهم

وعندي فكره ثانيه اخذي اي زاويه من زوايا البيت وحطي صندوق خشبي مرتب وحطيهم فيه يعطي شكل وبنفس الوقت تحفظين مجلاتج

 

[Katkota_46]

لا انا اللي عندي الحل العجيب ...شوفي وانا اختك :
ابوي من ايام الستينات كان يشتري مجلات العربي الكويتيه
وتجمعت عنده بالعشرات كانت شهريه ...في بداية التسعينات
جمعهم ووداهم للي يسون مجلدات رتبهم بتواريخهم وسوا منهم
تقريبا 5 او 6 مجلدات بس والله طلع التجليد فخم مره ..والى الحين
في مكتبته الله يطول بعمره ان شاء الله
اصحي تفرطين بهــ الثروه ...

كلامها عدل اختي سوت بعدة مجلدات ..

 

[قوطي نيدو]

احسن شي تبرعي فيها للمكتبات العامه او المدرسيه

 

[ضوء المنارة]

شوفي نصيحة مني لوجه الله قطيهم بالزباله خلاص يكفي لي امتى وانتي شايلتهم ، وبعدين كثرة الدثره اتييب الفيران والحشرات ، وخففي الضغط على امج هالمسكينة تبي مكان حق اغراضها مو لاقيه
لا تزعلين مني