رابطة "دودات الكتب " .. حياكم

[~NaZaKa~]

نزاكه الله يوفقج وين ما كنتي يارب و يسهل عليج حبوبه

يسلمووو حياااتي

 

[ناتشوو]

الجزء الثاني والاخير








هلا سلمى

...................................

سلامتج...... وينج

باركيلي

يببي واللي يسلم عمرج يببي

....................................

واجهشت بالبكاء المرير :

ااااااااه ... الليلة عرس ابراهيم
الليلة دخلة حبيبي على غيري

واحتد نحيبها :

ااااااااه قاعدة اطبخ اطبخ
نضيت نضيت

.................................

موبيدي غصبا علي سلمى غصبا علي اااه
انشالله يارب ماتتهنى معاه ...
الله ينتقم من اللي كان السبب
حسبي الله ونعم الوكيل فيهم
انشالله كل وحدة شيشت ريلي يتزوج علي
ريلها يتزوج عليها ويقطع قلبها تقطيع

...............................

وين اهدا وييييييين اه ياقلبي
محروق سلمى محروق
ريلي بينام عند غيري
الله لا يهنيهم بهالليلة


وصمتت الاثنتان فترة حتى تهدأ فاطمة
وبعدها :
خلاص سلمى اكلمج بعدين
حاسة اني دايخة
صارلي يومين مونايمة
بروح انسدح شوي يمكن تييني النومة

...................................

صارله اسبوع من طلع من الشقة

..................................

لا ينام بيت ابوه

.................................

يدري اني ما ابيه جدامي عقب اللي مقرر يسويه

................................

ولو .. ولو
المفروض يداحرهم مو يوافق بهالسهولة

.................................

الله كريم

................................

الله يسلمج من الشر

...............................

مشكورة ماقصرتي اهوا قبل لا يطلع حاطلي مصروف بس انا ماطلعت من البيت ولا ابي اطلع

...............................

مالي خلق اشوف ناس ولاني مشتهية آكل شي كلش

...............................

امي؟؟ لا ماقلتلها
اللي فيها كافيها
جسوم النزغة بلاويه مكيفة فيها وموفية
الله يعينها على مشاكله
بعد أشيلها همي؟؟

.............................

أوكي

............................

الله يسلمج سلمي انتي بعد

...........................

مع السلامة
باي




انهت المكالمة والقت بنفسها على سريرها تارجحها الافكار والهموم
تمد يدها لتلامس وسادة خالية حضنت رأس زوجها وحبيبها يوما
تبكي بحرقة
تتقلب بألم
تتنهد بحسرة ولوعة

مضى الوقت وهي لاتزال في الفراش تتقلب ولم تنم
قرصتها معدتها جوعا
فهي لم تذق الزاد منذ غادر ابراهيم الشقة.


نهضت من فراشها متكاسلة متثاقلة تحس بوهن عظيم بجسدها
ذهبت الى المطبخ لتحضير كوب من الشاي واخذت قطعتين من البسكويت .

استمر الحال بها من حزن وألم وقلة أكل ما يقارب الثلاثة أسابيع
لاتكلم أحدا
وكلما اتصل بها ابراهيم لاترد اغلب الاوقات
وان ردت كلمته باقتضاب وباسلوب جاف وتغلق الخط سريعا محذرة اياه من القدوم اليها






عهود : ابراهيم.. اذا وصلتني بيت امي وين بتروح ؟
ابراهيم : مادري للحين
عهود : انزين ليش ماتنزل معاي اقعد مع ابوي شوي
كله يسأل عنك فشلة.. شكثر اتعذرله
ابراهيم : عهود مالي مزاج الحين، سلمي عليه وانشالله خلال هالاسبوع امره
عهود : الا فاطمة شخبارها، للحين موراضية انك تمرها؟
ابراهيم : للحين ميبسة راسها
عهود : كل فاطمة راسها يابس


في هذه الاثناء اتصل ابراهيم بفاطمة عل وعسى ترد عليه.... انتظر كثيرا حتى ردت :
خير ابراهيم !
ابراهيم : قوة... شلونج فطوم.. وينج ماتردين؟
فاطمة ردت بنفاذ صبر :
انا موقايلتلك لاتتصل... شتبي؟؟!
ابراهيم : هه!! أسأل عنج ممنوع ولا حرام
فاطمة : انا زينة.. ابراهيم انا الحين موفاضية.. قاعدة اصلي يالله باي .
ابراهيم : الساعة 9.30 بالليل اي صلاة هالحزة ؟!!
فاطمة : والله عاد كيفي.. اصلي وقت ما ابي
ابراهيم: خلاص حبيبي اخليج ( واختلس النظر لعهود بعد كلمة حبيبي فوجدها تنظر من النافذة )
مع السلامة

فاطمة انهت المكالمة دون ان ترد

هي : القت الموبايل جانبا واطفأت انوار الشقة كلها ودخلت غرفتها لتنام او
لتحاول النوم

هو : في السيارة يتنهد ويتأفف ضيقا


عهود : شفيها؟
ابراهيم: بعد شفيها.. كالعادة ماتبي تحاجيني وتتعذر بأي شي
فاطمة متضايقة وصوتها تعبان
محد يعرفها كثري
عهود : بعد ريلها متزوج عليها شتبيها تسوي
الله يلوم اللي يلومها
ابراهيم : انا بوصلج وبمرها
اشوى ان عندي مفتاح الشقة ولا جان حبستني بره ومادخلتني






ابراهيم اوصل عهود الى بيت امها واتجه لفاطمة
اشتياق ابراهيم لفاطمة لا يفوقه اشتياق

في الطريق اشترى علبة من الشوكولا الفاخرة التي تحبها فاطمة
فهي حلوى العشاق وملهبة الاشواق

وصل ابراهيم الشقة وفتح الباب فصدم بالظلمة الحالكة :
وين اللي تقول بصلي !!

اشعل انوار الصالة ووضع الشوكولا والموبايل ومفاتيح السيارة على طاولة الطعام واتجه لغرفة النوم

هم بفتح الباب واذا به يفتح وتطل منه فاطمة فزعة فصرخت :

يمه !! واي يمه
اففففف
وقفت قلبي شفيك داش جنك حرامي ؟؟

ضحك ابراهيم: انتي خرعتيني...
شفيج مطفية كل الليتات ؟ مو تو تقولين بتصلين !!

فمرت فاطمة من امامه متجهة الى المطبخ لتعد لها الشاي :
كنت بنام دايخة
بعدين سمعت حس
خفت قمت اشوف شالسالفة
انت شيايبك؟!! انا موقايلتلك مابي اشوفك

اتجه ابراهيم الى طاولة الطعام واخذ علبة الشوكولا ولحقها الى المطبخ ووقف خلفها وقدم لها علبة الشوكولا وهمس بأذنها :
ولهت عليج... ماولهتي علي ؟

لكنها اخذت علبة الشوكولا ورمتها جانبا على طاولة المجلى واستدارت وابعدته عنها بدفعة خفيفة من يدها :
لأ
انا قلتلك لا تييني لأني مابي اشوفك
يعني ماولهت عليك

وبداخلها تعتصر الما لما تفوهت به من كلمات
فهي جمعت وله العالم كله وشوقه بصدرها لابراهيم
لكنها لاتريد ان يزيدها عذابا فوق عذاب فراقه وزواجه
انها تحاول التأقلم على بعده ولا تريد ما يضعف من عزيمتها

استنكر ابراهيم ماسمعه وما حس به :
شدعوة!!
فطوم حبيبي طول ما انا عند عهود انتي ماخذة عقلي
يوم دقيت عليج قبل شوي كانت معاي بالسيارة

فاطمة : شسوي يعني ؟
ابراهيم : تقدرين اللي انا فيه
انا متزوج من وحدة ما احبها ولا عمري فكرت اتزوجها..
والله لو اقعد اقنع فيج من الحين ليباجر ماراح تقتنعين بحالتي.. ماعلينا

وقال وهو يفتح باب الثلاجة :
شبتعشينا ياقمر؟ تر...
شنو هذا ؟!!
ليش الثلاجة فاضية جذي؟!

فأجابت فاطمة بلا مبالاة وهي تشرب الشاي :
الاكل عفن وخيس الثلاجة
قطيت الاغراض وغسلت الثلاجة !

فالتفت اليها وهو لايزال ممسكا بباب الثلاجة المفتوح :
وليش بالله مارجعتي ترستيها؟!! انا حاطلج فلوس بالدرج

فاطمة : الفلوس موجودة بمكانها تبيهم اخذهم !
ابراهيم : هه!! انا حطيتهم علشان ارجع آخذهم؟؟
انتي شتاكلين طول هالمدة؟؟ هوا ؟!
فاطمة : جاي وبسكوت
ابراهيم : بس؟!! علشان جذي مختفية
تبين تموتين ؟
فردت فاطمة بنفاذ صبر وحدة :
محد يموت ناقص عمر لاتخاف

واخذت تعبث بخصلات شعرها المموج مشيحة بوجهها عنه.

اغلق باب الثلاجة وانضم اليها على الطاولة المستديرة في المطبخ
قرب كرسيه منها فتأففت
مد يده ليلاطفها ويقرص وجنتها فابعدت يده عنها بعصبية :
لاتلمسني
لاتفكر مجرد تفكير ان تقرب صوبي
مو تزوجت؟!! بعد ليش يايني
خلاص انا زوجتك جدام الناس وبس
فاهم؟؟؟

ابراهيم : لاوالله؟؟ على كيفج لأنه !
فاطمة : أي على كيفي
ابراهيم لاتطولها وهي قصيرة
اذا ماعندك شغل
ترى انا موفاضية
فارج ولاتييني مرة ثانية لوسمحت

ابراهيم : ياسلااااام!!
قالها وهو ينهض :
فطوم..
اذا طلعت من هالشقة ترى مالي رجعة مرة ثانية
فاطمة : ابركها من ساعة
الله معاك يسهل دربك

صعق ابراهيم ورفع حاجبيه دهشة من قوة بأسها، فهي لم تبك ولم تظهر عليها بوادر البكاء :
من قلبج ؟؟؟
فاطمة : من قلبي وعقلي
الله معاك

ابراهيم: على راحتج
بس ترى اذا انتي تهون عليج العشرة
انا ماتهون علي

التفتت اليه فاطمة ببطئ مستنكرة مندهشة رافعة حاجبا واحدا وفاتحة عينيها اقصاهما :
احلف
قول وراس امي

يعني انت مو طبيعي
تقتل القتيل وتمشي بجنازته
الحين منو اللي هانت عليه العشرة انا ولا انت؟؟!!!!

انا رحت تزوجت عليك ولا انت اللي خليت وحدة ماتسوى ظفر ريلي على راسي شريجة
لكن ماعاش من يحط على راسي شريجة لا انت ولا اللي اكبر منك

صرخت واخذ صوتها بالارتفاع :

اطلع بره

ثم اقتربت منه وضيقت جفونها ووجهت اصبعها السبابة بوجهه :
لوعندك ذرة كرامة ورجولة تطلقني الحين
يالله طلقني
قولها
وصرخت :
قولها

فرد وهو متجه نحو طاولة الطعام لأخذ الموبايل ومفاتيح السيارة :
لااااااااه انتي ينيتي رسمي
وأخذ يضرب كفا بكف
المشكلة انج تدرين وتعرفين السبب اللي خلاني اتزوج وهم بعد راكبة راسج بهالطريقة
انا باعتبر الكلام اللي قلتيه ماصار..
وعاذرج على اللي انتي فيه
بخليج تهدين جم يوم وبـ...
فاطمة : مابي اهدا
ليش اهدا ؟
شايفني مينونة ؟
فارشة كشتي واركض بالشارع!!
اخلص فارج يالله

ابراهيم : الله بيهديج انشالله

ويخرج من الشقة

فاطمة : الله بيهدي الجميع
واغلقت الباب خلفه بقوة واوصدت الاقفال
واستندت على الباب مقطبة جبينها وشفتاها تتقوسان وعينيها تدمعان
وعزمت ان تغير قفل الشقة بجديد










سلمى سلمى لاتهاوشين..
انا ادرى باللي اسويه

.....................................

ادري اني قسيت عليه وكسرت بخاطره لكن هذا اللي لازم يصير

......................................

سلمى انا لو شنو يصير ما اسمح لنفسي اني اشارك ريلي بوحدة ثانية
ودام هالشي صار غصبا علي
لايمكن اسمحله يقرب صوبي لو يموت

.....................................

بس...
انا ما استحمل اقعد يم ريلي وانتاسى انه كان عند الثانية قبل شوي
اموت قهر

.....................................

ماكو
لاتحاولين
مايرجع الشقة يعني مايرجع
انا غيرت قفل الشقة وماني معطيته المفاتيح
علشان يعرف منو فطوم

.....................................

ااااااه ياسلمى
اللي معور قلبي اني ادري ان خالتي وعمي ضغطوا عليه علشان يتزوج
لكنه سواها والسلام

....................................

الحين ماخذه الشوق والوله على قولتج لأن السالفة بعدها حارة
باجر ليابتله عهود الولد بتصير اهيا الكل بالكل وبيلهى مع الياهل وطلباته وينساني شوي شوي صدقيني
والايام بتثبتلج وبتقولين فطوم قالت

...................................

أنا ؟؟

...................................

باتعود على فراقه شوي شوي
خلاص ماقمت اتضايق لما ادخل غرفة النوم نفس اول ايام اللي طلع من الشقة
نشفت دموعي بسبته








مر شهران منذ آخر زيارة قام بها ابراهيم للشقة

في وقت ما من الضحى اتصل ابراهيم على فاطمة ليبشرها:
عهود حامل

ارتجفت ساقا فاطمة فلم تحملاها اكثر وانهارت على كرسي طاولة الطعام :
صج؟!! بشر امك خل تكت نون

وانهت المكالمة واقفلت الجهاز ورمته بعيدا

بكت وبكت وبكت
وازداد نحيبها حتى سقطت من على الكرسي جاثية على ركبتيها تحضن بطنها وتقرب رأسها من الارض ثم فجأة رفعت رأسها وصرخت بأعلى صوتها

اااااااااااااااااااااااااااااه اه
حرام عليييييييك تسوي فيني جذي

انا انثى
انثى


استمر بكاؤها مدة طويلة
ثم هدأت شيئا فشيئا











الاخ داق يبشرني بحمال عهود

...........................................

تدرين من حرتي
دعيت عليها انشالله ماتتهنى فيه
بعدين قلت حرام اهيا شذنبها

.....................................

استغفرت ربي الف مرة
الله يصبر قلبي بس

الله يصبر قلبي









خلال فترة حمل عهود قلت اتصالات ابراهيم بشكل ملحوظ
كان منشغلا بوحام عهود ومواعيدها الطبية ثم انشغل بالتجهيز لولادتها

صدقت حينها سلمى كلام فاطمة
حصل ماكانت تتوقعه
قل اهتمام ابراهيم بها وركز اهتمامه بعهود
فتوقفت سلمى عن لوم فاطمة لطردها ابراهيم في وقت سابق واخذت تحاول مواساتها اكثر والتخفيف عنها بشغلها بأشياء اخرى



وضعت عهود مولودها يوسف
واصبح ابراهيم بويوسف
وانقطعت اتصالات ابراهيم بفاطمة الا ماندر

وكما كان ابراهيم فرحا وسعيدا بيوسف ومنشغلا به عن الدنيا كلها



كما كانت فاطمة تعاني من مرارة العقم وتندب حظها الذي فرقها عن حبيبها وتوأم روحها

تندب حظها الذي جعل منها انثى

غير كاملة







تمت



مجرد قصة قصيرة من خيال بنات افكاري
.
.
.​

اهلا بحيادر
يعطيج الف عافية
بس وانا اقرا قلت اكيد بتطلع حامل
اكيد لي رد لها عقب3اشهر بتكون حامل
حيل قصة واقعية لدرجة كئيبة
تابعت تحقيقج وخواطرج
واستمتعت
وبانتظار المزيد
​

 

[ناتشوو]

واي بنات.. صايرين باردين ليييش جذي
.
يالله فرفشو .. نماين ناتشوو ليتلللللوووون ياصاحبة الموضوووع ..و ييينكم آي كانت بيلييف ياويلي ويلااااه ليش جذي نايمين بس رونة وحدردر ورحرح ونزوز (ياعينييي) اللي يكتبون .. بتبت موعاجبتني هاليومين انتي ومسكونة(ههه بتذبحيني) تدشون وتغطون ..
.
ها مسكووون شراايج بالخطة بيني وبينج هاااا هههههه

ياحلو البنوتة اللي تذكرني
​

 

[sereen]

اول ماتولعت بالقراءة من خلال مجلة ماجد اللله اتهبل شوفوا موقعها الالكترونى حق عيالكم خاصه دانه وشمسه ياقلبى واحب تان تان , ولولو الصغيرة .
قريت كتاب عن اكليس واخته , وكتاب the prince "politics" , وكتاب مارى بث شخصيه عجيبه اتموت من الضحك , the clash of civilizations "politics" قمه
البهائيه , على فكرة انا بالقراءة اميل اكثر للسياسه والتاريخ الروايات ماحبها يعنى يمكن اللى قريتها على النت مالت خالد وقمر اكيد الكل قراها@@
بس عن جد الدين بعد وايد يوسع الافق بس ماااقصد العقائد والشريعه لا يعنى دين مختلط بمظاهر سياسيه ,


شكرا لكم

 

[ناتشوو]

الروايات ماحبها يعنى يمكن اللى قريتها على النت مالت خالد وقمر اكيد الكل قراها@@

لا ماقريتها
يمدحون الروايات ع النت
بس مااحب الا الطريقة التقليدية للقراءة
كتاب حلو اقراه واتصفحه

اذا ممكن دزيلي رابط القصة ع الخاص

 

[][ الميـــــــار ][]

وااااااااي قصة قمر خالد عجيييييييبة اهيا اللي خلتني اعشق الروايات صج لها ذكريات قريتها وانا كنت ب4 متوسط صج تينن بس الحين لما ايي ابي اقراها احسها عادية مقارنة بالروايات الثانية بس صج لها ذكريات حلوة
واصلن كلا احلم فيهم يوم بخالد ويوم بقمر اهيا مشاءالله الكاتبة لها اسلوب وعقبها بعد كتبت روايتين بس الحين مالها أثر مادري وين اختفت
انا كانت بدايتي روايات على النت بس من زمان بطلت ما قمت اقرا ...

 

[][ الميـــــــار ][]

هذا رابط القصة وتقدرين تنزلينها بالوورد

http://www.alamuae.com/story/showthread.php?t=51&highlight=%DE%E3%D1+%CE%C7%E1%CF


http://www.alamuae.com/story/showthread.php?t=51&highlight=%DE%E3%D1+%CE%C7%E1%CF

 

[نماين]

نماين ..
شكلج زميلتي بالشقا

مدرسة شنو ؟





شوفي مادام قلتي شقا معناها 100% مدرسة :krkrkr:


اي صح انا مدرسة تخصص اسلامية ابتدائي

 

[.]

هلا الروح..

والله صاجة ... الي فادنا حبنا للمجال مو دراستنا


بس عموما لازم نعلم نفسنا بانفسنا

اشرايج نسوي لنا برنامج و نمشي عليه ؟؟ هدفه صقل اقلامنا؟

اي والله جان زين..

انا يبيلي دزه

هلا و الله حبيبتي


انا بخير الله يسلمج انتي اشلونج ؟

تامرين امر


شوفي انا عندي قسمين بكتاباتي :

القسم الاول : حديث القلب و الوجدان

و القسم الثاني : وجهة نظر


شنو تحبين تقرين الليلة؟ اي قسم فيهم؟

الحمدالله الله يسلمج يارب..

ودوم يارب..

ومايامر عليج عدو يارب..

امم احب اقرب مقاله لقلبج ..

وسوري ترا انت اخترب وتوه رد ..

اي اكاديمية؟ فيدينا ؟

انا سمعت عن دورات مؤسسة البابطين , واتصلت عليهم و قالو بتنزل قريب و هالحجي من شهر 11 ولا شفت شي

الاكاديميه الاعلاميه امم كل اشوف اعلاناتهم مجله الوطن واخر مره دوره ببلاش للصحافه شرط تكونين كويتيه و تتوظفين بالصحافه..

بس ماجربتها..

 

[excotic smile]

مرحبا بنات....

واااايد حلوه فكره الرابطه....ودي انظم لكم ..بس مستحييييل اصير دوده الكتاب:dddds:

احب القراءه لان عندي فضول واحب اتثقف اكثر....:eh_s(6):
بس مشكلتي اني لما اقرا كتاب واوصل للنص....يصيبني ملل وارمي الكتاب وما اقدر اكمله:tomato2:

اشلووون اصبر نفسي على القراءه​

 

[.]

رونه وبيتي حبايبي مشكورين على الاهتمام والنصايح
بس أنا تخليت عن الجامعه بكبرها :dddds:
ودخلت كلية التربيه الاساسيه قسم الكمبيوتر :ggdw::ggdw:
مرتاحه نوعا ما
الله يكتب الي فيه الخير
رونه حبيبتي ليش احبطتي بعد ماخرجتي ؟؟

هلا والله..

العفو ولو..

وموفقه يارب..

وظايف الحكومه تحبط ..

أهلين الميار و الله مادري حبيبتي اذا تكلموا عنه و لا لأ

هلا بتي..

شلونج..

ماذكر اذاتحجين عنهم او لا اهني..

بس في تجمع الخاص بعبدالوهاب السيد وفي نادي الكتاب اهو تحجوا عنهم..

 

[.]

أهلين رونه شلونج خيتو ؟ عساج بخير
اخترت علاقات عامه
و ترا الآداب فاقدتج حدها ولهانه عليج اليوم قالتلي

هلا والله..

الحمدالله الله يسلمج يارب..

خخ انا احب قسمنا واحب الدجه خخ اول ماتخرجت اقول للبنات سلموا عليها..

ومرسي..

مرحباااااااااا ..


رونه .. كلماتج دشت قلبي ماعدا اللي عن شغلج والاعلام خخخخخ

هلا والله..

اي يمكن الاختلاف التخصصات

ومشكوره..

 

[.]

هلا اموره..

اخذي المجموعات القصصيه اكثر من قصه ويكونون قصار..

او اخذي كتب كل موضوع منفصل عن ال2 بحيث ماتملين واي وقت تردينه مايحتاج تردين تقرين من اول وبعد اذا موضوع ماياز لج تقرين اللي بعده ..

هلا سرين..

ولكم ان رابطه

مسوكه عليج بالعافيه يارب و قراءه ممتعه..

جوجو وناتشو ازيكم؟؟

 

[0(مـــســـ(مطير)ــــــك)0]

مسك مطير اي شفتي من بدت الدوامات و احنا كلش الله يعين و يخلص الكورس على خير يا يارب
و عليج بالعافيه حبوبه قراءه ممتعه
بغيت اسألج بديتي بكتاب السر و لا لسه ؟ يشد ؟ متردده اشتريه و لا لأ

لأ لهلأ مائريتو بس عالأسبوع الجاي بدي ائراااه ههههههههههه (( شرايج بلبناني .. ولاعلبالج بس انتي اللي تعرفين تتحجين لبناني !!!!!!!))

 

[حيادر]

رونة

كلامج يشجع بالمقال ويعور القلب بنفس الوقت

خليتيني ارجع سنيييين لي ورا

انا صارلي سنتين متخرجة من الكلية وللحين ودي ارجعلها

مع اني ماكنت اداوم لووووووول

بس فاقدة اليمعة والسوالف والوناسة وحتى الشغل

شغلنا كان حلو ويونس
رسم ونحت وصنع مجسمات

صج كانت ايام

ذكرتينا بالذي مضى لوووووول


**********

روح


الى ان شاهدت الاعلان ذاك ... الذي جعل من غصن الشجرة الميت اليابس ناياً يعزف به أعذب الألحان



فتعلمت ... كيف اصنع السعادة .. و كيف استنبطها من نفسي



وقررت ... ان اطلق كل ما فيّ

من جمال

من عطاء

من ذكاء



فأكون شخصاَ آخر لا يشبهني ابداً


ااااااااااخ متى متى

حاولت جم مرة احقق هاللحظة بس دايما كان في موقف او كلمة او منظر يرجعني الف خطوة ورا


خوش خاطرة روح

تسلم ايدج

 

[excotic smile]

هلا حبيبتي رونه.....
مشكوره على النصيحه الحلوه.....:tek:
معاج حج...يمكن بالهطريقه ماراح امل من القراءه....
امبين عليج واااااايد ذكيه....ما شاء الله​

 

[ريحانة_14]

أنا وينييييييييييييييييييي عن هالموضوووووووووووووووووووع الحلوووووووووووووو

بشارك
بشارك
بشااااااااااااااااااااااارك معاكم ممككككككككككككن ؟؟؟؟؟؟؟؟؟؟؟؟

بصير عضوة بالرااااااااااااااابطة وأقرق وأسولف عن الكتب إللي قريتها يصيييييييييير ؟؟؟؟؟؟؟؟؟؟؟؟؟

 

[excotic smile]

السلام عليكم....
شلونكم يا بنات الكتاب.....

تصدجون عاد...قبل اشهر حاولت اقرا كتاب فلسفه الفرابي:dddds:....شفته في مكتبه بيتنا...وصار عندي فضول ..ودي اعرف وش يجول الفرابي...الفيلسوف اللي دايما يتكلمون عنه....

رحت قريت 3 صفحات وسكرت الكتاب ...تدرون لييييش_03BA:

لاني بصراحه ما فهمت شي:krkrkr:


اهو كان يقول حقائق في الحياه...الكل يعرفها..لهذا السبب ما جدرت اكمل...مليت:eh_s(6):

في احد قرا هالكتاب....؟:tek:

​

 

[Shiny Star]

بنوتات أنا بعد معاكم

شنو آخر شي قريتوه ويستاهل ؟

 

[miss_math]

احلى كتاب قريته استمتع بحياتك
للدكتور محمد العريفي

كتابه جد رووعه يعلمج اشلون تتعاملين مع الناس